|
أول مرة
أول مرة دايما بتكون مميزة لأنها هي الأساس الي منبني عليه شخصيتنا
وخبراتنا بالحياة ،ارائنا حتى نظرتنا للاخر -بالغالب- بتكون ردة فعل ايجابية او سلبية ع تجربتنا الأولى أول يوم بالمدرسة، أول يوم بالفحص، أول يوم بالجامعة، اول يوم بالشغل،اول موعد غرامي، اول حب، اول يوم ببيت الزوجية، اول مولود، اول نجاح، اول فشل، اول راتب، وغيره . شاركونا لحظاتكن الأولى واحكولنا عن انطباعتكن عنها وقتها وانطباعكن عنها اليوم وشو استفدتو من كل تجربة الهدف من موضوعي انه نتعرف اكتر ع بعض ونفيد بعض لأنه تجاربنا بتفيد غيرنا متل مابتفيدنا |
أول يوم بالمدرسة، بكيت كتير
أول يوم بالفحص، خفت كتير أول يوم بالجامعة، لسا السنة الجاية بصير اول يوم بالشغل،يعني انا ما بسمي اللي اشتغلتوا شغل لذلك انا لسا ما اشتغلت اول موعد غرامي،بلا فضايح اول حب يعني مصرة على الفضايح ، اول يوم ببيت الزوجية، هوهو علينا لسى بكير علينا اول مولود، ألا مو لحتى اتزوج بالاول اول نجاح،التاسع اول فشل، لحد الان والحمد لله ما في فشل بمعنى فشل اول راتب ما في ، وغيره . شو غيرو ما بدك رقم انتسابي للحزب شكرا الك على الطرج |
اقتباس:
شكرا ع مشاركتك بس ماقلتلي كيف كان انطباعك بكل اول مرة وبقصد بغيره يعني اذا كان في شي نسيته |
ناطرين انت تعطينا اجوبتك
يلا |
أول يوم بالمدرسة، مرووء وطاير من الفرحة :yahoo:
أول يوم بالفحص، ولا على بالي .. متل اللي طالع سيران :melody: أول يوم بالجامعة، كنت حاسس انو الكل عم يطلعو عليي .. بس كنت عابس وآبضا جد مشان ما انكشف اني سنفور :sly: اول يوم بالشغل، حاسس كل يلي حوليي زعران ولازم انا ساويون أوادم متل حكياتي :pos: اول موعد غرامي،متل الختيار حكي مدوزن مافي وصوت عم يرج رج من الرعبة ... وتركيز صفر :-/:i7raj: اول حب حياة جديدة ودنيا جديدة وعيشة جديدة وكندرة جديدة يعني غييييييييير شكل :dm: اول يوم ببيت الزوجية، امممممممم لأتجوز بالأول بعدين برجع بعبي هون اول مولود، ليجي الصبي منصلي عالنبي اول نجاح ، انا عادي لأني بعرف حالي شطور ...اما بالنسبة للشعور بدكون تسألو اهليتي .. شنو هنن اللي كانو مبسوطين ..انا نسيان :confo: اول فشل، اتأخرت لسجلت هون معكون بهالمنتدى ... شلوني معكون :ss: اول راتب , ظريف كتير ... راح خرجية وكلضمينة :melody::shisha: وغيره .غيرو كنت نايم وئتن منا لزالك مافي شعور :sleeping: ويسلمو يا أطة عالموضوع ... وناطرين اجوبتك ..:ok: |
بعد اصرار الجميع اني حط ردي ع موضوعي
هي اهم اول مرة بحياتي أول يوم بالمدرسة مابتذكره لاني كنت كتييييييييير صغيرة أول يوم بالفحص ع طول بكون مفلوجة وجايتيني السكتة أول يوم بالجامعة كنت متحمسة كتير وحضرت كل المحاضرات اول يوم بالشغل خفت من الطلاب مع انهن كانوا صف اول (كنت معلمة) اول موعد غرامي كنت خجلانة وما طلعت بعيونه ولا بوجهه اول حب انتهى بانكسار قلبي اول يوم ببيت الزوجية لسه ماصرت اول مولود بتوقع رح يطير عقلي اول نجاح بالتاسع بكيت لأنه ماتوقعت المجموع 240 اول فشل عاطفي خلاني كون حذرة مع الرجال اول راتب اشتريت لعبة لأختي وفستان لماما وعزمت اهلي ع الغدا وغيره أول مرة بفوت ع الأخوية تفاجات باسماء المواضيع والشرح اللي تحتهن وهادا اللي خلاني اتعلق فيه اول مرة اكلت قتلة بقيت يومين بلا اكل وكنت عم ابكي كتير اول رفيقة الي لساها رفيقتي لهلأ بس مالها اعز رفيقة |
:jakoush:مرحبا
يالله شو هالاحراج:p اقتباس:
ببكي ...لاخر سنه وانا ببكي!!!!!! اول يوم يالله شو نكد!!مااااا حد يضحك :jakoush: اقتباس:
لا عاد لانه الدوام بيكون شي ساعتين وبعدها بنطلع من هالسجن اللي اسمو مدرسه:yahoo: اقتباس:
ايييييه والله ما حصللي الشرف:oops: اقتباس:
غير شغل البيت ما اشتغلت ....اي والله اصعب شي شغل البيت:cry: اقتباس:
وليييي شو هالحكي ؟؟؟؟ياعيب الشووم.:shock: اقتباس:
هادا احلا يوم :sosweet: بس الاحلا الصدمات اللي بعدو:sly: اقتباس:
تغيير بالحياه من الاف الى الياااااااء بتحسو وقتو حلو بس بعد فتره بتنئز منو:? اقتباس:
ياعيني ع هاليوم شو حلووووووووو بتحس انه انت عملت شي بهالحياة وزدت عدد السكان:D وزدت عدد البطاله بالبلد اقتباس:
يا عيني علييه اي نجاح بتقصد:p اقتباس:
من كترهم نسيت الانطباع الاول :p اقتباس:
هاتو راتب عشان اقول شو انطباعي;) يسلمو ع الموضع بيكفي لهون بلا فضايح اكتر:jakoush::jakoush: |
اقتباس:
.................................................. .................................................. ......................... أول يوم بالمدرسة وبالفحص وبالجامعة كلو عادي اول موعد غرامي ما بتذكروا.. أول حب مع إنو بيدل عشخص.. بس إذا قصدك اللحظات\الوقت ردة الفعل كانت انعكاسية غير ارادية..ارتفاع بالهرمونات الذكورية:lol: اول نجاح.. ثقة اول فشل.. احباط الباقي ما جربتو.. بس بتذكر اول قبلة:sosweet: كانت بالجنة:D تحياتي;-) :jakoush: |
رح بحكي عن النقاط يللي ذكرتيها + شي انتِ ما ذكرتيه..بس كان اول مرة بالنسبة الي:
اقتباس:
بذكر اول يوم بالمدرسة..كنت زغيرة عم ببكي خايفة وخيي هوي كان ماخدني للمدرسة كنت خايفة انو الانسة تضربني وهيك ، بس للامانة طلعت حبابة اقتباس:
الحئيئة بالفحوصات بس مرة يمكن حسيت اني مرتبكة.. بس غالباً بحس انو يوم الفحص متلو متل اي يوم..عادي يعني اقتباس:
بس صير بالجامعة بخبرك اقتباس:
بس اشتغل بخبرك اقتباس:
بس اتواعد انا وحدا بخبرك :lol: اقتباس:
كان ولا زال الاول ..لساتو مستمر يعني لانو مبني على اعجاب بطريقة التفكير من قبل الطرفين :D يللي احد الطرفين هوي انا :p يعني عقلاني فينا نقول اقتباس:
بس اتزوج بخبرك :lol: اقتباس:
بس جيبو بخبرك اقتباس:
من كتر النجاحات..نسيت شو طعم النجاح الاول وشغلة بحب ضيفها هي.. لساتني بذكر .. اول مرة بشوف حدا "غالي" قدامي عم يتوفى شكراً الك :D |
أول يوم بالمدرسة
كتير طاير عقلي بتذكر لما كان أخي بيروح عالمدرسة كنت بلصق فيه لصق بالزور ليروح و كان في عندي كارتابل صغير و لوحة و هيك ليشغلوني عنو أول يوم بالفحص ما بتذكر بس بتذكر أول يوم بفحص الباكالوريا أوووووف شو كان صعب كابوس هاداك النهار و بكيت طبعا بس اكتشفت انو مانو شي قدام امتحانات الجامعا أول يوم بالجامعا هههههههه مسترجيت روح لحالي فتلفنت لبنات خالتي و رحت أنا وياهم بس و الله كان هاداك اليوم عجقة و لولا بنات خالتي براهن إني مابفوت لحالي أول يوم بالشغل ما بشتغل لسا .............. أول موعد غرامي و أول حب :sosweet::sosweet::sosweet:وان شاء الله مايكون في غيرو مش الموعد طبعا ههههههه ;) الزواج و المولود لسا ............ أول نجاح غير شكل طبعا ماحسيت بطعمو الا مع أهلي |
شكرا لمروركم جميعا
برساوي :D هارس :D سوسن :D achelious بس ردودك كانت مختصرة :D ماتيا موفقة مع حبك وعقبال الزواج والأولاد ;) نسيمة نورتي :D |
اول يوم شميت هو ا مصر كنت 8 سنين فرحت وحسيت اان الفراعنة هم اللى راح يستقبلونا مش اعمامى بالبدل,,,اتصدمت
اول مرة بدخل المدرسة ,,عادى اول مرة اشتغل مساعد مخرج ثّلجت لان المخرج قالى علّمى البطلة كيف تهز الوسط ,:shock:, تركت البروفا وما رجعت تانى اول موعد غرامى؟؟؟ما كان فى مواعيد ....اترك الرجفات الاولى للقدر بيرتبها ,,اما الرجفات اللاحقة مو مكتوبلى اعيشها اول نجاح حقيقى يوم ما جبت مجموع عالى بالثانوى لادخل كلية الالسن اول فشل عندما لم ادخل الالسن وانحدف مصيرى ع التربية اول يوم بالشغل هو اول يوم نضوج تسلمى كات على الموضوع الجميل:D |
أول يوم بالمدرسة : كنت صغيرة وما بتذكر هاليوم أول يوم بالفحص : عندي أول يوم بالفحص متل آخر يوم ... كآبة وخوف :cry: أول يوم بالجامعة : كنت كتير ملبكة لأنو ما كنت بعرف حدا .. بس مشي الحال بعدين وطلعت أحلى أيام هيي أيام الجامعة اول يوم بالشغل : أول يوم بالشغل كان كلو لبكة خاصة لأني ما كنت بعرف شي ولا كنت بعرف حدا :cry: اول موعد غرامي : كان أحلى موعد ولساتني بتذكرو كأنو كان مبارح :oops: اول حب : أحلى وأغلى شي .. وخاصة إذا ارتبطتي بنفس الشخص :hart: اول يوم ببيت الزوجية : انسي الموضوع تماماً ... حزنت عحالي وصرت بدي روح لعند أمي :cry: اول مولود : صدقاً وقتها عرفت شو يعني دموع الفرح ... عن جد شعور لا يوصف اول نجاح : هلأ أحلى نجاح الي هوي لما قدرت أدخل عالكلية اللي كنت بتمناها :clap: اول فشل : لما رسبت أول سنة بالبكالوريا اول راتب : ييييييييييي .. عملت فيه العمايل (مع أنو مو محرز) .. بس وقتها الواحد بيحس بقيمة حالو وبأنو صار قادر يعمل شي بنفسو :gem: وشكراً الك كات عالموضوع المميز :D |
نورتو اسبيرانزا وشغف القلوب :D:D
|
موضوع حلو كثيييير:hart::hart:
اول يوم بالمدرسة: بخجل منو بس رح قول:p....كنت فرحانة وعادي خصوصا انو انا وابن خالي كنا بنفس الصف بس المشكلة...بذكر اني عملت قتلة لبنت سقيلة:gem: اجت وقعدت ورايا وراحت عم تشدلي شعراتي :sly: قوم اقتلها قتلة:adal: ما بتمناها لعدوتي:lol: بس على فكرة هي لهلق رفيقتي:deal: اول يوم بفحص البكالوريا وبفحص الجامعة: هاليومين اسوأ أيام بحياتي:cry::cry::cry: اول يوم بالجامعة:كنت متفاجأة وخجلانة وحسيت كأني ببلد ثانية ومع ناس من كوكب ثاني:p اول نجاح : كان بصف السادس لأني جبت full mark على مدار السنة كلها:clap::ss: اول فشل : ما بؤمن بهي الكلمة ...ما في فشل في خبرات وتجارب:oops: بس الباقي لسا ما عشتوا:D وهالسنة عشت شي لأول مرة وهو انو اول مرة بتخذ قرار بحسوا انو حكيم ومصيري:clap: حسيت حالي كبرت واني انا سيدة نفسي واني عنصر مساهم بالمجتمع:gem:.... ما رح فوت بالتفاصيل لحتى ما ازعجكن بس يللي بدوا يعرف يسألني ورح قول:sly: |
اقتباس:
ياستي اول يوم الك بالمدرسة ملفت للنظر وع كل حال ما تاخد صاحب الا من بعد قتلة ;) وانا عندي فضول اعرف شو هو الشئ اللي عملتي السنة وخلاك تحسي حالك سيدة نفسك وشكرا ع مرورك :D |
أول يوم بالمدرسة،
رحت وأنا غضبانه وكل الي هونيك حاسه حالي انو انا اكبر منون وانو مابصير اقعد مع هيك اطفال ويعني مشان انو انا كنت طويلة وبحس كأنون جنبي اقزام :pمابعرف ليش لحتى هلق صاروا كلياتون اطول مني وظليت انا قصيرة وماعمبين من جنبون :cry::x أول يوم بالفحص، بحس حالي طرزان وهيك بقعد وبتفرج ع الي حواليني وهما يبجو يسألوني مشان انو بيحسوني واثقة وكأنو حفظت شو في جوا الكتاب بحيث ماعدت خايفة ع انو مالو مزبوط هالحكي بس انا هيك يعني الي درستو خلص مادرستو بالطقاااااااق :p أول يوم بالجامعة رحت مع اختي لأنو المكان غريب وجديد عليي مشان انو كمآن ببلد تانية يعني وبلتقي بجماعة جديدة هيك كان لازم بدي حدن يروح معي مابحسن لحالي بضيييييع :cry: اول يوم بالشغل، مو لحتى نشتغل بالأول ^^ اول موعد غرامي، ماصار خخ مشان انو هيك أنا تعبت ايدي من كتر الكفوف يلي اكلوها الشباب :sly: اول حب :sosweet: ، اول يوم ببيت الزوجية، لسة ماجربت اول مولود، كمآن ماجربت بس بتخيل انو راح ظلني عم اتفرج ع برائتو وطفولتو ومالي مسدقه انو هاد ابني وهو يلي كان جواتي وهلق لطلع ع الدنيا يئبرني شو حلووو :sosweet: اول نجاح، بتذكر طلعت الأولى ولما رجعت ع البيت رميت الشهادة وماكنت بعرف يعني لهيك شغلات بس قلت لماما يلله ايمت بتجيبو لي هدية النجاح :yahoo: اول فشل، امممم مابتذكر شي محرز :p اول راتب رح قلك ع اساس اول مكافئة جامعة وصلتني ;) وقتا كنت معصبة كتير وراح طق مشان انو مانزلت لي ع الحساب بالبنك :cry: بس بعد منو جمعو لي اربع مكافأت ونزلت لي شيك صرت غنية وقتا وعم العب بالمصاري :p -------- يسلمو حبيبتي ع الموضوع :sosweet: |
اقتباس:
هاد يا ستي انا دخلت ع الطب وانا ما بدي ياه هو كان رغبة اهلي:frown: لكن الصدق انا ما كان في شي ثاني براسي:p بس هالسنة درست :hart:علم الاحصاء:hart: لأول مرة بحياتي وحبييت هالعلم كثيييير:sosweet::sosweet: وقررت انتقل لهالفرع:clap: ووقفت ضد الناس كلها وعملت يللي براسي:adal::sly: يللي مفرحني انو حسيت لأول مرة انو انا يللي بحدد مستقبلي:larg: وكمان فرحت لأني ما رديت على كلام الناس:pos: تصوري انو في ناس قالت اني فشلت في الطب مشان هيك انتقلت:shock::shock: بس انا تعاملت مع الموضوع بهدوء مع اني عصبية كثيييير :sly::jakoush:وصعب اني اتقبل النقد:x |
| الساعة بإيدك هلق يا سيدي 13:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون