|
كلشي ممكن
|
1 ملف مرفق .
هاني شوف هالنظرية يلي بتنقض نظريتك بس قليب الصورة بالعكس
هيو مو واضحة زيادة لان السكنر عندي مو معرف ف صورتا بالموبايل :D |
اقتباس:
أنا وقت يلي كتب عن الموضوع ماكتب إثبات علمي كتب إثبات ديني بحت لإني الموضوع أثاثاً مرتبط بعلامة دينية وأنا كل يلي كتبتوا كتبتوا من شان يلي مابيعرف يعرف......... صحيح الأخ أبو جوزيف كان عم يطلب تفسير علمي ...بس أنا كتب شغلات الناس مابتعرفها عن الموضوع يعني في كتير من الأعضاء مابيعرفوا ليش أو فين هالظاهرة إنكتبت او تحدث عنها و أنا كتبتها للعلم بالشيء لا أكثر أو اقل وبعدين يا أخي الكريم ....كتير مواضيع تافهة ومالها فكاهة ولا ماذية عم تتناقش بالمنتدى ....وقفت علي أنا إني موضوعي مو بمحلوا؟؟؟؟ خلي قلبك كبير وتحملنا يا غالي تحياتي الحاج متولي :D |
lخي نحنا تركنا الدين ع جنب لانك مافيك تناقش هيك موضوع بمنظور ديني وعقلي سوى
|
ابو جوزيف فيك تظيف رسم عن ميلان الارض عن محور دورانها قصدي قصة الشمال الجغرافي والجنوب المغناطيسي كمان مو بس حول الشمس
|
اخي الحاج متولي
شكرا لك على المشاركه المفيده واتمنى ان تكتب هذا الموضوع من جديد في القسم المناسب للافاده وبارك الله فيك يا جماعه اخونا وضع هالمشاركه بقصد الاثبات لشروق الشمس من المغرب ولانها ليست ببعيده وهي ستحدث عن قريب وليس بعد مئات السنين واتمنى انه تطولوا بالكم لانه المشاركه تتعلق بالموضوع وشكرا لكم |
اقتباس:
أنا إنشاء الله سوف أقوم بنشر الموضوع في مكان آخر و العذر من صاحب الموضوع تحياتي لإلك ولكل المشاركين :D |
اقتباس:
ايه رح سوي هيك بس انا هي الرسمة مبدئية وكان هدفها انو تثبت فشل نظرية هاني وكمان لو وقفت الأرض عن الدوران رح تتوقف القوة النايذة تبعها يعني في احتمال تجذبها الشمس بس نظرا لانو في كواكب اقرب عليها بجوز يجذبوها وتصير تمشي بين الكوكب يلي جذبها والشمس يعني لا مطلقة ولا معلقة :lol: بنوضح الفكرة بعدين مع رسمة لانو بالرسم بيصير الشغل اسهل وبتتوضح الفكرة اكتر :D |
ايه لفوق
شو وينك ابو الهن :lol: |
عرفت الحل
محل مو محطوط لافتة ومكتوب هون الشرق بنشخبط شخبيط و بنكتب الغرب مزبوووووووووووووووووووووو وووووط هادا جواب منطقي تسلملي على هالمخ يا ابو وليم :gem::gem::adal: :yahoo: |
اقتباس:
اولا : روح تعلم انكليزي وبعدين تعى كتوب بالانكليزي (وما تستخدم كلمات رزيلة تاني مرة اعتبر في عالم تانية عم تقرا ) تانيا : وحياة الله مو مصدق انتي كيف نجحت بكالوريا هالسنة يعني اذا بشوف علامتك بعيني ما بصدق انو انتي ناجح بكالوريا (أو انو بكالوريتك علمي ونسيان كل شي عن الجغرافيا مع انو انا بكالوريتي علمي بس كنت شاطر بالجغرافيا ) تالتا : استخدم خيالك وقت بدك ترسم شي رسمة لانو برسمتك هاي يا صاحبي الارض برمت معك برمة كاملة وراجع رسمتك وشوف رابعا وهادا الاهم مع شوية بحث عالسريع طلع معنا Question: What would happen if the Earth's rotation stopped? Answer: The biggest changes would be the climate. One side would be very hot and the other very cool and dark. الموقع : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - خامسا : وقت صير بالبيت رح اعملك شوية ابحاث كتيرة عن هالشغلة هاي وبلكي بصورلك فلم فيديو بفسرلك كيف بتصير الارض تتحرك حول الشمس وقت بتوقف دوران حول نفسها |
اقتباس:
معلم لو نو متل ماعم تقول انت ومثالك رح يادي انو الأرض بتكون عم تتحرك بس عم تتحرك بسرعة مساوية لسرعة دورانها حول المدار :jakoush: صحصح هاني لا تعتمد ع غيرك :pos: |
اقتباس:
قلتلي هدوك محششين :shock: ابو جوزيف اذا اثبتلك انو الحكي اللي حكيتو (مو نظريتي لانو مو انا صاحب النظرية ) صح بتتخلى عن النقاش وبتطلع من الموضوع ومعد بدي شفلك رد هون |
اقتباس:
انتي اثبت واقنع هاند سوم وعين خير لانو يا معلم اخي فتاح المسنجر بلا ماننشر غسيلنا الوسخ هون :frown: |
اقتباس:
|
اقتباس:
اكلنا هوا يا شباب :p |
معلم هلق رح تجيك إضافة من غامض علمو من ايميلي الجديد بنتفاهم هنيك
يعني غيرنا العفش :lol: |
رأي أيـنـشتايـن
1 ملف مرفق .
أعتذر جدّاً جدّاً عن الانقطاع لمدّة يومين بسبب تعطـّل خطّ الهاتف الأرضي (عميبكي) المهمّ يا سادة منرجع للموضوع ؛؛؛ بعد الشكر لكلّ اللي ساهموووووو أهمّ شي شكراً لهاني اللي لخـّـص الموضوع و لمحمـّـد و لهاندسم و البئية و هداك اللي عم يتحدّى ما بعرف شوو اسمووو ؛؛ يا معلّــم على راسنا انت و ردودك بس نحنا مالنا ببرنامج مسابقات و لا فايتين نتحدّى بعض يعني إمـّـا نسأل أو نجاوب ؛؛ على كلّ حال شكراً لإغنائك الموضوع :) . ----------------- . . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - . كأنـّو في دين برئبتي هو رأي أينشتاين في دوران الأرض حول الشمس ؛؛ بس ئبل ما نعرضووو لازم ننتبه لشغلة هامـّـة كتير (الله يسامحك يا محمـّـد على هالورطة) كلّ الشباب و الآراء كانت عم تنعرض من وجهة نظر كلاسيكيّــة (ملا دخل بالموسيقا الكلاسيك) يعني حسب قوانين نيوتـن و زبانيته ؛؛؛ أمّــا حسب رأي أينشتاين رح نفوووت بمليون حيط لأن رح تتخربط الأمور ببعضها ؛؛ يعني فوء ما إنـّو ما عم نفهم على بعض رح يزيد سوء الفهم بسبب دخول النسبيـّـة على الخطّ ؛؛؛ على كلّ حال مافي ورانا شي عم نتناقش ;) . . عنـدمـا طـرح أيـنـشـتايـن نـظريـّـة الـنـسبيـّـة الـعـامـّـة و أراد إضـاقـة بـعـد الـزمـن اضـطـرّ إلـى تـوحيـد الـزمـان و الـمـكان فـي نسـيـج واحـد (سُـمـّـي النـسـيـج الـزمـكانـي) ؛؛ إنّ كلّ الأجـسـام فـي الكـون تسـتنـد إـى هـذا النـسيـج و كـلّ جسـم يُـحدِث فـيه تقـعـّـراً يـتـناسـب مـع كتـلـته ؛؛ فتـقـعـّـر الـشـمـس أكـبـر مـن تقـعـّـر الأرض ؛؛؛ لـذا ×××××× لـذلـك تـدور الأرض حـول الشـمـس فـي أطـراف الـتقـعـّـر الـذي تُـحـدثـه الـشـمـس ××××× . شايفين رأي أينشتاين شئد بسيط و حلّ نصّ المشاكل بسطرين ؛؛ يعني ببساطة كأنّ الأؤض موجودة في سكـّـة حول الشمس ! . . هلأ هون في بالمـرفق صورة بتخدم الموضوع تبع النسيج و التقعّــر بس هيه مالا علائة ؛؛ يعني ما ئدرت ارسم وحدة ؛؛ لذلك لئيت هالصورة و رئعتا بالرسام (أبو عضل) لأن ما بعرف اشتغل على برامج الديزاين (عميبكي) بإمكانكن اعتبار النئطة الحمرا بالنصّ اللي تحتها كلمة (Sun) الشمس و النئاط زرء اللي بنجنبهن نئط حمر الأرض و هيـّـه عم تتحرّك حول الشمس ؛؛ يعني تجاهلوا النئط الحمر ؛؛؛ و السهم البرتئاني هوّ جهة دوران الأرض حول الشمس ؛؛؛ يعني الشغلة الوحيدة اللي مزبوطة و ما بدها اعتبارات تانية و لا شروط هيـّـه التقعّــر بالصفيحة و اللي واضح تماماً. -------------------------- . :melody: ® |
عودة إلى الميكانيك الكلاسيكي
منرجع لعند نيوتن يعني للميكانيك الكلاسيكي بالنسبة للقوّة الطرد المركزيـّـة أظنّ (مافي تحت إيدي مرجع حاليـّـاً) إنّــو سببها دوران الأرض جول نفسها و ليس كتلة الأرض بحدّ ذاتها ؛؛ و بالتالي رجعنا لنفس الئصّــة الشائكة ؛؛ شو اللي بخلـّـي الأرض تفتل حول نفسها؟! هون بتذكـّـر شغلة (كمان بدون مصدر الله يلعن هالذاكرة الخردة!) إنـّـو حركة الصفائح و الشغلات اللي تحت القشرة الأرضيـّـة يعني تيـّـارت الحمل اللي بتصير بين النواة و المعطف (هون في مادّة مائعة يعني منصهرة بس مو تماماً، متل الجيليه) و كمان البلواي اللي بيعملها مجال الأرض المغناطيسي و الكتل المعدنيـّـة الضخمة اللي جوّا الأرض هيـّـه اللي تسبـّـبت بدوران الأرض حول نفسها ؛؛؛ و من هنا فينا نستنتج شغلة جديدة ؛؛؛ يمكن تكوووون هامّــة كتير و هيـّـه الحلّ للسؤال الرئيسي ؛؛ بما إنّــو الأرض عم تبرد يعني بالأخير رح تتجمـّـد المواد المنصهرة اللي عم تسبح فوئها القارّات رح تروح القوّة اللي عم تتسبـّب بدوران الأرض حول نفسها ؛؛ طبعاً ما في داعي لإثبات إنّــو الأرض عم تتبرّد ؛؛؛ لأن هاد واضح و مثبت تماماً ؛؛ بس ديروا بالكن لا تخلطوا بين تبردّ الأرض ككتلة صخريـّـة و ظاهرة الدفيئة أو التسخين أو النينو اللي عم تحدث للغلاف الجوّي ؛؛؛ .. . . كمان شغلة تانية خطرتلي ؛؛ بناءً على النظريـّـة السديميّــة في تشكّــل المجموعة الشمسيّــة ؛؛ السديم الغباري اللي كان فيه كلّ عناصر الطبيعة و الأتربة و الجليد و اللي كان عم يدووور حول نفسه (ما بعرف ليه يمكن كلّ شي بالكون لازم يدوور) و بعدين صار يتكثـّـف و يتقلـّـص لبين ما تجمـّـع الهيدروجين بالمركز و انضغط و ارتفعت حرارته و شكّــل الشمس و الشغلات التئيلة اللي ضلّــت حول السديم أو حول الشمس و اللي معظمها صخور كمان صارو يتجمـّـعوا كل كم شغلة سوا و يصير فيهن نفس الشي من دوران حول نفسهن و انضغاط و تسخين .. إلخ و يتشكـّـل منهن كوكب صخري في الداخل و كوكب غازي في الخارج ؛؛؛؛ هون بكون الكوكب المتشكـّـل معه سرعة ابتدائيـّـة بالدوران حول نفسه و بالتالي حسب قانون العطالة و بسبب انعدام محصـّـلة القوى الخارجيـّـة المؤثّــرة رح يكمـّـل الكوكب دورته إلى أن يعترضه مؤثـّـر خارجي ما أو يصير عليه أي قوّة تخربلو توازنو ! . . . شغلة تانية ؛؛؛ ذكر بعض الشباب إنـّـو بالفضاء مافي قوى مؤثـّـرة و لا احتكاك و لا جاذبيّــة ؛؛؛ و أنا كمان بالفقرة السابقة اعتمد على هالمعلومة ؛؛؛ بس برجع بذكـّـر هاد كلـّـو على ذمّــة نيوتن و زبانيـّـته ؛؛؛ لأن حديثاً الفضاء طلع مو فاضي (مذهول) كمان الشباب الطيبة علماء القرن العشرين و انتو طالعين صار عندهن مشكلة لمـّـا ابتكروا نظريـّـة الأوتار الفائقة (على أساس بنا نفتحلها موضوع استنّــوا شوي) اضطـّـروا يخترعوا شغلة المادّة العاتمة و المصيبة إنّــو طلع معهن إنـّـو المادة العاتمة أو المادّة المضتدّة بتشكّــل 90% من الكون يعني كلّ هالكون اللي شايفينو من نجوم و كوكاب و الذي منو بيطلع 10% بس و البائي ما منشوووفو ؛؛؛ و المصيبة الأكبر إنّــو مستحيل نشوف هالمادّة لأن حكينا إنـّـو هيـّـه مادّة مضادّة يعني بس التئت بالمادّة اللي موة مضادّة يعني متل أجسامنا رح يتـّـحدوا و يتلاشوا ؛؛ متل ما تشكّــلوا من العدم وئت انفصلوا (مو مذهول و بس سمايلي قمّــة الذهول) و ئصّــة طويلة خلص بلا ما توجعوا راسكن فيها ؛؛ جاي وئتها بعدين! . . -------------------------- . ما بينشبع من الحكي بهالئصص بس شو بدنا نعمل الوقت من ذهب إن لم تقطعه من أول ليلة قطعك . . :melody: ® |
[quote=Raw;678446]
اقتباس:
يعني يمكن تكون نواة وطبقات الارض مطبقين قوتين متعاكستين يخلوها تدور باستمرار ادا فهمت منيح النواة بالارض هي المحرك والسبب الرئيسي لحركنها الدورانية هي والطبقات يالي فوقيها بس سؤال ادا الحرارة المرتفعة لقلب الارض وبرودة الطبقات الاخرى اعطتها حركة دورانية ثابتة نوعا ما ومما سبق دكره انو مرت الكرة الارضية بمراحل تباطات فيها حركتها ثم عادت الى نفس السرعة فمالدي سيحدث بارتفاع حرارة الارض بسبب الصناعة والتلوث البيئي وثقب الاوزون قصدي من ملايير السنين عرفت الارض ارتفاع وانخفاض بدرجة الحرارة لكن لاسباب غير التي ادت الى ارتفاعها الان يعني بالتحديد السؤال هو هل هدا الارتفاع بدرجة الحرارة لن يؤدي الى انفجار بعد تباطؤء حركة الكرة الارضية (الهدوء قبل الانفجار). ومعروف ان الارض ستعيش نفس الانفجار الكبير الدي ادى بالبداية الى تكوين الكون كله وادا هيك معناتها في امكانية كبيرة انو هالارض كانت موجودة من قبل وانفجرت وعادت تكونت وهيك الى مالانهاية :sick: . . اقتباس:
-------------------------- يخرب بيت الفضول والعلم :cry:خلاني صاحب الموضوع اقرا كل الردود بالتفصيل وانعميت من النطوطة بالمواقع العلمية :frown:من ورى سؤال واحد :sick: . |
اقتباس:
و اضطريت شوي راجع مرجعي الاول في كل ما يتعلق بعلوم الفيزياء ( كتاب الفيزياء المسلية للمؤلف العبقري ياكوف بيريلمان ) ..... على كل منبلش رد : اقتباس:
و بالنسبة لهالموضوع بالتحديد فانا تابعته من فترة شهرين او 3 على القناة الرائعة ( الجزيرة الوثائقية ) و ما حكوا عن تسارع دوران الارض بالبرنامج ... اقتباس:
اما شو هيي طبيعة تاثير زيادة المياه على دوران الارض .... بترجع لطبيعة و خواص الماء المالح الفيزيائية ...... و بالنسبة لسؤالك عن اسم المصطلح العلمي الذي يساعد الاشياء ( الجامدة من الداخل او حتى الفارغة ) على الدوران حول محور فهو ( القطع المكافئ ) ...... اقتباس:
فيمكن انقاست بشكل اكثر دقة من وقتها لهلق .. اما ابتعاد القمر عن الارض 4.5 انش بالسنة فالشي انا حضرته ببرنامج وثائقي من شي سنتين و كان البرنامج مترجم بالعلامة ! و يا ريت اذا كنت متاكد تعطيني رابط الدليل على انو 3.8 سم ........ بكون ممنونك اقتباس:
و عبر جاذبيته يؤثر على جهة دورانها ..... اقتباس:
اقتباس:
اقتباس:
طبعاً السبب اللي ذكرته انت هو احد الاسباب بس في اسباب اقوى و اهم و اكيد بتعرف قانون تجاذب الكتل و انو كل ما ازداد حجم الكتل ببتزيد قوة الجذب ....... فالقمر ما عم بتعرض لقوة جذب الارض فقط ...... بس تاثيرها فيه اكبر لانها اقرب اليه و هو عم يتعرض لجاذبية كل كواكب المجرة بلا استثناء و الشمس هي الاكبر كتلة و هي الاقوى .......... كل شي بهالمجرة بيأثر ببعضه مهما كان البعد نظرا لعدم وجود هواء ممانع و نظرا للاحجام الهائلة ....... مثلا ً ( كوكب نيبتون البعيد جداً عن الارض هو يؤثر بجاذبيته على الارض بقوة 18 مليون طن ) و هالشي علمي و ثابت و اذا ما تاكدت انا ممكن صورلك صفحة الكتاب الموجودة فيه هالمعلومة . اقتباس:
احسن ما كان بنطلي واحد يقللي اني ناقل الموضوع -------------------------------------------------------------------- -------------------------------------------------------------------- اقتباس:
-------------------------------------------------------------- -------------------------------------------------------------- اقتباس:
نحنا عم نحكي عن توقف دوران الارض حول نفسها ....... يعني حتى لو وقفت فهي رح تضل تدور حول الشمس و بالتالي سيحدث الليل و النهار و لكن بصورة بطيءة للغاية ( رح يصير طول اليوم سنة ) اقتباس:
--------------------------------------------------- --------------------------------------------------- و تحياتي لكل الشباب المناقشين ....... ابو جوزيف - هاني - handsome و غيرهم ............ |
2 ملف مرفق .
انا بطلت ناقش بالموضوع لانو صار الموضوع مخلوط ديني وعلمي
بس في شغلة اخيرة بدي قدمها لهاني نظرية هاني نظريتي هلق شبيبة حسب نظرية هاني يلي فيها وجه من الصحة انو مسيك الكرة الأرضية عالصورة وحركها عالمدار وفتيل ايدك معاها يعني انو بحيث يتم 1 بالمنطقة A مكانو بالمنطقة c ___________________________ حسب نظريتي يلي فيها كمان وجه من الصحة وناقشت فيها عالم كتير مسيك الكرة الأرضية عالشاشة ومشيها عالمدار بحيث انو تم ايدك ثابتة رح يطلع معك انو القسم 1 بالمنطقة A رح يصير بالقسم C مكان الــ3 فأنو الصح !!!! |
اقتباس:
ورطه ؟ بس ما كان عندي شك بقدرتك عالرد (بس قلت خليا تيجي منك واريح راسي :o) بتعرف شغلات اينشتاين مابيفهما الغالبيه العظمى من الناس يا زلمى نحنا بقوانين نيوتن مو خلصانين من العالم :o اقتباس:
هو الرد ما بمحلو لو كان بموضوع تاني متل المواضيع التافهه اللي انتا عارفها وحكيت عنها , ما كنت عصبت . انا ماعندي اعتراض على وضع العلامات هون ,بس بشرط مناقشتها علميا , غير هيك يبقى تخرج هالعلامات من هالقسم وتروح على قسم مناسب . عفكره لو كنت نزلت هالردود بموضوع مستقل ما كنت دخلت حكيت معك كلمه واحده انا كل زعلي على وضعها بهالموضوع بس . وبعتذر الك تاني عالاسلوب :D اقتباس:
اقتباس:
يعني قريتا وبس ومافهمتها :jakoush: رح اثبت الك نظرية هاني وكلو يحضر معي التالي 1. فنجان قهوة 2.شمعة 3.فرجار (بيكار) 4.كرة تنس طاولة صغيره 5.ورقه بيضاء ويكتب عليها بالانكلش(Abu Guzef ,fuck to your stupid example) الاثبات في الرد القادم :D |
1 ملف مرفق .
شوفلي هالفيديو
:frown: |
اقتباس:
اولا : فنجان القهوه , اشربوه (هاد مشان يزبوط الراص ) ثانيا : الورقه البيضاء اكتبو عليها متل ما اتفقنا وبعدين اشعلو هالورقه من الشمعه وارموها باي داهيه بلا وجع راص ندخل عالتجربه بجد :lol: 1. نفتح الفرجار ونرسم دائره نصف قطرها 25 سم (اي نصف قطر عادي مو مهم :lol:) 2 نقوم بتثبيت الشمعه بعد اشعالها على مركز الدائره . 3. نحرك كرة التنس على الدائره المرسومه نلاحظ التالي : نصف كرة التنس المواجه للشمعه هو فقط المتعرض للضوء وذلك دائما والنصف الاخر لا يتعرض للضوء دائما . طيب ابو جوزيف بيقول بدي توضيح لهالنتيجه (على اعتبار انو ممكن اليد تتحكم بكرة التنس متل ما هو عمل وانا قلتلو هيك عالماسينجر , يدو كانت بتوجه الشيء اللي بيدور (من دون ان يشعر طبعا)). انا بقول كلنا بنعرف لعبة القطار اللي بيتحرك (لعبة الاطفال) , بدنا عربه واحد ه بس اذا استخدمنا القطار في هالتجربه كأنو الارض وحطينا بالمركز مصباح قوي وكبرنا الدائره جدا مشان يقدر القطار يمشي عليها (هالدائره رح تكون شريط (قضبان القطار) ) يعني مسار القطار هو القضبان هو الدائره . رح نلاحظ انو جانب القطار يللي متعرض لضوء المصباح هو نفس الجانب طول عملية الدوران كلها والجانب الاخر رح يضل ما متعرض للضوء طول الوقت . طبعا كل المشاركين من اصدقائي عارفين ان هاد ميعاد نومي (ردو بسرعه او انتظروني ليلا :lol:) |
انا استسلم
وما عاد دخلني بالموضوع ونظرياتي غبية وانا غبي وما بفهم وتافه و بس بكرة مع الإيام رح تعرفو انو نظريتي صحيحة هلق معلم شيل كرة التنس متل ماهية عالطرف التاني شو بيصير معك ها قلي |
اقتباس:
بالفعل الناس مو عرفانة شو النسبيّــة و شو أينشتاين بطـّـلت إحكي هيك شغلات و عذّب حالي :melody: |
معلم عطيني قوانين اينشتاين بالله
|
صعبي
اقتباس:
و الله يا صاحبي صعبة :pos: هي الشغلة بدّها مقرّرات فيزيا و رياضيـّـات طويلة عريضة و ما بتنعطا بكلمتين :shock: بس ان شا الله منحاول أنا أو محمـّـد نلخـّـص هالشغلات و نحطـّـها هووون إلاّ إذا كان ئصدك بس العبارات الرياضيـّـة للقوانين فهي شغلتها بسيطة بس ما بتوقـّع تكون مفيدة بدون شويـّـة شرح نظريّ :larg: على كلّ حال محمـّــــــــــــــــــــ ـــــــــــــــــــــــــ ـــــــــــــــــــــــــ ــد وينك هات مسنجرك ليه لهلأ ما منحكي مع بعض نحنا؟!! :melody: ® |
بطلتوا ؟!!!
:melody: ® |
لا لسا :lol:
عم فكرلك بنظرية |
اقتباس:
اسمع يا معلم موضوع اينشتاين هاد تنساه تماما في بيني وبين اينشتاين مشاكل (ماديه ) اشكالات بخصوص مصاري وهيك من ايام مشرفه لما كان مساعدو الاول (الزلمى عليه مصاري لمشرفه ولهلق لا دفعها لا هو ولا الورثه) اقتباس:
نحنا ما بنحكي مع بعض لانو فتره انا غيبت فيها كنت انت موجود ولما رجعت لاقيتك انت غايب فتره متلها :lol: وهكذا باستمرار (واحد موجود التاني لاء) انا وانت تعاقب اليل والنهار :larg: |
ما رح طول بالحكي كتير لانو من هلق اذا ما نجحت بمادتي بيكون الحق عليكون كلكون كلكون وبدون استثنائات:frown:
اي المهم .. مشان نظرية ابو زوزيف وعمي ابو الهن وعمي حمودي .. فانا اكتر الشي خرطتلي مشطي نظرية ابو الزوز هلق الصعب بالموضوع انو شلون رح تكون الارض واقفة عن الدوران ؟؟؟ طلع الجواب واقفة واقفة , يعني مانا عما تدور:shock: فبهاي الحالة بعتقد انو رح يكون الشي الي عما يصير بالارض متل الفيديو الي حطو ابو زوز مثبقا ورح يضل في تعاقب لليل والنهار .. بس بدال ما يكون النهار 24 ساعة رح يصير 365 يوم ... يعني نص سنة ليل ونص سنة نهار.. انو انا اخدت الفكرة متل بالشي الي عما يصير بالقطبين لانو متل ما بتعرفو هنيك تقريبا نص سنة نهار ونص سنة صيف ؟؟ لانو بسبب دوران محور الارض فعما تضل هاي المنطقة مضواي ليل ونهار ومعد بتتاثر بدوران الارض حوالين حالها .. بس ضل عما يأثر دوران الارض حول الشمس ... ما عندي مواقع بتثبت هالشي لانو هي وجهة نظر شخصية .. وما قدرت اتخيل كيف رح تكون الارض عما تدور حوالين الشمس ومانا عما تدور حوالين حالة . وبيضل بمنطقة وحدة ليل وبالتاني نهار .. بس متل ما سبق وقال هاني .. انو الارض بهي الحالة ما رح تقدر تكفي النهار الواحد( يعني الفتلي حوالين الشمس ) لانو بيتغير كلشي بالمناخ .. وبيصير قسم مشوي والقسم التاني ني |
عراصي خيو super messi :D
انا خربط بالكتابة وكتبت تسارع .. بس كان قصدي تباطئ دوران الارض :oops: اقتباس:
لانو مثلا المد والحزر ما بيصيرو لانو المي مالحة .. بيصيرو الانو القمر عما يجزب هالمي ... بس بجوز يكون في شي تاني ما بعرفو .. ماني كتير متأكد من الشغلة . القطع الكافئ ما كان ايام زمان شي محور دوران او هيك شي. يعني انو دوران الارض حول الشمس هوي عبارة عن قطع مكافئ مدري قطع ناقص؟ يعني ما معقول يكون في نفس الاسم لخاصة فيزيائية ومعادلة رياضية بنفس الوقت ؟ بعتقد انك فهمت سؤالي بس رح جرب مرة تاني اشرحو .. هل اذا جبنا اسطوانتين اسطوانة عبياني واسطواني فارغة .. وكرجناهون على شي منحدر .. فالاسطواني العبياني رح تكون اسرع مثلا .. وبعدين رح تقدر تضل عما تمشي اكتر ... انت كنت عما تقول عن هاي الخاصة انو هي القطع الكافئ اما انا فهمت غلط؟ اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبالجدول عاليسار محطوط الميل الاستوائي للاستدارة 23,45 درجة مشان ابتعاد القمر عن الرض فيك تشوف هادا الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ما مكتوب الحكي بالعربي .. بس انو انشالله ما يكون في مشكلة بالانكليزي . اقتباس:
انو وقت لازم نحسب تاثير القمر عالارض مافينا نحسبا بقانون نيوتون العادي . والي هوي القوة المؤثرة بين كتلتين = ثابت الجازبية *كتيلة المادة الاولة * كتلة المادي التاني \ المسافة بين الكتلتين للتربيع هلق هاي المعادلة بتطلعك بس قوة الجزب بين كتلتين .. وبعرف انو بس يصيرو تلت كتل او اكتر .. بتبطل هاي المعادلة شغالة .. وبيصير في طريقة تاني لحساب القوا المؤثرة وهيي بتكون بطريقة معقدة اكتر بكتير من هاي . وانا شخصيا ما عندي اي فكرة شوي هيي هاي المعادلة . حاولت دور علية شوي بس ما لقيت شي بيفيدني بالموضوع ... بس متل ما قلت انو ما بعرف شو هوي الصح . بس بعرف انو المعادلة العادية مانا كتير شغالة .. ومشان كوكب نيبتون وال 18 مليون طن . ما بعرف اذا 18 مليون طن ما عندي اي فكرة اذا كانو كتار اما قلال بالمقارنة مع قوة جزب الارض والشمس .. بس اذا بهادا الكتاب مكتوب شلون وضلو لهالرقم فبكون ممنونك . اما اذا بس رقم مكتوب .. فانا مصدق خيو سلامات باشا:D |
اقتباس:
:adal::adal::adal: |
بنرجع نتناقش بعد كم يوم عبين ما كون ظبطتلكون كم نظرية :D
|
1 ملف مرفق .
ابو الهن لا تجلط سماي ليك شلون رح يصير بس توقف حركة الارض
|
تحية شبيبه...
حذفنا المشاركات الخارجه عن الموضوع...وثبتناه :D |
في في شي ما عم تقدرو تتخيلو انتو يللي عم تقلولي انو بيصير نص السنة ليل ونص السنة نهار
يا عيني السبب الرئيسي لتعاقب الليل والنهار هوي انو الارض عم تدور حوالي حالها بس توقف الارض عن الدوران حوالي حالها ما رح يصير تعاقب ليل ونهار لا على المدى القريب ولا على المدى البعيد |
اقتباس:
فهمت ؟؟ هاي من الثوابت العلميه :jakoush: ومافي دليل على توقف حركة الارض عن الدوران حول نفسها بهالصوره . تقدر تجيب دليل ؟؟؟ اقتباس:
لاء والزلمى قايل الي بعد لما اموت رح تقدرو نظرياتي :o الله يلعنك ابو جوزيف دمك خفيف جدا :lol: مليون ورده :D |
| الساعة بإيدك هلق يا سيدي 01:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون