|
اقتباس:
انو الرد كان نحنا عم نقول الله يرحم اخوية زمان والاقدم بيقولو الله يرحم اخوية زمن وهيك اول شي مااخدت الكلام جد بس لما انا صرت قول الله يرحم اخوية زمان عرفت شو يعني مابتمنى حدا يجي بعدي ويقول متلي اقتباس:
|
:melody:
مسا الخير للكلّ ؛؛ لك اشتئتلك ولاااااااااااك :melody: كووول بوشار لشوف ما حتشبع؟؟!!!!! تحية لنيرفانا إنكليش إديشن على الموضوع الرائع لأن شايفين نتيجته كتير حلوة و خلت البعض يسجـّـل دخول على الأقلّ! المهمّ ئريت الموضوع كله تقريباً و شكراً لكلّ عضو إسـّـا متذكرني و عن جد أنا مشتاااااااء للأخوية كتير بس الظروف بعدتني غصب عني و عم حاول إرجع و ان شا الله رح ارجع فوت أكتر خصوصاً إني بدأت كم موضوع و لازم كمـّـل فيهن. هاني نحن هنا ليكني ما عم فوت بس جيت سلـّـم على الشباب لأن وصلني خبر إنو عم يستفئدو الغايبين بلااااااك أمرك نحنا تحت أندر كونترول بس عن جد بلاك خيلة هاااا هو عم ينقلي كل أخبار المنتدى و بينقلي سلامات كمان الله يعطيك العافية معلم و خلص رح عينك مراسلي بالأخوية و اللي بدو شي مني يحكي مع بلاك :p يالله شفناكم بخير وصونااا :melody: ® |
اقتباس:
انو سؤال يبا انو تحت واندر مو نفس المعنى او انا انكليزيتي فايتة بالحيط او انتي استخدمهن للتاكيد او انو بلاك مثلا اطول منك بكتير قمت صرت انتي تبين تحت الكتاف واندر الزنار مثلا فهمني ياها تحت اندر لانو ما زبطت معي :lol: منور عن جديد :D |
رد على من أخوية .. إلى أخوية
طبعاً نحن عرب والعربي دائما يجتر حاضره بماضيه ولا يرى أي مستقبل إلا من خلاله .
لا مكان له في هذا العالم إلا من خلال الماضي المجيد , عقله مقفل , فلبه مقفل. إن فكّر, فكّر في الماضي وكيف سيعيد أمجاده . إن أحب أيضاً أحب كفرسان ماضيه وعشاقه . معروفة طبعاً المعوقات والأثقال التي تغرقنا , أصبحنا جميعاً غطاسين محترفين بالفطرة , أو هكذا يخيّل لنا . فكما كان العربي شاعر بالفطرة أصبحنا مشوهين بالفطرة . ليس هناك من داع للبكاء على الأطلال , أعمل العقل وكن أنت مميّز بمشاركاتك بمقترحاتكم بحلولكم . فتح باب أخوية للجميع عمل جيد فلا مكان مغلق تحت الشمس إلا وتعفن . لا مكان لما يسمى النخب فالماء الراكد يفسد . تجديد الدماء مطلوب في كل زمان ومكان والبقاء للأجدر والأفضل . هذا المنتدى هو أول منتدى اشترك فيه وكان الفضل بذلك للمكتبة الرائعة وعرضها الرائع الذي يدل على تقدير عالي لفعل الكتاب والقراءة والنقاش الجاد , واست على اطلاع على ماضي Akhawia المجيد , ما يهمني حاضرها الذي يصنعه أعضائها الذي هو التحضير الطبيعي لمستقبلها . أشعل شمعة بدل من لعن الظلام. هذه مشاركه على عجالة . دمتم |
برجع بقلك كلام منطقي وحلو منك كعضو جديد ..
بس يمكن كان الهدف من الموضوع انهم يشجعو على تحسين الوضع الحالي والنهوض بمستوى المنتدى الي نزل كتير بالفعل .. ملاحظة .. :? في ناس صرلهم كم شهر بس .. وعم يتحسرو على القديم وعلى فلان وعلان شخصيا .. وبذكرو ناس معينين كمان .. (ع اساس انو قديم وشرش يعني) .. متل الاخ الي نورنا بأول صيف 2007 أو قبلو بشوي .. وهو عارف حالو :? |
اقتباس:
وانبسطت برجعتك ... وبتمنى فعلا يكون الموضوع حقق نتائج مقبولة .. |
اقتباس:
شو بدي أسوي بتعرف نحنا الكبار منعطف عالزغار .. :lol: أهلين عمي راغب .. منيح اللي اقتطعت شوي من وقت الخطيبة و فتت لهون .. :p اقتباس:
و لا قالت شكرا ً بقيت اربع ساعات عم تمشي انت و الزلمي و الدنيا برد لبين ما اقتنع .. يا حسافة بس .. :frown: |
اقتباس:
بس لو ما بدو يفوت ما كان فات .. :gem: |
مانرد عالرد
صحيح بالنسبة ل dot اليوم حاكاني وكان مشغول كتير لانو ماخد بييت جديد وبلشان فيه ومن حالكي وما شاباه |
P:
اقتباس:
اقتباس:
لك شبك لاحئني على الدعسة ؟؟ خطأ مطبعي كنت بدّي إكتب تحت السيطرة بعدين خطرلي الـ أندر كونترول و لمـّـا مسحتا يبدو ما انتبهت إنو ظل (تحت) و هيك صار و لا يروح فكرك لبعيد و تتعب جمجمتك بالتفسيراااات لأن وصلني تساؤلاتك :p سلاااااااام ® |
اقتباس:
في حدا عم يوصلك تساؤلاتي ؟ :shock: حاطط دواسيس عليي ؟ :shock: ما في غيرو هادا العاطل بلاك :pos: |
أنا بما أنو مالي كتير قديمة و يمكن ما بعرف كل الأعضاء يلي عم تقولو عنون أنو ماعاد فاتو..فأنا ما عليي غير أنو قول الله يرجعلكون ياهون لترجع أيامكون الحلوة سوا:D |
:D تمنياتي...... للأخوية .. بالتقدم .. دائماً ..
فمؤخراً ... و بسبب كثرة الانفعال , صرت أعاني تسارع في ضربات القلب ... فامتنعت ( جدياً ) عن الروايات العاطفية و الأفلام الرومانسية و كل أغاني الحب . :oops: ليلتزم كل منا بحمية تخصه و تناسبه ... العمر يمضي ... و الصحة تاج . |
???! huh :?:shock:
|
اقتباس:
|
امبارح فهمت وجهة نظركم منيح
صادفت مديرتي بمدرسة الثانوية وكان الي معها مواقف كتيرة كنت دائما معروفة بالتمرد واني بحكي رأيي شو ما كانوا الطالبات خايفات كنا محبوبين بس كانت المديرة مقهورة مني وكانت تحكي للبنات انتم امعة عندها وماسحالكم شخصيتكم ومن هالحكي وسيبوكم من طولة السير ة ... مبارح لما شفتها سلمت علي بحرارة وقالتلي اه على ايامكم شو كنتم نوارات ..فقلتلها كنت قرفانة منا ...فقالتلي ابدا بس هاي ضرورات لنضبطكم ...وبالعكس نحنا بنحب نسمعكم وبنحب شخصياتك بس هلأ المدرسة بتقرف وما مستحملة طلابها لانهم مو مناح ...ومو عرفانين وين ربنا حاططهم فتذكرت هالموضوع وعرفت شو الشوق اللي رح يكون للجيل القديم لانو كان متفرد :Dبلشت افهم يعني |
بعبارة بسيطة جداً..لح لخص اخوية..
" اخوية لعنة اختيارية بالبداية...ولعنة ابدية بالنهاية.." اخـوية متل الشام... ازا زرتها مرة.. رح تزورها الف مرة.. ومافيك تترك زيارتها... وانا صابتني هاللعنـة...متل لعنة الفراعنة...وصار جزء من القدر.. هلا...:D بدي اسال عن غياب السيد مكاوي وغازيتا وملك الهاكرز والف رحمة ع شيخي لايص... |
layla
توت توت توت .. here i am godfather zen عسكور ... znno king roro kakaboda hashtnasht اذا بيرجعو ...الاخوية بألف خير ... وفي كتير اشخاص كمان .. اما عن كلام نيرفانا اقتباس:
مثلا انا كنت من الاشخاص اللي ما بيتكنسو من عالطاير (استفدنا كتير كتير منو ) ولما كنت فوت اضحك من كل قلبي ...هلق بقرف من كل قلبي .... نفس الشي الصالون ...كنت فوت مشان اقرا المواضيع اللي فعلا عليها القيمة ....بس هلق ...(اعرف شخصيتك من ريحة اصابيع رجليك ) وهلم جرا من نفس هالشكل من المواضيع ..... وشرحو بالموسيقى ...هلق عندي مجموعة لا بأس فيها من الاعمال الموسيقية لأشخاص (انا بقول لولا اخوية ما كنت عرفتهم بحياتي ) ..وثقافتي الموسيقية ولو كانت محدودة بس فضلها بيعود للأخوية ...فعلا هالحكي مزبوط ...في مرة من المرات رفيقي قللي انو يازلمة من وين ناكش كل هالموسيقى ...قلتلو من الاخوية ...بعدين فكرت منيح بيني وبين حالي ... انو انا عندي شي من الموسيقى النادرة مصدرها ما كان الاخوية ؟؟ ...الجواب هوي تقريبا لأ ..... وشرحو باخبار الفنانين ... وشرحو بالخواطر ... وشرحو بالفلسفة ... وشرحو بالتكنولوجيا والعلوم ... حتى السقيفة كانت ارقى من هلق بكتير ... انا لما عم بذكر هالاقسام مو بالضرورة انو تكون عم تحوي مواضيع سخيفة فقط ...ولهالسبب نزل مستواها ..لأ ابدا السبب انو ببعض الاقسام انعدمت المواضيع اللي ممكن تسميتها مواضيع ... وبعض الاقسام انعدمت بسبب كثرة المشاركات (لأنو ما بتتسمى مواضيع ) السخيفة والفاضية ... لك بفوت على شي موضوع بقول انو ها هي لقينا شي عليه القيمة ....بفوت بكتشف بالاخير اني ضيعت وقتي عالفاضي ... وقصة عدم المشاركة فهاي قديمة .. يعني انا صرلي من نيسان 2005 مشترك ...ولهلق مشاركاتي ما صارو 2000 والجزء الاكبر من المشاركات كان بالفترة الاولى يعني من قبل ما تتغير اخوية لهالبيئة ...(انا كنت حب اخوية الفضية والصفرا ) كتييييير ...:cry: بآخر فترة انا صار عندي كتير مشاغل ...بالاضافة للدراسة ...هالسنة بدي اتخرج .. وما ضل شي يشدني للأخوية ...فقررت اني خفف دخلاتي ... كنت فكر انو هالشي صعب وانو انا عندي ادمان عالاخوية ....بس لما عم غيب ..ما عم تخطر عبالي ...مو متل قبل كنت ما اعرف كيف بدي ارجع من الدوام مشان فوت عالاخوية ... عالعموم ..اذا حدا عندو وقت ... وحدا بيهمو يعرف ليش هيك كلنا عم نحكي ... فوتو عالصفحات الاولى بالاخوية ...بالصالون ...عالطاير ...المنبر ... الخواطر ... الموسيقى ..كل شي ..وبرأيي الكل رح يقول انو الحق معنا .... دمتم ...:D :cry: |
| الساعة بإيدك هلق يا سيدي 13:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون