|
اقتباس:
اقتباس:
اللي عم تقولي انو هي (اداة اشاره للمؤنث تشير الى المصاري) بتعمل عامل اساسي بنفسية المريض وبتاثر انوو هوي(اداة اشاره للمذكر تشير الى المريض ) يرغب بالموت بدرجه اكبر واضحه جدا ( انا هلا ما حطيت الا القوسين وتوضيح ادوات الاشاره تخص مين ) المهم اني قلت سابقا تبقى مصيبه انو نستجيب لنداء المريض بقتلو بسبب انو بدو يوفر المصاري على اهلو صدقيني مصيبه كلامك ما الو غير معنى واحد ان المصاري بتضغط على المريض وبالتالي تخليه يرغب بالموت بدرجه اكبر (حتى هاد نص كلامك) هو بيرغب بالموت وتبقى مصيبه انو نستجيب لنداء المريض بقتلو والسبب لندائو انو المصاري بتضغط على المريض وبالتالي تخليه يرغب بالموت بدرجه اكبر (حتى هاد نص كلامك) وطبعا المريض بدو يوفر المصاري على اهلو (واضحه جدا) وفعلا مصيبه انو نستجيب الو اقري انتي كلامنا انا جمعنو في رد واحد :cry: بدي اقفل الموضوع معك ما باقي الا شوية دقايق واخرج من البيت اتمنى احط ردين واحصل منك على ردين ننهي بيهم عدم وضوح ارائنا للقراء :D |
اقتباس:
عندي مواضيع حلوة وبتفرح كمان 8) وبعدين بيكفي انك فرحان بقى مافي داعي اعطيك شي :p |
اقتباس:
والقصة اللي حكيتها كتير اثرت فيي :cry: واكتر شي انو قرار الاب بالتبرع بالاعضاء يعني عطى استمرارية لحياة اشخاص يمكن كانو فقدو الحياة لولا هاد القرار وبنفس الوقت عطى نوع من الاستمرارية لحياة ابنو اكتر بكتير ممالو تركو مش ميت ولا عايش ومعلق بالاجهزة |
اقتباس:
اقتباس:
حقيقة الامر ان طالما في قلب بينبض وفي امل واحد في المليار ,,لازم نعيش على هالامل اقتباس:
بقدر اضربك بالرصاص وتاكد انك ما رح تموت ناقص عمر بتمنى ان القاضي لا يحاكمني بتهمة انهاء حياتك (لانها منهيه اساسا وكنت رح تموت حتى لو بكامل صحتك وعافيتك اقتباس:
انسان يقتل انسان ولكن بدافع الرحمه او تخفيف الاعباء على اهل المريض او لعدم وجود احد ينفق على المريض |
اقتباس:
انت بكل الحكي اللي اقتبستو الي بتشوفني عم احكي انو المادة والمصاري بتعمل عامل اضافي بس مو هوي الاساسي لحتى شخص يقرر ياخد هيك خطوة بمعنى تاني انو هوي بيكون بدو يقدم عالخطوة بغض النظر عن الوضع المادي يعني حتى لو تأمن العلاج مجاني تماما وبدون اي مصروف بيكون بدو الموت الرحيم بسبب الألم الجسدي وبسبب الاحساس بالعجز وبفقدان جزء من كرامتو وانسانيتو وهي الاسباب كلها حكيت عنها قبل.......بس لما بيصير فيه ضغط مادي هاد ممكن يشجعو شوي اكتر بتمنى تكون هي الفكرة :D |
اقتباس:
اقتباس:
اقتباس:
بتمنى منك تراجع كل ردودي هون لحتى تشوف انو الوضع المادي اللي انت صرت عم تحكي عنو هوي الشي الاقل اهمية وانو الموت الرحيم الو جوانب كتير انسانية وليست مادية وتحياتي:D |
اقتباس:
تبعتلي تذكرة ذهاب وعوده لفرنسا بدي ازورها من زمان :cry: ونرجع لموضوعنا :lol: اقتباس:
هلا كتبتي اضافي (بحجم عريض) الان ردك صار اكتر منطقيه ووضوح اقتباس:
العلماء والباحثين شغالين باستمرار لاكتشاف علاج لكل مرض لم نكتشف علاجو حتى الان وطالما العلاج لم يتوفر في يد المريض , يبقى النتيجه واحده لاعلاج انا بقصد نحافظ على حياة المريض لاخر لحظه ممكنه ,لعل اخر لحظه تكون هي لحظة العلاج انا اقول اخر لحظه وليس في اقرب فرصه (لاداعي للاستعجال ) وانهاء حياه ليست من حق الشخص المريض ولا الطبيب المعالج ولا اهله انهائها , لازال هناك نقاط متبقيه لم تاخذ حقها في النقاش ساعود اليكي في اقرب فرصه :D |
تعليق عالسريع :lol:
اقتباس:
ومراكز البحث الطبيه ما بتتوقف لحظه انا مارح اقول الامل في الله (لانو نحنا اتفقنا من الاول :lol: ) ما في نقاش بيعتمد على الدين انا رح اقول الامل في الدراسات والبحوث العلميه وهاد اكدتو اكتر من مره هون اقتباس:
مش هاد قاصدي نهائيا انا بعلق على نقطة انتهاء العمر وبظن انها واضحه جدا هو استخدمها كمبرر لانهاء لاستخدام القتل الرحيم وانا بقترح استخدام نفس المبرر لقتله (قتل عادي):lol: اقتباس:
اقتباس:
ما تعتمدي على شبه الثقه انا في اول رد الي على هالموضوع الرئيسي قبل التطرق الى نقاط اخرى علقت على اربع نقاط واقتبستهم تعليق واحد بس كان عالمصاري (واحد بس من 4) واعتقد من حقي اني اعلق اي عدد من التعليقات او اتحدث في اي نقطة بدي اتحدث عنها (وحتى اذا كنت غلط تقدري توضحي غلطي واكون ممتن الك) في الرد التاني من بين اجمالي عشر اقتباسات اتنين بس على المصاري اتمنى بس انك تدركي اني علقت على اكتر من نقطه للقتل الرحيم اقتباس:
اقتباس:
خليكي على ثقه من كلامي وما تراجعي ولا رد الي مشان تتاكدي من حكيي ارسل اليكي تحياتي وسلامي واشواقي :oops: :oops: :oops: |
بحب اضيف ع موضوعك القيم امرأة من ورق
هالتسأول متى يكون الموت رحيماً ؟ انو نحن دخلنا بنقاشنا بامور مادية ع اهل المريض والمريض والحكومة وكمان دخلنا بموضوع انسانية الموت للمريض الميؤس ... انا بكرر رأيي المعارض للموت الرحيم من وجهة انو الحياة تكون مقدسة وملزمة ع كل الاهل والمؤسسات الاجتماعية والحكومية بالسهر ع المريض شو ما كان مرضو ... هلأ لو طلب المريض من الطبيب انهاء حياتو ...؟ كلنا بنلاحظ انو بعالم الطب الموت معركة من واجب الطبيب كبسها وموت المريض هزيمة للطبيب ... ولازم يعمل كل جهدو منشان يضل المريض عايش ... هلأ المريض بدو يموت ليرتاح من الآلم والمعاناة اللي عليه وع أهلو ... وطبعاً الحالة ميؤسة منو بمئة بالمئة بنرجع على خيار المريض ... المريض هو مالك الخيار وهو حر باختيارو ... لانو اراد الموت والطبيب رفض ... هون رح تهتز ثقة المريض بالطبيب وبدل ما يكون الطبيب معالج ومزيل لآلمو بصير جلاد متوحش عم يزيد من معاناة بوسائل داعمة للبقاء ... برأيي انو لازم تكون الثقة موجودة بين المريض والطبيب وتكون قوية وانو المريض يكون بصورة علاجو والوسائل المستخدمة ببقائو ...وانو يكون هالمريض ع ثقة من انو ماحدا رح يصادر قرارو ... الحياة مقدسة بمعنها الاسمى لما بتكون ممزوجة بالكرامة والحرية ولما بدنا نحترم الحياة طبياً ما بنروح بنعمل معارك خلبية ونركز على المرض وننسى المريض ولما بنحكي عن احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها... هلأ رح تتعجبو منو كيف انا عم احكي هيك وانا ماني مع فكرة الموت الرحيم !! صحيح ماني مع فكرة الموت الرحيم لأسبابي العقائدية ... لكن انا مع فكرة احترام الحياة الانسانية ... تحياتي لكِ امرأة من ورق :D ملاحظة: كتبت هالرد انا فرطان من النعس .... فلاتواخذونا اذا في تشتت بالافكار ... الساعة عندي هلأ 3:14 بعد نص الليل |
اقتباس:
ومنشان التعليق على نقطة انتهاء العمر انا فهمت قصدك تماما بس المثل اللي عطيتو انو تقتل انسان سليم وعايش حياة طبيعية وتقول انو انتهى عمرو بتفرق كتير عن شخص فعليا منتهي عمرو وخالص بسبب المرض وعايش حالة من الموت الفعلي يعني مابنكون نحنا الي قتلناه لانو ميت وخالص بقى مافي رابط ابدا بين الحالتين..... وهي كانت نقطتي اما انك قريت الردود انا قلت شبه واثقة لانو ممكن تكون قريتون (وهلأ لفتت انتباهي انك قريتون وانا واثقة بكلامك) بس يمكن لفتت انتباهك ناحية وتغاضيت قصدا اوبدون قصد عن النواحي التانية مع العلم انو خلال كل ردودي كانت هي الناحية واللي هيي الناحية المادية هي اضعف الاسباب واقلها اهمية بمعنى تاني بدي وضح انو الموت الرحيم فيه انسانية كتير..... بس انت للاسف اخدت الفكرة العكس عن قصدي ياولدي اقرأ مابين السطور وتحتها وورائها ولاتقرأ السطور فقط:p هاد كان قصدي انو يمكن ماقرأت كل الردود وطالما طالع من البيت هلأ تروح وترجع بالسلامة..... وانا سامحتلك تروح..... الله معك وخود هالوردة معك كمان:D اوعى تروح وماتاخد الوردة :p |
اقتباس:
خيو عن جد كلامك بيعجبني :D يعني عن جد قدرت توصل للخلاصة من الموضوع واللي بدي اياها توصل بس ماكنت عم اعرف وصلها بشكل صح واللي هيي احترام الانسانية مو بس الحياة بمعنى انو الشخص يضل عم يتنفس |
اسف كتير ما معي وقت اقرا كل الردود اللي صارت بالموضوع بس اكيد رح ارجع واقراها بس لاقي فرصة
بس انا وعم اقرا بعض الردود لقيت انو لما عم نجيب سيرة انو احتمال اكتشاف دواء امرأة من ورق عم تعترض انو ما بتعرف قديش ممكن ياخد الدوا وقت لحتى ينتشر بالاسواق او بمعنى اخر انو رح ياخد الدوا وقت طويل بين تركيب وتجريب وبعدين اكتشاف اعراض وما الى هنالك من هالحكي طيب السؤال اللي بدي اسالو هلأ لامراة من ورق فيكي تحددي وبدقة مين اللي رح يكون اول موت المريض او اكتشاف الدواء اكيد لاء لهيك كنا نحنا ضد فكرة فقدان الامل ضد فكرة انو روح خيو ليك الدوا قديش بدو لحتى يصير فعال اي خلينا نموت المريض موت رحيم من هلأ ما بعرف اذا هالسؤال جاوبت علي او لاء برجع بكرر اعتزاري اني ما قريت كل الردود بس اذا كان متجاوب على هالسؤال بتمنى ينعمل علي اقتباس او دلوني على محلو مية وردة للكل :D |
اقتباس:
اقتباس:
بيكفيني اني قريت الك 3 ردود فهالموضوع ما شفت متلهون من حيث (القوه والعمق والفكر ) من اكتر من 9 شهور بصراحه انا اتفاجأت بهالموضوع من 3 ساعات , ما دخلتو من قبل ولحظة دخولي ما اتوقعت انو بهالقوه ولما قريت الموضوع عجبني كتير بس ما اعطيت اهميه كافيه للحوار لدرجة اني قريت بسرعه نص الردود تقريبا , بس هلا راجعت الردود القويه بدقه وعجبني الاسلوب والحوار وطبعا الاحترام المتبادل بعتقد امرأه من ورق تستحق جايزة افضل موضوع هالشهر :D (مع ان الصراحه) واللي قبلو واللي قبل اللي قبلو و ....................و.....................و..... ................:o |
للمرة الأولى نكون أنا وصديقتي أمرأة من ورق .. لسنا في الجهةذاتها من النقاش...
يمكن صار الوقت مشان نتناقش مع بعض... أحترامي لألك ولطريقةإدارتك للحوار أول شي ما كان من السهل أني شيل أيماني على طرف أنا وعم أأقرا موضوعك ... بس رغم هيك رح حاول .... هون بدنا ندخل عسؤال ؟؟؟ مين بيحقلو يقرر أنو حياةأنسان تنتهي ؟؟؟ الأنسان بحد ذاتو ... :? معناتا .. ما فينا نلوم الأنسان اللي يعاني كآبة.. أويعاني مرض مزمن ... أو بحالة الأشخاص اللي أنا على تعامل يومي معون .. هنن الأشخاص المجروحين بذكائون ( المعاقين أعاقات عقلية ) في كتير أشخاص غير قادرين مطلقا على أي حركة ... رغم هيك الروح اللي فيون .. أنا أومن أنها تستحق الحياة ... الشخص ما بأمكانو يقرر أنهاء حياتو.. غالباً لأنوب حالة فاقد القدرة على اتخاذ قرار مناسب بدو بس يخلص من ألمو أهلو... أكيد ما بيحقلون ... ينهو حياتو وكمان الطبيب لأ هلق كمان .. لنعتبر أنو هالقرار تم بقرار مجموعة من الأطباء بعد تشخيص دقيق ... طيب مصطلح تشخيص دقيق بالعلم بيحتمل نسبة كبيرة من الخطأ وقتا شو منكون ساوينا .. روحنا حياة هيك ... بالخطأ وبعدين أن كانو أيام أو أسابيع .. ما قادرة أنو تعيشو .. أوتخترع دواءجديد ... يمكن هالأيام تسمحلنا نسمع بدكاترةجدد ... بخبرات وأدوية جديدة ... ما كنا سمعانين فيها ... سؤالي ألك ؟؟ بعلمية مطلقة ؟؟؟ قدي احتماليةمريض اللي بدنا نغتالو أنو يعيش ؟؟؟ وميرسي عالموضوع :D |
اقتباس:
وكمان انو بدك تفكر انو بين ماصار الدواء عم تكون حالة المريض عالاغلب عم تسوء يوم عن يوم والمرض عم يستفحل ويقوى يعني اذا كانت حالتو اليوم بتسمح بالعلاج (وفقا لهاد الدوا المنتظر)بعد فترة حتى لو انتجو الدوا الاحتمال الاكبر انو ماعاد ينفع..... يعني بظن انو اغلب الادوية ومهما كانت قوية ممكن تعالج المرض لحد مرحلة معينة وبعدها مارح يضل اي علاج ينفع يعني بنكون طولنا حياة العذاب اللي عايشها هالانسان ومشي حال انتاج الدوا بس مامشي حال العلاج عليه :( وبالاخير في شغلة انو نوعية الحياة اللي عم يعيشها الانسان المريض او متل ماعبر عنها اسير التشرد اقتباس:
|
اقتباس:
واسفة اذا كنت دايقتك بردي السابق وصحي انت قلت مابدك ورد بس بدك تاخد هي :D مني واجباري :adal: مابدك تاخدها؟؟:D حباب خدها:D |
اقتباس:
اجابتك كانت متل ماني متوقعتها منك وبظن انتي تفاجأتي برأيي بالموت الرحيم بس انا الي وجهة نظر تانية بالموضوع انو مو المهم نعيش...... المهم كيف نعيش...... واذا حاسين بالانسانية بحياتنا(وقبل ماتعلقي على كلمة الانسانية مو قصدي انو الانسان المريض او المعاق لازم نحنا ننظرو انو قليل انسانية بس انا عن حالي طالما انا حاليا طبيعية وقادرة عالعطاء والحياة الطبيعية واذا بعدين بمرض وبعجز انا احساسي بنفسي رح يصير انو انسرقت الانسانية مني...... يعني انو هون الانسانية قصدي فيها احساس هالانسان بنفسو ومو نظرة المجتمع الو) اما منشان سؤالك انو قدي احتمالية المريض يعيش؟؟ اكيد حسب مرضو ولاي درجة واصل المرض ومتفشي بجسمو...... وبرجع بقول انو اذا بتشوفي الموت الرحيم من وجهة نظر تانية بتشوفي انو قديش وفرتي عذاب عالمريض بدل ماتشوفي انو قديش نقصتي من عمرو اللي بالاصل مانو عايشو بشكل ممكن يرضيه :D |
اقتباس:
شكرا :sosweet: اقتباس:
اقتباس:
ممكن نقرا سوا (الرد الاول لاسير ) وقبل اي شيء باقة ورد للعزيز هادي (اسير التشرد):D اقتباس:
حياة الانسان ليست ملكه كي يبيعها او يقرر متى يتخلص منها ويمكن الاسترشاد بقانون حقوق الانسان او اي قانون في العالم ماعدا القانون الهولندي اللذي يبيح الموت الرحيم و تحدث اسير وقال عن الموت الرحيم (انا بأيد فكرة انو فكرة الموت الرحيم ظهرت لما فشل الطب وزاد التكاليف ع اهل المريض ... ظهرت هالفكرة للخلاص ...) من جهه اخرى هناك كلمات في رد اسير التالي : اقتباس:
هذه الكلمات متناقضه وغامضه وغير صحيحه كالتالي: * احترام الحياة الانسانية أول شي لازم نعملوا هو احترام انسانيتها ... ومعروف عندكم شو يعني انسانيتها الاول انا عن نفسي اول مره اسمع عن كلمة انسانية الحياه الانسانيه واعتقد انه يجب عمل استفتاء عليها لمعرفة كم عضو يعرف معناها ؟؟؟؟:lol: اما عن احترام الحياه الانسانيه فانا متأكد ان احترامها هو عدم اتخاذ قرار انتهائها وتركها تنتهي دون تدخل بشري والا سمعنا فيما بعد عن حريه جديده ستظهر هي حرية انهاء الحياه الانسانيه (على غرار احترام انسانيتها) *الحياه مقدسه بمعنها الاسمى لما بتكون ممزوجه بالكرامه والحريه طيب هل الكرامه والحريه في الموت الرحيم ؟؟؟ ولاتوجد كرامه ولاحريه في المرض عن اي الحريات تتحدث ؟؟؟ الحريه السياسيه ؟؟ حرية التعبير عن رايك وعن مشاعرك ؟؟؟ ام حرية الحركه وممارسة الرياضيه؟؟؟ واضح ان مفهوم الحريه عميق وشامل وبالتاكيد ليس مقصود ولكننا لم نعرف اي الحريات مقصوده وبالنسبه للكرامه لا تضيع الكرامه عند مرض الانسان باي مرض على الاطلاق (مهما كان المرض ) والحريه بمعناها الاشمل ستظل موجوده طالما بقيت ارادة المريض موجوده وارادة المريض تكون في اسمى صورها عندما يقرر مواجهه مصيره ومواجهة المرض ومواجهة اّلامه وليس الهروب منهم جميعا , اظن انه واضح للجميع ان الشخص الذي يواجه المرض والالام والمصير وينتظر الامل في الشفاء هو شخص لديه اراده اقوى من كثير منا لاننا لم نواجه ما يواجهه طبعا ومن المؤكد ان هذا الشخص العظيم يستحق ان يرفع كل منا قبعته له احتراما واجلالا لموقفه العظيم ومن المؤكد ان هذا الشخص اتخذ القرار الافضل ,لانه كان بامكانه ان يكون الاضعف ويختار الموت ولكنه قرر ان يتحمل الامه في سبيل تحقيق اماله في الشفاء |
| الساعة بإيدك هلق يا سيدي 08:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون