|
ليش مذيعاتنا دائما عندون نفس الأسئلة!!؟
ليش مذيعاتنا دائما عندون نفسالأسئلة؟؟
ليش كل الشعب حفظان شو هي الأسئلة؟؟ ليش ما بتتغير هالأسئلة؟؟ يعني المذيعة بتروح على شي حديقة أو شي مطرح متجمعين فيه الأولاد الصغار بالعيد .....وبتبلش بالأسئلة الفذة تبعونها.... اشتريت لبس جديد على العيد حبيبي؟؟؟ يعني شوبتتوقع يقولها؟؟ لأ...ما اشتريت لبسجديد....هادول سرقة من على حبل الغسيل تبع الجيران...؟؟ ولا ولا بتتوقعيقولها... أخدت لبس أخي الكبير تبع السنة الماضيةولبستو...؟؟ طيب بركي فعلا كان في ولد هيك وضعو....ليش حتى تسألووتكسرلو نفسيتو لهالولد هاد....قدام بقية الأولاد إنت ومين اشتريت التياب الجدد؟؟ إنت وماما؟؟ لا والله...كان عندي Date مع الـ Girlfriend تبعتي....ورحنا عملنا shopping...وضهرنا شوي بالسوق...بعدين مرئنا على الـ Pop وأخدنالنا Drink شو بتشتريبالعيد...شوكولاته وأكلات طيبة؟؟ لاوالله...على العيد بشتري 10 غرام حشيش...وبنقعد نصطهج فيون أنا ورفقاتي.....وبعدينبنأرجل....وبناخدلنا كاسين يعني الولد الصغير شو بيحب يشتري وياكل؟؟مجدرةولا عدس بحامض؟؟ شو بتعمل بالعيد احكيلناحبيبي....بتلعب بالمراجيح؟؟ لأ أبدا...مابقرب صوب المراجيح....بالعيد بروح بلعب مصارعة رومانية...وشويةتايكواندو.... بتلعب مع أصحابكبالعيد؟؟ أعوذ بالله...شو معأصحابي...أبدا...بنزل بلعب مع شوفيرية التكاسي والزعران... مع مين بتحب تروح بالعيد؟؟ مع ماما ولا بابا؟؟ الله ياخد الـ 2....الـ 2 أسئل من بعضون....مابينطاقو.... احكيلنا ...وين بتروحوبالعيد إنت ورفقاتك... حبيبي....؟ ما بدهاسؤال...على الكباريه...لترين عرق.... 4 رقاصات .....2 على اليمين و2 علىاليسار.... طيب مذيعاتنا المهمات...ما عبيلاحظوا كيف الولدعبيتلعثم...وعبيتلبك...وما عبيعرف يحكي...ومالو رايد يحكي....وبلشت تشط ريالتو منالعبطة...وما عبيطلع صوتو....وما عبيحكي شي....؟؟؟ هالمذيعة الحنونهاي....ما عبيطلع من خاطرها تترك الولد بحالو؟؟ ما عبتلاحظ إنو الولد ما بدويحكي....؟؟ لك اتركيه بحالو.... ما عبتلاحظ المسكين قديش انعبط ومتدايق وعلى شوي راح يبكي بدو ماما...نزعتلو العيد وأبو العيد....إي شو هالحنية الزايدةهاي؟؟ يحرق حريشون على هالأسئلة.... في جزء تاني لأنو ما ساع الموضوع كلو هون على ذمة أخوية |
ههههههههههه مشكوور اخي معك حق:D
|
هههههه
موضوع حلوو مشكوور |
liu kang + ياسر
شكرا لكم على المرور جبرتو بخاطري الله يجبرخاطركن |
مشكور كتير فلاش:lol:
|
ميرسي كتير عنجد شي بضحك :lol:
|
هههههه فعلا شي بيمغص مقابلاتن ... :lol: ومشكور :سوريا:
|
ههههههههههه
عن جد حلو كتير |
غازيتا +مزون+مريوم+فيروزة
شكرا كتير بس انتظرو بقية الجزء تبع العيلة |
وشو بعرفنا ليش...روح اسألهن....:p ..
يعني من وين بدهن يجيبوا اسئلة يا حرام......;-) ..... |
اقتباس:
:lol: |
ههههههههههههههههه حلوي وملعوبي مشكور حب:سوريا: :lol: :lol: :lol: :lol: :lol:
|
بالفعل غلظ الاسئلة وانت شوفها ورا الكمرا على النفسية شي بيخليك تكره كل شي قال انا مذيع او مذيعة
|
اقتباس:
|
شبك ساكو ؟؟ ..:?
|
اقتباس:
|
اقتباس:
|
يه يه يه .. لك شبك يوه ؟؟.. :?
|
| الساعة بإيدك هلق يا سيدي 09:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون