مستحيل ارضى بجنسية غير سورية ... مع احترامي لكل الشعوب وجنسياتهم .. ولو الخيار الي .. باني اختار الجنسية.. بفضل اني موت على اني كون غير سوري
الي بحبو ... الصراحة .. وبدون ليش .. ما بعرف بس المهم بحبو
الي بكرهو ... تقلب مزاجي .. كمان ما بعرف ليش .. بس بظن لازم اكره هالشغلة

بشتغل بالتصميم Graphic Design وبدرس بمعهد ادهم اسماعيل للفن التشكيلي وهالققصص.. وقصة علب الببسي هي ما كنت مخططلها .. هي جزء من الابداع ... يعني ما بتخطر الفكرة .. مجرد انو كنت ماسك علبة ببسي وعمطعوجها طلع معي هالشكلة وطبقتو عباقي العلب وشوية الوان وظل واضاءة طلع معي هالشي

اقتباس:

قلتَ في أحد أجوبتك:"لانو ما حدا بيتذكرنا الا بمصلحة" فهل هذا بالمطلق؟! يعني ألم تشعر مرّةً بعكس ذلك؟! ألم يتّصل بك أحدُهم مجّاناً دون حاجة أو مصلحة؟! إذا كان الجوابُ سلباً بسيطة، فأمّا إن كان إيجاباً فمتى كان ذلك؟ متى كان آخر اتّصال بك يخلو من المصالح؟ هل كان شاباً أم شابّة؟!

لا طبعاً مو بالمطلق.. بس الغالبية مصلحة ..
اما بالنسبة لاخر اتصال مو مصلحة ... كان من زيد Suryoyo و Sandra كنت معصب شوي .. وعميتطمنو مش اكتر ..بس طبعاً ما رديت ..
بينما اخر اتصال رديت عليه .. كان من ريم... يقبرني الي خلقا


هذا كان السؤال الأوّل... بقي لي أربعة .

اقتباس:

في خاطرةٍ لك سمّيتَها "تكوينات... قصيرة جداً" دخلتُ علّي أرتوي من كلماتِك الحلوة، لكنّك لم تمهلني كثيراً ولم تشفِ غليلي، فتوقّف كلُّ شيءٍ حينها. اسمح لي بالعودة إليها وإلى مقطعٍ خاص بها يقول: عندما كنت طفلاً... تمنيت ان يكون لي حصان !!! كبرت قليلاً تمنيت ان احصل على فارس حتى ولو كان بلا حصان الآن ازور قبريهما المجاوران لي !!! بغضّ النّظر عن لغة خاطرتك هذه، من تعني بالفارس؟! وكيف وددتَ الحصول على فارس؟! ماذا كان سينفعك حينها؟ قسمتَ زمن الخاطرة إلى ثلاثة، الطفولة وبعدها والآن، وجاءت موادّك في تلك الأزمنة مرتّبةً: الحصان والفارس والقبران. ألا ترى معي أنَّ ما بعدَ الطفولة هو الآن وليس غير ذلك، فالآن مهما كان لا يختم الأشياء كما ختمتها بالقبر؟!

ببساطة .. فيني اختصرلك الحصان والفارس والقبر ... بالوطن والمواطن والوطنية ..

اقتباس:

في موضوعٍ آخر تحدّثتَ عن "المخبر" عبر خاطرة طويلة ومعبّرة، فهل أنت واثقٌ من أسطورة المخبر هذا؟! وإن كنتَ على هذه الثّقة، فهل عندك أدلّة؟! وإن كانت ثمّة أدلّة فما موقفك وموقف الإدارة منها؟! وإن كان حقيقةً كما زُعمَ فكيف لم يستطع جمعٌ مثلكم بهذا القدر من الذكاء من التعرّف عليه؟! فأمّا إن كانَ مجرّد خرافة فعلامَ هذا الاهتمام؟! هديّتي إليه: طزّ فيه وفي أسياده!!!

بالنسبة لخاطرة المخبر ... المخبر ما بعرفو .. لكن نتائج المخبر تعرضتلها ... ومانو شخص واحد ليتم التعرف عليه .. وما بهمني اتعرف عليه ..
بس هي الخاطرة طلعت نتيجة لحقد متراكم مو اكتر

اقتباس:

سؤالي الرّابع كتير بسيط: هل تستطيع أن تحبَّ حقيقةً دون أن ترى وجه المحبوب؟! وإن كانَ الجوابُ بالإيجاب فعلى أيّة أسس يقومُ الحبُّ عندَك؟!

بفهم سؤالك انو بهمني شكل المحبوب او لاء..
ما رح اكذب عليك ... اي بهمني .. بس مو بالدرجة الاولى .. ازا في شغلات فيه بتخليني اتغاضى عن شكلو بحال كان قبيح ما عندي مشكلة

اقتباس:

شو هـاد كل هالحكي عني ..خجلتني ..اسمع اقل من وصف 5 اسطر ما بقبل لأ بمزح أكيد ..يعني هو ما صارش بيناتنا الاحتكاك والتعارف لحتى تعرفني و تكتب عني ..

اي انتي بررتي لحالك .. ما صار اخد ورد بينا ... بس كنظرة عامة عطيت رأيي

اقتباس:

تانيا.. سؤالي الأول إلك..شو أكتر موقف محرج صار الك (ازا كتير كتير محرج احكي اللي أقل منو احراجا بسمحلك وأمري لله )

لقطتني امي عمالعب بوكر وشغل فيش وعملة جنب المدرسة .. كنت هربان من المدرسة .. وكانو اخدين فكرة .. اني ملاك .. وشوي تانية رح تنزل النبوة عليي .. وصير النبي ال 26:lol:

اقتباس:

التاني والأخيـر.. بتآمن بإنو البرج بعطي من صفاتو للبنآدم اللي حامل البرج؟ ..يعني إنو صفات البنآدم حسب برجو؟..ازا اه الى أي درجة تؤمن بهالشي وشو الاشيا اللي عندك ياها من برجك الحـوت؟

لا ما بآمن بالابراج ..Sorry !

مسا الخير احمد ...انا حابه اسألك كم سؤال ...

على حسب ماعرفت انك فنان ...سؤالي ...انت بتحس انك اخدت حقك ببلدك كفنان انه انعطت الفرصه الك لتكبر مواهبك اكتر؟؟؟؟ وشو ممكن يتقدم الك وللشباب لتكبرو المواهب الموجوده؟؟؟؟

هل تعتبر الحكومه السوريه طائفيه ولا لأ ؟؟؟؟؟

شو بعنولك هؤلاء.....

مارسيل
فيروز
زياد الرحاباني ..
مي نصر ...اذا بتعرفها ...

كيف بتشوف التطور بسوريا ...وكيف بتشوف طريقه الشباب بالتعاطي مع التطوارت الي عم تصير ؟؟

شو رايك بالجيل الجديد السوري بالتحديد ؟؟؟؟؟

ويسعدو لمساك :D

هلئ انو بشتغل بالفن .. برسم وبشتغل بالتصميم يعني فيكي تقولي الي علاقة بالفن .
لكن لهلئ ما بعترف بحالي كـ فنان .. كونو فني هاد متمركز عـ موهبة مش اكتر بالاضافة لدراسة اكاديمية ...
لكن بالنظر لـ الفنانين بسوريا.. بعترفلك انو كلية الفنون كإدارة وكـ مؤسسة حكومية بتضل افضل من غيرها بكتير
يعني صحيح امكانياتها ضعيفة كتير ... لكن الدكاتره بكلية الفنون عميقدمو للطالب كتير وبظن الطلاب عمياخدو حقهن بالفترة الدراسية
بينما ازا منجي للحقل العملي ... للحياة العملية .. بفترة ما بعد الدراسة .. ما عمياخدو ولا 1 بالمية من حقوقهن

بالنسبة لنقطة شو ممكن يتقدم للشباب لتكبر هالمواهب ..
مثلاً :
المواد المستخدمة بالفن ... 100 بالمية منها مدفوعة .. يعني الطالب عميتكفل بكل شي .. وهاد الشي عميحبطو كتير ..
بظن الدولة لازم تتكفل بـ ولو 50 بالمية من تكاليف المواد المستخدمة .. لأنها غالية جداً .. بالنسبة لدخل الطالب ولدخل الفرد بالمجتمع السوري

بالاضافة للاحتكاك الخارجي للطالب هاد الشي ما عميحصل .. وعميصير عندو نوع من الركود بتطوير امكانياتو .. يعني بكل فترة الدراسة بكلية الفنون مافي غير معسكر واحد 20 يوم وداخل سوريا.. بظن لو كل سنة بيتخصص فترة شهر مثلاً للاحتكاك بطلاب اجانب لتبادل الامكانيات منلاقي وضع الفن غير هيك بسوريا
وحتى بمجال العمل ضمن فترة الدراسة ... بظن لو الحكومة بتقدر تساويلها شي مؤسسة فنية تتبنى هالطلاب خلال فترة الدراسة .. تفيد وتستفيد

ممكن في افراد كتير طبعا الصغار بالحكومة السورية مو طائفيين .. لكن التعيينات ضمن الحكومة ... طائفية لأبعد الحدود ...
اي في طائفية .. وبشكل متفشي .. مو بس بالحكومة
حتى بالمجتمع
والافراد
لك البرغل صار فيه طائفية

شو بعنولك هؤلاء.....

فنان ملتزم ... عندو قضية وبيدافع عنها .. تميز بالاصرار رغم كل الانتقادات الي توجهتلو باول طلعتو .. لكن استمر للاخير ... ومنلاحظ هلئ وين صار .. !

فنانة بتمثل قلب كل شخص بالمجتمع بـ رأيي ...

فنان وسياسي رائع... بيمثل هموم الشباب .. وهموم المجتمع المتفشية بشكل ضخم .

فنانة اثبتت جدارتها بفترة قياسية .. وبتستحق تحية كبيرة

التطور شبه منعدم .. وللأسف التطور بسوريا .. قلب لتراجع لورا بشكل كبير .

شباب فئة منهم .. معمي على قلبهم .. ومو عرفانين الطريق اللي ماشين فيه لوين رح يوصلهن
والفئة التانية .. شباب طموح .. لكن مافي عندو امكانيات.. وبالتالي عميصير عندو احباط

يعني بشكل عام الشباب السوري حالياً .... واقع بنار الاحباط ..
طبعاً مو بشكل كلي .. في شباب قدر يلاقي فرصتو بهالحياة .. بس نسبة ضئيلة

ومساكي :D

مسا الخير

بالبداية عاتب عليك وكتير كمان والعتب على قد المحبة

سيدي كم سؤال

1-حضرتك قلت انك بتختلف معي ممكن تقلي عنصر الاختلاف شو؟
2- موضوع حضرتك استبيان حلم انتخابات حرة ذكر اكتر من شخص انو مو ممكن ينتخبوا الا ببرنامج انتخابي وحضرتك طرحت (أنا) كمرشح ممكن تقلنا شو برنامجك الانتخابي؟
3-بتقبل عزيمتي على فتة مقادم بس ارجع عالشام؟
4-بموضوع كتبه مسطول على طول اسمه مواطن بلا كرامة قلت حضرتك:

اقتباس:

اي دولة وأي شعب وأي فرد بيخلق ومعو كرامتو بس الفرق او بالاحرى السوال الي كان المفترض ينطرح فيك تدلني وين كرامتك صارت هلئ ؟ شو بقيلها أثر هالـ / كرامة /

فيك تقلنا وين كرامة الشعب السوري؟؟ وشو بقيلها أثر؟

5-كيف بتقيم جريدة بلدنا ؟


في سؤال سادس بيوصلك عالبرايفت اذا فضيت بالليل

:o:lol::o !!

حقك يا عمي.. مشان ما ياخدوك يطعموك الفته بشي محل تاني :larg:

بس منيح يلي فيي استثناءات بالقصه

اي أحمد افندي ...

وصلني الدور :lol:

ملاحظة الاجابة على 7 اسئلة من ضمن 5 الاسئلة !!!



اولا ... تحدث عن رايك باسهاب عن .. الحب، اللاانسانية، الحرية، الحياة ، الموت، أخوية ...


ثانيا ... احكيلنا عن رأيك بفكر و اعمال الشخصيات التاريخية التالية ...

1. كلكامش
2. الاسكندر المقدوني
3. نيرون
4. ابو العباس السفاح
5. نيقولو ميكافيللي

ثالثا ... اعطينا رأيك بـ ...

1. لينين
2. هتلر
3. انطون سعادة
4. غاندي
5. جيفارا
6. الشريف حسين
7. اتاتورك
8. تيتو
9. سيد قطب



رابعا ... اكثر حلم على الصعيد الشخصي تحب يتحقق !


