|
اقتباس:
كان مرور لطيف بعد انقطاع عنيف |
انا كتير بحب البحر بالليل وبحب اتمشى عالشط لحالي او اسهر عالشط اتفرج بالبحر وروح لأبعد مكان بالعالم بأفكاري وحاكي البحر و اشكيلو واحكيلو...
كتير برتاح وبنسى كل الدنيا حوليي وما بمل ولا بزهق لو ضل طول الوقت اتفرج عالبحر... وكمان ما بحب يكون حدا معي قاعد او عم يحكي جنبي..بحب كون لحالي بمكان هادي لاتسمع عالبحر وحس انه عم يفهمني ويسمع علي!!! ما بحب البحر يكون هايج كتير...بخاف منه وحتى ما بتفرج عليه ااااااااااااخ فتحتو جروحاتنا بهالموضوع الله يسامحكن:D |
اقتباس:
هو الموضوع كان منسي بس كل الحق ع الوطن فتحلك جروحاتك اهلين فوفو :D |
البحر في نظري يعني الحرية
عندمت انظر الى البحر اشعر بشيء يدخل نفسي ... اشعر بالحرية التي يملكها هذا البحر
فمتى شاء يكون هادىء ... ومتى شاء يكون هائج متى شاء يعطيك الامان ... ومتى شاء يكون الموت الاكيد فهو حر في كل افعاله وفي تصرفاته لا احد يمكن له ان يقيد حريته هذا هو البحر من وجهة نظري ... |
اقتباس:
بالله احترمت وجهة نظرك :D شكلك من طرطوس :o |
اول شي شكرا للموضوع الجميل لانو نادرا ما انسال هالسؤال :D
لما بكون اول الصبح بكون لون البحر صاير على فضي وقتا بحس انو البحر هو شيخ كبير مر عليه مشكل ملون بحياتو لكن كله انصهر بقلب البحر وما قدر يغير بسلوكه (المد والجزر) لكن غير لونه فقط وبقي صامد لكن وحيد بالظهر بكون البحر لونه ازرق بلون الحياة المفعمة بالنشاط بسيط مستقر ما فيو تعقيد امواجه هادية رقيقة واحلى شي بليل بكون البحر رومانسي وصوت الامواج عبارة عن اغاني عبنادي فيها محبوبته و مافي غير صدى الصوت بعدها بهوج وبتصير الامواج مجنونة وهائجة من شدة اشتياقه لمحبوبته وفجاة بيسكن ليرجع يغنيلا مرة تانية:oops: |
اقتباس:
انا عكسك... اكتر شي بحبو بالبحر لما بصير عنيف ...وهوى يسفقو ومووووووووووووج ..ياااااااااااااااااااه ... وهالامواج عم تتكسر عهالصخور...منظر روعه.... احلى شي البحر بالشتوية.....:yahoo: شي حدا يزتني ع بحر جبلة :cry: |
اقتباس:
بحسو هو كاتم أسراري :o:p اانا بصراحة جربت الحالات المذكورة كلها وكل ما اطلع عالبحر بحسو كأنو صديقي بس ما بيحكي معي :cry::cry: بسس هاد الكلام شكرا على الموضوع :D |
اقتباس:
وشكرا لاحساسك الرائع :D اقتباس:
اقتباس:
لازم انتي تحكي مع البحر ليحكي معك |
هو موضوع كتييييييييير حلو وبيجنن
شوف خضر البحر إله عدة معاني وكتير ليعبر عنها أنا بالنسبة إلي بحب البحر بكل حالاته البحر بعتبره أعز صديق للإنسان بتقدر انك تشكي همومك للبحر صحيح ما عم يرد عليك بس بيسمعك والبحر واسع وبيشيل هموم الناس بس بشوف منظر البحر حتى لو من بعيد بتمنى اقعد وظل لساعات وساعات لأنه بجد متل البحر ما بتلاقي........... بحب وقت الغروب بألوانه الاحمر والاصفر والبرتقالي وبنفس الوقت ما بحبو لأنو بالليل ما بقدر شوف البحر منيح واطلع ع شو انو واسع وبس تنعكس السما الزرقة عليه يااااي شو منظر شكراً إلك أخي ابو سليمان ع الموضوع الشيق |
اقتباس:
بس شو مشان انو اول مشاركة ولسا يا دوب واسمي :shock: |
ها الموضوع ماخد شكل الشعر أكثر منو الفلسفة
|
اقتباس:
|
بحب البحر كتير وبحب اتفرج عليه ومابكون ولا حتى عئرب عم يمشي عالشط لوحدي يعني
بحسو رجال كبير قلبو واسع وكبير ورومنسي وكلشي حلو فيو الصبح بحسو متفائل مع صو ت العصافير وشروق الشمس مع رشفات القهوة الله الله والغروووب باحلى اوقاته بكون ممزوج مع الشمس بالافق بيكون راااااااائع رااائع بقعد بتفرج عليه وبتزكر الايام الحلوة وببكي وكلشي بصير معي بحسو بيسمع لكل خلق الله والكل بحبو نيالو هالبحر ... |
البحر هو
ا لامي لي بداويها لمسات امواجو بتجددني برودتو تدفيني وهيجانو يهديني حجارتو ورملو بفكروني بغربة الحبايب رومنسيتو وشاعريتو بتحزني |
البحر
انا ملقبة حالي صوت البحر واذا رح احكي عن البحر ما رح خلص بس راح احاول احكي بعض الشغلات اللي ببالي
البحر هو الانسان والانسان هو البحر فبالرغم من التناقضات اللانهائية التي تختبئ في اعماقه وبين امواجه الا انه لايمثل الا وجه كل انسان سواء كانت اعماقه تحمل الخير او الشر اما بالنسبة لي فالبحر ام حنون يتكلم معنا بكل صدق ويواجهنا بعيوبنا بحيادية وهذا لانه مراة للنفس عندما نتألم يبكي معنا يصرخ ينادي ويصل الى ذاك البر البعيد الذي يوصلنا الى من سكنوا قلوبنا ولا نملك ان نصل اليهم البحر هو الحب الصدق ولا املك الكلمات التي تعطيه حقه ولكن اكتفي بان اقول حبيبي البحر |
البحر هو الحياة الذي يقابل الجمود في اليابسة
|
مابعرف شو بدي احكي على البحر
الشغلة حسية مابتنوصف |
| الساعة بإيدك هلق يا سيدي 10:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون