|
هابي فلنتاين شبيبه ..:p
اقتباس:
شو رح يصير مثلاً ؟! رح تُستبعد ميمو مثلا ً من الأشراف ؟!!:shock:بالأول وبالآخر لايصح الا الصحيح .مسيو راغب هاد كادر اشرافي عندو مهمات هو مسؤول عن تنفيزها ماحدا بيقدر يملي طريقة التنفيذ عليه بااستثناء صاحب الموقع ....وهالشي مابيعني ابدا ً انو المشرف المسؤول يتفزلك و يستغل هالمنصب ويعمل مابدالو بأقسامو .!! مافي حدا مثالي ومافي حدا بيحب يكون غير مثالي .. الكل بيحب يتعلم لهيك شوية ملاحظات بتفيد ..مع انو مو كل ملاحظه بتعتبر ملاحظه .صحيح مارح نوصل للمثاليه بس بنحاول نقاربها ....بموضوع التصويت الأول زكرت انو التصويت رح يكون خالي من المصداقيه ..وهاالتصويت شاهد على عدم المصداقيه ..هي مرسيل رغم كل مشاغلها عم تحاول تعطي قد مافيها ويمكن هي ّ اكتر مشرفه لمساتها ظاهرة للعيان لهيك صار عليها تصويت... ياحزركن ليش صارتصويت ضدها ؟:? بالمختصر الشديد اخويه مابدها اشراف يعمل نقطة نظام بدها اشراف مابيشوف ومابيسمع او يراقب يعني هلاء فينا نقول انو صار الموضوع تصفية حسابات وع المكشوف المستريح .. الله يقويكن:gem: اقتباس:
اقتباس:
ع فكرة جاد بحب خبرك انو قبل ماينحزف الموضوع بيوم يعني قبل تلات ايام من هلاء بعتت لسارا انو يتسكر هالموضوع بالزات رغم انو شاركت فيه بس طلبي مو لغرض معين لا والله بس لأنو نحنا بشر وأقل كلمة حتى لو ضحكنا بوقتا بتعلّم وبتعمل اثر:D |
اقتباس:
ونحنا بسم الله ماشاء الله عنا اعضاء فوق ال 100 الف . بعرف بدك تصوت ياس لانو هالموضوع ما قدرت تصوت فيه :o هو من ناحية الديموقراطية والمساواة والعدالة لازم ننزل موضوع العضو الغير مثالي بس شو رئيك؟ لقد خرجا عن مسار الموضوع 600 كم مربع !!!! لابد وان نبحث الامر |
اقتباس:
وانتي كتير واعية وفهمانة :D بس على فرض انو حصل زلزال (مارح انكر او ما انكر) بس الفكرة انو هاي نوايا ، الله العالم فيها واحلى هابي فالنتاين:D |
اقتباس:
غريبة شلون العالم صايرة حساسة, بهالفترة مو هيك؟؟ فعلا شي غريب. عالعموم, انا حكيت عن الموضوع السابق. كمثال, شلون الشغل عم يصير. اذا سكروه ولا ما سكروه, مو فارقة معي |
وها انا بينكم من جديد بوجه اخر وايهاب اخر
اول شي صباح الخير ليلي توقيتو الصبح ومسا الخير ليلي توقيتو المسا طبعا بعد غياب اكتر من و4 شهور عن اخوية وكان هالغياب(طوعي ) وبعد سلسة من الالحاح وممارسة الضغط عليي قررت اكتب بهالموضوع الكبير والجريئ , طبعا هلئ بس الاعضاء يشوفو اسمي ومشاركتي اكيد رح تنقسم الأراء شي بقول الله لا كان جاب الغلا انت شو جابك العمى هادا فلاش باك لسانو متل الشفرة وقسم رح ينبسط ويقول الحمد على السلامة وبعد زمان وقسم مارح يكون في عندو اي رأي بحكم انو مابيعرفني . المهم منجي عى الموضوع يلي من خلالو كتب هالمشاركة وبتمنى من الكل ياخدا براحبة صدر السؤال الاول يلي بجي على بالي هلئ وعلى بال قسم من الاعضاء انو ليش هالموضوع هون انو ليش انكتب ؟ والجواب هو خلونا نرجع سنة وشوي لورا ونشوووووووف هالموضوع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لأنو بداية هادا الموضوع مرتبطة هنيك بهداك الموضوع وهو انو شو سبب اختيار (المشرفين ) يلي كانو منسقين على ايامي , طبعا صار جدال طويل وعريض وصار عي وصار جئ ولوص بالحكي بس ماعرفنا ليش بوقتا على ما اظن يا اما بترفلاي يا اما ذا لايت قالولي باحد الردود انو اخي انتو ليش عم تحكمو علينا ولسا ما بلشنا شوفو شغلنا بعدين حكمو (بهالمعنى كان الحوار ) , اما اليوم فبظن صار الحكم معروف بالنسبة الي انا مارح صوت لسبب جوهري وهو انا كنت بعيد عن المنتدى ومابعرف شو صار وشو ماصار بس هالمرة رح سمي الامور بمسمياتها من باب آخر وهو مين يلي مابيستحق يكون منسق بوقتا وصار هلئ مشرف طبعا الحكي رح يدايق اصحاب العلاقة واصدقائهم والاسماء يلي بدي حطا مالي اي مشاكل معن ابدا لامن قريب ولا من بعيد ولكن هي (من منظور شخصي ) بناء على وجودي بتلك الفترة 1-ريمي 2- مريومة 3- جي ام سي 4- سويت بيبي اعزائي اعذروني على الصراحة يلي ممكن تكون زعجتكن بس انا ما بكن غير المودة الكن بس في ناس اجدر بهيك شغلة غيركن وفي قائمة تانية وهي بتضمن اسمين ما كانو لازم يصيرو منسقين لأسباب مختلفة مع انن عندن الثقافة بس بوقتا كانو طائفيين ومارح اذكر اسمائن لأنو مو محطوط اسمائن بالقائمة تبع هالموضوع وبدي احكي كلمة لأسير وكلمة لماد ماكس انتو التنين كلامكن صح بس طولو بالكن على بعض وبتمنى من أسير (بما انو عم يحكي لى المكشوف ) او اي عضو عندو معلومات عن اجتماع حمص (الشهير ) يلي صار بشهر 10/2006 وعالم نزلت من الشام وعالم نزلت من حلب وعالم اجت من خارج الاراضي السورية وحضروا هالاجتماع وطلعو بقرار اختيار المنسقين (المشرفين الحاليين ) مو مشان شي بس مشان التاريخ طبعا انا شفت نتيجة التصويت الحالية وكل شخص صوت حسب رأيو وطيبيعة علاقتو بالمشرف بس يلي مستغربو كيف ريمي بتختار اسم من زملائها على اساس التجريب ؟ لا والاحلى من هيك بتجي وحدة تانية اسما فوفو بتختار نفس الاسم وقال شو مع انو مابعرفا بس اخترتا ( صراحة شي بشهي والله ) انو مابتعرفيا ليش اخترتيا ؟ وسمعت من كم يوم انو في قائمة عم تتحضر للتنسيق بحب قلن ( مع اني مابعرف جدا منن الا 2 منن ) وخاصة انو القوائم ما طلعت بشكل رسمي بس بقلن الف مبروك بس لا تخلو المناصب تغيركن متل ماغيرت غيركن , ودائما اشتغلو بمقولة (لو دامت لغيرك ماوصلتلك ) هادا الحكي جاية من تجربة شخصية على ارض الواقع وليس في عالم النت انا طلعت كتير عن الموضوع وبعتذر من صاحب الموضوع وهلئ ببحبشة سريعة في المنتدى لقيت احد الاعضاء وهو صديق لي انو في الو اكتر من موضوع مثبت بقسم مستلمو صديق الو (صديق صديقي ) ;) (جرى التنويه ) لا اكثر ولا اقل ومشرف اخر لقيتو بالبحبشة السريعة انو مثبت مواضيع الو بقسمو (بجوز هو معتبرا انو مهمة والله اعلم ) وبدي سلم على بعض الاعضاء هون وبدي قلن 1- حسن : انت اغلى شخص عليي باخوية ومن اغلى الناس بحياتي الواقعية لهيك بقلك حسن حسن حسن لاتتغير وبعرفك شجاع خليك هيك بس عم اسمع عنك اخبار انك