besan

boy
abed alrahman

آه و أمبريزا و تويوتا وآذار وأيار :o


:lol: J\K

:lol::lol::lol:

[/quote]

موو:larg::larg:

بشرفي انا لقطة وكل الصبايا بتقول عني اني لقطة
حتى الجاجه بتسمي الصيصان ،
اي بس لانو الديك بينط ويهرب .
هلئ بدي اسأل ، الاطفال بيحملو اسم الام ولا الاب ؟ مين بيصرف عليون ؟ مين بيطلع دينو مشان يكفي طلباتهم واكلهم وتعليمهم وعلاجهم وتيابهم ويشتري لعب ومدري شو ، مين بيشتري البامبرز وهالحفاضات ؟
لاء وبدكون تسمو الاطفال كمان !! تسوء

- انا مستعد اقعد بالبيت أطبخ واعزل وارتب البيت واغسل التياب واتفرغ لتربية الاطفال واترك امون تختار اسمائون
وهي تتكفل بكافة مسئوليات البيت :o
مو هاد العدل ؟

بديني ضحكتني مع انو مو قادرة اضحك :lol:... انت بهيك عم تنفي دور الام ما هي للي حملت بابنك ولا وين بدك تودي حالك بلا هالمخلوقة للي عم تهتم بطفلك من لما بيجي لحتى بتزوجو ... يعني غير الترباية وغير انو تهتم بامورهم المدرسية وغير انو بتحفظ وبتشطف وبتنضف من ورى الولاد وبتشف فطايس وما بتحكي شي .... وبتتحمل صريخ ابنك لما بيصحيك من النوم وبتضل سهرانة لحتى ينام هاد غير الطبخ والنفخ والمسح ...

على فكرة انا زوجي عاطيني الحرية بتسميت البنت ازا رزقنا بس اكيد حيكون في اخد وعطا وما حاحتكر الاسم لقراري وبس ... بالنسبة لاسم الولد لحد االان هو مصر يسمي الولد بس الاسم مو عاجبنيال شو "" على اسم ابوه " ومصرة انو ما بدي ياه الا ازا سميت ابني اسمين فيسطفلو بهالحالة بكرهو بالاسم يلي انا ما بحبو وبعودو عالاسم للي انا بدي ياه :gem:
يعني ازا كان اسم ابوه دقة قديمة بدي اظلم الولد وسميه اسم ما حلو :frown:

بداية انا سعيد اني رسمت ضحكة على وجهك " مساهمة ايجابية مني لاسعاد المجتمع الاخوي " وهاد بيسعدني عالمستوى الشخصي ،
بعد بداية اولا : خليني عصب واتخانق ويمكن اشد شعرك ، ليش لما يكون في شيئ حلو بخصوص الاطفال تبلش الام تقول ابني وبنتي ولما يكون شيئ سلبي تقول ابنك وبنتك يا استاز ( الست هانم عاملة حالها بتحكي مع واحد غريب ، قال استاز قال )
بتحاكيني عن الحمل وتعب الحمل !
هاي من الاشياء البيولوجية او قولي الطبيعية الخارجة عن ارادة الرجل والمرأة ، انا بدي يكون موضوع ان المراة هي اللي بتحمل وتولد اختياري " ممكن الرجل يحمل وممكن هي " اذا هي اختارت تحمل بدل منو ، يبقى هيك تستحق وسام وتستحق ان الرجل يحطها على راسو ، اما يعني انو يكون الموضوع خارج عن ارادتها وتجي تحملنا منية :shock: ، خلص اذا بتعرفو تخلو الرجل يحبل خلوه يحبل :lol:
ما متفضلين علينا بشي ، الطبيعة اللي خليت المراة هيك والرجل هيك .

* الاب كمان بيضل حامل هم الابن طول عمرو وبيضل يحاول يأمن مستقبلو ويخليه يتعلم افضل تعليم مشان يرتاح بمستقبلو ويلاقي وظيفة منيحة تخليع يعيش مرتاح وبكرامة ولا يتسول ويشحذ من حدا قريب او غريب .

- صراخ الطفل ما بيفيق الام بس !! بيفيق الحمار اللي كان راجع من شغلو تعبان وبدو ينام ساعتين مشان يلحق يفيق بكير يروح عالشغل تاني يوم " يلعن دين الجواز " اذا كل ليلة ابن الحمار هاد بدو يصرخ ويفيقنا .

* هلاء الصبايا اللي بيتزوجو بالفترة اللي فاتت طالعين بنغمة جديدة ، ساعدني في البيت
رتب معي ، نضف معي ، مدري شو !!
واغلبون لا بيشتغل ولاشي :shock: طيب قاعدة بالبيت بتعمل شو ؟ تقولك بربي الاولاد
بالله وين التربية بهالايام ؟؟
العلامات للاولاد متل الزفت والاخلاق راحت والادب طار والعلم ما عاد موجود ، وين التربية !!!

وين الاقي متل امي !! بهالزمن .
قال كمان ما عاجبك اسم عبدو :pos:
لا تسمي الولد باسمين مشان التاثيرات النفسية المستقبلية .
انا الحمد لله اسم ابي مو دقة قديمة وحلو .

يعني بدك تنفي انو هي عم تتعزب حتى لو قالتلك هالحكي ما بتطيب خاطرها بكلمتين حلوين ولا لازم تغديها بقتلة وتعشيها بقتلة ..
المهم محمد انا ما بنكر انو الرجل بيتعب بس كل مين الو دورو بهالكون بيفكر حالو انو هو متولي اصعب من مهمة نظيرو ...
بعدين على سلامتك ليش عم تقول عا حالك حمار ... الرجل بيحمل هم الاولاد والام كمان ولا الام بتكبر الولاد وخلص على الدنية السلام ... يعني بدك تقنعني انو امك ما الها دور بحياتك ...

طيب انسى هالفكرة وانسى انو امك كان الها دور مهم بحياتك ... في كتير نسوان بيشتغلو متلون متل الرجال وغير عن هيك صايرة نغمة جديدة ما بيتزوج الرجال الا ببنت موظفة لتساعدو وهي منتشرة كتير ... يعني القصة مو قصة انا عم بتعب اكتر وانتي عم تتسلي الشغلة لازم نشوفها بمنظور الحياة المشتركة والتفاهم المتبادل والاحترام



بعدين تعا بدي اسالك انت شو عرفك انو ما بحب اسم عبدو :o ما جبت هيك سيرة مين سربلك هالاشاعة بدي ادبحو :frown:
ودمتم سالمين :D

انا بعرف ان الزوجة مهمتها كبيرة وحيوية وربما تكون تأثيراتها اكبر من مهمة الزوج بصورة كبيرة ، وتستحق الاشادة والتقدير ، بس يعني كمان الطرف التاني بيعمل كل شيئ يقدر عليه ويستحق نفس التقدير .
اما عن موضوع حمار هاد ، اغلب العالم اللي بتتزوج يستحقو اللقب عن جدارة :lol:
في مثل مصري معناه كالتالي " يلعن ابو اللي اتجوزو قبلي ولا نصحوني ويلعن ابو اللي اتجوزو بعدي ولا سألوني " هيك شي

* اما عن ان الزوج بيدور على زوجة عاملة فهاد طبيعي بظل الاوضاع الاقتصادية الحالية ولا تنسيى ان هالعصر مو متل عصر ستي وستك ، هلئ الزوجين بدون سيارات وبيت واسع وجاهز باحدث الاثاث والمقتنيات والاجهزة الالكترونية وما الى اخره ومصاريف تعليم الاولاد والعلاج وما الى اخره ، هاد ما كان موجود بزمن ستي ، متطلبات الحياة اتغيرت والزوج بمفرده مارح يطلع معو يدبر ويأمن كل هالاحتياجات .

* هاموش : مارح اقدر اناقش بهالموضوع تاني لانو تسمية الابناء مجرد فرع بسيط من اصل هو " الحياة الزوجية " ومع انو بنحكي بموضوع حيوي وهام ، الا ان من الافضل عدم الاستمرار بهالموضوع ، والافضل فتح موضوع مستقل هون بالسقيفة او بالصالون عن الحياة الزوجية بصفة عامة او المسئوليات المتبادلة بين الزوج والزوجة . وانا رح كون اول المشاركين بعد رجوعي من السفر .
بشرفي هاد شيئ يجنن !!
مارح نخلص من ئصة التسربيات هاي !!
كل يومين ينطلنا حدا يحكي عن التسريبات ،
نحنا بعصر المعلوماتية ، والشفافية سمة مميزة لهالعصر وهاي ما معلومة عسكرية ، نحنا منعرف ايمتى ايران رح تكون جاهزة بالقنبلة النووية ، مارح نعرف انك مابتحبي اسم عبدو !! ، بعدين انتي شخصية مهمة ولازم نتابع أدق تفاصيل حياتك :lol:
- مين بيعرف انك مابتحبي اسم عبدو غيرك انتي وحبيب القلب ؟؟ لو مافي حدا بيعرف يبقى عالارجح زوجك اللي خبرني

اول شي انا ما بنط ولا جربت النط ... تاني شي الله يعزك يارب انت للي صخصية مهمة بالمنتدى بدي اتحى عنك من اليوم ورايح ولاحق اخبارك

المهم قدرنا نوصل لكلام قربنا فيه وجهات النظر :D

بدي سمّي بنتي ياماها :o

ادم وكريم

هلأ أنا رح سمي
بنتي رح سميها جيداء أو جمانة أو غيداءأو عإسمي جلنار
وأزا ولد حسميه أياد أو أنس أو نزار
شكلي بدي دزينة أولاد:lol:

اذا بنت : ريتا - ديما - سارة

اذا صبي : طارق - زياد