|
المتعوس متعوس لو حطه على بابه فانوس ........
|
بمناسبة أزمة الحكومة اللبنانية عم أتذكر هالمثل كتير: من قلّة الخيل شدو عالكلاب سروج...
|
اقتباس:
|
كل مين ع دينو الله يعينو
|
يا رايح كتر ملايح
|
اذا كانت شغلتك عند الكلب قله حجي كليب ... :lol:
|
تيتا بتضل تقول (بما اني كسولة وبحسبش حساب المفاجأت!!) :
- غسّل وشّك ما بتعرف مين بنُظْرو ..ونضّف بيتك ما بتعرف مين بُدُقْرو - (و حاولوا تلفظوه بلكنة لبنانية مشان تفوتوا بـ جّو تيتا :lol:) |
اقتباس:
هاد نفسو عنا منئلو : نظف بيتك مابتعرف مين بدوسو .. وغسل وشك مابتعرف مين ببوسو ألف كلمة جبان ولا كلمة الله يرحمو :pos: |
قال اجت الحزينة لتفرح ما لقت لحالها مطرح
|
طنجرة و لاقت غطاها :p
|
العتب صابون القلوب
|
اقتباس:
عطيني رأيك بهالتفسير المختصر والمفيد لهالمثل: ابن الابن لب القلب وابن البنت ابن الكلب. شلون بالله؟ :larg: للجميع: فسّروا المثل التالي: الجيجة حطت عينا عالبطة، طيزا انشقّ! هامش مهم جداً لذوي المشاعر الرقيقة ولمرضى السكّري!!!! حرف الطه الأخير في المثل تقابله نجمة حمراء "*". ريحت ضميري :larg: |
ست وجاريتين ع قلي بيضتين :lol:
|
حوالينا ولا علينا
|
مثل ماما المفضل.. خصوصي لما اكون بحبش ع شي شغلة
الراس الغبي.. بيتعب الرجلين :o |
"كبرت البيتنجانة و تدندلت جراسا ونسيت قفة الوسخ اللي كانت على راسا"
بينقال للبنت لما بيفرع عودا و بتصير تخبي صورها القديمة اللي طالعة فيها عوكة :lol: |
اقتباس:
فايت إكتب نفس المتل لقيتك إنت كاتبتيه, بس أنا بعرفوا بروايتين تانيات: الأولى بتقول كبرت البيتنجانة ودندلت جراسها ونسيت إفة التراب إلي كانت على راسا التانية بتقول: كبرت البيتنجانة ودندلت جراسها ونسيت إفة الخ.. إلي كانت على راسا الله أعلم أي وحدة من هالروايات الثلاث هي الصحيحة, المهم إنو كلهن بيئدو الغرض المطلوب منهن |
حطّوا المرا وابليس بكيس, طلع ابليس عم يستغيس :lol:
|
| الساعة بإيدك هلق يا سيدي 02:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون