|
الرجاء من الجميع الدخول هنا للاهمية
مرحبا شباب
طبعا متل ما نحنا عارفين كلنا هون اخوة وكل واحد فينا ملزم يساعد اخوه وصديقه وقت ما يكون محتاج للمساعدة وهلا في عندنا صديقة النا هون بحاجة لمساعدتنا جميعا وانو نوقف جنبها بكلماتنا وتشجيعنا الها حتى تتجاوز هاي المرحلة الصعبة شوي صديقتنا هاي هيا LaDyInReD لانو متل ما انتو عارفين هيا عايشة بارضي ال48 يعني داخل حدود ما يسمى باسرائيل هناك يا شباب في نظام بالدراسة خاص بالطلبة العرب الهدف منه تعجيز الطلبة لنشر الامية بين الوسط العربي مضمون هذا النظام انه بعد انهاء البكلوريا لا يستطيع الطالب دخول الجامعة الا بعد ان يدخل للامتحان مستوى في مواضيع كثيرة وبناء على علامة هذا الامتحان يتحدد مصيره الدراسي وهذا الامتحان معروف باسم بسيخو متري الهدف منه تعجيز الطلبة العرب الان بالرغم من ثقتنا الكبيرة بصديقتنا ليدي ان ريد وبمعنوياتها المرتفعة دائما لكننا ايضا يقع علينا دور وواجب الان ان نقول لها بعض الكلمات لتشجيعها لانها ستدخل الامتحان غداً الموافق 17 اكتوبر ارجو من الجميع ان يكتب ولو كلمة لتشجيعها لانها معركة مستقبل ومصير كل الدعوات الصادقة لكي LaDyInReD بالتوفيق والنجاح باذن الله :D |
ألبي عندك
عزيزتي LadyInRed:D :D
بتمنالك تحصدي النتيجة يلي بيحبا ألبك ويااااااااارب يفتحا عليكي وتأدمي كتييييييييييييييير منيح... ألبي معك.. رح إدعيلك عند الإفطار كمان:D |
الله يوفقها ويوفق كل اللي متل وضعها دمتم بود |
ميرسي على هالكلمات الحلوة يلي عنجد بتشجع الواحد وبترفعله معنوياته!!
انا الصراحة كتـــــــــــــير خايفة :cry: ويمكن الكلام هاد رح يهديني شوي.. وانشاءالله رح اكون عند حسن الظن!! وائل ميرسي على هاي الكلامات وعلى هالموضوع...:p |
Lady In Red
يمكن أنا ما بعرفك شخصيا .. بس عن جد .. من قلبي بدعيلك انو الله يكون معك و يوفقك .. و تمضي الامتحان على خير .. و انشالله نبقى نسمع منك الأخبار الحلوة.. المهم انت تكوني واثقة من حالك و من معلوماتك .. و تقدمي أحسن ما فيكي .. مرة تاني الله يوفقك .. :D و اكيد ما بدي انسى قله لوائل انو عن جد انسان رائع بمشاعره وشكرا الك عاللفتة الحلوة :D |
موفقة ليدي ان ريد:D
واكيد بعد كم يوم بدنا ناكل حلوان قبولك بالجامعة وبالفرع اللي بتتمنيه :king: |
ميرسي كلاماتكم اروع من رائعة ..
وكمان مرة بتمنى اكون عند حس ظن الجميع! لكم مني باقة شكر!:D |
خيتي ليدي أنت ما بينخاف عليكي
لأنو بتعرفي شو بدك و أنت ذكية وهي نعمة و الله يوفقك |
اقتباس:
أنا بأيد هالرد ولازم تصمدي:clap::clap::clap::clap::clap::clap::cla p::clap::clap::clap::clap::clap::clap::clap::clap: |
لك اسمعي كويس واحفظي شو بدي اقلك اولااا
احملي اوراااق غش كتير بمااا انو الامتحان في 48 ثانية الارتباك ممنوع وطبعااا اوراق الغش هاي للتذكير وحملهااا اذا كان القلب قوي وثالثاااا الله يوفقك وذا احتجتي شي هيك ول هيك يعني اذا مراقب دايقك اعطيني اسمو وبعدين ولا يهمك ولك انا خليلي وبعجبك :D موفقة :D |
أيه شو مافي غيرا عندا إمتحانات بس عكل حال الله ينجحنا كلنا:hashish:
|
لعيونك معلم وائل
ورليدي ان ريد صارت وحدا منا ومن جهة الكلمات التشجيعية فمحسوبك موسووعة بالجمل التشجيعية واذا بدك عندي ورقة ادعية للأمتحانات بس شووووووووووووووو خيللللللللللللللللللللللل للة انا من لما كنت بالسابع لهلأ مابدرس شي وانا بوصل على الأمتحان بقلاا الأدعية وبنجح :clap: :clap: :clap: الله وكيلك هي الورقة اذا التزمتي فيا اذا بكون بين يامين نيتناياهو نفسو هو اللي حاطط الامتحان رح تلاقي متل شربة المي |
لك الله يخليلي احلى منتدى واحلى اخوان !!:clap:
|
اقتباس:
بدك الورئة ولا لأ |
اقتباس:
طب زتها لعندي لأشوف!!:p |
هاي LaDyInReD
:D هاي LaDyInReD:D :hart: كيفك وشو اخبارك:hart: حبيبتي انشالله بتمر هالايام ع خير ولاتخافي من الامتحان وانا بعرف انك انتي ادها وادود بس انتي قوي حالك ولاتفكري بشي غير انك تحط طريق النجاح دائماً هو هدفك ..ونشالله بتنولي يلي بتتمنيه يارب ... امممممممممممممممم اما بالنسبة لوائل .. فشكراً كتير ع هالموضوع يا حبيبي والله عن جد انك انسان محترم .. ولازم كلنا نوقف جنب بعض ..  |
شو خي حسون هدول الأدعية متل حب التهاب خمسمية
|
اقتباس:
والله لو عندي سكنر كنت نزلتا هون بس للأسف ماعندي بس عنجد والله اذا بدك ياها هلأ بكتبلك ياها عنجد |
| الساعة بإيدك هلق يا سيدي 22:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون