|
تقرير ... بـ غياب وبـ إعجاب ..
في صبية هون صرلها غايبة .. أكتر من العمر
يعني ما بعرف .. بس لازم يوصللها من هون .. احتجاج .. أنو هالحكي اللي عم بيصير ما بيصير .. وخاصة أنو انجبرنا ما نتودع لأنو ما كنا منعرف أصلا ً .. أنو رح نفترق . بيجوز يقولوا عني أجدب .. و الشباب الطيبة اللي عم تعمل مناظر هون .. يصيروا يبيضوا عليي .. ( أنو مو هيكـ تؤكل الكتف ) ( وأنو شبو هاد مجلوق ؟ ) بس جد .. أنا مالي شايف مشكلة بأني أكتب هيكـ رسالة وع العام . لأنو .. أولا ً .. عالخاص ما عم تركب معي .. وتانيا ً .. لأني شايف أنو متلها متل أي فكرة بتخطر ببالي .. لازم اكتب فيها موضوع .. فااا اللي يشوفها .. يقللها .. أنو الشام لسا بخير .... تصبحو على شام . |
:?
ما فهمت شو الملطوب بس |
اي الله يردك عليها :D
|
اقتباس:
اذا شفناها ..... كيف بدنا نعرفها ..؟؟:shock: |
عطينا اسمها او اي شي لنعرفها ونوصلها الرساله شو ;-)
|
عطينا ايميلا كابتن وانا بحكيلك معا ماتخاف
|
اقتباس:
وينا تقرا هالجملة بس :cry: |
تقرير ب اشتياق - و فراق
موسيقار ... قبل ان ادخل الى هنا ... كنت عم بفكر اكتب انو لازم نرجع كل اللي فارقونا ... وحياة الغوالي والشعب العنيد ... يا ميين يجيبون .. يا مين يردون !! تشالله توصل الرسالة ويرجعوا ... و ( ترجع ) لأنو اشتقنا !!! |
اقتباس:
اقتباس:
اقتباس:
كان من امتع المواضيع يللي نزلت باخوية بالنسبة الي ولكن هلق ماعاد هالامر كتير خطر على بالي لانو الوقت كفيل بتغيير كتير اشياء ,وكتير اراء, وكتير ناس , وكتير وجهات نظر, وحتى كتير مواقع انترنتية , وكتير أوطان لانو احيانا الوطن بيكون اخوية وهيك فعلا الامر.. واذا الواحد حس بغربة جوا وطنه هي مشكلة عظمى لهيك لازم يللي بيروح يروح ويللي بيجي يجي..... مع انو اخوية بتضل محتلة المركز الاول من ناحية الذكريات الحلوة بقلوب معظم المشاركين فيها:D واخوية حوت وماتزال تحوي ناس غير شكل.. بالرغم من مرور الوقت بس .. الحالة تعبانة يا ليلى وخطبة ما فيش(على قولة زياد) وبهالمناسبة اذا حدا من الاخويين القدامى بيعرف شو اخبار او ايميل me2 يا ريت يخبرنا |
اقتباس:
:D |
هون .. كل واحد فرد قامته .. ع هالموضوع وهالموضوع بالذات .. في اله خبزة .
ليش ؟ لأنو هاد الشي الطبيعي . كل واحد دخل وكتب .. الشي اللي بنفسو .. والشي اللي بيعبر عن ( مين هو ) بس بنفس الوقت .. الشام لسا مشردة .. بس لساتها بخير . ورح تضل بخير .. طالما لساتنا عم نسكر .. تحت رجلين قاسيون .. بعد ما نسفق صندويشة فلافل .. من عند ( على كيفكـ ) ( مزة جبل ) يمكن الفلافل ما الها علاقة لا بالماضي ولا بالحاضر . بس أجمل ما في الموضوع .. أنو يمكن البنت اللي عم بحكي عليها الها علاقة بتفاصيل كل شي .. حتى الشام اللي بتسكنها وما بتسكن فيها . |
أخ شو بدي أحكي و شو بدي قول مالي غير الفول تكفي أيامي و انا مسطول
|
فلافل
مين قال الفلافل ما الها علاقة لا بالماضي ولا بالحاضر بجد اكتر اكلة ممكن الانسان ينبسط فيا هيي الفلافل بسيطة وسخنة وطيبة انت وعم تتفتل بالشام فيك تاكلا والفلافل كمان تعتبر من الثوابت الوطنية |
اقتباس:
المشكلة أنو الشام .. مجزأة لفلافل وياسمين .. وزناخة .. وحكي بلاطعمة .. ومحبّة وبلاكين عم تتحاضن .. ما فينا نحكي عن الشام بلاا ما نحكي عن كل هدول . بس كلمة (مالها علاقة بالماضي والحاضر) .. بيجوز بتختص بالشام اللي عم بحكي عنها . بظن أنو الشام اللي عم أحكي عنها ما داقت الفلافل بعمرها . ولا سكرت ع الدوار المايل بمزة جبل .. ولا طرقتلها صاروخ حشيش ع قاسيون وشافت من هنيكـ الشام القديمة كلها ناطحات سحاب .. ولا عملت بارتي متل بارتيات المعهد العالي أيام الجهل . يعني ببساطة الشام اللي بقصدها صحيح زغيرة .. بس بتحسيها عاملة كل هالأشيا . |
صديقي موسيقار ..
أخر ياسمينة شامية شميتها .. ما كان الها ريحة !!! و آخر سندويشة فلافل أكلتها كانت عند ( بيسان ) وما دفعت حقها !!! اليوم !!! بعدها نفس الياسمينة ( بالميدان ) بانتظار نشرب قهوة سوا .. و أبو محمد ( بياع الفلافل ) بالانتظار ... مافي غياب أصعب من الغياب عن أرض الشام !!! |
كل شي طيب بكون اصلو وجذرو طيب \وبكون ثابت مستحيل يتغيير حتى لو تغيرنا احنا ....... الوطن مابتغير :cry: موسيقار :D عن جد موضوعك اكثر من رائع:D |
اقتباس:
والأصعب أنو أرض الشام تتركـ أرضها .. وتحمل الشنتا وتقول باي . هون .. صار يعني انو ( تركت شوارعـــَــها المدينة ) |
اقتباس:
:D |
| الساعة بإيدك هلق يا سيدي 20:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون