|
إجمالا كل افلام يوسف شاهين
بتحكي عن شكل من اشكال الحرية:D |
بس بدي علّق ...
عالمرأة..والحرية...في الإسلام... أنا لمّا كنت أقرأ عن بنات الرسول عليه الصلاة والسلام...والصحابيات الله يرضى عنن كنت ..أندهش ...إنو معقول كل هاد البنت والمرأة بتقدر يكون إلا حرية تعبير وبتقدر يكون إلا كلمة بالمجتمع؟؟؟ كنت دائماص أنظر لمجتمعنا إنو متخلّف...وما بصير البنت تحكي وتفتح تمّا ودايماً مظلومة...وهادا الشي صحيح... لأني لو في عنّا متل ألرسول وأصحابه..اللي بيشجعوا على حرية الرأي عند المرأة وقوّة المرأة وكلمتا...لما كنّا في هيك مجتمع... والأمثلة جاهزة إذا حدا بده يستفسر عن كلامي.. كل اللي أقصده..إنو ابتعادنا عن الشي اللي كان هو جوهر الإسلام..والفهم التعصّبي في الإسلام صار يدهور حالة هالمجتمع..من زفت إلى أزفت... كامل التحية |
اقتباس:
والباقي بيبقى معتقدات .. بس برأيي الخاص أنا بفضل القانون المدني، فهو بحقق المساواة بين مين ما كان. |
اقتباس:
انا ما قصدت انو اسيء الى الدين الاسلامي او الشريعة الاسلامية وانا لا اتكلم بالدين بتاتا مع احترامي لكل الاديان لكن انا لااؤمن بالاديان انا كنت عم ناقش فكرة وبدي اصل لنتيجة بالفكرة وهي انو نتحرر جميعا والكل يكون متساوي حتى نبني مجتمع افضل لانو لما بيتساوى الرجل والمرأة ...اكيد بتكون نقطة الانطلاق الى الهدف الاسمى وهو الحرية |
اقتباس:
بالعكس انا جداًسعيد بوجهات النظر المختلفة وبعدين كلامك انتا بالذات على راسي من فوق ان شاء الله كلنا بنصل لنتيجة لانوا كلنا نبتغي صلاح حال الامة ومستقبل مشرق ياريت كل الاخوة يكونوا على هذا القدر من الرقي والاحترام بكلامهم ويكون في عندنا شوية وعي لاني عن جد مستغرب من كلام البعض امثال صاحبنا في السقيفة يا ريت كوستا تدخل على السقيفة وتعطينا رائيك بالموضوع تبع الملك فيصل تحياتي للجميع |
اقتباس:
بس هاد الواقع يلي عم نعيشوا :x وهاد السؤال انا سألتو لانو شفت انو هون محلو لانو بيتعلق بالحرية وانا متعود عالصراحة وفي عندي اسئلة كتير بس لنخلص من كل سؤال |
اقتباس:
نحنا عندنا كبت جنسي ....وبقصد الكل الشباب و البنات بس ما حدا يفهمني غلط انو انا عم نادي بالاباحية يعني دايما الشب والبنت ممنوع عليهم انو يمارسوا صداقاتون على حريتهم يعني لما بكونو بمجتمع ما عم يحكو بيحس الواحد منهن انو في قيود عم تربطهون ودايما الاهل ما بيتركوهون على راحتهم وببلشو ينظرو يمين وشمال وبطرف العين عليهن حتى انو ما حدا بيتركهون بالغرفة مع بعض ولو لدقيقة هاد الكبت يلي بقصدوا انا وفي امثلة كتير كلنا منعرفها بس ذكرت هاد المثال لانو الكل عم يعاني منو |
الحرية..
هي عندما تنتقد الفكرة على اساس سليم قبل ان تلبسها . الحرية ..هي عندما تشق طريقك بنفسك ولا تنتظر ان يرسمه لك احد اخر ..احذيتنا لا تتشابه قد يكون هذا الطريق مناسبا للاخر ..لكنه لا يناسبني . فان كوغ ابتكر طريقته في الرسم وكان مبدع ولا زال تاريخ الفن يشهد له بذلك ..لكن اذا رسمت بطريقته ومهما اتقنت اللوحة ..لن احظا بمكانته ابدا ..فان كوغ نجح لكني لن انجح اذا اردت ان اكون فان كوغ ..بل سانجح بامتيازي انا . اقتباس:
فانا لن اكون حرة اذا تكلمت وشتمت لمجرد انني رغبت في ذلك ..تلك تسمى وقـــــاحة :x . عندما قيدت الكنيسة الفكر ..كان الانسان بحاجة الى الحرية ..وضع جون جاك روسو في (كتابه عقد الاجتماع) قوانينا وضوابط لمجتمع حر ..مستقل عن ظلم رجالات الكنيسة ..هذا لان الانسان مجبول على فطرة ويستطيع ان يميز الخير من الشر ..لكن يبقى جون جاك مجرد انسان مهما تامل وفكر ليخدم الانسان فهو محب للحكمة وليس حكيما ..قوانينه وقوانين المفكرين والفلاسفة قد تصلح لعالمهم اومحيطهم ..حسب الزمان او المكان ..لكنها ليست ناجحة دائما ولن تنجح في المستقبل اذا فالضوابط يلزم ان يحددها حكيم عليم ..بالطبع من خلق الانسان ومن يعلم خفاياه . شكرا على الموضوع..تحية :lol: . |
اقتباس:
وبيسلبك حقوقك وحريتك كيف بدك انت تتعامل معو؟؟؟ |
اقتباس:
هاد اسمو النميمة وهاد نابع من عقدة نفسية عند الناس انو ما فيها تتصرف هيك لانو المجتمع مقيدهون بتقاليد اصبحت بالية او بالاحرى خاطئة تحية الك :D |
اقتباس:
وأنا شخصياً بدي تطرح كل الأسئلة اللي عندك بصراحة .. لحتى الكل يستفيد . |
الرجل الحر هو الذي يحترم الآخرين من خلال اي الحرية المعطاة له
و الذي يتعدى على الاخرين باسم الحرية هو رجل مقيد بثقافة الاستبداد تحت اسم رأ ي ما الاغلبية |
اقتباس:
لو كل واحد عندو شغل شي10 ساعات باليوم مقابل اجر جيد كان ما رح يكون عندو فضا ليحكي عالعالم واذا كان عندو فضا ف راتبو الجيد رح يسمحلو انو يعمل شي نشاط او هواية وبما انو ما في شي من هيدا صاير فإذن نحنا مو أحرار بوقتنا |
اقتباس:
بس المقصد من الفكرة انو الشعب عنا بيهتم بالامور السخيفة طبعا مو الكل وهدول يلي بيتكلمو بالطريقة يلي حكيتي عنها وبرجع بقلك انا اسف :D |
اقتباس:
شو صار:shock: انا ما زعلت من كلامك لأنك ما قلت شي بيزعل أصلا مو اول واحد بيقلي هيك اليوم .. شو صاير ومية هلا:D :D :D |
بس انت انتبهت على فكرة حرية الوقت برايك مو شي مهم هيدا؟؟
|
اقتباس:
اقتباس:
صرنا بزمن الوقت محسوب فيه .... والناس يمكن ما بتقدر الحرية بالوقت والواحد عم يشتغل اكتر من 14 ساعة بالنهار حتى يلحق لقمة الخبز فكيف بدو يفضى لشغلات تانية بحياتو .....اي دوبو يرجع على بيتو ياكل وينام وهي نابعة من قلة فرص العمل وقلة المادة |
اقتباس:
ذكرتني بحالي |
| الساعة بإيدك هلق يا سيدي 10:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون