اذا حسبت عدد العواميد مزبوط بيطلع 690

بس لازم نحسب المسافات بين العواميد
يعني رح يكون من جهة 23 عامود و من جهة 22 عمود
لازم ناخد ال 23 عمود يعني بكون بينهم 22 مسافة مضروبين بـ 30متر .... بيطلع طول الشارع 660 متر

لك معك حق انا هيك كمان حسبتها بس دري ليش طلع معي الجواب غلط :shock:
انا شلت من كل طرف عمود :lol:

انو انت تماما متل ما عما تقول, بس اخر الشي ما كتير زبطت

هلق بيكون فمن كل جهة 22 عامود هادا الكلام صح ...
بس اسا بيضل في عامود بقيان عالجهة التاني والي رح يكون بنص المسافة من العامود الاخير
مشان هيك انا بغير رأي وبساوي هلق
675 متر

مرة تاني بحاول اشرح قصدي
45 عامود
بيتوزعو 22 عكل جهة
بيصيرو وقتا على بعد 660 متر متل ما كنت عما تقول
بس اسا بيضل العامود الاخير والي بيكون من الجهة التاني وبيكون على بعد نص المسافة بين عامودين
مشان هيك بيطلع معنا 660 + 15 = 675

ما بتقدر تحسبا بهالشكل
لأنومزبوط بيبعد مسافة 15 متر عن آخر عمود بالجهة التانية
بس كمان بيبعد مسافة 30 متر عن العمود يللي قبلو بنفس الجهة
يعني اذا بدك تحسب طول الشارع .... لازم تحسب على اساس الجهة يللي فيها عواميد أكتر
و يللي من ضمنها أكيد رح يكون أول عمود بالشارع و كمان آخر عامود لأنو العدد فردي
و متل ما قلنا هالجهة فيها 23 عامود يعني 22 مسافة يعني 660 متر

تمام .. بالضبط متل حكي سامر ..

حل ابو سمرة الصح شباب .. وسيمو .. حكيك فيو صحة .. بس سامر فسرلك انو ... بدك تعتمد عجهة الشارع اللي فيو 23 عمود ..

:Dويلا منزل الجديدة

شباب .. هي عالماشي ..

كيف فينا نستخدم .. تسع تمانات

8,8,8,8,8,8,8,8,8

لحتى ينتج عنا الرقم 9000

اي وصلت الفكرة هلق, انا كنت حاسب انو الشارع بيبلش من العامود رقم صفر .. مشان هيك فرقت .. لازم الواحد يبلش من العامود رقم واحد
:D


كرهين هدول مسائل الارقام:frown:
هلق بيجي راو وبيحلة بخمس طرق:o


:D

طول عمري بتعقدني المسائل وخصوصي الرياضيات ..

موضوعك وبجداره وجعلي راسي ...:pos:

لانو في مساله حليتوها عقدتني وما انحلت معي .. بس غشيتا بالاخير :cry:

اذا انحلت المسألة فاكيد الي حلة او ايا حدي تاني بيعرف الحل ممكن يجرب يشرحلك اياها مرة تاني
اذا الك مصلحة طبعا




وبعدين ما عيب عليكي تغشي:pos:

فهمتا .. بعد ما شفت الحل ..

بس اتدايقت لانو الحل طلع غبي ..:cry:

:o
اي هي بتصير كتير
بدك تطولي بالك شوي وتضلي تاخدي الافكار الغبية كمان بعين الاعتبار;)



وهلق مسكي الالة الحاسبة وساوي من تسع تمانات 9000:shock:


وبيطلعلك جائزة من يمان اذا حليتية :adal:

اي بالفعل
غليظين هدول ......... :sick:




الحلو بالمسائل العادية ... كيف تستنتج المعادلة ....مو كيف بتحلا

تسالي طلعت متاخر ساعتين عن حل المسالة
منيح لحقت احزفو هههههههه

88 +8888+8+8+8


=

9000 ..

مو هيك ؟؟:?

برافو :D

حاسه حالي متل ملكات الجمال .. :lol:.. ما بصدقو لما بيحصلو عاللقب :p..



الي بعدو يمان :larg:

ما هاي هيي الرياضيات .. لما بتقدر تحول معلومات ( نص, او شكل هندسي ) لمعادلات رياضية فينك تحلة
والحل باغلب الاوقات ما بيكون كتير صعب .. اوقات بدو شوية تركيز بالحساب .. بس بشكل عام شي قابل للحل


عكل حال عما نسنتا شي حدي بيحب هيك شغلات مشان تجي بعدا شي مسألة متل الخلق والعالم

هيك تماما

شفتي هاي مشي الحالة وما كانت صعبة عليكي


بس يجي يمان قوليلو يعطيكي الجائزة:p

احم احم ... ام الرور حلتا .. مممم


لك ام الرور تطلب اللي بدا ياه بتستاهل والله ... :p...


يلا منزل جديدة :D

اي خيو ... وهاي الجديدة ..

خيو .. هي الحجة ماتيا .. كان عندا بالسقيفة ... 10 طناجر ..

بتكون سعاتها على هالشكل

38,22,12,5,2,1,4,6,15,24

اجت الحجة ماتيا ... بدا تعبي هالطناجر بسوائل معينة ...

هلا فلفنرض انو راحت عبت ... ببعضن عصير بردقان ... وكمان بطناجر تانية راحت عبت .. حليب

وبطناجر تانية راحت عبت .. عرق سوس حلو هالحكي ..


هلا .. المعطيات :

1-بعد ما انصبت السوائل .. ضل في عنا بالاخير .. طنجرة وحدة فاضية
2-بعد ما تم صب السوائل .. نتج عنا .. انو حجم الحليب المصبوب = ضعف حجم عصير البردقان المصبوب
3-بعد ما تم صب السوائل .. نتج عنا .. انو حجم عرق السوس المصبوب = ضعف حجم الحليب المصبوب

المطلوب :

1-عشو بتحتوي كل طنجرة " حليب-عرق سوس-بردقان"؟
2-شو سعة الطنجرة اللي بقيت الـ " فاضية ".؟

.:D

ظريفة هي بنفكر فيا ومنردلك خبر

خيو حليناها:
ليك الطنجرة الفاضية سعتها: 24
و عندك: 15 عصير
30 حليب
60 عرق سوس
شلون :larg:

غـــــــلـــــط

طيب اجمع الارقام بيطلع معك انو الجواب صح :larg:

بعرف حجي بس انو انا حسبت بطريقة كان البردقان فيا 2X ف لغيت الواحد طلع معي ناتج بس مازبطو عالطناجر :p

طلع معي انو لازم ماتايا تستعير من عند الجيران طنجرة لتزبط ع جوابي :o

وسيمو حلك صح شريك ... بس حطلنا طريقة حلك كنت ..

بس جد شغلة .... راغب روعة ... يعني بكل معنى الكلمة روعة ..

روحي شريك :D

* لا شريك ماني محتكر شي ... واللي عندو يحط وكلنا منحل ..

بس المهم ما يصير تضارب يعني ما حدا ينزل .. ويكون في وحدة لسا ما انحلت او انحط حلها ..

وعراسي احلا شبيبة ...

** هلا انا بقيانلي يومين بالشام:cry: .. بدكم تعذروني لو صار شوية تقصير ..يعني ما عاد يصحلي فوت كتير بجوز ممكن انو ايا حدن يحط .. يصير مسائل والكل يحاولو يحلوها .. يعني ما ضروري تنطروني او تنطرو حدن معين ..

وعراسي الشباب كلا ..:D

اي خيو ...

هلا هاد خيو عمك ابو الهن .. راح مرة عند الصايغ بدو يتكارم يعني .. :?

راح .. وبدو يشتري الماس .. لصاحبتو الجديدة :o


المهم فات على هالمحل خيو ... بجيبتو في خسا عشرين مليون ..:cry:

بقا سالو للبياع قلو بقديش الوحدة معلم " البياع هون:shock: .. اتطلع فيه قلو شو مشان .. شو هي الوحدة .. شو عم نشتري عالمكسر نحنا :p"

المهم .. طلع حق الالماساية الوحدي خيو .. خسة مليون ..

المهم ... عمك ابو الهن شو راح ساوا ... راح قلو عطيني 4 اصليات ووحدة تقليد ..

انو .. الزلمة .. عطا ياهم .. عمك ابو الهن .. راح زبطون بعلبة وعيكفك ..

راح عند المدام .. وعطاها ياهم ..

هلا للاسف طلع ابو الهن مانو عرفان انو العلقة اللي علقانها .. :o

راحت هي الشبيحة ... بدا تتاكد .. وفعلا هوة المزيفة فارقة بالوزن عن الاصليات ..

هلا السؤال .. كيف فيها تعرف الماسة المزيفة ... بوزنتين بس ؟

بدي حلها بطريقتين مختلفتين :D

بسيطة.
بتجيب هالميزان.
بتحط بكفة وحدة, وبالكفة التانية بتحط وحدة تاني.
اذا اختلف الوزن, بتكون الكفة اللي طالعة لفوق هية اللي فيها المزيفة.
اذا تساوو. بتحط تنتين تانيات. اذا اختلف الوزن. بتكون الالماسة اللي ضافتها اخر الشي, بالكفة اللي ارتفعت. هية المزيفة.
واذا تساوو, بتكون الخامسة اللي معها هية المختلفة


اما الطريقة التانية فمنعمل الطريقة الاولى بس بالعكس,
يعني منحط تنتين بكفة وتنتين بكفة تانية.
اذا توازنو, كان بها, وبتكون اللي معنا هية المختلفة.
اذا ما توازنو, منشيل تنين. اذا توازنو, بتكون اللي شلناها من الكفة الطالعة هية المزيفة.
واذا ضلو مو متوازنين, بتكون المزيفة بالكفة المرتفعة

تماما شريك يسلمو ريحتني من كتابة الحل :D
اسف انا ماني متابع المسابقة ف مشان هيك ما عرفت اني لازم اكتب الحل
مرة تانية مشكور راغب

جادو الطريقة التانية مو زابطة معك
عم يقلك بدو ياها بوزنتين بس
وانت هيك صرت عم تعمل 3 وزنات

حلو جادو .. حلك الاول صح التاني عندي شغلة ما دارتلي

يعني هلا حطينا 4 الماسات بالميزان صح .. حلو

هلا ان توازنو بتكون اللي برا هية اللي فارقة .. ان ما توازنو بدك ترجع تشيل تنتين .. طيب ان اختلفو اللي جوا .. لح يبين بس ان اخختلفو اللي برا ما لح تقدر انك تعرفون الا ازا رجعت وزنتون مرة تالة وهيك بكون غلط :o

اااااااااااااه لا يمان هلق انا فهمت عليه:
ليك
اذا ما توازنو الاربع ماسات فانت بتروح بتوزن الماستين اللي كانو بالكفة المرتفعة لانو وحدة منهن هي المزيفة
مو هيك جادو؟؟ :lol:

بس شريك سؤال .. بركي كانت الماسة المزيفة اقل وزن ما اكتر ؟ انت ما بتعرف

هاد هو موضوع المسابقات يللي خبرتني عنو يا يمون ؟؟؟

الطريقة التانية لجاد هي كالتالي (بس ما حد بيفهم عليه غيري)
بتحط بكفة تنين وبالكافة التانية تنين
اذا حصل توازن بتصير الماسة الخامسة هي المزيفة
واذا ما حصل توازن بيكون في كفة اعلى من التانية (بناخود الماستين منها)
وبنحط بكل كافة ماسة (والكافة الاعلى هي المزيفة )

هادول وزنتين بس !!!
الماسة المزيفة اقل وزن (وهاي شغلة المدام وماشغلتك ) :o

خبرة نسائية

لك يمان شبك؟؟ شو صرلك؟؟عم نقلك انو الماسة المزيفة وزنها اقل من الحقيقية فلذلك الكفة اللي فيها الماسة المزيفة رح تكون هي المرتفعة يعني طالعة لفوق لانها اخف من التانية اللي فيها ماسات حقيقية بس
وين اللي مانك فهمانو بالموضوع؟؟ :shock:

يعدمني ياكون كلياتكون شو جدبان.
لا مو هيك قصدي.

قلت منحط تنتين بوحدة, وتنين بوحدة تانية.
اذا توازنو اللي معنا هية المزيفة. حلو لهون الحكي؟؟؟

اوكي

هلق اذا ما توازنو, منشيل وحدة من جهة ووحدة من جهة.
اذا توازنو هلق, بكون الماسة اللي شلناها من الكفة المرتفعة هية المزيفة.
واذا ضلو مختلفين الماسة اللي بالكفة المرتفعة هية بتكون مزيفة

طيب .. ولو كانت المزيفة اكتر وزن :o

بس هو قال أنو الماسة المزيفة ... مختلفة بالوزن ....ما قال أخف بالوزن :shock:

اي بعد ما كتبت الحل, اشتلقت لهلشغلة.
همممممم...