|
هاي دنجل..شكرا على الموضوع كتير هي أول الشي تاني الشي أنو انت أجيت والله جابك...أنا بنت متغربة...و كنت من فترة بالبلاد..بالشام يعني.كان في شخص متعرفة عليه عن طريق النت و كان هي اول مرة بنشوف بعض شفنا بعض و تعقدت الأمور..المهم بهديك الفترة صرت أحلم أحلام كتير غريبة..مرة حلمت أنو هوة و شخص معو تاني مابعرفو عم يقلي أنو هوة مابدو ياني و مابيحبني..و مرة تانية حلمت أنو هوة أجا لعند بيت ستي و شاف جدي و خالي..خالي ماحبو و صار يحكي عليه بالعاطل (خالي مش قريب من الله أبدا) و جدي صار يمدحو و يقول عليه شب منيح و حباب و حكيو حلو..ممكن التفسير بليز
|
شو وينو دنجل ما بيّن اليوم :shock::shock:
|
اقتباس:
|
اهلا بيتي واسف خيتو على التأخير
اولا انه وفاة ابن خالتك بالحلم وهو متوفي بالحقيقه يدل ع تحسن حال احد افراد العائله وعلو مرتبته ودخول العجوز بالهدايا دال ع كسب مال كثير وتوفر الكثير من الأمور المفيده في حياتك والبكاء دال على غفر الذنوب ع كل حال وعدم بكائك يدل قوة أيمانك وشكرا خيتو |
اهلا خيتو
اسمعي هو انقطاع المي دال ع نقص في الأرزاق وضعف حالكم وحدوث شغلات كتير مو منيحه وموافقة الكل على قطع المي دال ع أرتكابهم أمور سيئه كثير وذنوب بدون ما يحاسبوا حالهن بس عدم موافقتك ع قطع المي هو دال على حسن أسلامك وتوفقك في امور كتير وكسبك مبلغ نقدي من شخص تعرفيه وشكرا |
يسلمو دنجل كتير بس هلأ بدي اسألك شي هلأ انا لما قلت انو هو زعلان من إمو وانا مو زعلان مني يعني هو مو زعلان ولا شو ؟؟
|
اهلا ام العز ع راسي كل الزكرتيات
اولا انا بدي افسر الحلم عناد اوكي خيتو لما كنتي ما تصلي الشيطان كان يحاول ترغيبك في عدم الصلاه فكان يخلي نومك حلو عشان ما تصلي الفجر متلا ولما صرتي تصلي بدك تقولي عصب وأنجن هيك شي فحاول أزعاجك بس الحمد لله دينك قوي وبالنسبه لعدم الحلم هاي مشكله بتخصك شو دخلني انا فيها خيتو والله ما بعرف ليه |
اهلا دندون وشكرا خيتو كلك زوء
والله حلمك غريب شوي بس تفضلي اولا انه هالشاب صار يحكي عنك مش منيحه هاد دال ع حسن نيته واعجابه بك بس مو لدرجة الحب وذهابه لبيت جدك دال ع زواجك من شخص محترم كتير مو شرط الشب الي بتعرفيه ها وعدم موافقة خالك عليه دال ع انه هالشب محترم وصاحب دين بس خالك انعدمت منه هالصفات ويئبرني جدك وافقي وقولي الله وشكرا |
اقتباس:
|
خالتي حلمت: أنو في شاب كان بيشتغل ممرض بالمشفى اللي كانت خالتي بتتدرب فيه على التمريض و هالشاب اسمو يوسف و كان عرسو قريب بالحلم اجى يوسف و قالها خذي مفاتيح البيت و هي قالتلو و انت رح تضل بدون مفاتيح؟ قالها أنا معي مفاتيح تانية. و تساءلت في نفسها من وين اجى بالمفاتيح الاخرى؟ يعني زوجتو بالبيت ؟ و لما اجى يوسف يعطينها المفاتيح بايدها تحول لون هالمفاتيح للأخضر و تحول يوسف كمان لشخص تعرفه في الحقيقة اسمو حسين و كانت تتمناه للزواج. بتمنى تفسرلي هالحلم :D |
شكرا لافيرج كلك زوء وبتشكرك على متابعتك المتواصله
|
انت المشكور على تفسيراتك
|
هاي دنجل
دخيييلك شوفلي هالحلمتين بلييييييييييز الأول انو حلمت إنو ماما رسبت بالتيست السواقة التالت (لأنو هي قدمت 2 تيست ورسبت) فشوفلي تفسيرها وانشااااااااااااااااالله يكون خير والتاني إنو بابا حلم إنو صار زلزال بس كان بيتنا على جبل بعيد عنو وكان بيتفرج علي وكيف الناس بموتو بس احنا آل ما صرلنا شي شو تفسيرووو؟؟؟؟؟؟ (عم غلبك معي دنجل اتحملني) |
اهلا إم الجماجم وتفضلي
رسوب أمك بفحص السواقه هو دال على تحقق مرادها وتلبية طلباتها وايضا دال على تفاعل وتقرب أمك بشكل كبير من الناس والزلزال يدل على أنتقالكم من مكان سكنكم ويدل ايضا على رضا |
اي خدمه تانيه إم الجماجم انا حاس انه التفسير ناقص
|
طيب عندي كمان حلمة
امممم أختي حلمت إنو بنات عمو التنتين خوات واتجوزو يوم الجمعة ((يعني اليوم )) كان بصالة كانت كتيييير حلوة ولابسين البدلات البيض وحدة عمرها 17 والتانية 13 يا ترى شو تفسيرو؟؟؟؟؟؟؟ |
هو دال على أنه عمك محظوظ ببناته التنتين ورح يشوف السعاده على أيديهن وجوازهن بيوم الجمعه دال على رزق يشمل جميع أفراد العائله واللباس الأبيض والصاله الفاخره تدل على التوفق في الحاله العاطفيه والدراسيه لك شو جاب هالحلم على راس أختك
وثانكس |
أنا عارفة منين بتجيلبي هالأحلام؟؟؟؟:o
جييييييييييييل آخر زمن:p مع انها بكالوريا المسكينة فهالشي بأثر ((علمك)) طيب شو تفسير السباحة حاكم حضرة جنابي كل يوم بحلم بهالشي |
| الساعة بإيدك هلق يا سيدي 06:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون