|
اقتباس:
شكرا الغريب حاولت من 4 سنين انو اقراها بس ما قدريت كفيتا كتير حسيتا بتطالع الواحد من حالو كيف انت قراتها بدون ما تصاب بالاكتئاب؟؟!!! نيالك:gem: |
اقتباس:
ابن خالتي لما سافر عالسعودية هرب معو كم مسرحية لزياد حاكم هونيك نص او تلات ارباع حياتنا وامورنا حرام |
أنصحكم بقراءة رواية العمى للكاتب البرتغالي خوسيه ساراماغو والحائزة على جائزة نوبل للاداب عام 1998 ولن تندموا
|
اقتباس:
شكرا للمرور ,,, الغريب من اجمل الروايات اللي بتخلي الواحد يحاول يخرج عن المألوف بس اكيد فيها شوية اكتئاب بس انا شفتا ممتعة للغاية ,,, مية وردة :D |
والله أنا بحب القراءة كتير كتير ولولاها لكنت طئيت!!! بس المشكلة انو أنا ما في عندي حدن بالبيت بحب القراءة غيري, فدايماً بروح عند جدي وهو بعطيني كتب من عندو, وأنا أريت كتيير كتب حلوة حابة إلكن عليها:
الخيميائي تكسير ركب الحصرم البحث عن إمرأة مفقودة + دموع على سفوح المجد (أحلى كتابين عمري أريتن وبنصح الكل يئراهن لأنهم عنجد بجننوا) بس مو متزكرة هلأ شو اسم الماتب بس أتزكر بإلكن!! ثمانون عاما بحثاً عن مخرج الحمير حيص بيص شيح بريح البؤساء بس بدي اسئلكن إزا حدا منكن قرأ رواية شيفرة دافنشي ورواية فتاة البرتقال لإن أنا عندي إياهن بس بدي حدا يشجعني أقرأهن!!! بئى بدي رأي الي قرأهن حلوين لما لاء!!8) بس اتزكر بائي الكتب الي اريتها بالكن عليها!! |
انا ضفت ع مجموعتي
شرق المتوسط |
اقتباس:
مو لذا الدرجه اخوي لاتبالغ كثير انا من السعوديه وقرأت بنات الرياض لرجاء الصانع وزهره تدخل الحي للكويتيه ليلى العثمان دائما انت بقلبي لفاروق جويده اول الجسد اخر البحر لادونيس النساء في مهب الريح لزاهي وهبي بائعة الخبزلكزافيه دو مونتبان خلف الابواب الموصده لعبدالله باجبير انا كانينا ليو تولستوي ذكريات سمين سابق لتركي الدخيل عرس الزين لطيب صالح هذا غير امهات الكتب الدينيه والتاريخيه والادبيه |
اقتباس:
:yahoo: :yahoo: :yahoo: |
مكتبتي صغيرة كتير .. :
-المجموعة الكاملة لجبران خليل جبران -صناع الحضارة _ أعلام القرن العشرين (دار الحسام للطباعة والنشر) تعريب اياد ملحم -ذاكرة الجسد ، فوضى الحواس، عابر سرير (أحلام مستغانمي) -مائة عام من العزلة (جابرييل غارسيا ماركيز) -المعذبون في الأرض (طه حسين) -مؤلفات مختارة (ايفان تورغينيف) -هل أنتم محصنون ضد الحريم ؟ (فاطمة المرنيسي) -يوميات دراجة نارية - رحلة في امريكا اللاتينية (ارنستو تشي غيفارا) the oscars movies- موسوعة وبتمنى إنو مكتبتي تكبر وتكبر وتكبر .. وشكرا عالموضوع :D |
اقتباس:
و رواية شيفرة دافينشي ....حبكتها حلوة و بس :D |
عاملين شغل منيح الشباب بالموضوع .. .
أنا ما لي نفس أقراء أي شي يهالأيام .... عم يخطر على بالي بعد اللي صار بجلسة مجلس الأمن اللي حكى فيها الحمار القطري أل ثاني .. أنو معقول هل مجموعة من المجرمين يتحكمو بمصيرنا و يقررو وقف اطلاق نار ولا وقف أعمال عدائية ولا ضراب السخن ؟؟؟ شو نفع أي شي ؟؟ غير المقاومة.... |
بصراحه انا ما احب القراءة كتير بس عجبني كتاب اسمه
شوربة الدجاج 3 للحياة وهو عبارة عن الف قصة قصيره تقريبا لترقيق القلوب وبصراحه كتير مؤثر وفي منه عدة اجزاء شوربة ادجاج للحياة2 شوربة الدجاج للحياة 1 شوربة الدجاج لحياة لامهات شوربة الدجلج لحياة المراهقين |
اقتباس:
|
مليكة أوفقير و ميشيل فيتوسي
كتاب( السجينة) قصة حقيقية لعائلة من أم وستة أطفال سجنو لعشرين سنةبظروف أكتر من سيئة بسبب فشل الانقلاب اللي قام فيه أبوهم محمد أوفقير على الحسن التاني |
هلا ري مي :D في رواية كتير مميزة:D
الثلج يشتعل/هيرمان هيسيه/ جميلة جدا ليس لدى الكولونيل من يراسله/ماركيز/ المعطف لغوغول اوقات ممتعة |
أنا عجبتني ثلاثية "ذاكرة النار" لإدواردو كاليانو
هادا من أميركا اللاتينية و بيحكي عن الحياة هونيك و الظلم و الثورات لازم تقرولو |
الموضوع قديم بس لح شارك لاني من الناس يلي بحبوا الكتب والقراءة
بالنسبة للروايات المفضلة عندي هي الخلود وخفة الكائن التي لا تحتمل لميلان كونديرا المسيح يصلب من جديد لكارناكس لعبة الكريات الزجاجية لهيرمان هيسه الاحتقار لالبرتو مورافيا اعمال دوستويفسكي اسمي احمر لاورهان باموق دونكيشوت لسيرفانتس اما بالقصة فجميع اعمال العظيم بورخيس وتشيخوف والجدار لجان بول سارتر وبالمسرح سعد ونوس وسارتر مع الايادي القذرة والذباب وموتى بلا قبور والمفاتيح لميلان كونديرا وفاوست لغوته في انتظارغودو لصموئيل بيكيت وداعآ ايها السلاح لبرنارد شو بالسياسة كاتبي المفضل هو حازم صاغية خصوصآ كتابه قوميو المشرق العربي كتاب اكثر من جيد طبعآ في اكتر من هيك بس انا مليت |
اقتباس:
|
| الساعة بإيدك هلق يا سيدي 15:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون