|
رأيي هو أنو لو فعلا نظرية دارون صحيحة
كنا هلق عم نشوف القرد عم يتحول لأنسان أو بالأصح كان مارح يكون في قرود لأنو كلها تحولت لناس وهاد الشي معناتو أنو نظرية دارون غلط... شكرا لطرح الموضوع:D |
ولكن عزيزتي ماري نظرية داروين ما قالت انو القرد تحول لانسان..وبالتالي تحليلك هوي يلي خطأ..
----- عزيزي ELEPHANT بحب طمنك انو بالعلوم والوراثي مابرحلي ولا علامي :gem:.. بس شو مشان نكشتو الموصوع بوئت امتحاناتي.. |
اقتباس:
ما أحلاك و أنت ناقصك شي علامة بعلم الأحياء و الوراثة بعد مشاركاتك كلها ..طبعا بشوف نتيجتك طبيعية جدا ,,,,بس بتمناها ما تكون طفرة من طفرات داروين :lol: و عقبال كل المواد ما بينقصك فيها ولا علامة ..و بيطلع من اخوية واحد من الأوائل على مستوى القطر ..( على فكرى بعرف انو هاد بقدر ما هو تشجيع بقدر ما بيوضع الطالب تحت ضغط ..كنت اسمع نفس الكلام بالبكالوريا و بعرف شو كان موقفي ...) .. بس ما في خوف |
والله يا معلم ومن دون إقتباس أنا مابعرف شي عن الداروينية مشان هيك ماني صارع الشعب
وصراحة أنا ما بحب إحكي بموضوع ما بافهم فيه |
هل خلق الله داروين ؟؟ ما اتوقع انو داروين خلق نفسه أو جدو القرد متلا خلقه لهيك كيف بدو يقتل الله ؟؟ مين يلي بينحط جوا التاني الطبق الكبير ولا الصغير ؟؟؟ يعني داروين بالنسبة لكل الكون الطبق الصغير فكيف بدو يكون واسع الطبق الكبير؟؟؟ |
في كتير كلام خطأ بهذا الموضوع إما من المناقضين للنظرية او حتى للمدافعين عنها.. الأحسن قبل ما نحكي عن شي, خاصة اذا بدنا ندافع عنه, انه نتعلم منيح حتى ما يكون في أخطاء جسيمة بالكلام لانك اذا كنت عم تدافع عن شغلة و انت نفسك عم تغلط, فبتكون هيك عم تسيء للفكرة لسا اكتر من يلي عم يهاجموها
خلاصة الحكي انو نظرية داروين مانها شيء خاضع للنقاش. هي نظرية قوية جدا و متغلغلة لدرجة كبيرة بالاوساط العلمية و على اساسها في علوم كاملة مبنية .. و طبعا الداروينية اتطورت و الشكل الحالي مختلف عن الشكل يلي انطرح بالبداية تقريبا 99% من الانتقاضات عم تكون انتقاضات قديمة و مجاوب عليها شي مليون مرة و فوقها عم تجي بدون مصادر.. او لمؤلفين كتبوها بالنصف الاول من القرن الماضي.. يعني شيء قديم كتير و خلال هالفترة معلوماتنا تغيرت و اتطورت كتير اذا بتبحثوا بالمؤلفات و النشورات العلمية الحالية ما رح تلاقوا اي وجود لتناقضات و تعارضات مع الداروينية.. اي انتقاضات رح تكون قادمة من مجموعات دينية راديكالية و هي ما بتصلح انها تكون مصدر علمي يلي حابب يتعلم عن نظرية التطور ما ضروري ابدا يقرأ كتاب أصل الأنواع. اصلا الاحسن ما يقراه.. بس ايا كتاب بيولوجيا حديث او بعض المؤلفات لبعض العلماء العصريين احسن بمليون مرة.. كتاب اصل الانواع ضخم جدا بالحجم و غالبا الترجمة العربية رح تكون ركيكة و تجعل القراءة صعبة و غير ممتعة. ممكن قراءته كنوع من التثقف التاريخي للنظرية او للمتعة.. بس اذا حابب تستفيد فالاحسن طبعا قراءة كتاب عصري لانو على ايام داروين ما كانت لسا معروفة الكروموزومات و لا الدي ان ايه.. فرح ينقصك كتير معلومات مهمة و اساسية شغلة تانية.. الداروينية ما إلها علاقة بوجود او عدم وجود إله. هيي اكيد ما بتساعد على تدعيم فكرة وجود خالق بس بنفس الوقت هي نظرية علمية متعلقة بنشوء التنوع الحيوي.. اما اذا اصل هادا التنوع الحيوي انخلق او كان موجود عن طريق الية اخرى.. فهادا شغل تاني بالتوفيق للجميع للوصول للحقيقة و لمعرفة الاشياء كما هي و ليس كما يمليها الدين او المجتمع او اي تأثير خارجي |
اقتباس:
بتمنى انك تأشر على اخطائنا ..لأنو الهدف الأخير انو نستفيد جميعا |
انا بصراحة ما قريت كلشي بس هلق رجعت و تابعت محل ما كنت موقف و اكتشفت اني غلطان. انا قرأت اول صفحة بعدين قرأت متفرقات من اخر كم صفحة و شفت الناس لسا عم تحكي انو ليش القرد ما صار انسان و ليش الحمار إلخ
و كان اول رد إلك على هالسؤال انه السبب هو الطفرات يلي حصلت عند بعض القرود عدا عن غيرها... هالشي ممكن يعطي انطباع انو القرد ما زال بحالة متاخرة ناطر لحتى يتطور لإنسان.. طبعا هالشي ما صحيح. بقى لما قرأت اخر كم صفحة و كان لسا السؤال كأنه مطروح.. فتهيألي انو ما حدا جاوب بشكل صحيح و قال انو بيشتركوا ب most recent common ancestor ... بس شفتك بالصفحات التانية موضح الموضوع على التمام التمام.. بقى سوء تفاهم ما تواخزنا .. موضوعك جميل جدا و فيه كتير معلومات حلوة على فكرة انا من اشد المعجبين بدوكينز متلك على ما يبدو ... و بهنيك على الصبر يلي عندك... انا من زمان كان عندي صبر اقعد و ناقش العالم بس هلق لاء لانو بعد خمس سنين من النقاش لسا نفس الاسئلة بتنطرح و بيجي واحد بيقلك انو "نظرية الجينات" بتنفي التطور.. انا وقت قريت هالمداخلة الذكية وقفت قراية :p |
اقتباس:
يعني معقول وجد بالضغط والحرارة؟؟؟؟؟؟ وليش ما عاد طلع غيره؟؟؟ وبعدين الكائن هادا موته المنطقية الممكن حدوثها أسهل من ولادته اللا منطقية يعني المفروض يموت وينقرض بسرعة وليش ما عاد عدنا شفنا هلأ كا ئنات عم تنوجد من قبيل المصادفة؟؟؟؟؟؟؟؟؟؟؟ إيه معلم جاوبنا و:D |
عزيزي ويلي بس سؤال انتي عم تقرأ نحنا شو منحكي..
لك لسا ما عزبت حالك تعمل بحث صغير عغوغل.. ولا عزبت حالك تقرأ سطر.. كل اسئلتك مجاب عليها هون بهالموضوع.. وباالنسبي لسؤالك ليش ما عاد شفنا مخلوقات عم تظهر فجأة.. فنحنا قلنا سابقا انو الغلاف الجوي تغيير والارض نفسها تغيرت ونسب الغازات تغيرت..عدا انو هيك عملية بطيئة جدا..بتاخد ملايين السنين..فكيف بدك تلاحظ.. |
اهلين wile
عزيزي في كم شغلة لازم تعرفها بالأول - كون الحياة من مصدر واحد هذه فرضية و لا أحد يدعي انها الحقيقة لانها لم تبلغ مستوى النظرية بعد بحيث نستطيع تبنيها و قياس التجارب عليها. و لكن هناك "بعض" الأبحاث التي تشير إلى احتمالية نشوء الحياة من مواد كيميائية و بيوكيميائية أولية.. المشكلة في هذه الأبحاث انها قليلة العدد و لا تتلقى الدعم المالي الكافي.. لانها ليست مسألة حرجة نريد الاجابة عليها الان مثل حاجتنا لحلول للأمراض السرطانية مثلا. عليك وضع هذه الفكرة في البال دوما لان التقدم العلمي مرهون بكمية المال الذي تخصصه له. و أيضا مهم فهم الفرق بين الفرضية و النظرية و عدم التسرع بالدفاع او بالهجوم قبل فهم موقف الطرف الاخر.. - مع هذا, هذه الابحاث التي ذكرتها اعلاه تحقق بعض التقدمات بين حين و اخر.. و الكثير من الاسئلة التي كانت صعبة جدا او تبدو انها حواجز مستحيلة تم الاجابة عليها او على الاقل تقديم حلول ممكنة.. و لدينا الان بعض الافكار العامة هنا و هناك و لكن ما زلنا نفتقد لنظرية كاملة بهذا الخصوص. و لكن كل فترة تظهر ابحاث جديدة لتغطي بعض الثغرات - هناك عاملان اساسيا لا يجب تجاهلهما ابدا عند اي حديث عن التطور او نشوء الحياة من العدم: العامل الزمني, و العامل الذي سأطلق عليه اسم العامل الشخصي - العامل الزمني: عمر كوكب الارض اكثر من 4000 مليون سنة! بينما الانسان بدأ بالتحري على كيفية نشوء الحياة فقط من الخمسينات تقريبا من القرن الماضي على ما اظن و بشكل متقطع و بدعم مالي متواضع. يعني الحياة كان لديها حوالي البليون سنة لكي تظهر .. بينما انت تريدها ان تظهر الان و امام عينك؟ انا عندي اعتقاد ان هذه ممكن مع ذلك. و لكن سيأخذ بعض الوقت. و سيتبين لنا ان الموضوع قد يكون اسهل مما نعتقد.. و لكن قد لا يكون كذلك ابدا و ذلك بسبب العامل التاني - العامل الشخصي: يوجد حوالي بلايين و بلايين من الكواكب التي نراها حولنا.. و الذي لا نراه قد يكون اعظم. احتمالية وجود كواكب اخرى بظروف مشابهة لظروف كوكب الارض يعتقد انها عالية جدا و اعلى مما كنا نتصور .. لدرجة انه من الممكن ان يكون هناك كوكب بظروف مشابهة للارض يدور حول كل نجم نراه في الفضاء. هذا يعني الاف و الاف الكواكب في الفضاء التي قد تكون شبيهة بالارض.. بالتالي.. قد يكون عليها حياة. نحن الان هنا على كوكب الارض نتناقش حول الحياة و التطور و الانتخابات اللبنانية.. لماذا؟ لان كوكبنا من بين كل تلك الالاف من الكواكب المؤهلة حصلت عليه الصدفة ذات الاحتمال الضعيف و تطورت عليه اشكال الحياة بشكل تلقائي.. ثم ارتقت حسب الالية التي طرحها داروين (و التي اثبت الزمن انها الية متينة جدا و نظرية صحيحة). في حال لم تحصل على هذه الكوكب تلك العملية التي قد تكون صعبة و ذات احتمال ضئيل.. ما كنا لنكون هنا لنتناقش حولها... و لكن لربما كنا سنظهر على كوكب اخر... ثم نعتقد اننا الوحيدون في الفضاء يعني.. بسبب وجودنا, هذا يجعلنا نعتقد ان وجودنا حتمي و ان احتماله صعب جدا اذا اردنا ان نعتقد انه وليد الصدفة... و لكن اذا اخذنا بالحسبان الاف و الاف الكواكب الشهبية بكوكب الارض و التي قد لا يكون عليها حياة, سنلاحظ اننا نعتقد ان الموضوع "صعب" فقط من المنظور الشخصي... بينما من المنظور العالم للفضاء ككل... فبعض الكواكب سيكون عليها حياة... و بعضها لاء... و نحنا هنا على كوكب عليه حياة... لذلك نحنا هنا نفكر و نتناقش بالموضوع!! الفكرة هذه قد تكون صعبة و هذه اول مرة احاول شرحها بالعربية.. و لكن يمكنك القراءة عنها و هي اسمها ال Anthropic Principle و يوجد منها عدة نسخ و تنطبق على عدة قضايا.. هناك ال Strong Anthropic Principle و ال Weak Anthropic Principle ... انا شخصيا لا اتفق مع المبدأ القوي.. و لكن المبدأ الضعيف مقنع جدا و كافي لتفسير هكذا اسئلة و تقريبا كل العلماء يتفقون معه... بينما المبدأ القوي "بيزودها" شوي تحياتي |
اقتباس:
ما كنت عرفان انه تم التطرق لهادا الموضوع و الا ما كنت عزبت حالي... ويلي... ويلك لو ما تقرأ يلي كتبتلك اياه :x:p |
الموضوع شيق , لم اقرا كل الردود لانها طويلة جدا ..
علميا : لم تتعرض تظرية اخرى للنقد الديني - سواء من فريق الهلال او الصليب - كما تعرضت هذه النظرية المشلكة انهم لا يبحثون عن المنطق او العلم , كل مافي الامر انها ضربت على الوتر الحساس وسببت نوع من الدوخة والغثيان عند الاخوة المؤمنين , , بالنسبة للنظرية , فهي على حد علمي قوية ولها موقف صلب للغاية .. المثير للسخرية ان العالم العربي يتذيل امم العالم بما يتعلق بالبحث العلمي ومع ذلك نجدهم من ابرز الممانعين للنظرية وكأن البديل العلمي متوفر لديهم اصلا ... بما انهم يبحثون عن العقلانية , فالسؤال المطروح هل هبوط المدعو ادم بالمصعد الرباني يعد منطقيا , ام ان تفسير وجود القرد بان الرب مسخ بعض البشر لانهم خالفوه يعد امر عقلاني ! النظرية تفسر العديد من الامور العلمية وليس عليها اي غبار ... اكبر معارضين للنظرية في شرقنا الابله هما الكاتب التركي هارون يحيى و زغلول النجار المفارقة الساخرة ان الاول خريج فنون جميلة و الثاني لديه اجازة بالجيلوجيا و ايضا دكتوراه بعلم اللاهوت (شريعة !) .. . من الجدير بالذكر ان جميع جامعات العالم الغربي تدرس النظرية و تعتمدها بدون استثناء اللهم جامعات الحزام الانجيلي في امريكا و بريطانيا و هم - ازهر - مسيحي ان صح التعبير ليس لهم علاقة بالعلم من قريب او بعيد اضافة الى جامعة الشارقة وجامعة الملك عبد العزيز اللذين لا يدرسون مادة الوراثة او حتى علم النفس باعتبارها رجس من عمل الشيطان .. بالنسبة للموضوع اياه .. ... |
اقتباس:
قام العالم > شارلز إيجين جاي< بحساب احتمال التكون بعامل المصادفة لجزيء بروتين واحد، فوجد أن هذا يمكن أن يحدث مرة كلما مرَّت فترة زمنية لاتقل عن 10 أس (243) من السنوات، وهذا يزيد على بلايين أضعاف عمر الأرض، وهذا هو احتمال تكون جزيء واحد فقط من البروتين غير المتخصص• وفي العام 1987م قام العالمان > والاس<، > سيمونس< بدراسة احتمال تكون جزيء بروتين متكون من 100 حامض أميني في ترتيب معين ـ ولما كانت الأحماض الأمينية المعروفة 20 حامضاً، فإن هناك 20 احتمالاً للحامض في الموضع الأول، وهكذا، وتصبح احتمالات شغل الأحماض المئة في جزيء البروتين = 20(100) = 1.25 * 10أس (130) أي احتمال في كل 10أس (130) احتمال. وإذا أخذنا في اعتبارنا ملايين الجزيئات في ملايين الخلايا نجد أن الاحتمالات الإحصائية تقطع باستحالة البناء الذاتي بالمصادفة لتكوِّن جزيئاً بروتيناً واحد فضلاً عن الخلية الحية الكاملة• ولذلك إستنتج العلماء عدم إمكانية كون أول كائن حي على الأرض لأن عمر الأرض قصير نسبيا وغير كافي لحدوث هذه الصدفة كما أن داروين نفسه أول من كتب عن نظرية التطور لم يكن مختصا بعلم الأحياء بل كان ضابطا في البحرية هي عدا عن تزوير بعض العلماء لبعض الهياكل العظمية للبرهنة على صحة نظرية التطور والتي كشف كذبها لاحقا |
اقتباس:
بخصوص الموضوع الاول ففعلا هذه كانت مسألة محيرة خاصة عندما قام العالم وقتها بحساب الزمن. الفكرة مبنية على ان الرابط الكيميائي بين كل حمض اميني (لتشكيل بروتين) يمكن ان يأخذ مجالا معينا من الزوايا و هذا بالنهاية ينعكس على الشكل الثلاثي الأبعاد لجزيء البروتين.. و لكن هذا كان كله قبل اكتشاف عائلة من البروتينات اسمها Chaperones .. مهمتها مساعدة البروتينات على ثني نفسها بالطريقة الصحيحة.. اما كيف و ليش و اين.. فهذه اسئلة اخرى لا وقت لي للدخول فيها خاصة باللغة العربية .. و لكن الحسابات هذه التي أجريت كانت فقط to make a point .. و هي اننا لو تركنا سلسلة الحموض الامينية لكي تجرب كل الاحتمالات نحو الحالة الافضل (low energy conformation) .. فهذا سيأخذ عدد هائل من السنين.. اذا لا بد ان يكون هناك عوامل مساعدة لكي تساعد البروتين لكي يتوصل على شكله الثلاثي الابعاد بطريقة سريعة... و هذه العوامل الان معروفة بالاساس... نحن نعلم ان البروتينات قادرة على ثني نفسها بسرعة.. يعني السؤال بالاساس فلسفي لكي يجلب انتباه العلماء ان هناك عوامل علينا النظر إليها لفهم طريقة ثني البروتين (العوامل هنا هي مجموعات اخرى من البروتينات) بخصوص الموضوع الثاني.. هذا ليس له علاقة بموضوعنا و يتكلم فقط عن احتمالية تركيب المادة الجينية للإنسان بطريق الصدفة. و لكن الصدفة بالمفهوم اليومي ليس لها مكان في التطور. التطور وليد الصدفة و لكن له محرك باتجاه بناء الجينوم (المادة الوراثية) الأفضل عن طريق الاصطفاء الطبيعي... يعني لا احد يدعي ان كل الجينوم يتشكل بالصدفة و بالصدفة يعطي بروتينات لها وظيفة.. طبعا لاء.. هناك الية اصطفائية تطورت و تعقدت عبر بضع الاف من ملايين السنين! اتمنى ان اكون قد جاوبت على اسئلتك و لو احببت ان نتوسع بنقطة معينة لا مانع عندي على شرط ان تقوم ببحثك الخاص اولا و عندما تصل لنقطة لا تفهمها سنحاول ان نفهمها مع بعض بكل سرور تحياتي |
سؤال بريء جدا : وهل سيعود الانسان الى أصله كقرد في يوم ما أم أنه سيتطور ليصبح شيئا عجيبا آخر ؟؟؟؟ |
اعتقد ان النظريه بالعكس
هناك انسان انسخط الى قرد فبعد دراسة L`AND mitochondriale تبين حديثاً أن قردة الشامبانزي والغوريلا ظهرت بعد ظهور الإنسان على سطح الأرض.. وهذا الاكتشاف يقلب كذلك كل ما قيل عن النظريات بشأن تطور الإنسان عن أجداده فيما قبل التاريخ. |
اقتباس:
|
| الساعة بإيدك هلق يا سيدي 08:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون