|
صياد اذا انت عم تحاول انك بردك تعصبني.
فبهنيك. لانو هالاسلوب المولدن المو غريب عن الموالاة السورية. نجح |
صاير صاحبنا لبناني .. لأنو ما في غيرون عندون شي أسمو ( مولاة و معارضة )
نحن عنا حب الوطن .. وفي كمان عشق الأسد .. انت خليك مع الطرف الأول ... بس لا تخترعلي مصطلحات ... ما بعرف اذا بتعرف معناها ... |
مرحبا شباب....ما بعرف اذا بتسمحوولي اعطي رأيين....
الرأي الاول...هو الجو العام للنقاش...حاسو شوي مشحون..بمعنى انو الشباب عم يتناقشو بنوع من التطرف..عم يتبادلو التهم...الطرف الاول بيتهم التاني بالعمالة والتاني بيتهم الاول بالخيانة...بعتقد انو هالشي غلط... المهم ما كتير رح احكي بهالنقطة منشان ما ينط حدا ويقلي مينك انت لحتى عم تقيم الناس...وشو بيعرفك انت ولسه عدد مشاركاتك بينعدو ع اصابع ايدين خمس اشخاص وسبع أصابع فرط.. الرأي التاني هو بموضوع التصويت...رأي شخصي...انو كلا المذكورين أعلاه...هن متل ما بيقولو بالانكليزي..Hyped...يعني - مسوّق لهم اعلاميا ودعائيا بطريقة مبالغ فيها- وكلاهما بموقع ما بيستحقوا يكونوا فيه...فلا الاول خرج يكون سلطان الطرب(كان من زمان) ولا التاني بيستحق يكون رئيس سوريا... أسف ع الرأي...اذا ما عجب البعض... |
الي مستغربو انو الشبيبه حاطين حطاطها من جاد يعني لو جاد كان بسوريا وعم يحكي هل حكي شو كان ساوى فيه النظام ؟
يعني اذا راح ع الانتخابات وصوت لا ( لاسمح الله ) شوبيصير فيه شاعر فيه هون لح ياكل كفين بقا كيف أذكان عنصر أمن عم يحكي معو ؟ |
اقتباس:
يازلمة والله العظيم انت نهفة ومدري شلون ... شو خوف وماخوف وهالكلام الفاضي لك ياعمي يازلمة بدي اقلك كلمتين وباختصار ... ياروحي انا اذا دافعت عن بشار شي نهار مو لاني بخاف منو او بخاف من حدا لاسمح الله .. لاياعمو بعدين انا مالي بسوريا بقدر اسب واحشك واكل هوا ومااخلي حدا مااسبو ومين مابدك بسب حدا بيقدر يحصلني ؟ اكيد لأ يعني بقدر اعمل شو مابدي واحكي شو مابدي بدون مااخاف من حدا ؟ بس انا مابحكي ولا باكل هوا مو خوف من حدا بالعكس انا بصراحة بحبو لهالشخص وبحب البلد اللي هي بلدي فمشان هيك مابجيب سيرة الرئيس بالعاطل لانو مهما صار بضل سوريا بلدنا والاسد رئيسنا (هو مو الغنية هي جملة من عندي ) وطبعا من قلة الاصل انك تكره رئيس بلدك البلد اللي تربيت فيا حتى لو مالي قاعد فيا بالوقت الحالي بس بضل بلدي وانا محسوب عليها ومحسوب ع رئيسا وطبعا هادا الكلام مو لالك هادا لكل واحد بدو يعمل معارضة ومدري شلون مااختلفنا اخي عميل معارضة مابقلك لأ بس لاتسب وتحشك وتاكل هوا يعني والله عيب بعدين يعني قاعدلي هالمعارض باخر ملك الله ومدري باينا بلد ونازل سب وتحشيك يعني بربك هي مرجلة بدك تغير وتبدل ومالك محترم لا رئيس ولا بلد ولا حتى الناس اللي بتحب هالرئيس يعني بربي مي مرجلة هي وكمان ردا ع ردك اللي وصفت في كل الناس الموالاة ع حد قولك بانن مخابرات واتباع ومدري اشو :? فيعني نص اللي دافعوا وحكو منيح وردوا ع موضوعك البايخ جماعة كلن ع بعضن مو عايشين بسوريا وصلن فترات متغربين عن سوريا يعني بالعربي فين يحكو وبسيبوا ويحشكوا لبكرة الصبح ودورني اذا حدا حصلن بس ياعمري كل واحد بيعمل باصلوا :D |
اقتباس:
لاء لا تخاف تفاهة الموالاة وصلت لحد انهون صارو بحبو يريحو المخابرات فمافي داعي المخابرات يعملو شي هني بيتولو الموضوع. |
اقتباس:
لهون لاحقينا اخوات ال***:p |
اقتباس:
|
اقتباس:
في كم نقطه عالسريع : 1- حلوه هي يمكن .. 2- أنا رح طبق الـ 20 .. 3- سكران رح يطبق الـ 25 .. 4- حكومه لسه ما طبق الـ 16 .. وشخصيا بعرف هالشغله من زمان .. بس مع هيك ما حكيت معو ولا رح احكي معو من منطلق اني اكبر منو .. 5- وهي الأهم ... انتو شو بدك بالعمر ؟ ناقش الأفكار وخلي عمر اللي طرح الفكره على جنب .. شو رح تخطبو ولا رح تناقشوا ؟!!! اقتباس:
شو دخل أصل الواحد بـ مشاعرو تجاه شخص ؟!! وبعدين برجع بقول مافي شي شخصي .. د. بشار على عيني وراسي كـ دكتور .. بس أنو يكون رئيس فهاد منصب كبير عليه .. امكانياتو ما بتسمحلوا يتولى هيك منصب .. وبعدين مشان رئيس بلدك ... يا ترى هالرئيس انا اللي انتخبتوا بكامل إرادتي ولا أجبرت على انتخابوا ؟ الكل بيعرف أنو اللي بقول لأ بكون ببيت خالتو تاني يوم .. وإذا كان برات سوريا .. فأول ما بيوصل للحدود بيستقبلوه الشباب الطيبه .. عزيزي حكومة .. أنا كمعارض .. رح قلك كلمتين على لسان المعارضة كلها : نحنا منحبو لـ د. بشار ، أقسم بالله منحبو ، والله وكيلك مافي شي بينا وبينو ... لا شي عام ولا شي شخصي !! بس سواء هوه كان بالمنصب ، أو غيرو .. وكان هاد الوضع .. فـ رح نحكي نفس الحكي .... محباً لسوريا وكرهاً لتصرفات هالشخص .. - - - - - كلمه عامه للكل : لو سمحتوا كل واحد يراجع على كلامو مره ومرتين قبل ما يقولوا .. يلا سلام .... يعدمني ياكم عندي امتحانين فاينل بكرا ولسه ما خلصت دراسه ..وقاعد عم العي معكم :jakoush: .. |
اقتباس:
:jakoush::jakoush::jakoush: لك اشبك اب وشريك وين مخك ولو لسه من يومين طبقنا ال16 وكان عيد ميلادنا وعملنا حفلة بالتشريفات وعزمنا الشباب الطيبة وجبنا وفيق حبيب ع قطر وعلي الديك مشان يعملولي حفلة ع شرفي بما انو صار عمري 16 سنة وقطر كلا عرفت بهالحفلة ولو وكل هادا ومالك حيسس اني طبقت ال16 الله يسامحك :pos: :p:p:p لاتصدق لا وفيق حبيب وعلى علي الديك ولا الجيجة حتى هيك عيد ميلاد بالاسم بس بس انو طبقنا ال16 :lol: |
الطامة الكبرى هي لما بتتشخصن الخلافات...وبنصير نتهجم ع بعض منشان نثبت فكرة في سياق نقاش بموضوع ما الو علاقة لا من بعيد ولامن قريب لا بعمرنا ولا بدرجة ثقافتنا ولا بنمرة صباطنا...
انو يا شباب... انو تحب جورج وسوف شي...وتسميه سلطان الطرب وتمسح كل الناس غيرو شي تاني... وانو تحب بشار الاسد شي....وانك تسميه رئيس للبلد وتمسح كل السياسين الافضل منو شي تاني.... نحن ما بنكره بشار لانو قاتللنا حدا من عيلتنا...نحن - انا ويللي بشاركنى رأيي- ملاقيين انو ما الو بهالكار...ياعمي السياسة مانها لعبة كلل...اكيد الها ناسها... |
لك يا جماعة أنا خلافي بكل هالموضوع أنو عم تحكوا على جورج وسوف ...
كل شي على حدا .. خلو جورج وسوف أبو وديع على حدا ..... حبيبنا أبو وديع :p:p |
اقتباس:
الواحد ما بصدق حالو كبر سنة. بقومو بيرجعو بصغروه:lol: |
اقتباس:
اي معلم هاد بمعنى تاني, اسمو افلاس. ;-) |
اقتباس:
الحياة صعبة من هالبشر ...:larg: :p |
اقتباس:
منيح ماحطوا زيدان بالاستفتاء كمان |
اقتباس:
بس ملاحظ أنو الوسوف هو المتقدم .. الله حيو ابو وديع :clap::clap::clap: |
اقتباس:
ايواااااااااااااااااااااا ااااااا لقلك طالع اللي مخبي وبين ع حقيقتك ايواااااااااااااااااااااا اااا نحن صلنا كل هادا عمندافع ومناقش وحسبونا على الموالاة والتبع والمخبرين السريين وشوي تانية بيعملونا مخابرات كمان :o وانت ع اساس معنا واخر الشي كشرت عن انيابك وبين عن حبك للطرف الخصم ونحن اللي كنا مفكرينك من جماعتنا (مخابرات وتبع وموالاة وكل اللي وصفونا فيو :p) ايواااااااااااااااا كمشناك |
| الساعة بإيدك هلق يا سيدي 22:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون