|
 هلأ مع رويـدا عطية الفنانة السورية الي صوتا كتير حلو . وهالغنية كتير كانت مناسبة لصوتا عدا عن كلماتا الجميلة جداً واللحن الظريف . شو سهل الحكي من عنوانا بتحكي قديش سهل ع الناس التنظير و التوجيهات لأنهون ما بيئدرو يحسو بأحاسيس هالبني آدم و ما بيئدرو يفهموه . كـلـمـات الأغنيــة : طيرت النوم من عيوني دمعي محى كحل جفوني كلون قالولي مجنوني لازم تنسيه ليكي شو عم يعمل فيكي لا بيهتم ولا بيحكيكي ما تخلي حبو يمحيكي لازم تئسي شو سهل الحكي ! مين الي بيعرف بقلب التاني شو في شو سهل الحكي ! أنا لولا وجودو بعمري . عمري بينطفي مر الشتي و الصيفية وبعدو عم بيعذب فيي حتى الحجر حن عليي صار يواسيني لاموني هالعالم كلا و قالولي عنو اتخلى غيمة رح بتمر انشالله منو ناسيني شو سهل الحكي ! مين الي بيعرف بقلب التاني شو في شو سهل الحكي ! أنا لولا وجودو بعمري . عمري بينطفي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -  |
 مع صوت لبناني عنجد جميل جداً . كارول صقر . من ألبوما الاخير غنية جرح غيابك رائعة باللحن والكلمة و الاداء . الغنية بتحكي عن بنت بتطلب من حبيبا ما يشمت الناس فيها الي كانت تحذرها من علاقتها فيه وبتطلب منو يخبرها عن سبب تقتنع فيه لتواجه فيه نظرات الناس أو يضل عم بيمثل حبها . كـلـمـات الأغنيــة : ازا جاية تـ تودعني قلي سبب يقنعني حتى كذب كل الناس الـ قالت انك بايعني بتعذب كل ما بسمع انك مني رح تطلع واكتر من جرح غيابك ما في جرح موجعني قلبي الي انت همو حبك ماشي بدمو صار بلحظة وداعك طفل و اخدولو امو انا قدامون ما فيي اخسر قلبي و عينيي مثل انك حبيبي . بحبك سمعني هيي بتعذب كل ما بسمع انك مني رح تطلع واكتر من جرح غيابك ما في جرح موجعني - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
هالمجموعة خالصة . لحد ما يصير في اغاني منرجع من جديد .. مع التحية . :larg: |
اقتباس:
هالغنية من أحلى أغاني الألبوم الجديد :sosweet: |
شو مشان انه هاد الموضوع كان غايب عني
شكلك كنت مخبيه باشق ما هيك مو مشكلة على كل مخططك فشل :sly: واكتشفت الموضوع ( على اساس كتير صعب اكتشافه :frown::frown:) وهي متابعة لشوف :adal: |
اقتباس:
:D اقتباس:
انا مخبيه عنك ولا حضرتك المختفي من قرن و نص ! بعدين ليش سمايلاتك كلا ضرب بواز و تعصيب . يلا لشوف حمّل كل الاغاني و سمعهون :pos: و ع راسي حارتك ابو الويج :p |
اقتباس:
امرك زعيم جاري التحميل ملحوظة : ذوقك كتير ذوق :D |
| الساعة بإيدك هلق يا سيدي 22:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
