|
جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
الخيانه مفهوم كبير ما في احكي عنو هيك .. بس حبيت تعريف جاد الها (( اللي هو : لما الواحد ما يعمل اللي العام حاطين املون عليه انو يعملو)) بس لسا بحسها اوسع من هيك . و لا خنت او نخنت .. شو لونك المفضل ...؟؟؟ الاسود و بعدو مباشره الازرق النيلي حدا باخوية نفسك تقلو شي معين... ما في حدا نفسي قلو شي مين العضو يللي اعجبك كتير تفكيرو ونقاشو ياس بيعجبني نقاشو ..و الحكيم تفكيرو اكتر عضو حبيتو اللي ما سألني بالمقلايه:o شو بيعنيلك الشهيد؟؟؟ حسب كيف استشهد لما تشوف الوضع والحصار بغزة شو بتقول بنفسك؟ عـوجا فلسطين احكيلي عنها بسطر. يحيى عياش ... شو بيعنيلك؟؟؟ ما بعرفو شو رأيك بنزار قباني... مظفر النواب... محمود درويش... فدوى طوقان... نزار قباني .. الـعاشق الدمشـقي .. مظفر النواب .. ما كتـير قريانتلو محمود درويش .. ايـها الـمارون بين الكلمات العابره فدوى طوقان .. سمعانه عنها بس ما قريانتلها شي بتقرا شعر جاهلي.... لما كنت بالمدرسه كنت مطرّه اقرا :lol: ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟ انو بعتقد قصدك حبيبي :lol: .. مابعرف شو رح بتكون رده فعلي على حاله متل هي بس اكيد بتمرق و بتم صديقتي صديقتي و ما في شي بيتغير .. (( الا اذا كانت لاطشتو عن سبق اصرار و تصميم :pos: )) شو أبشع منظر شفتو بالانتفاضة ... يعني اسرائيلي ... يعني للصراحه الصراحه .. ما بفتح على الاخبار و بتفرج .. بحب اقرا الاخبار قراءه ما بحبها تجيني الصوره جاهزه على طبق سحري.. شو أبعد شي ممكن يوصلو خيالك وقت بيجي الوقت اللي بقدر قلك لوين بيقدر يوصل خيالي ما بتم اسمو خيال بتحب القهوة؟؟؟ كتير عمرك كتبت شي خاطرة ادبية؟ كمان كتير بتحب الادب؟ بحب بعـض الادب شو نقطة ضعفك؟ الـشاورما :lol: شو نقطة قوتك؟ مابعرف ما بتعاامل بالعنف :o |
كلمة بتوجهها لكريم .. ما فيّ قلو شي :D
شو رأيك بهالعبارات... عقب عليها يعني.... 1-ايها المارون بين الكلمات العابرة كالغبار المر مروا اينما شئتم ولكن لا تمروا بيننا كالحشرات الطائرة خلنا في ارضنا ما نعمل و لنا قمح نربيه و نسقيه ندى اجسادنا :و لنا ما ليس يرضيكم هنا حجر.. او خجل فخذوا الماضي،اذا شئتم الىسوق التحف و اعيدوا الهيكل العظمي للهدهد، ان شئتم على صحن خزف لناما ليس يرضيكم ،لنا المستقبل ولنا في ارضنا ما نعمل القصيده كلها من اروع ما قيل .. بتـأثر فيّ .. هالمقطع بالذات مانو المفضل عندي بس رائع 2-من أقاصي اليأس يولد دائما منتهى الأمل. نحن محكومون بالامل :D 3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب.. هي مقوله للسيد حسن نصر الله ما هيك ؟ 4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء. ما حبيتها 5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد كمان ما حبيتها |
ممنوع تنسخي من المقلاية القديمة :jakoush:
انتو لا تنسخو من المقلايه القديمه ما بنسخ منها :lol: هات لنشوف عطيني رأيك بالتالي : ----------------- الإنسان فـنّ الله يش يش ------------------- الدين رسـاله مضمونها واحد مكتوبه باكتر من لغه الطائفية لا تعليق الإلحاد الانسان و منذ الازل عم يدور على مين يعبدو و غالبا كانت الشمس السما او النجوم فالانسان ما بيقدر ما يعبد شي .. هيك طبعو .. العلمانية ببعض الاحيان منيحه --------------------------- امريكا في فرق كبير بين اميركا البلد و اميركا السياسه فما عرفت اي بدك سوريا كلمه حلوه و كلمين .. فاكره يا بلدي ؟ العراق ضحيه الجولان سوريّــــه -------------- مين اقرب واحد الك هون جاوبت مين ابعد واحد :? كتار معك 5 وردات لمين بتهديهون في اربـعه معي هلئ بمحادثه :lol: ما عم يخلوني اعرف ركزّ بهديهم ياهم و بقلهم سكـتو شوي (( ميمو و حسن جاد و رؤى )) و الخامسه لابو اليمن .. وخمس شوكات لمين :? ما لحدا معك 200 الف دولار لمين بتعطيهون اهلي شو سيارتك فورد سودا 2006 وكم حادث سويت واحد شو اول سيارة كانت عندك هي اول سياره ------------------- كلمتين منك لاخوية :D شو عطتك اخوية :D شو اخدت منك ( غير الوقت ) ولا شي الوقت و بس ------------- تكنولوجيا: _________ شو نوع موبايلك موتورولا شو اخر رقم بموبايلك :o كمبيوترك مواصفاتو عالماشي لاب توب اسود hp شو سرعة النت عندك مابعرف بس سريع قديش معك بالبنك يش يش :lol: مممم بس بيكفوكي هدول راجعلك رجعت :lol: مقارناتتت. شاي أخضر ولا أحمر اخضر اقتباس:
مرسيدس ولا بي ام بي ام لوس انجلس ولا لاس فيغاس لوس انجلس ماي سبيس ولا هاي فايف فيس بوك :lol: دودج ولا فورد فوورد :gem: انا ولا هوي أنا لاب توب ولا كمبيوتر مكتب لاب توب نوكيا ولا سوني اركسون نوكيا كيا ولا سابا ! مابعرف الفرق انا مساويلك شي؟ لا انت بتكرهني شي؟ ما بكرهك ليش آخر مرة تخانقنا؟ يش يش :lol: وإزا طلع في جنةونار وقالولك لازم تاخد معك7 من أخوية مين بتاخد لوين عالجنه ولا عالنار ;)؟ شو تعريف الروح؟ بيشبه تعريف النقطه إزا صرلك شي وماعاد تفوت ع أخوية بعيد الشر يعني شو بتوصينا سلامتك والله وكيف يتم تمييز النظامي عن المروكب النظامي اطيب :lol: إزا شي يوم ندق باب بيتك وقلت مين ونقال انا ابوجوزيف شو بتكون ردة فعلك بستغرب :? |
اقتباس:
اقتباس:
:lol::o:D |
the morning بدي اجابة بصراحة وباسهاب عن هالاسئلة هاي كلمة وكلمتين ما بيكفو اذا بتجاوبي بكلمة او بكلمتين بس مو نيالك برجع بنزل دفعة تانية فبقترح عليكي انو تجاوبي حسب المطلوب مشانك مو مشاني وانا قلتلك انو مفقوس وفاجر صمام الامان
إذاأنتي وحدة بتحبي تعيشي هالحياة متل ما بدك و كيف ما بدك و ع تفكيرك و ع حسبتجربتك الخاصة بدون ما تآذي حدا... و في شي مليون بني آدم حابين يغيروكي أو يتحكموا فيكي و أولهون أهلك ... شو بتعملي ؟ وشو موقفك ؟ أذاأجا واحد عمل معك فصل بايخ متل وشو و أجاكي شي مليون واسطة تتسامحو ... ومنكتر الضغط سامحتو بس مو من قلبك بالكلام... لأنو ما اعترف بغلطو... و هويحس بهالشي و مصر تكون المسامحة من قلبك ... شو بتعملي؟ أذاواحد أو وحدة كبيرة بنظرك و بتعزها و غالية عندك ...غلطت معك أول مرة وسامحتها و التانية وسامحتها أو حتى ما أهتميت طنشت وكبتت القصة بقلبكوكذلك الغلطة التالتة و كلها أخطاء حقيرة بتخليها تنزل من عينك ... بتنسيو بتغيري نظرتك ألها و تعاملك معها ؟ ولا بتنفجري بوشها و بتسفقيها بهدلة ماتنساها بحياتها وبتقلعيها ؟ شو شعورك وأنت تحت الضغط بال Pressure Machine تبعي ؟ وقت بتكون معصب شو بتعمل لحتى تروق لمين بتسمع اكتر شي من المطربين شو الفيلم المفضل عندك شو شعورك هلأ بهاللحظة اسف على تنسيق الرد الفايت بالحيط جن الكمبيوتر عندي :pos: |
شو بيمثلك الرجل .. انسان
شو بتمثلك المرأة . انسانه اقتباس:
برأيك مين اللي لازم يكون زعيم أو قائد الرجل أو المرأة ((حددي واحد واذكري السبب)) بغض النظر .. كان مبارح في تصويت بالحزب الديمقراطي الاميركي لتحديد مين اللي رح يمثل الحزب بالانتخابات الجايه هل هي هيليري كلينتون او اوبا .. المنافسه بيناتهم كانت اكتر من شديده .. لهلئ ما عرفت النتيجه .. بس الفكره انو وقت بتكون المرأه مأثبته حالها و الرجل كمان مأثبت حالو بتتناسى هالتفاصيل و بتركز اكتر عالانسان و الاهداف .. برأيك الدين بيلعب دور كبير بحياة الانسان! اي كتـير شو بتصنفي حالك (( متدينة , عادية , علمانية , ملحدة )) متدينه عاديه و علمانيه امين أقرب الك من الوالدين (الماما ولا البابا )) وليش! يش يش هل بتحسي حالك مظلومة من قبل الذكور بمجتمعك! ((أخوكي ,,أبوكي,,عمك,,خالك,,ابن عمك,,ابن خالك)) لا هل عائلتكم open minded ! اي لا تمام open و عين الله عليهم :lol: هل لديكي طموح بمنافسة الرجال في الاعمال الفنية بالمستقبل ؟ كيف يعني منافسه الرجل بالاعمال الفنيه :?؟؟ هل لديكي طموح بتولي منصب اداري كبير ؟ لا عندي طموح كبير و بس احياناً بيكون عندك احساس انك مسترجلة! :? لو لاسمح الله كنتي ماشية بالشارع وشلة شباب وراكي بدأو بالتلطيش شو راح يكون موقفك! بتـصير بتـصير كتـير بتـصير :lol: و بالشـام يا ويـلاه شو بتصير .. هل انتي مع الحجاب أو ضد الحجاب وليش! حرّيه شخـصيه هل انتي مع حرية المعتقدات حتى لو كانت معتقدات شيطانية ((عبدة شيطان))!! الحريه عاده حدودها حريه الاخرين .. اما عن عبده الشيطان فانا شخصيا ما كتير بعرف عنهم و لا بعرف عن طرق عبادتهم ؟!؟ شو رايك بالمشروبات الكحولية هل هيي مدمرة للصحة والعقل أو لا ! شو رأيك انت ;)؟ انو افضل المشروبات الكحولية ولا الحشيش :gem: الاورنج جوس :p لو كان عندك هموم وبدك شي تفرغي طاقتك فيه فشو اول شي بتفكري فيه! ارسم (( paint )) بس غالبا ما بنفذ شو بتصنفي حالك ((أمرأة شاعرية وحساسة ,, أمرأة منطقية وعقلانية ,,أمرأة بتجمع هالصفات كلها!) انا صعب صنف حالي .. برأيك ليش المرأة تتقاعد باكراً عكس الرجل !! والله بدك تسألها شوف انا ولا مره صار و تقاعدت قبل الرجل لهيك لسا ما بعرف ليش ليش المرأة بتشتكي كتير وبتاخد أجازات كتير وقت العمل! كمان اسألها الها انا ما اخدت غير اجازه وحده من اول ما بلشت شغل لهلئ طيب شو رأيك بستات البيوت هل هنن مظلومات!! كمان اسألهم :lol: وليش اغلب الصبايا بمقتبل العمر بيفضلوا يكونوا على أكف الراحة عوضاً عن منافسة الرجل ! شو السبب برايك! عم تسألني شغلات لا مجربتها ولا شايفتها :? هل بتنحرجي لمن تحكي مع شباب ولا امر طبيعي! لا عادي طبعا يمكن سمعتي عن حكي الشباب وشغل شباب ((بين الشباب مافي كلفة;))) بفرض انحطيتي بموقف حرج شو حتكون ردة فعلك! ما فهمت السؤال جمال المرأة معها أو ضدها!! اذا معها ليش واذا ضدها ليش! بيعتمد عالطريقه اللي المرأه عم تستخدمو فيها بيقدر يكون معها او ضدها .. شو رأيك بهالأحصائية عدد سكان المانيا 85 مليون نسمة 80% منهم أنثى!! مو احصائية خطيرة تعتبر بالنسبة للعنصر النسائي! لا للعنصر الذكوري :lol: اقتباس:
شو هو الفن الهابط بنظرك(عطينا مثال) الغناء بالجسد شو هو الفن الراقي(كمان عطينا مثال) فيروز و الرحابنه شو هي افضل قناة اخبارية (العربيةأو الجزيرة) سبق و قلت ما بشوف الاخبار بحب اقراها قرايه شو رأيك بالسياسة ودراسة الشعوب والتعامل الدولي! جاوبت على سؤال شبيه شو رأيك بالاوضاع الداخلية بسوريا (سياسي , أقتصادي , أجتماعي ) اقامتي حاليا برا سـوريا لـيهك صـعب اعطيك وجه نـظر عالريحه .. من هو الحليف الاساسي لسوريا ! سـوريا هل تؤمني بمباديء حزب البعث! انت شو رأيك ؟ مين افضل الشيوعية ولا الرأسمالية ! يش يش :? مين افضل الاستقلالية ولا التبعية لحزب ما! حـسب الـحزب و الـشخص شو رأيك بالهجرة ,, واذا هاجرتي اي بلد يتختاري وشو سبب اختيار تلك البلد انا مهاجره حاليا باميركا و ما حابه غيرها حاج بيكفي :D لك له ليش هيك بس :lol: .. |
هاي شوش.. Btw شو اسمك الطبيعي؟ (قصدي يعني البعيد عن الدلع :lol:)
ما تفاجأت لما قلتي انك ما بتعرفيني..ممكن اتوقع هالشي:lol: صدقاً ما عارفة شو اسأل..بس لازم اسأل:p وازا في أسئلة مكررة فيكي ما تجاوبي.. 1) شو برجك؟ وقدي بتحسي صفاتو لابقيتلك؟ 2) عندك بيرسينغ او بتحبيهن وبتتمني يكون عندك؟ 3)قدي عمرك؟ وبتتمني تكوني اكبر او ازغر من هيك؟ 4)كام اخ واخت عندك؟ انتي اكتر وحدة مدللة ؟؟ او لا؟ 5) بتآمني بالحب من اول نظرة؟ 6) بتآمني انو الاحلام بتعطينا signs..يعني كأنو الاحلام عم تقللنا شو رح يصير بعدين.ام بتآمني انو الاحلام هي مجرد انعكاسات لافكارنا الداخلية وعقلنا الباطني؟ 7) لا خلص سلامتك :D |
هاي شوش.. Btw شو اسمك الطبيعي؟ (قصدي يعني البعيد عن الدلع :lol:)
شـيري:lol: (( و ما بحب الدلع بس شعـب بدك حـلم الله ليفهم عليكي :pos:)) ما تفاجأت لما قلتي انك ما بتعرفيني..ممكن اتوقع هالشي:lol: صرلي فتره ما عم فوت عاخويه و بهي الفتره انتي فتي لهيك ما صار في تواصل :D:D صدقاً ما عارفة شو اسأل..بس لازم اسأل:p اي اي ضروري بتعرفي ما عندي اسئله بنوب :lol: وازا في أسئلة مكررة فيكي ما تجاوبي.. :oops::oops: حبيتك 1) شو برجك؟ وقدي بتحسي صفاتو لابقيتلك؟ برجي الاسد :gem: .. بحسو اكتر شي لابقلي :lol: 2) عندك بيرسينغ او بتحبيهن وبتتمني يكون عندك؟ اغرب سؤال مر علي بالمقلايه :? .. لا ما عندي و لا بتمنى و برفض انو يكوون عندي .. 3)قدي عمرك؟ وبتتمني تكوني اكبر او ازغر من هيك؟ 19 و عاجبني ما بدي لا اكبر و لا اصغر تمام الوضع :ss: 4)كام اخ واخت عندك؟ انتي اكتر وحدة مدللة ؟؟ او لا؟ يش يش :lol: .. و اي انا اكتر وحده مدلله هيك بيقولو اخواتي :p 5) بتآمني بالحب من اول نظرة؟ لا بأمن بالاعجاب اللي يا بيستمر و بصير تفاهم يا ما بيستمر .. 6) بتآمني انو الاحلام بتعطينا signs..يعني كأنو الاحلام عم تقللنا شو رح يصير بعدين.ام بتآمني انو الاحلام هي مجرد انعكاسات لافكارنا الداخلية وعقلنا الباطني؟ الاحلام علميا هي تخزين اللاحدث بالذاكره و اثناء فتره انتقالها بنشوف صور منها .. هي معلوماتي عنها 7) لا خلص سلامتك :D حبيتك اكتر :lol: |
حبيت اجاباتك..مهضومة..:lol:
اسمك شيري (هيك شيري :?ولا شيرين؟) وبرجك أسد :?.. تعرفي اقرب صديقة الي اسما شيرين (انا بحب قلها شيري) وبرجا اسد :) Gracias Again :D |
اقتباس:
|
والله كنت ناوي قوم ادرس بس قلت لحالي مو حلوة ام الشوش هون و ما اسالك شي سؤال يعني:
خيتو ما رح تقل عليكي: بس اسمعيلي هالغنيتين مزبوط شي عشرطعش مرة و خبريني شو بيطلع معك: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس مو تقوليلي انو اي حلوين و خلص :? سلامات و نورتي المقلاية :yahoo: |
اقتباس:
فهمك غلط يا عمتي...:p انو ايمتى شيري :lol: بدها تخلّص لانو بدنا نسأل هع |
مين حاطين اليوم بالمقلاية
انا ماني دريانة شي متل الأطرش بالزفة:oops: |
اقتباس:
|
اقتباس:
:o.. |
اقتباس:
يا شماتة أبلة زازا فيي :cry: |
ويللا كما جولة مع الاغاني
لمين بتهدي هالاغاني خدني معك .. لكـل مين رايح عالـشام :cry: بعدك على بالي .. يش يش :oops: ضمني على صدرك امي انا بعشقك سـوريا :D الأماكن يش يش :cry: اقتباس:
اكتر كلمة بتحب تحكيها انو :lol: اقتباس:
اكتر كلمة بتحسها سامية الله شو بتعنيلك كلمة ندل شـخص جـدا صـغيره قـيمتو بتعرف ترقص - شـوي :lol: بتحب الفلفل الحار ما بحب الحـدّ شو بتكره تاكل الـفول- بزيت و برز - , الجـاج , المحـشي شو مشروبك المفضل اورنج جوس شو اكتر منظر بتحبو؟ الـطبيعه, بالفصول كلها لا الصيف :lol: يعني خريف شتا ربيع ..بس عمرك حسيت بانو الدنيا ضيقة وحابب تغادرها؟متى وليش؟ لا ما حسـيت هيك :? الغروب والشروق شو وفعهم على نفسك؟ وفعهم ! ما فهمت شو معناها ؟ بتحب تكتب؟عمرك جربت تكتب؟ وشو صار؟ اي بحب اكتب و كاتبه كتير ناشره مرتين بجرايد بسوريا و حاليا رح صير انشر بجريده الجامعه :gem: ليش دوم معصب وما بتطلع من المنبر؟ انا نادرا لما تشوفيني بالمنبر :shock: الحب الو معاني كتير ارقاها حب الام...كلمة بتوجهها لامك...ولابوك... يش يش .. تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟ ما بـقدر قـدّر لوقتها بنـشوف :lol: شو وصيتك بالحياة؟؟؟ انـدفن بالـشام :larg: كلمة بتوجهها للحكام مع حصار غزة نيال براده اعصـابكم التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟ ما فهمت اي تجديد بتقصدي ؟ انو لو قصدك الاعضاء الجداد فـانا مو كتير مختلطه مع حدا جديد .. اذا النت ما عادلو وجود بالحياة شو معناه بالنسبة الك؟ رح بتتـعطل علـيّ كتـير امـور الها علاقه بالشغل و الجامعه بس غير هيك ما كتير بأثر يعني رح بشـتاق مين اهم النت والا الكتب؟؟ كل شي الو وقتو .. شو يتشعر لما تسمعها... كان في طفل صغير عم يلعب بالحارة بتزكرني باول طلعتي كلمات كتـير بحبها يا رايح صوب بلادي بـغصّ :cry: عصفور طل من الشباك بتزكر ايام حلوه باول طلعتي اقتباس:
برجع للي ما جاوبت عليهم .. |
برضو بدي رأيك بهالشخصيات
جورج بوش الابن تـــسالي عالاخر :lol: الخميني ما عندي فكـره كافيه عنو الق>افي بحـسو عايـش بـعالم لحـالو ولا الو علاقه بالدنـيا :? كونداليزارايس وحده من اللي شاركو كتير بتشويه صوره اميركا عالميا شارون انا و انت بنشـوفو سـفاح و مجـرم بحـق البـشريه بس هو كرئيـس لدوله كان جـدا متفاني و عندو استعداد يوصل لبعيد كتير كرمال هي الدوله .. هتلر بـعيدا عن شـو ردّه الـفعل عالقصه بس انا بحترمو لهـتلر .. بحبو كرئيـس .. و صّل العالم لحرب عالميه ثانيه كرمال المانيا و مصلحه المانيا .. السلطلان عبدالحميد الثاني اللي بعـرفو عنو انو ما تنازل عن ولا شـبر من فلـسطين بلفور يش يش عمر المختار شـهيـد عـظيم جـدا , بـس محملين كل تاريخ العرب المنيح على كتافو (( يعني زياده شوي )) جيفارا "الثوار يملئون العالم ضجيجاً كي لا ينام العالم بثقله على أجساد الفقراء" هي الجمله بتشبهو فارس عودة ما بـعرفو بس اثار اسمو فـضولي لاني اعرفو و اسمو بين هالاسماء فدورت عليه بغوغل المـتني هي الجمله - والدة الشهيد الطفل فارس عودة: - ظللت فترة طويلة بعد استشهاده اذهب الى مدرسته .. احمل حقيبته معي علني أجده بين زملائه ولكن ..! عزمي بشارة لما كنت صغيره كان بس يطلع يحكي عالتلفزيون واهلي يغيرولي عن برامج الاطفال فكبرت و انا ما بحبو:pos: لذلك ما كتير عندي معلومات عنو .. رفيق الحريري كنت حبو اكتر قبل ما يـموت :? جمال عبد الناصر لو قد ما حب سوريا فهو ما رح يحبها اكتر من ما بحب مصر لهيك ما بحسو فاد سوريّا بـشي .. انور السادات .. راح على اسرائيل .. هي اوّل و اخر ما عرفت عنو .. حسن نصر الله ما بنقدر ولا بشكل من الاشكال ننكر اديشو بطل و انو من الناس اللي قادرين يغيرو التاريخ .. وبهالحركتين كمان بدي رايك حركة أمل ماعندي فكره كافيه حزب الله حزب اثبت و بجداره وجوديتو بالمنطقه العربيه .. و قدره تحكمو بكتير من الاحداث اللي عم تصير .. اقتباس:
ما في كاتب كل شي بيكتبو حلو او كل شي بيكتبو ما حلو لهيك بحس في ظلم لو بدي احكي عنهم بالتفصيل :D شو رأيك فيهم وشو انتقاداتك الهم...بتحبهم ..يا اختي احكيلي عنهم واسفة على الغلبة لا ولو لا غلبه ولا شي يه :lol: كلون 200 سؤال و ما كانو |
| الساعة بإيدك هلق يا سيدي 05:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.. و اي انا اكتر وحده مدلله هيك بيقولو اخواتي 