خامسا ... اذا حصلت على فرصتك بالحياة و قل وقت فراغك ... تترك أخوية ؟؟


سادسا ... لو كنت عايش وقت النهضة العربية بنهاية القرن التاسع عشر ... وين كنت رح توقف مع او ضد العثمانيين ؟

ركب سئالات و سئل .. الهيئة مركب دعايات و عم تدعي

[quote]
بس :lol:

الحب .. كلمة موجودة لهلق .. لكن فقدت معناها وجوهرها وقدسيتها
الانسانية ... شيئ منطالب فيه ... رغم فقدانو من فترة كبيرة
الحرية ... الحرية هي كلمة ما بيختلف على اهميتها شخصين بس المشكلة بتحديد ماهية الحرية .....
برأيي .. الحرية هي القدرة على اتخاذ القرار دون اي تدخلات ... او قدرة الانسان عالركد ورا مصلحتو الي بشوفها مناسبة حسب رأيو .. بدون اي تدخلات كمان.. وهالشي برضو مفقود

الحياة .. وهم وبيخلص !
الموت .. حياة جديدة !
أخوية .. فيني اعتبرو متل الصديق ... وكل شي بتتعرضلو الصداقة ..

ثانيا ... احكيلنا عن رأيك بفكر و اعمال الشخصيات التاريخية التالية ...
هاد السؤال.. مليئ بالشخصيات التاريخية .. بفضل اني اتوسع فيهن شوي ... وبرجع برد عليك

ثالثا ... اعطينا رأيك بـ ...

عمل انقلاب بتاريخ البشرية .. انسان عظيم

على الرغم من المدابخ الي ساواها بتاريخ البشرية .. ما بقدر الا ما احترمو ... والو مواقف خلتني اتغاضى عن مدابحو .

مو قاري عنو كتير .. لكن بحترمو لأجل جملة "ان لم تكونو احرار من امة حرة فان حريات الامم عار عليكم " بتمنى يتسنالي الوقت لاقرأ عنو اكتر

انسان.. بكل ما للكلمة من معنى

خسارة للبشرية .

بضيفهن للقائمة اللي فوق

احصل على فرصتي المناسبة بالحياة .!

ما بعرف الايام شو بتخبيلي ... بس هاد الشيئ ممكن .. مع انو ما بتمناه .. بس قابل للحدوث

بحال لو كان بغير هيك ظرف .. بغير الاحتلال ... مثلا تبادل حضارات وثقافات بغير طريقة بوقف معن .. بس مو معن بهالطريقة اللي صارت

اوك احمد .. انا بقيلي سؤالين :p .. علمًا انو زيد كتب 6 :frown:.. بقا لو بدي بعمل متلو وما بنحصر بـ 5 ..:pos:
بس لانو ما بدي تعبك .. قلت خلص بنحصر بـ 5 اسئلة .. ونقطة ..

1) انو لما زين قلك ..

اقتباس:

في شي شخص بأخوية بتقول يارت ما تعرفت عليه وشخص بتقول يا ريت اتعرف عليه .؟

وانت قلتلو .. انو اي في شخص ... واحد بس


بقا سؤالي .. انو هالواحد .. هو يللي بتقول يا ريت ما تعرفت عليه ولا يا ريت تتعرف عليه.لانك ما حددت:pos:
+ انو مين هالحدا :o .. :p .. بعطيك حرية الاجابة..يا هون يا .. هنيك ..
في حال جاوبت هون .. يعتبر هيدا سؤال من 5 مسمحلي ..
ادا جاوبتني بمطرح تاني..لا يعتبر سؤال وبالتالي بيحقلي اسالك سؤال اخر ..


2 ) سؤالي بـ المقلاية 5 .. جبتو لهون :

هلئ هون .. نبهتيني عشغلة بالسؤال ... انو زين ذاكر شغلتين ... شخص ياريت ما تعرفت .. وشخص يا ريت تعرفت

منجي للي ياريت تعرفت .... الي هوي معروف بالنسبة الي ... كريم .!

اما بالنسبة للي ما تعرفت عليه... ولو بدو يزعل .. يرضى ... بتصفى هي مشكلتو انو ما تقبل صراحتي .. فـ هالشخص هوي طارق Phoenixbird ... لأسباب كتير ماننا بصدد ذكرها هلئ

اما هلئ بالنسبة لسؤالك التاني ..

بالنسبة لكظم الغيظ ... ممكن استخدمو مع ناس قراب الي ... يعني لـ صديق ... عملو شي شغلة .. ممكن اكظم غيظي .. شوي .. لكن الها حدود

بينما مع شخص غريب نوعاً ما ... فهاد شيئ مستحيل .

لأني بطبيعتي : مزاجي وعصبي بسرعة هائلة ...

ما صرلي 3 ايام لسا .! :?

يلا حبيب شوط لقلك.. مين سعيد الحظ؟؟