|
اقتباس:
رح خليها عحساب الجريدة هاي المرة ... ;) |
حلوة عواطف الأنثى بينلعب عليا بشقفة سمايلي ..
مشان هيك الله ما بعت شي نبية مثلا ً فهمان هاا الله .. :lol: |
أكيد فهمان .. اللي قدر يضحك على كل هالعالم .. :pos:
كان لازم ادفعك كل اللي معك .. بس يلا اساسا مزاجي معكر ومو جاي عبالي عكر مزاج حدا تاني ! :frown: |
:cry::cry::cry:
ممكن أنزل إعلان عندكم بالجريدة ؟! بس بدون مصاري لأنو ما معي .. يعني إعلان مجاني لو تكرمتم بتكسبوا فيا ثواب :cry: الإعلان / وينـــــــــــــــــــك ؟! :cry: |
اقتباس:
ليش :cry: ؟ |
قرددددددددددددددددددددددد د انا جيتكم و الله لكسركن كلكن كلكن شو عم تساوا هون و تاركيني بالسقيفة قاعد عم قول لحالي وين راحت البشر و حطوا اعلان رسمي صادر من جهة امنية رفيعة المستوى(قد الشلمونة قد ما هي رفيعة؟)انه يعلن اوسكار العرب عن عدم مسؤليته عن تفجير اقراص الفلافل بصحن ابو عباس الكندرجي كما و نخلي مسؤليتنا عن عدم اعترافنا و شكرا الكن و انا بالسقيفة او بالصالون قاعد عم احكي
|
بدي اشتري هالجريدة (بما حمل..)منشان بيع باوراقها ترمس وبزر ادام القصر العدلي..:p
|
قديش حقها ؟؟؟؟؟؟؟؟؟؟؟؟؟؟؟
|
احم احم
اعلاااااااان اعلااااااااااان هذا وفي قسم الصالون التابع لاخويتنا المقدسة ,, قرر بعض المخربون من دون ذكر اسماء (( فادي جوفنتوس )) ان يشعلو الفتنة بين الحماصنة والشوام بالسؤال المعهود الا وهو ليش حمص احلى من الشام وقد شهدت هذا الموضوع توافدا كبيرا من جهة الحماصنة والشوام وحتى انه قد جلب بعض الاخوة الحلبيين للبحث في موضوع بل الدقن اللذي اثبتت مصادرنا ان الحماصنة مستقصدين هالقصة بسبب الحرب التاريخية الطاحنة اللتي سببها كالعادة كرامة ,, اتحاد ,, جيش وارجو من الاخوة المخبرين باخوية عدم النظر الى هذه المصطلحات كمصطلحات سياسية بل انها فرق رياضية و وجب التنويه وشكرا |
صرح مسؤول ثخين المستوى وهو يبدي تسائله عن الظاهرة الغريبة اللتي تحدث
بالقسم اللانجري عفوا القسم النسائي الا وهو قسم الكعوب العالية الظاهرة اللتي تحدث هي ان عشرا وعشرين بالمية من المواضيع هي من كتابة الشباب وقد حثّ هذا المسؤول الاخوة الشباب على عدم الدخول الى هذا القسم الآنف الذكر ,, احم احم خبر عاجل,, هذا وقد استنتج مراسلنا الفذ (( اللي هوي انا )) استنتج عدم وجود مشرف في هذا القسم:shock: (( لأ صباح الخير منيح اللي فطنت )) وهذا يدعونا الى السؤال من المنسقين عن سبب عدم وجود مشرف وبسبب عدم رد هذا المسؤول علينا كالعاادة (( ديموقراطية;))) اجرينا تحقيقا بالموضوع مع بعض الاخوة المواطنين في الشارع الأخوي وهذه بعض التصريحات 1- الجريدة: اخ شوفير اهلا وسهلا فيك بجريدتنا ومنرحب فيك الأخ شوفير : على راسي اهلين اهلين ,, لك بعّد يا حمااااااااااار (( مخاطبا شوفير آخر )):? الجريدة : ما رأيك في اخوية بشكل عام الاخ شوفير : والله يا حبيبنا اخوية بشكل عام حلوة يعني ما اشبا بلا ,,,, يقاطع الاخ شوفير حديثنا ويقف على اليمين ويقول جملته التاريخية ,, مين ما حاسب يا شباب وصمت رهيب خيّم على السرفيس,, ومرّة اخرى يسأل ملحّا ,, مين ما حاسب يا شبااااااااب وفي خضم هذا العياط من قبل الشوفير والصمت المخيّم على المقاعد الخلفية ,, اصبح الشوفير ينظر بمرآته ويزور بعض الركّاب واز يا حبابين ,, شو بيطلع انو انا نسيت حاسب :oops:,, بيقلي حبيبنا انتي حاسبت قلتلو الجريدة بتحاسبك ما معي فراطة (( :oولا معي صحيح:o )),, قلي نقاع الجريدة بمي وشربا قبل النوم فشلفت له الاربع ليرات في وجهه ونزلت ,, يتبع |
قام نزل الشوفير وطيب خاطري بكلمتين حلوين
اجيت انا بتعرفوني قلبي طيب رضيت بسرعة وتابعت الحديث لانو الغدا بالبيت انحط وازا اتأخرت شوي ما في أكل اليوم قلتلو بسرعة بعد اذنك الحوار الجريدة: ما سبب عدم وضع مشرف او مشرفة في قسم الكعوب العالية الاخ شوفير: والله يا حبيبنا هدول النسوان علقتن علقة يعني ازا حكّمت عليهن مرة بدن يقولو غيرانة منّا ,, وازا حكّمت عليهن زلمي ,, بدن يطالبوك بالمساواة فلذلك انا هيك من وجهة نظري الجريدة :: شكرا الاخ شوفير تمّت ,, بعون سعدو |
اعلن مراسلنا في اخوية ونقلا عن مصدر موثوق ورفيع المستوى وما الى ذلك من هالعلاك عن احتمال غير مؤكد بعد عن وجود جماعة متطرفة قامت باختطاف عدد من اعضاء اخوية
وقال هادا المصدر اللي موثوق انو من الضحايا : المسمى باشق مجروح و ظل جيفارا والقائمة في تزايد ....... وفي انتظار ان يأتي التاكيد بهذا الخبر ( قصدي نفي هذا الخبر ) |
:shock: العمى ايمت جابت نيرفانا مراسلين جدد
لك حتى إدارة العمل وشؤون الوافدين ما خبرونا :? يلا منيح بركي بنرجع بنقرأ الاخبار |
اقتباس:
ابو سليمان انا متطوع يعني ما عينتني نيرفانا هي الجريدة لكل الشعب ولا ما في ديمقراطية:? |
اقتباس:
الديمقراطية من وجهة نظر بعض الـ.... :? - انو التطوع شي والعمل شي تاني بما انك متطوع وهاد شي بيسعد سعدو فالاجر والثواب بتلاقيهن مطرح ما بتلاقيهن هي مو شغلتنا بس انو فكرنا تم تعيين مراسلين جدد بالجريدة بعد اغتيال واختطاف آخر المراسلين لهيك انو استغرب الواحد كيف يعني بيصير تعيينات جديدة ونحن من منبرنا هذا نطالب بالحئيئة ونطلب لجنة تحقيق دولية عالية المستوى لتحقيق بأمر الشباب المختفيين على امل انو يصير في أمل - هي ........... :sick: بنشكر تطوعك :lol: |
اقتباس:
وليحيا العمل الطوعي:gem: ولتسقط اي شغلة ... تسقط ×3 |
اقتباس:
اقتباس:
اي ما عطيتني رأيك بالاخبار اللي نزلتها لدينا اخبار تازجة تنتظر النشر |
اقتباس:
لبناني :shock::shock: عطيت رأيي بالاخبار سابقا |
| الساعة بإيدك هلق يا سيدي 11:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