متغير شوي وصاير ما عم تقول يلي بقلبك صراحة نحنا عرفناك صريح خليك صريح ويمكن فهمت اصدي 2- سريان انجل : اصيلة 3- جاد : ياريت كلنا عنا شجاعتك 4- ليوبراد : سامحني اني ماودعتك 5 -وائل76: اشتقتلك واشتقت لحوارك 6- الحاج متولي : حبيبنا منشوفك على خير 6- بلاك : الي الشرف اتعرف عليك مع انو ماحكينا كتير واكيد النا قعدة بمعيتك 7- مورنيغ: الى الامام 8- محمد ابراهيم : تأخرت معرفتي فيك يا عمدة حئك عليي 9- مي تو : اشتقنالك 10- مستر سامو : انت بالقلب وطول عمرك وفي 11- كوستا : سلامك وصلني وبكفي اني لسعتني بذاكرتك 12 - سرسورة : كل الاحترام 13 غزوول : قمة الاكابرية 14- صياد الطيور : الك وحشة وبقلن فلاش باك يحبكم جميعا وبالنهاية يحضروني القول العظيم وهو اني ارى رؤس قد اينعت وحان قطافها ..................... كملو انتو الباقي :p لهيك بالنهاية لازم ينحل الموضوع من بدايتو مو من النهاية ويكون عنا كلنا الشجاعة وخاصة المشرفين ويقولو كل واحد عن حالو وين اخطأ وممكن تكون غيبتي كمان طويلة هالمرة بس حسب الخالة اذا كان في داعي للاستنفار متل اليوم اكيد رح تشوفوني مرة تانية بخاطركن سلامات |
اقتباس:
و لا هلأ ما كنت حابب لا رد و لا احكي ... لأن الحكي ما عاد ينفع مع يللي متلك بس بما انك عم تبيض علينا أخلاقيات ...... حبينا نفرجي العالم مين حضرتك اقتباس:
بس ما بحق لواحد متلك ( بأدبك و بأخلاقك :o ) يعلّق على ردود غيرو اقتباس:
بس لازم الاعضاء يللي ما كانو بوقتها ....... ياخدو فكرة عنك ......لأن يمكن البعض لساه مغشوش فيك اقتباس:
المهم انك ما نكرت قلّة أدبك :p |
هلأ انا رح وضح وجهة نظري من الموضوع تبع المقلب ..
واللي صار حوالي جدال ونقاش طويل كتير .. والامور دخلت ببعضو بسببو انا هلأ بعد مانعمل المقلب ونزل .. يمكن شوي زعلت ع العنوان .. بس انو اخدتا عادية بشكل عادي ومزح يعني مي محرزة نعمل حساسية ومشان مزحة ويمان وجاد يعني رفقة .. وبتقل انا هيك مزحة منن وعلى عيني وراسي .. والموضوع كلو مزح بمزح وبشكل عادي ماشي .. وبضل اولا واخيرا مزحة طبعا انا لو الموضوع زاعجني كتير وحارقلي قلبي .. كنت خليت جاد ويمان غصبالعنن يسكرو الموضوع وكنت عملت قصة الله ربا وعوفتن سماهن للتنين وخليتن يسكرو غصبالعنن .. ومن اول مانزل كمان ومالي قصير حربة انا .. بس متل ماقلت الموضوع اول ولاخيرا مزحة ومتقبل الموضوع من جاد ويمان .. وعادي .. ولو كان غير شي ماكنت خليتو يضل للموضوع يوم واحد ع بعضو .. تاني شي بعد مانلز الموضوع وهيك انا بعتت مشاركة عاطلة بهدف المزح .. وبهدف اني غيظ جاد يما انو بعرف انو بشوف التقراير وهيك .. او انو بالعربي كان بدي شوي حاول اني خوزقن بهالموضوع كمان من باب المزح :lol: طبعا بعد ماوصل التقرير بعتتلي سرسورة وسألتني انو ازا التقرير هااد عنجد ولا مزح قلتلا لا عادي مزح .. وطلبت رأيي انو شو تعمل بالموضوع .. يعني قاللتي ازا زاعجك ليتسكر وازا عادي فمنخلي طبعا انا قلتلا الحكي اللي قلتلو من شوي انو الموضوع مجرد مزحة وانا متقبلو وبروح رياضية وبشكل عادي .. ويعني مافي داعي يتسكر مشان ماحدا يزعل وترجع النقاشات تبعت السقيفة وهيك .. وانا عندي عادي ان اتسكر او ضل مافارقة معي طبعا وقلتلا بعدين عملي اللي بريحك لانو انا مافارقة معي .. وجاد ويمان هنن صحاب الموضوع وهيك .. وطبعا الامور مشية عادية الموضوع ضل شغال عادي وهي مااتخزت اي اجراء وعادي كتير .. وفجأة بعد يومين من هالحكي هادا اللي دار .. ولا فجأة داخل المدعو يامن ومسكر الموضوع من الباب للطاقة .. طبعا انا من جهتي ماكتير عجبني تسكير الموضوع ومن هالمشرف بالزات لاني ماكتير هاضمو صراحة .. ويعني عايف مواضيع الله كلا ومو سال ع شي اخر الشي شرف ورجانو طلتو البهية بهالموضوع .. وانا متل ماقلت مع انو الموضوع مو فارق معي بالمرة ان ضل ولا تسكر .. انا عادي وبضل مزحة .. وانا تجاكرت من هالتسكيرة لانو اجت منو بالزات وصار بيهتم بالقسم ع كتافنا ;) واكيد مابخفي انو كمان صار في استياء من جاد ويمان .. بالطرف التاني طبعا تبينلنا انو بعد شوي انو هو ماسكر الموضوع منو لحالو .. سكرو هو بناءا على طلب ريم .. وطبعا ريم اجت تاني يوم خبرتني انو هو ماسكرو لحالو انو انا اللي طلبت منو يسكرو بناءا على طلبي .. وهو كلو ع بعضو مابيعرف شوفي بالموضوع اصلا ;) طبعا ريم هون ماكانت بتعرف بالحكي اللي صار بيني وبين سرسورة بخصوص هالموضوع وماصلا خبر .. وهي قالتلي لو بعرف انو انت وسرسورة صار حكي بخصوص هالموضوع ماكنت طلبت منو هالشي ومادخلت ... وبعدين لعرفت انو صار الحكي عن الموضوع .. وهي عملت هالشي يمكن عن حسن نية وعدم معرفة على ما اظن بما انو فكرتني انو انا مدايق من هالموضوع او شي .. بس وضحتلا وقلتلا انا عادي وصار اللي صار .. فعادية هلأ انا هون بس حبيت وضح وجهة نظري من هداك الموضوع وكل الشغلات اللي صارت بالتفصيل بخصوص موضوع المقلب .. وكل واحد يعرف ليش هيك صار بالتفصيل اللمل عن هالقصة مشان ماكتير يكبر الموضوع ويزيد عن حدو بخصوص هالمووضوع .. وطبعا هادا بخصوص الموضوع اللي بخصني وبس واللي انحكى عني فيه .,. وغير هيك من خلفات انا مادخلني فياااا بتاتا .. |
الهيئة أنو معظن الاعضاء حابين يصيرو مشرفين ومو عرفانين كيف..:D
المشاركون بالتصويت: 44. يا عمري انت سبق وصوتت هون ترى.. شريحة واسعة وفعلا معبرة عن الرأي العام |
باقي الكلام مالي علاقة فيه
اقتباس:
كملو تنتيف... يا مثاليين, لأنو اللي حاط لحالو قدرة يقول عن حد غير مثالي, هاد أكيد مثالي سلامات:D |
اقتباس:
و أخيراً حبيبنا فلاش باك هاقد باك ياهلا يا هلا يا هلا:clap::yahoo::clap::yahoo::clap::yahoo: و الله الموضوع منور ....و أحلى تحية لمحمد إبراهيم على هادا الموضوع كونوا قدر يجيب إيدوا لحبيبنا فلاش (عمر) أحلى شب بالشام كلها وعلى العموم وولكمباك حبيب قلبنا فلاش باك ...مع العلم إني زعلان منك بس ولا يهمك إنتا دايماً بالقلب تحياتي الحاج متولي |
اقتباس:
وكلامك مزبوط |
اقتباس:
بما انو صار من جماعة المغتربين ببلاد الغرب :p |
الرد رح يكون طويل بتمنى ماتملو ليخلص ..
انو اول رد فعل ألي ... " متل ما بيتوقع اللي بيعرفوني منيح " كان اني اتضايقت .. انزعجت جدا ً ... ومابخجل اعترف اني كتير ضعيفة ... ضعيفة قدام الرفض .. وخاصة رفض الجماعة اللي بحبا .. وانا بحب اخوية كتير .. انزعجت بكيت .. ويمكن لو ما احتضنوني بلحظتا ... كنت بدي طربش الدني بعد الانزعاج الطبيعي الأهبل انتقلت انو يا بنت ليكون في قصص شخصية .. انو مثلا أنا اهنت حدا ؟ او غلطت بحق حدا ؟ قللت احترام حدا مثلا ؟ انا تعصبت ؟ او اسأت لمعتقد حدا ؟ حدا قصدني بدو خدمة بأخوية وخذلتو ؟ بعدين شلت القصص الشخصية عجنب ... قلت يا بنت ليكون شغلك ... طيب تعو نراجع ( بدون منية .. منيتي عحالي انا اتطوعت اشتغل ما حدا ضربني بنوب على ايدي ) قسم الملخص ( فهرست نص اخوية – مشان الناس اللي جايين جدد يطلعو عالمواضيع ومشان المواضيع الحلوة ما تموت .. اقل فهرس اخد خمس ست ساعات شغل ) ساعدت بتنضيف الصالون واقترحت قسم الملطوشات لتخفيف ازمة المواضيع المنقولة . المكتبة .. يا جماعة المكتبة عشقي .. ومدللتي بأخوية .. وقت بشوفا عم تكبر بحس بفرحة ... رهيبة .. احلى شي هدتني ياه اخوية هو فرحتي بالمكتبة ... بحس عندي استعداد اقعد عشر ساعات عالديال أب .. حمل كتاب .. إذا هالشي رح يخلي الناس تقرا .. الأقسام الأدبية .. فهرستا حطيتلا قوانين و اقترحت قسم المسرح وجمعت مواضيعو الرسم والتصوير ... كان قسم تجميع للصور ... عزلتو وحاولت ركز على ابداعات الناس ... ( مشان رسمات وتصوير المبدعين ما يضيعو بالزحمة ) وقدامكن القسم شوفوه .. اقترحت قسم الميثولوجيا .. وجمعت مواضيعو اقترحت مسابقة الخواطر وساعدت كتير كتير باستمرارا .. ماعدا كتير اشيا اشرافية ما بقدر قولا ... طيب .. بعد هادا كلو .. .السؤال المنطقي : ليش ؟ ليش العضو اللي سارق نص مكتبتنا ... وعم ينزلا بموقع تاني نسخة مشوهة عن اخوية .. عم يضرب بشغلي ؟ ليش العضو اللي كان متوقع يكون بالمنسقين وخاب أملو .. .عم يضرب فينا ؟ ليش في ناس اكلة مخالفات عم تضرب فينا ؟ منزلة مواضيع مو بمحلا ونقلنالا مواضيعا لمحلا .. عم تضرب فينا ؟ الجواب .. منطقي جدا لأنو الموضوع فاقد المصداقية .. هالموضوع اللي بيخدش " اكتر من بيخدش بكتير " صحبتي مع محمد يهدف للضرب بالمشرفين.. ولا يهدف للنقد الموضوعي مدري بايا رد كان محمد عم يحكي عن حق الانتخاب والسرية طيب .. بمجتمع الكتروني .. للبعض هون اكتر من عضوية ؟ وفي ناس جدد وما بيعرفو لسى خيرنا من شرنا بيصوتو ؟ وكتير ناس صوتت ما قالت ليش ؟ تحت بند السرية اللي رادا محمد كنت بتمنى أعرف الأصوات اللي اجتني من مين يعني وقت سيكولار او سكايبي بيصوتلي مثلا ً أسوأ مشرفة ... بكون فخورة جدا .. وقت واحد بملفو في اكتر من مخالفة " اهانة ومسبات " بيصوتلي .. كمان بكون فخورة جدا ً وقت واحد حازفتلو مدري كام موضوع لأنو مخالفين بيصوتلي كمان بكون فرحانة الموضوع كان للإزعاج فقط ... وحقق هدفو ... كان لتفريغ الشحنات اللي ولدها اختيار البعض للتنسيق وإنحاء البعض الأخر ... كمان حقق هدفو كان لتثبيط الناس اللي رح تصير هلق .. بالفريق بتمنى ما يحقق هدفو كان محاولة للنقض وليس للنقد وما حقق هدفو كان محاولة لتفريغ شغلنا من معناه .. وما حقق هدفو ممكن هلق نكمل شغل ؟ ممكن اللي ما عم يقدر يدفع اخوية لقدام .. ما يحط عثرات على طريقنا ؟ ويخلينا نعرف نشتغل ؟ حسام .. " حكيمنا " بيقول .. شغلة انا كتير بحبا وبحترما وبمواقف متل هي دايما بقراها .. اقتباس:
وبيقول كمان .. اقتباس:
بالأخير ... شكرا ً ... شكرا للي صوت احسن وللي صوت اسوأ.. للي دافع وللي هاجم شكرا ً من القلب .. كنت مالة .. وحاسة كتير بالفترة الأخيرة أني بديت انشف .. وما عاد عندي شي اعطيه بس اللي صار .. الدعم اللي اخدتو من كتير ناس بيرفعو الراس ... والمهاجمة من ناس بيهمني جاكرن . خلاني حب كمل .. جكارة ... للبعض واحتراما ً للبعض الأخر .. وهادا انا ... هادا اقصى طاقتي ... اللي حاببني ... هيك بتشكرو جدا ً:hart::sosweet: واللي ما حاببني يصطفل ...:p :mimo: |
سؤال صغير محمد شو شعوركـ وئت علئو البشر مع بعضها؟ |
انا حقيقة ما حبيت ضل رد على هالموضوع..بس هلأ حابة رد هالرد..
عزيزتي مرسيل::: اقتباس:
اقتباس:
اقتباس:
. . . وبحب قول انّو ردّي هيدا عن قناعة تامة واللي بدّو يعتبروا تمسيح جوخ فهو غلطان... واللي بدّو يصر انو هيدا تمسيح جوخ..فبقلو...انت حر..المهم انّي بعرف حالي وبعرف انّي من الصنف اللي لم ولن يـُـجامل ولن يمدح احداً لأي مصلحة ... وسلام :D |
كنت عم فكر بالنسبه لريمي وبترفلاي وليش أخدو اعلى أصوات هون والاعمى بشوف انو اكتر ناس بشتغلو
طلع السبب بسيط يلي ما بشتغل ما بغلط لو ما بيعملو شي ومن السنه للسنه لنشوفهم ..كان ما أخدو أصوات هون لريمي وبترفلاي :D:D |
:D:D:D
كل الوردود لكل المشرفين لان كلون بيستاهلو كل خير على تعبون ومابعرف ليش هالخناقات عم تصير بس عادي نلاقي انو في مشرفين ممكن ما نرتحلون بس هاد مابيعني انو هني مقصرين بشغلون ريمي المشرفة الوحيدة يلي بحكي معها وهيي صديقتي وبتفكر متلي وبتحب بشار متلي (وفي ناس صوتت ضدها لهيدا السبب) مع هيك انا ما صوتلها كمشرفة المثالية مع اني بحسها تشتغل كتير هيدا موضوع للواحد يعطي رايو بالمشرف مش للتجريح والمشاكل هيك فهمتو انا |
ما بعرف ااذا عاد عندي رد .. بعد ما حكي عبد ورامي وسامر ...
وشكرا للكل ... يلي بيحبنا ويلي ما بيحبنا .. وانا عم اكتسح التصويت ... :gem: |
| الساعة بإيدك هلق يا سيدي 15:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
