|
تجاب ان ناديت حيا لكن لا حياة لمن تنادي:sick:
|
viva syria انت لتكون مفكر الحرب لعبة مثلا !!! انو يالله حاربوا وحاربوا شو الشغلة شوربا !!! ايران عندا قوة عسكرية لا يستهان فيها بس هادا ما بئهلها انو تعمل حرب لانو كل العالم ضدا .. بعدين اذا ايران ناوية تعمل حرب عنجد وهادا الشي مستبعد أول شي بدا تاخد رأي سوريا واذا ماوافقت سوريا ايران مابتسترجي تعمل شي لانو نحنا أصدقائها الوحيدين بالمنطقة ... هي الحرب اذا صارت رح تكون مدمرة تدمير كامل للطرفين يعيي نحنا مستحيل ندخل حرب اذا مانا واثقين من الفوز فيها.. يعني من وقت حرب تشرين لهلئ ما اجت فرصة مناسبة لشن حرب على اسرائيل ... ايران بحاجة سوريا متل مو نحنا بحاجة ايران .. فلا حدا يجي يقول انو النظام تابع لايران ومن هالحكي الفاضي هاد نحنا النا مصالح مع ايران وبس وبحياتها سوريا ماكانت تابعا لحدى من زمن المرحوم القائد حافظ الأسد وهلئ ولبعدين ... وتحياتي الحارة الك ولكل الشباب والصبايا :D |
اقتباس:
بس انو تقولو هدون مقاومين و ما بعرف شو ...ف وقتها بكون عندي حكي و حكي كتير .... منرجع لأيران ...أيران ما عم تتفاوض مع الأمريكان ببغداد ,,?, ايران امرت شي اتباعها بالعراق بتحويل حياة الأمريكان الى جهنم ? ايران ايدها نظيفة من المجازر الطائفية بالعراق ?? ايران ما مدحت قرار اعدام صدام بأول يوم العيد و اعتبرتو عادل ,,يعني الشيطان الأكبر كان عادل هالمرة ? ايران عملت شي غير الحكي ?? لسا بتقولو ليش ....احذروا ايران ! |
اقتباس:
هلئ انت من كل عقلك هالحكي يعني انت عنجد عربي !!! والله شفت وتناقشت مع كل فئات العرب الطائفية والسياسية بس متل أفكارك النتنة لسا ماشفت ... اما بالنسبة لايران فمن حقا تعمل كل هالشي لانو اولا ضد مصلحة أميركا وبيخدم مصالحها |
اقتباس:
سؤال على الهامش . بما أنو ماعاد عم تحكو عن ايران . وصرتو عم تحكوا عن حسن نصرالله . مين اجحش . مين خاين أكتر . حسن نصر الله ولا الملك عبد الله :larg: . بما انك عم تعطينا دروس بالقدسية هو ثورة الله . ويلي عندكم لعبان على وتر الدين اكتر . ومساوي حالو خادم الحرمين الشريفين . الله بعتوا لألو خص نص . وبوكرة بس يموت الله بدو يورتها ليلي بدو يجو بعدو :lol: |
اقتباس:
ماعلينا منرجع لموضوعنا أنا ماقلت انو الحرب لعبة ولاقلت انو الحرب بيصير تسن على طرف أخر من دون اعداد جيد.... بس ياغالي هالحرب عم تنشن من جنوب لبنان كل كم سنة "انتبه منيح انو انا ماعم قول غلط" وعم يتدمر لبنان وبيرجع بيوقف على رجليه وبينتصر ومنعمل مهرجانات وأغاني ودبكة... هلأ هاد على مستوى لبنان فما بالك ببلد بمقدرات ايران؟؟ بتعرف شو الفرق بين العلاقة مع إيران سابقاً وحالياً؟؟ قبل ومن خلال العلاقة الجيدة والصداقة (جافظ الأسد لم يكن يقبل بوجود حلف أو محور مع إيران ) مع إيران ويلي فادتنا بالفعل بكتير مجالات كسبنا كتير وبالفعل كانت علاقة استراتيجية وكانت إيران وقضاياها ورقة بإيد سوريا... أما اليوم فصارت سوريا وقضاياها ورقة بإيد إيران... تحياتي وسلاماتي وكل شي مالحقت قلك ياه لأنك فتت فيني بالعرض ياعين خيك :lol: |
اقتباس:
وبإيران نفسها في 2 بالميه يهود وأخدين حقوقون الوطنية وعين الله حولون... وبالحرب على غزة اليهود ببريطانيا نظمو مظاهرات احتجاج وفي منون حرقو جوازات سفرون الإسرائيلية وفي منون اتظاهرو بـ نييورك وقدمو عريضة للأمم المتحدة حول عدم شرعية شي إسمو "اسرائيل" وطالبو بسحب اعتراف الدول والحكومات فيها... معناها نحنا مافي عداء بينا وبين اليهود بقا خلي نيتنا شوي منيحة وخلينا نقول انو اليهود يلي عم يحكي عنون الشب هنن يهود مو صهاينة ولا بيإمنو بوجود إسرائيل... |
اقتباس:
بالفعل يمكن يلي بعاد شوي عن القضية اللبنانية بيتخيلو انو مقاتلين حزب الله هنن مقاتلين مستوردين ومابيقدرو يفهمو انو هدول ولاد ضيع الجنوي وقرى الجنوب ولاخط أزرق ولا خط رمادي بيقدر يبعدون عن الحدود وعن قراهن وضيعون... تحياتي ام الجود:D |
لك والله نسيت اهم شغلي ..
.كنت عم اقرا بالنت انو ايران محتلة جزر بالأمارات ...و بعرف مسبقا انو محتلة الأهواز العربي ...لك صحيح كمان كانت عم تهدد سيادة البحرين باعتبارها محافظة ايرانية وكمان كانت بحرب مع العراق الشقيق لأكثر من عشر سنوات ..و انتقمت منو ابشع انتقام بعد الأحتلال !!...و غير الكلام عن تصدير الثورة للخارج ......و الضلوع بعمليات تشييع عن طريق المادة بحياة ربكون ما فصلت لسّا !! يعني لازم كل يلي بيدافعوا عن ايران يفرشوا ورقون بعد هالكلام ... |
إلى VivaSyria
يعني ياحبيبي ممكن نعرف أديش نسبة هدول اليهود الي عم تحكي عنهم من نسبة اليهود الصهاينة؟ والي عم تقول إنهم حرقوا جوازات سفرهم الإسرائيلية هو واحد مافي غيره وبعدين إذا في يهود عرب إشتغلو جواسيس لصالح إسرائيل وفي شي من هالعرب(اليهود)راح على إسرائيل ومسك مناصب كبيرة هنيك فرح يكون اليهود الأجانب أحسن من اليهود العرب؟ لا تتأمل منهم شي فالكل يهود وحتى اليهود الي ما عاجبتون إسرائيل فأكيد مشان مصالحهم الشخصية وهدول ما بشكلوا شي من نسبة اليهود الي مع إسرائيل ومنجي بالآخر بنقول عن هاليهود مناح وعن إيران إرهابيين وعم يهددوا الأمن العربي إيه شو جاب لجاب؟ |
اقتباس:
ليك يا اخ wile ولو انو حاليا صرنا برا الموضوع بس حبيت علق ع كلامك انت كتير بتكون غلطان لما رح تعمم راي ما ع اساس الدين .. يعني ما بتوقع كل اليهود بالعالم صهاينة ... تماما متل ما كل المسلمين اسامة بن لادن .. او المسيحيين بابا الفاتيكان ... يعني ما بيصير اتلخص راي عن انسان بس ع اساس المعتقد .. وفي يهود كتار كان الهون كتير ممارسات ونشاطات ضد الصهيونية .. ما رح حط كتير اسماء بس ما بعرف اذا سمعان بـ نعوم تشوموسكي ...... اذا ما سمعان عنو دور رح تلاقي كتير معلومات واكيد رح تتفاجا .. هيدا للاسف الوحيد الحاضر بذهني بس اكيد في كتار غيرو .. من مؤسسي الجمعية اليهودية لمناهضة الصهيونية وجر .... يعني التعميم برايي الشخصي كتير خاطئ .. ويعتبر نقطة كتير سلبية بتقييم الاخر .. والا يمكن رح يبقي حدا نحكي معو من الاديان الاخرى سلام :D |
مع إحترامي الكامل لرأيك بس رأيي غير
هلأ لما كان جورج بوش لساته رئيس شو كان يقول؟ ما كان يقول عرب إرهابيين بس كان يقول مسلمين إرهابيين لك حتى أسامة بن لادن عربي بس بقولو عنوه متشدد إسلامي مو متشدد يمني أو متشدد سعودي(لأنه بالأصل هو يمني معوه جنسية سعودية) وأيمن الظواهري شي مرة حدا قال عنوه متشدد مصري؟؟؟ لك لما فات بوش فوتوه على مصر والعراق بتعرف شو قال؟ قال بدأت الحروب الصليبية الدين أساسي كتير بالسياسة وما في دليل أكبر من إنه كل الإنتخابات الواقعية عم ينتصر فيها المتمسكين بدين الدولة سواء بتركيا أو بإسرائيل أو بفلسطين وغيره الكثير |
اقتباس:
يعني رايون كتير بالنسبة الك مهم لحتى انك تعمل متلهون؟؟؟ الدين اداة من ادوات السياسة اكيد هيدا ما عليه خلاف .. بس ما لازم نسمح لغيرنا انو يجرنا لهيك تفكير انو الكل متل بعضون .. لانو عمليا الكل مو متل بعضون .... وانا متاكدة جدا من هالحكي سواء يهود ولا مسلمين ولا مسيحيين .... لانو ولا واحد فينا هوي يلي اختار دينو وانما اجبر عليه وبالتالي اكيد مو كلون بيحملو هالفكر الديني واذا كان هيك رايك باليهود فاكيد وقتها رح ينفهم انو بنظرك كل المسلمين اسامة بن لادن او الظواهري وهلم جرا ..... وما بتوقع هاكلام صحيح بالمرة ع كل هيدا رايي بالتاكيد .. وطالما انت رايك معاكس تماما فما رح يتغير من كلميتن |
وأني لأعجب جرأة استخفافهم بالشعوب العاجزة
وأني لأتسائل متى سينزل ستار المسرحية الهزلية .. ليصفق الحضور أتصفق لهم معي؟ |
رأيي مو معاكس تماما ووالله حكيك فيه وجهة نظر
بس حابب قلك الإنقسام والتشرذم الإسلامي هو الي بيفرض تغيير اللهجة لما تحاكي المسلمين أما اليهود مو مثلنا يعني هم يا مع إسرائيل يا ضد إسرائيل وبتوقع لحد هون الكل بوافقني فلما يكون ثلاثة أرباع اليهود مع إسرائيل ولما يكونو اليهود العرب مستعدين للتضحية بأنفسهم من أجل إسرائيل فما معقولة ما يكون الدين ما له علاقة بإسرائيل ولا أنا غلطان؟ |
اقتباس:
اقتباس:
اقتباس:
اقتباس:
اقتباس:
أما اذا قصدك انو لازم نقبل بإيران نووية لأنو اسرائيل عندها سلاح نووي فبقلك لاء.. وقت يكون هالسلاح لسوريا وبيخدم قضايا سوريا "دون غيرها" بكون معو أما وقت يكون بغير مكان "ايران اسرائيل موزمبيق" وانا ضعيف فأنا ضدو... مو من باب شي بس من باب إنو مافي ضمان بالأرض لمصالح الدول وعدم تغيرها... وياهلا |
إلى VivaSyria
على سيرة الإقتباس والله ما كتير عجبتني فكرة الإقتباس وما خرطت مشطي بس مو هادا موضوعنا والله يا معلم ذكرت جريدة الشرق الأوسط إنه عدد الي يقفون ضد إسرائيل في أمريكا يشكلون نسبة ضئيلة جدا وإنهم حتى لما يرفعوا صوتهم بهالشي دغري بيتهموهم باقي اليهود بالخيانة وعلى سيرة حرق البوسبورات بدك تقلي 3 حرقو جوازاتون الإسرائيلية من يهود العالم كله إيه أكيد هدول ما بساوو شي أما فكرة إنه مو كل مسلم منيح ومو كل يهودي سيء أنا معك فيها جملة وتفصيلا(مع إنه أغلب اليهود مو مناح بس ما فينا نتجاهل نسبة اليهود المناح ولو كانت ضئيلة)(أما المسلمين فالله يعين) ومشان شغلة اليهودي أحسن من مليون مسلم ف(برأيي الشخصي)إنت غلطان هلأ الي إخترع دواء للكوليرا أحسن من علماء المسلمين؟؟؟؟؟؟ يا حبيبي قواعد الطب الحديث بناها علماء المسلمين في العصور السابقة وكتير علماء أجانب إعترفو بهالشي عالعموم طلعنا عن موضوعنا بس الي حابب إثبته هون إنو سيطرت اليهود على المرافق المهمة(مثل الإعلام)في أمريكا ودول غيرها مثل ما هو سبب للضغط عأمريكا مشان تساعد إسرائيل هو سبب لتشويه صورة أعداء أمريكا(وإسرائيل طبعا) |
اقتباس:
و بالنسبة ليهود ايران فيك تتاكد من معلوماتك انو يلي عم يقدر يهرب لاسرائيل ما عم يقصر و الباقي ساكت يا اما ناطر دور او مو مهتم بالسياسة من اصلو وداير ورا لقمة عيش ولادو ويلي حرق جواز سفرو الاسرائيلي انا شفتو و عجبني موقفو كتير وشفت كمان يلي تظاهرو بنييورك بالنسبة الي ما باخد اي عدو الي الا يلي بيعلن عدائو بس بحب كمان قلك انو شاوول موفاز و بنيامين بن اليعازر من اصول عربية منرجع لحكي الشب مبين من افكارو و من الغنية يلي بيحب يغنيلون ياها و يقهرهون فيها من اي نوع من اليهود عم يتعامل وشكرا الك للفت انتباهي لهي النقطة :D |
| الساعة بإيدك هلق يا سيدي 06:19 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون