|
اقتباس:
ازا انت بتعرف الحل لي ما بتقولو!! يللا انو ازا هلقد سهله قول:sly: |
طيب.. خلينا نترك مسألة الطواقي.. ونروح على مصر الفرعونية
تابعوا معي.. إذا أخدنا عددين طبيعيين لا على التعيين.. مثلاً ( 22 و 16) وسألنا عن نتيجة ضربهن ببعض (جـُـداؤهما يعني ) رح نقول دغري إنو الجواب: 352 وطريقتنا بإيجاد هالناتج بتعتمد على مضاعفة أحد العددين مقداراً من المرات حسب العدد الآخر.. ولا بأس إن استخدمنا آلة حاسبة عوضاً عن الطريقة "الكتابية".. يعني مش كتير مهم، المهم إنو.. أياً كانت تلك الطريقة التي نتبعها، فـ هي ما رح تكون متل الطريقة اللي كانوا أجدادنا الفراعنة يستخدموها يعني.. إذا وجّهنا نفس السؤال (ناتج جداء العددين السابقين) لواحد من كهنة المصريين القدماء.. فـ رح يعطي ذات الجواب بس بطريقة أخرى!! فيا ترى.. يا هل ترى.. ما عساه يفعل.. هل سيصلّـي للإله رع كي يمدّه بالجواب؟ قال لا ما رح يصلّي.. بل كان سيقوم بما يلي.. تابعوا معنا: أولاً: يحسب نصف مجموع العددين: (22+16)/2=19 ثم: يحسب نصف فرق العددين: (22-16)/2=3 ثم: يحسب مربع النواتج: (19*19=361) ، (3*3=9) وأخيراً: يوجد فرق آخر نتيجتين حصل عليهما: (361-9=352) ليعطي الناتج الصحيح 352 !! هلق منجي للسؤال: يا ترى.. يا هل ترى.. هل ستفضي هذه الطريقة الفرعونية إلى الجواب الصحيح دوماً؟؟ |
اقتباس:
ركز معي الله يخليك لا تخليني عيد حكيي لانو ما في وقت عيد انت قلت اي عددين طبيعيين لنفرض العددين هني س , ع نحنا بدنا ناتج (س.ع) يعني ناتج جداء العددين رح نمشي بطريقة عكسية او طريقة نقض الفرض لنفرض انو الطريقة صحيحة دائما يعني (س+ع)/2 للتربيع - (س - ع)/2 للتربيع = س×ع بعد تفكيك هالتركيب وما توابعه واجراء التبديلات وهالقصص س مربع +2 س ع + ع مربع - س مربع + 2 س ع - ع مربع = 4 س ع بعد اجراء الاختصارات وما الى هنالك بيطلع معنا 4 س ع = 4 س ع وهاي صحيحة دائما => الفرض صحيح والطريقة صحيحة دوما :D |
اقتباس:
بس في فكرة إنو هالطريقة الفرعونية بتدلّ إنهن كانوا بيعرفوا المتطابقات الأساسية متل "مربّع مجموع حدّين"، "مربّع فرق حدّين"، و "فرق مربّعي حدّين".. منعرف اليوم إنو الكهنة المصاروة قبل كانوا بيمتلكوا جداول ما كان بيمتلكها الكـَـتـَـبـة والنـّـُسـّـاخ.. منها جداول مربّعات الأعداد ومكعباتها.. خوش كانوا الكهنة يعتمدوا عليها كتير لما بدهن يطالعوا ناتج جداء عددين.. هلق وين الفكرة؟ إنو.. بما إنو الكـَـتـَـبـة والنـّـُسـّـاخ ما كان مسموح لإلهن الاطلاع على هالطرق الحسابية.. وبما إنو كان ممنوع عليهن امتلاك الجداول اللي حكينا عنها.. واضح ليش مو؟ مشان يضلّوا الكهنة "أصحاب أسرار" و "معجزات" ومدري شو.. (كتاب "الفيزياء المسلية لـ ياكوف بيرلمان بيشرح ببساطة بعض "المعجزات" اللي كانوا كهنة مصر قبل يبلفوا فيها البشر) إذن.. هالشي (كتمان العلم عن البشر).. ضيّع على المصريين القدماء فرصة توسيع وتطوير معارفهن الرياضية |
اقتباس:
|
اقتباس:
جاييك بوحدة جديدة.. بس ت نعرف صورتها |
اقتباس:
 |
انو ما بعتقد بهلصعوبه!؟!
:? |
اقتباس:
ليش مين قلك إنو لازم تكون بهالصعوبة؟ أوقات "حلاوة" المسألة.. أهم من "درجة صعوبتها" فـ تفضّلي.. ورجينا.. متليلنا ت نشوف |
اقتباس:
|
اقتباس:
|
يعني انو ممكن تكون 3 × جذر الـ 3 مرفوعة للأس اللانهاية ( بس انو طبعا اللانهاية لازم تكون شي قيمة معنية
|
اقتباس:
هـء ثم في عندك جوابين لـ مجهولين بس شو رأيك إنو الجواب (يعني قيمة A1 وقيمة A2) عددين طبيعيين؟ |
الأولى بيطلع الناتج 2
و التانية بيطلع الناتج 3 يعني هيك شي ؟؟؟؟؟؟؟؟؟؟؟؟؟؟؟؟؟ |
اقتباس:
 |
اي لكان معلم
نحن منعجبك ها :lol: تعا لشوف هات غيرها |
اقتباس:
سمعان بعالم رياضيات ألماني مشهور إسمو "كارل فريدريك غاوص"؟ أكيد سمعان فيه... المهم يا سيدي ملا إنت.. المرحوم غاوص.. كان عبقري من صغرو.. فـ بمرة من المرات لما كان بعدو تلميذ بالمدرسة.. بالابتدائي الله والعليم.. ومتل عنا.. كان الصف قايم قاعد.. فـ داق خلقو الإستاذ منهن.. قال لحالو.. شو قال لحالو؟ بعطيهن هيك شي تمرين رياضيات.. يشغلهن شوي.. قام طلب منهن يجمعوا الأرقام من واحد حتى مية.. يعني الأخ بدو مجموع الأرقام: 1+2+3+4+.........+99+100 قديش بيساوي همممممممممممم إي ما لحّق فتل راسو الإستاذ.. كان غاوص رفع إيدو وقلو: "حسبتهن إستاذ.. المجموع 5050 " التخم الإستاذ!! وقعد يحسب.. هيـــــك شي نص ساعة.. بالآخر طلع معو الجواب مزبوط!! العمى.. إجى لعند عمّك غاوص.. كان الأخير شو عامل؟ بهالوقت اللي كان الإستاذ عم يحسب المجموع.. كان أبو الغوص عم يطبخ القانون الشهير تبع مجموع أعداد من 1 حتى ن) القانون المشهور يعني فـ السؤال يا معلم قصي.. كيف فكّر أبو الغوص العظيم أول مرة.. وكيف قدر خلال دقائق.. إنو يحسب المجموع من 1 حتى 100 ؟ هات لنشوف (على فكرة.. مرة طرحت هالمسألة على كوشة شباب وبنات متعددي الأعمار.. فـ اللي حزرت الطريقة.. كانت بنت صف سابع) |
{ن(ن+1)}\2
|
اقتباس:
هلق هاد القانون اللي طبخو بعدين.. مزبوط بس السؤال: كيف فكـّر أبو الغوص أول شي.. قبل ما يتوصّل لهالقانون يعني لما كان عم يجمع من 1 لـ 100 |
والله يا شريكي انا ما خرج .. يعنوي حاليا فكر بنوب مرشح ومكرب .. وملعون طرقي .. فـ انو المخ مسكر تمام ..
فـ حلو عن سمايي .. شي كام يوم .. وبرجعلكم .. |
:oI have found the sol
:yahoo: |
مجموع من1 ل9 =45 (شي حيضل سابت)
من11 ل 19=(45)احاد +90(عشرات)=135 من21 ل 29=135+90= 225 من31 ل 39=225+90=315 من 41 ل49=315+90=405 وهيك:495 585 675 765 من 91 ل 99= 855 *هلأ منجمعن مع بعض: 4500 ***ما بعتقد ضلو ساعه يجمع مممم للمختصر : من فوق عنا (45) و هني 100 رقم ف (45*100=4500) باقي عنا (10,20,30,40,50,60,70,80,90,100) 450+100=550 4500+550=5050:sly: |
اقتباس:
هالقانون اللي بيعطي مجموع حدود من 1 حتى ن طريقتو كانت أسرع جداً.. ومتل ما قلنا إلها علاقة باستنتاج القانون اللي فوG آسف يا ماري بيل.. كان بودّي ربّحك.. بس صوري |
1+100 = 101
2+99 = 101 3+98 = 101 .... الخ الخ الخ لحد ما وصل لل 50+51 بالتالي عندو 50 عملية × 101 بيطلع 5050 ما ولا مو ما ؟ |
اقتباس:
هيك تماماً فكـّر أبو الغوص العظيم  |
اقتباس:
لا هيك فكرت انا :angel: |
أه اصلا أنو انا من الأول قالتلك انو في عنا كتير عظماء
هي طلع عنا أبو حميد العظيم :lol: |
يلا هات غيرها
هي يلي فوق ما عجبتني من مستوى صف رابع مدري سادس يعني عطيني شي مستوى عالي (شغل صف سابع مثلا ) :lol: |
اقتباس:
|
اقتباس:
يا لطيف يا زلمة خوفتني بكل هي الشغلات ..... :shock: |
انو يعني بيسعدني قول للمسيو ناسر انو انت عم تقلنا صح او خطأ لأنو انت قدامك الحل بطريقه وحده! يعني عزب حالك و فكر بشكل منطقي بلطرق التانيه حتلاقيها كمان محلوله بشكل منطقي:sly:..
طريقتي معقوله كمان.بس يمكن لي عمل القانون ما فكر فيها :o قلتليn(n+1))/2) :shock: ناسيتو لهل تيوريم:p |
اقتباس:
طريقتك يا آنستي منطقية من حيث شو؟ من حيث تنفع تكون جواب لمسألتنا؟ إي لاه.. اسمحيلي المنطق بالمسألة بيقول لازم تاخدي كل معطيات المسألة.. فـ لما بقلك إنو غاوص بعد إيجادو للمجموع من 1 حتى 100 استنتج قانون إيجاد مجموع ن حد.. هيدا شو؟ هيدا معطى.. أمر لازم يؤخذ بعين الاعتبار (اللي ما تبلى بالعمى).. ثم إنو.. غاوص ما كان عندو كالكوليتر متلك :p وقلتلك كان جوابو بطريقة أسرع من اللي حطيتيها هلق جوابك "منيح".. فيه فكرة.. لا بأس يعني.. بس مش مزبوط.. مش جواب لسؤالي بس الفكرة وين؟ إنو ليش ما بتعذبي حالك.. وبتفكري بطريقة تانية؟ إنو جيد.. طلع معك شي.. برافو.. بس مش هو المطلوب.. جربي غير شي بتذكر بأول الموضوع.. كانوا علاماتك أفضل من هلق :willi: تعي تعي وين رايحة؟ خدي هاي قبل :mimo: |
اقتباس:
معك الأرقام (2، 4، 6، 8) باستعمال العمليات الأربعة (جمع، طرح، ضرب، قسمة) مع هالأرقام (كل رقم مرة وحدة).. بدك تحصل على ناتج 25 شلون؟ |
اقتباس:
يعني 2 و 4 و 6 و8 |
اقتباس:
العمى ما انتبهتلو هالسمايلي المئلعط من وين طلع!! |
6 + ( 2 تقسيم 8 ) × 4 = 25
زابطة اخونا ؟ :? |
سماع لقلك
ضربنا 6 ب 8 صار عنا 48 وجمعنا الناتج مع الرقم 6 صار عنا 54 وطرحنا الناتج من الرقم 4 صار عنا 50 وقسمنّا الناتج على 2 صار عنّا 25 كيفني معك :larg: |
اب ريطا.... ال 6 مرتين استخدمتو :larg:
|
اقتباس:
بس لازم تكتبها هيك شريك: 4 × ( 6 + ( 2 تقسيم 8 ) ) = 25 بكتابتك فوق.. الأربعة مضروبة فقط بالقوس ( 2 تقسيم 8 ) |
خلص المرة الجاي :p
منلحق وحدة عالسريع قبل ما نروح عالبيت ؟ :lol: |
| الساعة بإيدك هلق يا سيدي 14:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون