![]() |
" غدا سيكون جميلا حتما "
:D بالتوفيق ياسين |
أوووه فتحتلي قريحتي عالحكي .. أحييك ياس .:D
اقتباس:
1- موافقة عقرار وبعدين يتم تعليقو .. ومن بعدها رفضو واعادة طرح هالقرار واعادة تعليقو واعادة رفضو مجدداً 2- القبض على X من الناس ( لكثرتهم ) لنشر أخبار كاذبة بعتقد 1 + 2 ما بيختلفو عن بعض بشيئ الثانية من شأنها إضعاف الشعور القومي والأولى إضعاف الشعور الانساني الكذب المتكرر من أجهزة الأمن والنظام كاملاً، اللي اصبح أقل افراد الشعب ثقافة ووعي قادر على عدم تصديقهم بأي قول أو أمر بيصدر عنهن. بكره جداً لما يتم التعاطف مع اللصوص والقتلة والمهربين وتخفيف الحكم عنهن أو بالإحرى إلغاءه والتغاضي عنه "بعد دفع المصالحة المادية"، ويتم إهمال الفئة الأخرى من المساجين لعدم توافر لديهم ما توفر لغيرهم من مادة. بحتقر جداً نظام دولة فاشل كـ هالنظام لما يتم إعطاء الأولوية لـ أشخاص خاليين من أقل ذرة من الانسانية على حساب أشخاص تهمتهن السياسية والشعور القومي اللي صرعو سمانا فيه وبحياتهن يمكن مو مفكرين يسرقو.. او يقتلو. وبتوصل لأقصى درجات الاحتقار والاذلال لما هالنظام بيطالب بشيئ هوي فاقدو بالأصل، احتقار موجود من الضحك عاللحي .. وعماحتقر حالي كتير اني لساتني عايش وهيك أنظمة وهيك رئيس .. لا زال قائمين على كراسيهن. لعل وعسى .. يجي هالنهار اللي ريح عيوني واداني من طلتهم البهية .. وشعاراتهم الواهية. ونهايةً .. ميشيل كيلو ومتلو متايل ... احرار غصب عن انف اللي خلفكن ... ورح يرجعو عاجلاً أم آجلاً. اقتباس:
ما بظن في حدا بيختلف على انو استخدام هالاشخاص وكل هالديباجة ما كانت إلا لتوجيه هالرسالة لتيار المستقبل والسعودية وانو يا عالم وياخلق نحنا شغلة، ونحنا السهرانين على أمن الشعب وقدرنا نفرط منظمة ارهابية باقل من الوقت المتوقع. طالما نظام المخابراتي عنا فظيع لهالدرجة فيه يطلعلنا بنفس الوقت او اكتر الي اخدوه بهالعملية بكشف اغتيال مغنية ووبالنسبة موضوع الشاحنة اللي انفجرت عالحدود اللبنانية بشهر 9 بضيعة "سرغايا" وراح ضحيتها 5 أشخاص سوريين، و..... الخ. ولا بتشنص معن مرة ب*** هالعمر بس؟ يعني مسخرة ما بعدها مسخرة من النظام. اقتباس:
هون ممكن اختلف معك شوي ياس . بستغرب من الشارع العربي خاصةً ليش دايما بيعلق آمالو عأمريكا بكل شاردة وواردة، إن كانت علاقتهم جيدة بأمريكا وإن كانت سيئة دائما تعلق الأمور على أمريكا لما استلم جورج بوش الابن ... ومن بداية الحديث بأمر العراق اي قبل الحرب بفترة وجيزة كانت المطالبات انو عمي ما بدنا شي بس خلونا بحالنا. طيب انو اجاكن واحد في امل يخليكن بحالكن .. ليش فوراً علقنا الآمال عليه بالتغيير داخل الشارع العربي ناطرين مثلاً ليتم التدخل مشان ينطو كالعادة "خلونا بحالنا" ؟ أتوقع انو المفترض "عليي انا شخصياً" قبل ما احلم بالتغيير داخلياً عنا من قبل أوباما ... يصير التغيير للداخل من الداخل المفترض احلم انو النظام يتم اصلاحو او اسقاطو واحضار البديل الأفضل ما بنكر أنو أمريكا إلها دور كبير عند العرب والشرق الأوسط بالتغيير .. لكن مش بالشكل اللي عميحلمو فيه اللي عميحلمو فيه ما رح يصير لا بعهد اوباما ولا بعهد الأسوأ منو صار .. ولا بعهد الأحسن منو رح يصير لا هلئ ولا بعدين يتطمن العرب جميعاً .. أوباما ما رح يعطي كل فرد كرامتو ولا رح يخليه يحس بالاكتفاء اوباما ما رح يقول فلسطين حرة والجولان حرة ويا بني دولة اسرائيل رجعو من محل ما اجيتو . اللي بدي احكيه نهايةً اوباما ممكن يساعد بالاصلاح .. لكن مش متل ما عميفكرو هوي المصلح المنتظر اقتباس:
لكن اللي بدو قولو لكل المتأملين بالتغير من هالاجتماع : ياطالب الدبس من **** النمس .. صحي .. شو الطرنيب :? اقتباس:
لكن مع ذلك ... لسا الطريق طويل Keep going on man :gem: اقتباس:
:akh: |
اقتباس:
|
اقتباس:
سؤال خطر ع بالي كتير .. اقتباس:
اقتباس:
كيف؟؟؟؟؟؟؟؟؟؟؟؟ كانت احسن يعني بعهد بيل كلينتون ؟؟ ما بنكر كانت اخف بس امل ما يعمل اوباما عملية ثعلب الصحراء مرة تانية .. بس بشي بلد تاني مجاور.. باعتبار العراق هلق محتل وخالص اقتباس:
والرهان كبير .. مين الو الحق بالاستغلال بشكل اكبر :deal: اقتباس:
الليل لديك يكون دائما جميلا لتنسى ألم اليوم :D |
اقتباس:
اقتباس:
شكرا جزيلا على متابعتك المستمرة صديقي :D |
أحمد
شكرا كتير ع تعليقاتك اللي دائما تزّين هالموضوع (بس لا تصدّق ع حالك كتير :lol:) المهم بخصوص: اقتباس:
لأ ما اختلفت معي بنوب... ما انا عم اتهكّم من انتظار جميع معجزات الدنيا من أوباما (كون تصليح رصيف شارع بيتنا من المعجزات اعتبرو) و كل واحد لاف رجل ع رجل ببلادو و يعمل شغلتين: 1- يحمّل أميركا مسؤولية احتراق طبخة مرتو اذا لزم الأمر (و ما اختلفنا, يجوز مسؤولة و إلى حد كبير, بس لو مانك مستوطي حيطك و جايب الدب لكرمك ما كان صار هالشي). 2- ينتظر من اميركا حل كل شي ..يعني الموقف السوري من المفاوضات الاسرائيلية.. انو أوكي منعمل مفاوضات غير مباشرة بتركيا, بس ما ننتقل ع شي رسمي ازا أميركا مش موجودة.. لك طيب مو عم تسبسب بأميركا انت ليلك نهارك؟ ليش انت لحالك بدك ياها تجي تشرف ع حل مشاكلك؟ قال لأنو بدنا أميركا تضمن... أي شفنا شو ضمنت أميركا لياسر عرفات... سلامات :D |
اقتباس:
يعني يؤخذ كرمز لقضية طبعا موجود فيها محمود عيسى اقتباس:
لكن لما الحل يكون فقط اعلامي.. فهو عبارة عن -مثل ما قلت قبل- ضجيج رح يخف و يخفت بعد فترة.. و ما رح يأثر بشي.. اقتباس:
أنا قلت انو شخصيا أملي قليل لدرجة انو يكفيني انو خيو يكون متل كلينتون, و متل ما تفضلتي, عهد كلينتون كان أخف من عهد بوش, و علينا كسوريين كان أخف بكتير (يكفي ما كنا محاصرين و كان في علاقات يمكن اعتبارها جيدة من جميع النواحي, بتوقع ما مرقت علاقات أفضل بين سوريا و أميركا متل عهد كلينتون).. مع ذلك أنا معك.. أخف بشوي... بس شو احسن؟ اخف بشوي و للا أسوء بكتير؟ ما عم قول مش ممكن تكون أسوء بكتير.. بس بيظل الأمل انها تكون أخف بشوي, ما بدي أكتر أنا تحياتي سونا و شكرا لمتابعتك:D |
اقتباس:
واذا كان هيك ..فمشكلة بالتاكيد هيدا مو رايي الشخصي .. وانما الواقع يلي بيتعامل معو نظامنا السياسي مع الاحداث بالنسبة الهون ربح موقف سياسي او ضجة اعلاامية موسعة .ز اهم بكتير من قتل كم واحد هني ما سالين عنون لما حكيت كان عبارة عن تهكم فقط وع الهامش .. اكيد بسمحلك |
اقتباس:
من الممكن اعتبار ردي هو رد على الفكرة اللي حكيتيها, و اللي تعرفي انو يحكيها الكثيرون و يعتقدها الكثيرون.. تحياتي و اعتذر مرة تانية :D |
كنت حابــة إبقى متابعة عن بُعد ..
بس آمنتـ بـ : اقتباس:
|
اقتباس:
بتعرفي منيح انو متابعتك وسام أعلقو بصدري.. ان كان عن بعُد أو عن قرب و يسعدني انو آمنتي فيها... بعتقد ازا خلّيناها ببالنا.. بتكون الحياة أحلى حتى لو ما تغيّرت علينا, لكن يكفي يظل الأمل بانو بكرا رح يكون حلو... و غالبا رح يكون حلو ازا حاولنا نشوفو هيك, لأنو رح ننظر للأمور بشكل مختلف احترامي و تحيتي:D |
بحسد البعض من رواد المنبر على دم الشباب والنشاط الايجايبي بقضايا هل البلد يمكن لاني كبرت شوي وماعاد في وقت وقلت مروة
بصراحة أنا أعترض على عنوان الموضوع ، بالمشرمحي حجم القضايا الي عم تطرحها ياس واسلوبك الرائع والمتنوع بين الجدية ،السخرية ،لايذدراء الخ.. وكلام موزون ومعدل فالموضوع يستحق أن يكون باسم على الاقل "ثلاثيات وطن" أو "ثلاثيات سورية" . ناطرين قلمك كل ثلاثاء:akh: |
اقتباس:
إذا هيك متفقين تحية لروحك الطيبة :akh: |
اقتباس:
اعتراضك مرفوض :p... لأ جد العنوان بعتقد ملائم, كون اذا انتبهت بكل "ثلاثائية" في عن سوريا يجوز مقطعين, بالكتير تلاتة, فمش كتير دقيقي لو نخص سوريا بالعنوان... تقبّل تحيتي, و بتعرف منيح اني بعزّك جدا, و لو انو مطنشنا حضرتك:sly: اقتباس:
له يا زلمة شو اعتذار ما اعتذار؟ سلامات أب حميد :D |
-12- الصباح رسالة تطمينية من الولايات المتحدة إلى سوريا تتعهد بها بعدم الاعتداء على الأراضي السورية مجددا.. هذا ما أعلنه مصدر دبلوماسي سوري في تصريح له للصحافة, أكّد فيه تلقي هذه الرسالة عن طريق الجانب العراقي, و اعتبر فيه انتصار للمنطق و الحق القائل بأنه عدوان غاشم لا يمكن أن يكون له تبرير ما. لا أنكر ذلك, لا يوجد تبرير من أي نوع, و لكن هل يكفي التعهد بعدم الرد كمخدّر؟ هل يا ترى يتم العفو عن مجرم عندما يتعهد بعدم تكرار جريمته؟ هل يحق للشعب السوري السؤال عن الإجراءات القانونية التي اتخذتها الحكومة السورية؟ حتى لو كانت هذه الإجراءات مجرد رسميات قد لا تؤدي إلى شيء؟ أم أن عليه أن يقتنع بأسلوب "التوبة ما بقا عيدا"؟ هل من جواب؟ الظهر و في سياق الحديث عن جيراننا الأميركان, الذين يبدو أنهم وصلوا إلى عقد مراضاة مع أصحاب البيت الذي يستأجرونه كي يتم إخلاؤه عام 2011. قرأت اليوم تقريرا عن هذه الاتفاقية الأمنية.. و لا أعلم ما هو رأيي.. لا أعلم إن كانت ستنفّذ أم لا.. و لا أعلم إن كنت أفضّل أن تنفّذ أم لا... هل يا ترى تستطيع الحكومة العراقية الحالية تحمّل مسؤولية بلاد ممزقة الأوصال تتنازعها طوائف و قوميات مختلفة قد تتحدث لهجات و لغات مختلفة لكنهم جميعا يتقنون لغة مشتركة و هي العنف؟ أم أن الولايات المتحدة سوف تلعب على هذا الوتر كي تبرر بقائها بحجة عدم استقرار الوضع.. لا أعلم.. و أريد أن أعلم.. و لا أريد أن أعلم... لكن كل ما أتمناه أن يجيء بسرعة... اليوم الذي ينام فيه أطفال العراق دون كوابيس العصر و في حلقة جديدة من حلقات المهنية الصحفية للدكاكين الاعلاكية "الحيادية", أتحفتنا هذا الأسبوع بعض من المذكورات آنفا بتصريح "منطقي جدا" لمصدر قضائي سوري ينفي أن تكون محكمة النقض قد أصدرت قرارا بإخلاء سبيل ميشيل كيلو و محمود عيسى, و إنما "طلبت لجنة الدفاع عنهما إخلاء السبيل, و الطلبات قد توافق أو لا, تقديم الطلب لا يعني شيئا" . المضحك في الأمر أن هذه الدكاكين تنشر التصريحات و كأنها دحض لكل ما يتم تناقله و تبيان الحقيقة المطلقة. طيب.. على اعتبار أن صحفيي هذه الصروح الصحفية الكبرى يتأكدون من أخبارهم, فهلاّ شرحوا لقرائهم سبب دعوى المخاصمة التي أقامها النائب العام للجمهورية ضد القاضية التي أصدرت القرار, طعنا به, و المنشورة رسميا و العلنية أمام جميع الجهات القضائية و فرق الدفاع ؟ هل لأنه انزعج من تصفيفة شعرها مثلا؟ بانتظار جواب لن يأتي.. المغرب أهتم مؤخرا بالأيام التي تحددها الأمم المتحدة للقضايا المختلفة, مثل اليوم العالمي لمرضى داء معيّن, أو اليوم العالمي للجوع. و ليس لأنني أعتقد أن هذه الأيام تفي هذه القضايا حقها, إنما مجرد فضول, و اكتشاف قضايا قد أكون لم أفكر بها من قبل. أمس, السابع عشر من تشرين الثاني, تم تحديده كيوم عالمي لذكرى ضحايا حوادث السير. سنويا, يموت الآلاف في حوادث سيارات يبدو أنه لا يمكن تلافيها بسبب كثرة السيارات و بسبب العامل البشري الذي لا يمكن السيطرة عليه, فيكفي طائش واحد لقتل العشرات, و ليس دائما الضحية هو المسبب كما يعلم الجميع. قرأت منذ فترة إحصائية عدد قتلى حوادث السير في سوريا, و كان رقما جعلني أرتعد, فهو رقم أعلى من القتلى في اسبانيا, مع العلم أن عدد سكان اسبانيا أكثر من ضعف عدد سكان سوريا, و عدد السيارات في اسبانيا يفوق 3 أضعاف عدد سيارات سوريا. عوامل كثيرة, سوء الطرق, معايير الأمان المفقودة في السيارات المستوردة في سوريا, و المرغوبة لرخص ثمنها ليس إلا.. و قد لا يعلم البعض أن الكثير من أنواع السيارات المتوفرة بكثرة في سوريا يمنع سيرها في الاتحاد الأوربي بسبب انعدام شروط الأمان فيها. تم تعديل قانون السير منذ فترة في سوريا, و أعتقد أنه تعديل موفق لو كان يشمل تعديل من هو قائم على تطبيقه كذلك... و رحمة الله على الضحايا... الليل فجر... الشمس تنفض عن أشعتها آثار غطسها في بحر العتمة.. حبيبات الماء المتجمّد تزيّن حجر الطريق و كأنها حلي عروس جميلة.. برد شديد.. و قطرات من الماء شبه المتجمد تؤذن بعودة المطر بعد يومين من الهدنة.. افتح الباب لأخرج من دفئ البيت... و بعد أمتار قليلة.. أرى تلك الشجرة الدائمة الخضرة التي طالما تمنيت أن نجلس تحتها.. و أتذكرك... ليبدأ قلبي بعزف... السيمفونية الثانية.... تحت الصفر Yass طفينا الضو.. و سكّرنا الباب :akh: |
اقتباس:
أظن لا استطيع وصف العمل الي تم القيام به الا بالعمل الاجرامي وفي القانون السوري والدولي ايضاً ... أي مجرم يرتكب جريمة اذا اعترف وتعهد كما فعلت امريكا.. فان الحكم يكون مخففاً وليس ملغياً .. وفي أسوأ الأحوال حتى إذا ألغي الحكم .. يبقى الحق العام هنا الحق العام ... هو حق الشعب .. فأين حقه .. ماذا استفادت من هذه التعهدات عائلات الضحاية ألا لعن الله رب الاستحمار والاستهزاء بأرواح الشعب. اقتباس:
ولن يأتي .. فالإعلام عندنا يا صاحبي ... ليس سوى الجزء القذر من لعبة القذارة " السياسة". اقتباس:
:akh: اقتباس:
اقتباس:
بيبقى في فسحة هالأمل اللي من حقك.. تختلي فيها ياس تحية أكبر مما يكنه القلب :akh: |
:akh:الك ولوجودك ولكل شي كتبتو ياس
. . . . . |
بتبقى أجمل قلم قرأت له بحياتي
رائـــــــع :akh: |
الساعة بإيدك هلق يا سيدي 01:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون