|
اقتباس:
نحنا ما بنغش السحاحير ابدا وش السحارة متل اسفل نقطة فيها |
بموت فيكي حبيبي
-لك فلقتني بربها والله عرفت انك بتحبها لك بموت وبعرف شو الي عاجبك فيها
-ااااااه لك الملشكلة ان انا كمان عم فكر عن هالشي ان هالمخلوقة بعيدة كتير عن الي انا منتظر عن شريكة هالعمر يعني انا بشد عاليمين هيه بتشد عاليسار انا بحب البندورة الحمرا هيه بتحب الملفوف الازرق يعني مافي شي منتاسب بيناتنا -لكن شو الله جابرك فيها -لك مافي غيرها -كيف يعني -عم قلك مافي غيرها -والله مافهمت فسرها كيف يعني؟ -هلق اذا كنت عند الخضرجي فاي نوع من الفواكي بتشتري -شو عرفني الي بتحبو -ياعيني عليك ,واذا ماكان صاحلك غير نوع واحد شو بتعمل؟ ابقي سلملي عالفلنتاين بطريقك |
اقتباس:
عم قول ليش نسبة العوانس عم تطلع اتاري شباب هالايام يا عميان يامعون عمى الوان ما عم يعرفو يفرقو التفاح عن البصل:pos: |
اقتباس:
انت مفكرة ان في تفاح وبصل ,بس الصاير ان ماعم يطلع بالايد غير الفجل هاد الي بيقولولو النصيب |
شرالامور اوسطها
لما مابتكون خير ولا بتكون شر بتكون وسط
ولما مابتكون يميني ولا بتكون يساري بتكون وسط و لما بيسالوك بتحب النابلسية ولا المدلوقة وبتجاوب مابتفرق بتكون ساعتها ايضا وسط ولما مابتحل ولابتربط ولا بتهش ولابتنش وبتكون بلاراي لانك خايف ان اذا بقيت هالراي يطلع غلط بتكون زعيم ومحور من محاور الوسط بتعرف شي خيي اغلط قد مابدك وعفس وخبص بس بعد عن هالسوسة . وهنيك بالحياة الاخري ولما بتسلم الامانة للرب فراح ينتركلك دور الوسط ليتجسد فيك تجسد ...بس هلق وحياتك ماعم تكون مهضوم بنوب ,بلاها وبلش عيش ...تظرب |
اقتباس:
اجيت ع الطلب وبوقتها ..... ابدعت هل المره عن جد :D |
اقتباس:
باينتك رفيقة متوسطة جماعة وسط عالتمام :lol: |
بيمر
مر من قدامي شفت حسيت بعرفو وان كتير قريب للقلب بس ماعرفت شو بدي اعمل
لمحت بعد فترة ,لك معقول بيكون هوه مومعقولة لك يالله واخير اجا بس يالله شو السوق معجوق اليوم ضاع من قدامي بعد فترة مرق خطف من قدام البسطة خلص ماعاد في شك هاد هوه لك شكرا الك يارب شو كبير انت بس انا وعم قوم لقيتو اختفا يالله المرة الجاية ماراح خلي يفل قبل ما امسك بايدي ومن يومها انا ناطر تي مر ومرت سنين ولساتي علي هالنطرة ,ياريت اذا مر من قدام حدا منكن بلا مايبرد دمو لان بهالحياة يمكن بيمر كتير بس قلال الي بيمسك بايدن |
اقتباس:
|
أنا بلعب وسط مهاجم
|
نطرة
انت وصغير بتكون ناطر لتكبر وانت بالمدرسة بتنطر العطلة وكل يوم الصبح بنتطر السرفيس وبتنطر لتوصل للشغل وتنطر ليخلص الشغل وبتنطر ليجي الليل وانت نايم تكون ناطر الفيقة وهيك مقضين حياتنا كلها نطرات علي امل ان يجي الشي الي ناطرينا والي غالبا مابيكون نطرة جديدة
النطرة الوحيدة الي ماحدا ناطرها رغم ان هيه النطرة الوحيدة الي مابعدها نطرة و جيتها مضمونة ومية بالمية الا وهيه الموت وبعيد عن التشائم والسوداية الحياة كلها ما اكثر من نطرة موت... بس عالساكت:D |
شو أممي جاي ألنا بأبداعات رهيبه بس أنا لما بدي أنطر الموت ما بدي موته عالساكت بدي شي موته صاخبه أشي متل أنفجار طياره أنفجار سيارة مفخخه من شان ما نترك ألنا أثر على هالدنيا  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
وينو اممي ....؟؟؟؟؟
متابعه :D..... |
اقتباس:
قول هلأ خف شوي واتوضحت الاتجاهات اكتر ....:pos: اقتباس:
ناطر الكل .. ناطرك الك ... ناطر حالي.. ناطر فرصتي ..:pos: ناطر حدا مجهول ما بعرف مين هوي .. بس ناطرو .. تيحمل معي ويساعدني ..:cry: ناطر المخلص الفادي ازا بدك ... بغض النظر عن مسمياتو الدينية بس انا مؤمن بفكرتو ...:pos: ناطر نهاية هالفلم يلي ما كان يخلص ... والله مليت ...:sick: تقبرني فوفو دايماً بتحط الملح عالجرح :cry: |
اقتباس:
|
اقتباس:
في فرق رفيقة بين الناطرين الموت عالساكت والي الموت ناطرهن وللاخرين الن مني مو بس الصوت لا ..والنطرة كمان |
انا وعم عد الخرفان البيض قبل النوم اتذكرت الناس الي عندن نفس العدد من هالخرفان البيض الي عم بوصللها قبل ما اغفى والي رغم عدن الها طول اليوم ماعم يجيهن نوم ...
مو من باب القناعة بس نومتك بتسوى كل خرفان هالدنية ...وخليهن بعدهن تصبحوا علي خير:D |
اقتباس:
توسطو في الحالتين وانصفو فالشر في التقيد والاطلاق ومن هون بلشت أكرهو |
| الساعة بإيدك هلق يا سيدي 13:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون