|
اقتباس:
اقتباس:
اقتباس:
اقتباس:
دوري عن معنى العشق وافهميه يا بنت بعدين تعي نحكي :x بالمناسبة..اديه عمرك انتي؟ |
كاتب النص الأصلي : hashtnasht
 عفواً يعني , بس انو بحلب ما سمعانين بشي اسمو ترقيع ؟ ثقافة الترقيع ما واصلة لعندكن ؟ احنا هيك عم نتعامل مع البنت على أنها "سلعة مستعملة" بدنا نغشها و نحطا كمان مرة في السوق على أنها جديدة!! بعرف انو المجتمع المتخلف هو اللي بيفرض هيك حلول معفنة، و بغض النظر انو الحل المؤقت لمشكلة فرد بطريقة أو بأخرى طلع عن عرف مجتمع و ما نو قادر يواجه تبعات ها القرار (أو مش بالضرورة قرار، ممكن حالة و صارت من غير ما نقرر)، بغض النظر عن كل ها الأشياء، لازم كل فرد (و بغض النظر عن الجنس أيضا) يكون قد مسؤولية تصرفاتو. يعني أنا إذا قررت أعمل علاقة خارج الإطار اللي بيسمح بيه مجتمعي، لازم يكون عندي استعداد أتحمل تبعات هذا القرار، و ما أحمل الطرف الآخر مسؤولية قرار اتخذتو بمحض إرادتي. بس وين مشكلتنا؟ مشكلتنا انو احنا واقعين في ازدواجية فكر: مجتمعي بيفرض علي نمط معين و مفهوم معين " للعفة" و مشان هيك لازم أحافظ على ها النمط، مشان ما أترفض. لازم نكون أشجع من هيك و نتصرف بقناعة، بمعنى إذا أنا قناعتي الشخصية و الدينية لا تسمح و أنا ما فيني أطلع من جلدتي" خليني أحترم الفكرة للأخير، و إذا أنا متحررة و ما هامني كل ها الأمور، فالمفروض ما يهمني شو بدهم يحكو عني، أما الازدواجية بهيك أمور ما بشوف أنو الخيار السليم. |
يعني الحمدلله منفهم من ها الموضوع انه البنات الغير عذراوات ما راحت عليهم ابدا
ولايخافوا من الخوض في اي علاقة جنسية ماراحت عليهم |
ممم يعني لشو نضحك على بعض ؟؟ اذا البنت مارست الجنس قبل الزواج رح يذبحوها
كل يوم عم نسمع عن هيك شي ما احنا مش عم بقول انو صح يذبحو البنت .. اكيد اذا ضد هيك شي بس هيك الواقع بمجتمعنا |
انا بشوف انو الشباب الي عم يحكو بعقلية متفتحة هلقد وقصة ترقيع وماترقيع ومابعرف شو لما لاسمح الله طبعا والله يحمي ويحفظ ويصون عرضكون انو بنتكون او اختكون تتعرض لهيك موقف ويجي الشب بعد ما يشبع منها يشلفا وهيه تحتار بحالها شو وقتا بيكون موقفك بتروح بترقعلا بكل برودة اعصاب ولا رح يصل الدم لا راسك وتقتلو وتقتلا المغزي انو ليش بترضو لبنات العالم الي ما بترضوه على بناتكون او ياعيني قديش حلوة انو البنت بعد ما يشبع منها الشب يرميها متلا متل اي وحدة كانو اخدا من الشارع وبالاخير يشلفلها مصاري هيك بخلقتا ويقلا روحي رقعي ولا عاد تورجيني وجك اي وين النخوه وين الاخلاق وين الشرف اي العمااااااااااااااا عنجد مجتمع .......... مابدي احكي:frown: |
اقتباس:
اقتباس:
اي اهم شي هالشعارات... |
اقتباس:
ليش كتير عندك الخيارات مفتوحة ؟! اما بركب قرون وبمشي بالطريق وبماعي كمان .. مدري بشنهق .. نسيت شو كان اسم صوت الدينصور يا اما بصير مجرم وقاتل ؟ بما انك مكترة الاحتمالات كتير .. بدي استخدم مبدأ الاستبعاد اللي ما بيسمحلي كون قاتل بيوم من الايام .. اقتباس:
ممكن تشرحيلي فكرتك .. قبل ما رد عليكي يعني فين بالضبط شايفة اننا شي ماننا رضيانينه لبنـ لك هاااا هلق خطرتلي انتي من الاول فارضة شو بده يكون ردة فعلنا (( نحن اللي عما تحكي معهم انتي )) وعبتاخديها علينا دليل حتى تعاتبينا في :shock: اقتباس:
ممكن تتجسد على ارض الواقع بكتير مواقف .. بكتير افكار .. بكتير تصرفات بس لا ولم ولن يكن شرفي واخلاقي ونخوتي .. مجتمعين .. ومتجسدين .. بغشاء البكارة تبع اختي :sly: |
من أولتا يدكن تتحملونا لأنو الرد بدو يكون طويل شوي باعتبار صرلي ساكت من أول السيران:
أول شي يا شباب ويا صبايا فكرو بالموضوع بطريقة بسيطة وبطريقة انسانية مو بطريقة ياباطل وبطريقة شرفي وشرفكون وشرفنا لأنو والله الشرف كلمة بتعبر عن مضمون أكبر من يلي عم نناقشو هون... مو معقولة كل شي عم يصير فينا قبلانينو وماضل مرتع للشرف العربي الأصيل غير هالقصة... الجنس كمفهوم إنساني هو عبارة عن تفريغ مشاعر بين تنين..بمعنى هو تتويج لعلاقة حب بتجمع شخصين هلأ هون يلي لازم يكون واضح انو الجنس شئنا أم أبينا هو غريزه... والأكل غريزة والشرب غريزة والحكي غريزة وكل شي تصرفات الانسان وردات فعلو الطبيعية هيه عبارة عن غرائز... بس هالغرائز هي عبارة عن غرائز بشرية بحكم انها تصرفات انسانية وباعتبار نحنا هون ماعم نحكي عن الجنس المأجور أو الجنس من أجل الجنس وانما عم نحكي عن الجنس بين تنين بيحبو بعض فهو عبارة عن غريزة انسانية وعم نحكي عن ناتج طبيعي بعلاقة انسانية... ودخيل عينكون طلب انو ترحمونا شوي من ضرب الأخلاقيات والشرفيات بغير مكانها... وفكرو بيلي عم تحكوه منيح لأنو يلي ضاع شرفو معو حق يدور على شرف بديل..بتشوف كل واحد تافه عطال بطال بيقلك "بعرضي باختي" انو يا ابن الكلب روح اشتغل وعميل شي لمستقبلك ومستقبل اختك وأهلك قبل ماتجي تقض مراجل فاضية.... مننتقل لموضوع غشاء البكارة يلي عم تحكو عنو وكأنو جدار برلين ولا كأنو جدار الصمود العربي ولا خط الرابع من حزيران 1967... انو عن جد يلعن رب هالشرف والكرامة يلي عم تنزلوه لهالمستوى هاد... السؤال يلي ماكنت لاقيلو تفسير طول عمري انو كيف بتسمح لحالك كشب تنام مع نص بنات البلد وماتقبل تتزوج بنت نايمه مع شب قبلك؟؟ مع العلم انو هالبنت بيجوز تكون نايمه مع هالشب نتيجة علاقة حب انسانية محترمه وانت نايم مع هالبنات نتيجة غريزة ونتيجة انك انت بني أدم واطي... شوية وعي دخيلكون ليش انت مسموح تنام مع بنت وبتنسى انو هالبنت الها أخ وممنوع حدا ينملك مع اختك؟؟؟ يعني حضرتك خالد بن الوليد وممنوع حدا يقرب على اختك واخوات العالم محللين لإلك؟؟ والله عيب وسخافة وحقارة... كلمتين ياشباب وياصبايا باختصار الشرف شي كبير كتير ويلي بيلخص شرفو وكرامتو بإختو وبعلاقات اختو العاطفية بيكون بلا شرف وبلا أخلاق... والبنت يلي بتفهم الجنس مع الشب غريزه بتكون بلا عقل... والشب يلي بنام مع بنت لمجرد انو يشبع رغبة ويفضي هالطاقة بغض النظر انو مابيجمعو بهالبنت مشاعر وعواطف بيكون بلا شرف وبلا ترباية... أما الشب والبنت يلي بينامو مع بعض نتيجة علاقة حب شو ماصار بيناتون مسموح وبلا غشاء بكارة بلا غشاء مسخرة لأنو من الأساس هدول يلي بيجمعون متل يلي بيجمع أي تنين متزوجين.. باعتبار الزواج مو ورقة عند القاضي الزواج مجموعة روابط انسانية بتجمع شخصين... فبتصور انو هالعلاقة واحد من مفردتاها الجنس وليس كل هدفها ومنبعها ومصبها هو الجنس.... لاتأخذونا ودمتم. |
انا اريد اسأل كل واحد و وحدة يحكي عن معاقبة الاخت و الانتصار لشرف العائلة
شلون رح تتصرف اذا جتي أختك تبكي لان شافت زوجها نايم مع وحدة ثانية على فراش الزوجية ؟؟؟ شلون رح تنتصر لكرامة اختك ؟؟ رح تشيل سكين و تقتل زوج اختك او اذا كنتي بنت رح تأجري شخص يقتل زوج اختك ؟؟؟ |
اقتباس:
بس انو كجواب..المواضيع ما بتنحل بالقتل والقواص وهاد الحكي...انو في حلول كتيرة غير هالحل..انو ممكن بكل بساطة يكون خانا بس تكون هية السبب مو هوة!!!وما بدنا نغير النقاش لموضوع تاني وندخل بهاد الموضع هلأ |
اقتباس:
موش فارقة معاي مووووووش فارقة معاي .. بس اذا بدي احكي عن حالي انا ضد طبعا لانو هالشي ضد قناعاتي |
مو هو كلشي لازم ينحل بالتفاهم ...
مو خروج عن الموضوع ... بس المجتمع يشوف الشرف على هواه ... لان المفهوم صعب يتحدد عند نفس الشخص ! |
اقتباس:
بقبل انو كل واحد يلبس يلي بدو ياه ويشرب يلي بدو ياه ويحكي يلي بدو ياه.. بس كل واحد يشوف الشرف على هواه هاد الحكي مرفوض واذا منقبل فيه منفتح بواب جهنم ... كل واحد بيكفر الأخر بيقلك هاد شرفي وكل واحد ارهابي بيقلك هاد شرفي وكل واحد بينتهك خصوصيات البشر بيقلك هاد من الشرف وعلى هالقياس قيس.. تحياتي |
اقتباس:
بس انو انت عم تحكي عن خيانة..والخيانة واحدة لو تعددت اسبابا... وازا بدنا نفتحو لموضوع الخيانة هون راح تختلط المواضيع ييعضا |
طيب نرجع لموضوع الجنس قبل الزواج ..... يعني في الحالة اللي يكونوا الطرفين ما متزوجين ...
|
يعني ليش الكل حاصر قضية الشرف بس بالجنس يمكن لا أكيد الشرف بكل عمل بحياة الواحد
|
اقتباس:
:D:D اي شو رأيك انت ؟ |
بالنسبة للجنس قبل الزواج طبعاً رأي بالموضوع بعد مباحثات مع عقلي الباطن رأيته
يعني كيف بدي أقلكم شفته هو مخرب للمجتمع أي وأد للأخلاق و التعايش الصحيح بين الدكر والأنثى على الهامش : كيفك يا غالي سيريويوا ألك وحشة أنت وبقية الشلة وأخص بالذكر أرسلان وباقي المتحاورين الذين تخطوا مرحلة الغليان وعادوا إلى رتم الحوار الهادئ تحياتي |
| الساعة بإيدك هلق يا سيدي 14:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون