أخوية - مقلاية أخوية ( ( 4 ))

اقتباس:

كاتب النص الأصلي : jouliana (مشاركة 780762)

يالا انا بسألك كم سؤال على الماشي يا حلو:oops:

شو هي التجربة بالحياة خضتها و بالتالي اتعلمت منها درس الحب
شو بتعنيلك دموع الفتاة ضعف او مكر لاستغلال الموقف لصالحها على حسب الموقف ممكن يكون فعلا ضعف ، و ممكن يكون استغلال لتاخود يلي بدها ياه
برئيك انو اصعب لديك دموع اليتيم المحتاج ام خيانه الصديق خيانة الصديق لانو اليتيم لح حس فيه بس بوقتها ، بس الصديق طول العمر
شو هو طموحك بالحياة طموحي كون شي مهم بشغلي و ابدع بهل شي
مواصفات فتاة احلامك مافي مواصفات محدده ما بتحسن تحكي للقلب انا بحب هيك لانو بس الواحد يشوف فتاة احلام قلبو لحالو بيلهف عليها و بمعظم الأحيان بتكون عكس ما هوه راسم ، معناها مافي مواصفات خاصه ، بس موصفات عامه انو تكون بتفهم بتعرف تحكي ، انيقة بلبسها ، بتعرف كيف تتصرف ، مانها بليده ، و شكل الجسم امممم لنحكي بتشب شوي اليسا لووول
في عمرها بنت قدرت تنزل دمعة من عيونك لا مافي و حتى لما نكسرت من هل بنت ستخسرت فيها الدمع لانها ما بتستاهل هل شي .
شو بتتمنى تصير بالمستقبل او كيف بتشوف حالك بعد 10 سنين بأي صورة بتمنى كون دعامه اساسيه بشغلي ، بعد عشر سنين بشوف حالي نفس هلأ بس بخبرات اكتر بكتير و اوعى من هلأ و الاهم اني ظل متفهم ليلي حولي . و بتمنى مستقبلي ما يوقف عند نقطه وحده

شو هو احلى و اتعس يوم بحياتك احلا يوم بحياتي لما اتخرج من جامعتي كشي قريب ، ولما يجيني اول ولد بالبعيد
اتعس يوم بحياتي كان من شي 4 سنين لما نطعنة من اقرب الناس الي و نكسرت قدامهم و ماحدا حسن يساعدني بشي
لو فيك تغير اسمك الحقيقي الي هو عبد أي اسم بتختار بحتار بين 4 اسامي اول شي بفكر باسم عميد لانو ابي كان بدو يسمياني ياه ، بعزين اسم حمزه لاني بحبو ، و من ثما ألكسندر و اخر شي يوسف سبحان الله هل اسم كتير بحبو
هل انت حاليا نفسيتك مرتاحه يما عايش شي حالة نفسية تاعبتك انا هلأ بمرحله انتقاليه يعني متقلب بتمر فترات بكون مرتاح نفسي و فجئه بتقلب و بصير مكتئب كم يوم ، بس بتوقع قريب لح ارجع متل ما كنت قبل الشغله مجرد وقت .
شو هو اكتر عمر برئيك بكون الاحلى بفترة عمر الانسان بتوقع من ال 35 لل 50 او 55 لانو بيكون الواحد باوج عطائو و نشاطو
اذا واحد استفزك بطريقه لا تطاق هل بترد عاليه بجرائه لتقنعه او بوقاحة لتجرحه برد عليه بطريقه من تنين لو ستفزني عن طريق الغلط بالعاده بسكت او بنزوي عنو ، بسو لو جرحني متقصد و عمد برد عليه بالطريقه يلي برتدلي كبريائي لو نجرح هوه ماني متعود اتنزل عن حقي بسهوله
عاجبك شكل المنتدى من الوانه و طريقة تصميمه؟ اي حلو لانو الألوان بشكل عام هادئه كتير
شخصيتك داخل المنتدى هي نفسها برى بحياتك اليوميه نفسها تمام ممكن تسألي الألهة ، ابو سليمان و حسون ، بس طبعا في مواضيع بكون جدي اكثر فيها علواقع ، بس انا انسان بوجه واحد وين ما كنت
هل تتمنى شيئا في عالم النت وتريد تحقيقه؟ اي بتمنى شي واحد بس اعمل انجاز بعالم النت ممكن يخلد اسمي وهل شي مو صعب
في بحياتك سر ما حد بعرفه الا انت و حالك اكيد في اسرار الواحد بظل معو لحالو مين ما كان يعني
عرف عن نفسك بتلت كلمات ديمقراطي ، مثابر ، ألمعي
اكتر شي بتكره بحالك ذاكرتي القويه
شو هو مفهوم الحب عندك تضحيه في سبيل انو هل حب يستمر
برئيك شو احلى شي موجود على هل دنياا الشام
اذا كنت بنت ليوم واحد بس شو بتعمل بهادا اليوم بتمنى ارجع شب ، لانو ما بحياتي فكرة كون بنت لا ليوم ولا لثانيه
لو صرت مشرف بالمنتدى راح تتغير اطباعك لا مالح تتغير انا مشرف قديم بكتير منتديات سويره قديمه بس تركتهم من سنتين تقريبا ، حكتلك من قبل انا واحد طبيعي بحياتو مالح يغيرني لا منصب بالنت ولا منصب برات النت ، انا مدير بشغلي و بحكي مع الكل كاني انا اصغر واحد ، قاعده لالي خليك بسيط و حب الخير للكل مشان الكل يحبك ، لو ملكت الموقع لح ظل انا عبد متل ما انا ..
اذا حبيت تلغي قسم من اقسام المنتدى أي قسم بتختار ما بلغي اي قسم لانو خلص المنتدى كل شي فيه صار جزء لا يتجزء و اي تغير فيه معناها تغير للهكليه كلها و هل شي لح يخربو برأي ن ولو اصرتي كتير بلغي قسم الموبيلات
شو شعارك بالحياة شعاري بالحياة ، مين خانك لك ، بيخونك لغيرك
هي واحد من شعارتي لوول
بقراراتك بتلحق البك يما عقلك كتير بلحق قلبي وهل شي بكرهو بحالي اني بفكر بشكل عاطفي بالعالم
شو الفرق بين الالتزام و التشدد الألتزام انو الواحد يلتزم بخط هوه شايفو صح بطريقه ما تكون كتير متزمته .
التشدد : انك تقنعي الكل بانو فكرتك هي الصح و بدك تمشي الكل عليها غص من عن راسهم .
اذا عصبت بتضرب يعني عندك عنف يما لا لا انا نادر ما ألجئ للعنف خصوصي بالبيت انا ما ما مديت ايدي على اخواتي ولامره مع اني الكبير طبعا نستثني ايام الولدنه ، بس اذا فرت و وعصبة من شب و جرحني و بدي اظربو ما بيريحني غير منظر الدم .

بصراحة بتحضر توم و جيري او لا مبلا اذا شفتها هيك بشوفها
شو هو عطرك المفضل للشب و البنت للشب بلاك أكس أس
للبنت بحب البربريز ويك اند ، و الأنجل
شو اكتر لون ورده بتحبها و ليش الزهري ، بحسها كتير حساسه لانو
كم واحد ضايف بالمسنجر 539 واحد علمسنجر عندي
شو راح تعمل بالعيد وين بدك تروح وشو بدك تعمل اول يوم علديسكو و على شي مول و الباقي اتوقع بالبيت
ليش ما بتحب هادي لسمايل الي بتضحك J لانو دائما كل بتبلش خناقه مع حدا بالمسنجر او بشي موقع شات بيحطولي هل سمايل من شي 7 سنين لليوم لهيك خلص كرهتو ما بحبو بس حدا يحطلي ياه بحسو يا عم يتسخف او عم يتحركشني
لو حد اتدخل بخصوصياتك و ضايقك كيف بتتصرف لو شي مابدي احكي فيه عندي القدره غير الموضوع بدون ما حسسو ، بس بشكل خاص انا كل شخص بحطلو حد انو ما يتخطاه فيعني مو مين ما كان بخلي يوصل لمرحلة انو يحكني بخصوصيتي
اديش صارلك بعالم الانترنت من سنة 1997
بتحب اللبس الرسمي او السبورت اكتر السبور اكتر بس بشغلي ملزم بالرسمي انا
تؤمن بأن العمر بالعقل وليس بالسن؟ اكيد بامن فيها في ناس عمرهم فوق ال 30 تفكيرهم ابن 10 سنين وفي ناس عمرهم 16 و تفكيرهم ابن 25 سنين ، يعني الواحد حسب البيئه يلي بيربى فيها وحسب الناس يلي بيحاكيها بيطور تفكيرو
اذا قدامك حد ببكي بتتأثر فيه اكيد
بتطول لتاخد قراراتك بالحياة او متسرع يعني ممكن نحكي اني بالوسط او لنقول متسرع شوي

تعاريفك للمصطلحات التاليه..;)
1. الام الحياة
2. المرأه نصف العالم
3. الوطن أغلا شي بلا منازع
4. الخيانه جريمه مستحيل اغفرها وال باي شكل
5. الزواج بناء اسرة
6. البحر غدر "الكل بيشوفو رومنسيه إلا انا بشوفو غدر"
7. الموت كاس على كل الناس
8. الغرور نهايتو الانكسار و انو الواحد ينزل اد ما طال فيه الزمن
9. الجهل سلاح قاتل
10. الفقر غناء يوم القايمه

و شورئيك بالاقاويل التاليه..

هد جبل و لا تقنع تيس:shock: بهل حاله ممكن هد الجبل و اقنع التيس انو انا هيدتو
بنحكيله تور بحكيلنا احلبوه:pos: هاد الواحد يلي مو شايف شي على مبدا حمار لو الكل خيول
البنت بتطلع لامها:oops: اكيد لانو الام هيه يلي بتربي فاكيد البنت لح تطلع لامها ، نادر ما نشوف رقاصه بنتها ملتزمه بدين ، او متدينه بنتها رقاصه لووول
أذآ اردت شيئـآ بشـده فطلـق صـراحـه..فـآن عـآد لـكـَ فهـوٍ ملـكـَ لـكَـ ألىَ الأبـد..وآن لـم يعـد..فهـوٍ ليـس لكَـ منـذُ البـدآيـه::D ما بامن بهل قول انا لانو مافي شي بيروح و بيرجع ن ويلي بيروح و بيرجع بيرجع بس مجروح
كيف اتوبك يا اطهر ذنوبي و اوقف عند حدي..و انت ذنب لا غفره الله لي ولا لي عنه توبه:hart: بيت شعر مالو تحليل عندي مابحسن اوصفو لانو صاير شي غلط و بنعرف انو غلط بس ماشين فيه لانو خلص مابنحسن نتراجع ، وانا كتير بحبو

وشو رئيك في.....:larg:

غرام (لا تحكيلي مين غرام ):sosweet: بوابه كانت حلوه لوصل لشي
فيني انا:D من احلا الشغلات يلي مرت بحياتي علأطلاق
في نفسك:pos: انسان عادي ، هدفي كون فوق العادي

واخر شششششششي هل طلعت روحك من كتر الاسئله تبعت الاعضاء او بعدك مثاابر :clap::clap: لا لسى مثابر و بدي كمان أسأله ، لسى في أسأله كتير ماحدا سألني ياها و منتظر حدا يسألني ياها لنشوف مين لح يحسن يظربني على الورت الحساس

شكرا على أسألتك لو في عندك كمان شي ساليني :D

وين الباقين