|
معجزات حية
|
:shock: :shock: :shock: :shock: :shock: :shock:
:? :? :? :? :? :? اللي بنعرفه أنه زمن المعجزات ولى؟ لكن هاي الصور إما خيالية...أو مفبركة...والا عاملينها الجن ؟؟؟؟؟ الصور مرعبة أكتر من أنها تتصدق:cry: والله مابيصدقها العقل البشري..:jakoush: مع احترامي للكاتب...هاد رأيي |
اقتباس:
بس بعدين تأكدت انها مانها مفبركة بس فيها شوية عنصر من الرعب يعني كلها ادمية شو بدك تكون مضحكة يعني |
سامحك الله على هذه الصور المرعبة
|
اقتباس:
|
ميرسي غابريل عن جد صور اثرت فيني
و اذا انتوا مش مصدقين انا رحت وزرت ميرنا بالشام وكان الزيت عبشر منا |
زمن المعجزات بالمسيحية باقي ومستمر أما عبارة زمن المعجزات ولى هي عبارة للضحك بصراحة عليكم كي لا يقعوا بمسائلة من قبلكم لماذا المسيحية حية لهذه اللحظة بينما الدين الإسلامي لا يوجد فيه شيء حي ( المقصود حية بمعجزاتها )
هذه المعجزات بعضها وقع بدول إسلامية وهناك أعتراف رسمي من قبل هذه الدول بها وتستطيع أن تذهب بأم عينك في سوريا ولبنان وتشاهدها ولذلك لا تقول أن عصر المعجزات قد ولى لأنه باقي وحي بالمسيحية |
شكرا جابرييل...:D :D
|
حرية التصديق
شفت أخي محبة كيف أنت متحيز؟؟والعنصرية الدينية واصله أعلى درجاتها عندك..واللي بتخليك بتصدق اللي بدك وتكذب اللي بدك؟؟8)
نوع من الواقعية اذا بتريد...يعني انت ماصدقت غلبة الروم التي ذكرها القرآن...ولاإنشقاق القمر الذي حدث في عهد الرسول عليه الصلاة والسلام...والمعجزات التي حصلت...وأكثرها مريئة واضحة وبدك نصدق هالصور المرعبة؟؟:shock: كيف بيتحول الخمر الي جلد بشري؟؟:shock: يالطيف كيف بيطلع الزيت من هالمجسمات؟؟يعني مافيه حدا بيقدر يعملها متل ماحصل للتمثال اللي بيطلع منه سائل أبيض وأخرتها أكتشفوا أنه جلسرين حاطوه القس؟؟بالعقل حبيبي والدم اللي عالبشر كيف بيطلع؟؟يعني مابيقدروا يلطخوة؟؟ والدموع اللي على المجسمات بالدم؟؟ حتى وجه العذراء المزعوم..يعني في كل مرة بنشوف صورة وتقولوا هي العذراء؟؟؟لا مجسم أو صورة يعني مافيه تحديد للشكل؟؟اذا بنحب حدالازم نحط صورة ونقدسة؟..ولانتبعه ونصدقه؟؟ حتى الميت حبيبي شئ بيسمى تحنيط...متل مابيعملوا للحيوانات!!;-) فيه أشياء أو معجزات بيصدقها العقل البشري ويمكن أن تصدق...وفيه أشياء خرافية لاتدخل العقل نهائيا":jakoush: بعدين ..مابتفرض علي أني ماأقول أن زمن المعجزات ولى؟؟؟هيدا شئ يخصني أني أقول هالحكي أو لا... المعجزات للأنبياء...والمكرمات للصالحين نحن بنؤمن بمعجزات عيسى عليه السلام..لأنه نبي:D أخي أنت لك الحرية أنك تؤمن باللي بدك إياه;-) لكن مومن حقك تفرض على غيرك أنه يصدق هالصور:jakoush: وأنا علقت على الصور من باب أنها غريبة ومقززة..ومابلشت بالتقليل أو المزايدة لأي دين.. فمابعرف ليش دائما" بتحاول إقحام هالاستنقاص للاسلام ...؟؟؟؟ على العموم بأشكرك كتير على الهجوم والاستنقاص:D |
الاخ مجاهد......
احدى المعجزات كتير قريبة منك و بتقدر تتأكد منها بنفسك لأنو قديش ما رح احكيلك عن كذا وفد وكذا لجنة اطباء وعلماء من اكثر من دولة ممكن ما تصدق.... يعني اذا انت ساكن بسوريا الموضوع كلو بيكلفك نزلة على مدينة دمشق وبعدين زيارة لحارة الصوفانية و بتقدر تتأكد بنفسك من موضوع الزيت الراشح من الايقونة على ارض الواقع .... صدقني انا كمسيحي لا اصدق كل ما يقال بس الصوفانية لا تفسير لها الا انها معجزة وحية .... |
متل العادة اتحول الموضوع إلى شجار بين الاديان
يا اهل الله لهم دينهم ولنا دين كل واحد بينشغل بحالو ارجوكو بلاش هالشجارات اللي خلت العرب يكرهو بعضن وامريكا تتحكم فينا بدنا هدنة وسلام |
انا متل توما ما بصدق لشوف بعيني
قال معجزات؟؟؟؟؟؟؟؟؟ |
اقتباس:
|
اقتباس:
المعجزات اللي عم تشوفها صحيحة وصارت مع عالم كتير مسلمين قبل المسيحيين لذلك مافيك تنكرها انت فيك تنكرها ايمانييا اما واقعيا موجودة ومصدقة تاني شي والاهم الكنيسة ماتتعترف على اي معجزة الا بعد التفحص الدقيق والتأكد من العمل العجائبي بس حبيت وضح النقطة لك ولغيرك من المشككين تحياتي |
أهلين أخيtiger ...
بتمنى ماتفهم حكيي غلط... أنامابحب أسلوب الإستهزاء أو الأستنقاص..هاد موأسلوب حضا:pos: ري أناذكرت وجهة نظري ورأيي في هالصور وقلت (مع إحترامي للكاتب)... فيه شئ أسمه حرية الرأي..أصدق أو لا...لكن الأخ محبة بدو يفرض علي أني ماأقول زمن المعجزات ولى؟؟ لك أنا مافرضت عليه يصدق المعجزات في القرآن؟؟بدك تقنع لازم يكون بأسلوب محترم للطرف الأخر...وفيه أنو يقتنع أو لا...موفرض..:jakoush: لا خيو..أنا مغترب..:cry: على العموم يعطيك العافية على التعليق:D |
اقتباس:
والله انا فهمان عليك وبعرف شو كنت عم تقصد... بس انا كمان كنت حابب وضحلك انو مو كل شخص قال انو صارت معجزة معو انا بصدقو .... لانو متل مابتعرف في كتير في المسيحية والاسلام من المنتفعين ياللي بيخترعوا هيك قصص وبيعملوها مصدر للرزق.... :jakoush: :jakoush: فبيقولك ظهر عليه قديس او ولي وببلش لم المصاري من هال عالم البسيطة ...:jakoush: :jakoush: لكن فعلا سيدة الصوفانية اعجوبة لا يوجد لها اي تفسير علمي او بشري..... وعليه وبعد رجوعك سالم لسوريا بأذن الله بكرر دعوتك لزيارتها .... وصدقني رح تكون تجربة من الصعب عليك نسيانها.... وشكرا الك على ردك ومية وردة...:D :D |
يا شباب يلي بأمن هو حر ويلي ما بأمن كمان هو حر
لا تعملو منها قصة جديدة :D :D |
هلاء يا شباب الموضوع كلو خاص بالأخوة المسيحيين ومافي داعي ان حدا يقول ان الصور مفبركة او مرعبه يعني من الأفضل ان يحتفظ بتعليقاته التي تمس معتقدات الأخرين لنفسه ولا داعي للأسائه وانا مع الأخ العزيز سامو بقولة ان الإيمان شئ شخصي لذلك يا شباب ما في داعى للأهانه حتى لا نتعرض نحن ايضا للإهانة واحب ان اذكركم بقولة تعالى ( ليس عليك هداهم )
الإيمان والهداية تأتيان من عند الله وكل ماعلينا هو قول المعروف او الصمت خيرا لنا اما الدعوه فلها رجالها من القادرين على الحوار لأن الدعوة مسؤلية ونحن محاسبون وكل مانستطيع تبليغة يكون في اطار الإحترام والأدب وعدم الأسائة واذا احببت ان تبلغ فبلغ بصورة تعطي انطباع جيد عن دينك وتكلم بأيات الله البينات ولتكن رجلا تملك الوعي الكافي وعلى قدر المسؤلية ولو كنت فظا غليظ القلب لا نفضوا من حولك |
| الساعة بإيدك هلق يا سيدي 00:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
