غزوة نيويورك
 

ما بعرف ليه انا من الاول مالي مقتنع انو هي شغلة اسامة بن لادن لحالو هلق طلع نظريات كتيرة وحكي كتير
بس بكل بساطة يلي قادر انو يجند كل هدول ويخطط كل هالتخطيط وكل هالدقة وكل هالعمل هاد كان بامكانو يؤذي بشكل فعال اكتر من هيك وبعيدا عن المدنيين اكتر من هيك . طبعا راي خاص وبيبقى راي خاص
على كل نتيجة هالعملية بغض النظر مين عملها كانت خطيرة كتير باعتراف الجميع على العالم ككل وعلينا نحنا كشرقيين او شرق اوسطيين بالتحديد.وهاد باين وجلي وفيك تسال يلي بالغربة وكيفية التعامل يلي صارت.

بشرفي طاش حجري !!

يعني فيك تكتب جملة مفيدة أو رد من أول ما فتت عالأخوية من دون ما يكون سؤال , يعني فاتح موضوع أسئلة و عم ترد بأسئلة , و حضرتك سآل و الجماعة جاوبوك و جايي عم تبهدلون بسؤال ؟!

و اللهي قصة ..

لك ماعم ندافع عنا بس هي وجهة نظرنا
عم نحكي اللي نحنا شايفينو

لا تنسى انو قبل ماتعمل انعمل فيا هالشي
فيك تعتبر حاليا انو اميركا عم تنتقم

بعدين مو نحنا اللي ندافع ع اميركا بيدافعو عنا الرؤساء اللي لا بيئشو ولا ينشو
وقاعديت يتفرجو عليا :jakoush:

هلق قبل ما اميركا حاصرت العراق وضربت السودان وافغانستان واذا بدي عد جرايم اميركا بضل لقرن
يعني القصة صارت فعل ورد فعل

قتلوا منا ونقتل منهم
يعني اللي عملوه فينا ما كان قليل وهالمرة جاء الرد في عقر دارهم فخليهم يشوفوا عواقب اعمالهم
ولا تنسى انو هاد جهاد وهو فرض على كل المسلمين في مواجهة الامريكان

محامي الشيطان

امع بمحامي الشيطان اي عطول بيحبو يلعبوا هالدور قال وهني الشيطان بذاتوا
:p:p:p:p
يضرب اسامة وشلتوا كلاب لأمريكا متلون متل غيرون هي عملتون
:frown:
بعدين لو مافي أسامة وشكيلاتو ماكانت امريكا حاكمة العالم فهني أول المستفيدين يا مستر بلاك
;)

اي بدنا ندافع عنها وقت بيستوجب الدفاع عنها ..
اللي عمله هالشاطر حسن او اسامه و عم يتباهى فيه شي لا يقبلو لا عقل و لا دين ..
قتل ناس مدنيين لا علاقه لهم بالحروب و قتلهم غدر و بدون سبب منطقي واضح !
أميركا بتغلط بحق العالم كلّو لكن الغلط لا يبرر غلط تاني اكبر منو .. لو شـاطر هالقد كان يطلّع بطولاته بالقوات الاميركيه المتواجده و المستعده للحرب بغرب بلده و اللي متل ما قال عم تقتل بشعبه و بالاطفال ..

ليك عا ألله ليك :lol:

حبيب نحنا هون بالمنبر الحر فيك تعبر عن وجهة نظرك بكل أريحيّة و فيك تناقش و فيك تلعي و فيك شو ما بدك تعمل إلا أنو تتضحك عا ربنا , هاي أيامات محامي الشيطان بتغنيلا إنسا غرامك راح ..

بدك كتير عوامل لتعلب هاللعبة رقص بين ذئاب و هيك قصص أما هلأ و حاليا ً فا فيني قلك لعاب غيرا ..

]الغاية يا مستر من محامي الشيطان انو حاول افهم شو دوافعون للي عملوا الحادث وناقشها هون
يعني بعرف والي بالاخوية سنتين عم بحكي وبعرف انو فيني قول رايي باريحية وناقش والعي

اقتباس:

بدنا ندافع عنها وقت بيستوجب الدفاع عنها .. اللي عمله هالشاطر حسن او اسامه و عم يتباهى فيه شي لا يقبلو لا عقل و لا دين .. قتل ناس مدنيين لا علاقه لهم بالحروب و قتلهم غدر و بدون سبب منطقي واضح ! أميركا بتغلط بحق العالم كلّو لكن الغلط لا يبرر غلط تاني اكبر منو .. لو شـاطر هالقد كان يطلّع بطولاته بالقوات الاميركيه المتواجده و المستعده للحرب بغرب بلده و اللي متل ما قال عم تقتل بشعبه و بالاطفال

طيب وهني كمان عم يقتلوا مدنيين وقتلوهم غدر
ومين قلك ما حارب برا؟ شو نسيتي تفجير الخبر واعمال الرياض ؟ واللي صار ببالي ولندن ومدريد والدار البيضاء وجهاده اليوم بافغانستان؟
ثم لا تقوليلي مدنيين او غير مدنيين هني بالاساس بمركز التجارة او البنتاغون يعني بمكان مباح ضربه
زائد امريكا الجهاد ضدها وضد اهلها فرض

طارق أول شي أصول محامي الشيطان يعني.. انو الواحد ما يكون يعرف انو عم تلعب دور محامي الشيطان.. و انو ما يعرفك أساسا يكون احسن و احسن (يعني ما بتزبط انك تحط الرد و تكتب تحت "محامي الشيطان")..

بعدين يا أخي كرمال ألله جربتا مرة هالقصة و انتهت ببهادل و بلاوي, و خربتلنا موضوع.. ما حلنا؟ يعني أقسملك بشرفي انو لا حلوة و لا جذابة و لا شي.. مشان موضوعك عبحكي أنا

بعدين حتى لعبك لدورك لمحامي الشيطان يا معلم غلط ... يعني عم تلعب دور الطرف الثاني "ع حكيك" و عم تفترض انو الطرف الثاني حمار "هاد حكيي"


يعني المخلوقة عم تقلك:

و انت عم ترد:


ضد مصالح مدنية و عسكرية مع بعض
ضد أوتيلات و منتجعات سياحية

ضد باصات مدنية و محطات مترو

قطارات مسافات قصيرة مدنية
أوتيلين و كافتريا و مطعم (مدنيات)
هيه.. كشكول

يعني.....

يعني مشان هيبتك و مشان ما يتحوّل الأمر لمسخرة فوق ما هو مسخرة.. بلاها هالقصص.. يعني ما كان بدي أتدخل بس انو ما عاد حلو و لا ظريف و لا منطقي الحكي..


و يا هلا

هنن عم يقتلو مش معناها نصير متلهم او يصـير فكرنا متلهم ..
انت اللي قلتها تفجـــيراااات .. و التفجيرات راح ضحاياها مدنين منهم اللي بيفكّر متلك انّو كان اسامه بن لادن على حق وقت عمل اللي عمله و منهم مين بفكّر متلي انّو ما معه حق نهائيّا و انو جريمه اللي عمله .. اضف لذلك انّو هالشـي اللي ذكرته مش بيشفعله انما بزيد الطين بلّه ..
مباح ضربه ؟! كـييف مباح ضربه و شو هيّ الاماكن اللي بنظرك مباح ضربها او غير مباح ضربها يعني بتعرف انت مشان يعرف الواحد وين ما يتواجد ..
اووووووووخ يا سلااام .. فرض !! ضد اهلها ؟ اي تمام عالاخر افحمتني صراحه , يعني ربطلي لساني معد اعرف شو بدّي قلّك انت عرفان شو عم تحكي و عم تحكيه جد :? ؟؟

الدين براء من قتل النساء والأطفال وكل انسان يعيش بانسانيته التي شرعتها السماءديننا نهانا عن قطع الأشجار فما بالكم بقتل انسانالدفاع عن أوطاننا مشروع ولكن ليس بهذه الطريقة ........لعل الحوار واجادة ثقافة الأخر لحواره من الطرق الواجبة علينا شرعا لعلي مصيب ولعلي مخطأ ولكني أعشق الانسانية وبراءة الأطفال والماء والشجر