|
هلأ المتعارف عليه بأن الاقدم هو الاصل !
مدائن صالح أقدم .. اقتباس:
يعني كيف تاريخهن مجهول .. شو قصدك .. يعني من وين اجو؟ يعني الشغله صارت كيميا نوويه مثلاً .. ملوك بأسماء عربيه صريحه و آلهه عبدوها العرب بشبه الجزيره و تيجان نبطيه في شبه الجزيره .. و لما يذكروا الأنباط " قصدي علماء الآثار " بيقولوا " العرب الأنباط " و لساتك تقللي " اذا كان الأنباط عرب؟؟؟ " لك الكلمه أصلاً عربيه . بعدين أنا كتير Cool و كيف هي انعربت معك بأن أهل الآثار غير متأكدين اذا كانت ثموديه او نبطيه .. ثمود اسم جد .. بعدين الحكي يللي مسكت في هوي مش لعالم آثار .. العبيكان شيخ ديني . عالم الآثار هوي الدكتور يوسف .. و ما في داعي كل شوي و التانيه احكي شو قال . أما عن " و كاله الفضاء " فانت سالت مستغرب و كان بدّك تنفي نشوء أي حضارة بجزيره العرب " خلينا واقعيين شوي " و قلت على ما اتذكر " هل للصحاري و القفار و الرمال , أن تكون بيوم من الأيام مروج و أوديه خصبه؟ أنا حطيت معلومه عن هالتساؤل .. كمان بدكياني فتشلك عنها؟؟ اذا كنت مهتم فيها و بدك تثبت بأنها لأ كانت صحرا من بدايه التكوين .. اي فرجينا همتك . على كل .. هل الانباط عرب ام لأ؟ خلينا ننتقل لمحور تاني . |
بالمناسبه أغلب المقابر المكتشفه بمدائن صالح مجهوله التاريخ .. يعني من 150 مدفن تم تحديد عمر 25 او 27
قريت هالمعلومه و إلا لأ؟ بتعرف التواريخ يللي حكم فيها ملوك الأنباط بالاردن؟ فيك تعمل ربط . كمان مش بس 1 قبل الميلاد بالتحديد بين 75 و 1 هي للدقه!! |
اظن حكينا بفترة نشوء ممكلة الانباط
بعد سقوط الادوميين و غيرهم بعد توسع امبراطورية بابل (السلالة الثانية) .. وقت نبوخذ نصر و بعد ضعف بابل ... استطاع الانباط تكوين الدولة في القرن الرابع قبل الميلاد ... و اقدم ذكر تاريخي للملكة يعود الى 312 ق. م بالنسبة للمدافن .. بين 75 - 1 قبل الميلاد ... لكن المقال قال اقدم واحد يعود الى 1 قبل الميلاد بحسب د. فرج الله هذا ناتج عن بعض التضارب في المصادر ,, و هذا مو موضوعنا تخديد عمر المدافن هو من اختصاص التاريخيين ... واذا ما حددوا العمر .. . رح يحددوا في يوم من الايام !!! كثير مصادر نوهت عن كتابات نبطية في مدائن صالح .. و بعد بحث مطول في المواقع ما وجدت بحث شامل عن هذه الكتابات .. احب اذكرك الانباط توسعوا خارج الاردن و الملك الحارثة حكم دمشق و من ثم سقطت المنطقة بيد الرومان في القرن الاول قبل الميلاد الانباط الكثير من المصادر تؤكد كونهم عرب .. لان اسماءهم عربية و اعود و اؤكد استخدموا الارامية و اتمنى نشوف الكتابات في الحجر هل بخط ارامي او بخط سبأي .. و انا ايضا رح احول اطلع بحوث جيولوجية عن الاراضي الصحراوية في الجزيرة ! |
اقتباس:
المملكه تاريخها واضح بيبدا بـ 500 او 400 ق.م و بينتهي بحصار الرومان للبترا و انهيار المملكه الفعلي بـ 105 أو 106 بعد ميلاد المسيح . |
اقتباس:
شو رأيك بتطور عائلتين من الكتابه بشبه جزيره العرب في حوالي الالف الأول قبل الميلاد و انقسمت قسمين شمالي و جنوبي يللي بتنتمي إلو اللغه السبأيه . أما الشمالي تطورت منو الكتابه اللحيانية و الصفوية و الآراميه و كلها ازدهرت في منتصف القرن الاول قبل الميلاد و من الآراميه تطورت النبطيه و من النبطيه العربيه .. " طبعاً ككتابه ". و يقال بان الكتابه انبثقت من شبه جزيرة العرب بين 200-1500 ق.م .. طبعاً كتابه الحرف و ليسى كتابه تصويريه . طيب.. شو الغرض من التعرف على رقم منقوش عليه كتابه سبأيه أو ثموديه .. برأيك اذا شفت حضرتك حجر منقوش عليه كتابه ثموديه او سبأيه رح يفيد محور النقاش بشيئ . |
انا بصراحة ضد الفكرة القائلة او المصطلح الدارج (حضارة العرب, حضارة الغرب) الحضارة ببساطة ملك للانسانية, من المستحيل حصرها او نسبها لدولة او للغة او لمنطقة جغرافية. يقال ان دانتي, مؤلف الكوميديا الالهية, قد استعان باسلوب ابن حزم الاندلسي الادبي, اي انه استخدم النص الشعري مع النص النثري لبناء الكوميديا الالهية. هل يحق لنا القول ان الكوميديا الالهية كتبت (ضمة على الكاف) بفضل ابن حزم؟ ويقال ان ابن حزم الاندلسي قد تأثر تأثرا شديدا بالاعمال الادبية الاغريقية, كالاليادا والاوديسا, عودة لنفس السؤال السابق, هل يحق لنا ارجاع الفضل في كتابة طوق الحمامة لهوميروس؟ بالطبع لا. التأثير والتأثر يعتبران من اهم مميزات الحضارة الانسانية , من المستحيل ان نقيم حضارة ما او حركة فكرية ما بمعزل عن التاريخ والعوامل السياسية والتأثيرات الخارجية التي احاطت بها ويجب ان نتذكر دوما ان التقسيمات والحدود تعتبر حديثة العهد اذا ما قورنت بالتاريخ الانساني.
عودة لعنوان الموضوع, حضارة ما يعرف الان باسم المنطقة العربية, قد توقفت شئنا ام ابينا, ويعود السبب لتوقف جميع مقومات وشروط بقاء هذه الحضارة .الاستمرار في تمجيد وتعظيم ونسب هذه الحضارة القديمة للعرب الجدد نسبيا في هذه البقعة من الارض يشبه كثيرا محاولات اليهود لنسب فلسطين للامة اليهودية. |
اقتباس:
بداية شبعنا من"يقال و سمعت ويقولون" لان صراحة هذا قسم تاريخي في أخوية لا مكان آخر ! انا مضطر ان اعطي مقدمة تاريخية عن اللغات و نظم الكتابة ان المسمارية هي اقدم كتابة و كانت تعتمد على الرموز و انتشرت في المنطقة ... في الكثير من الممالك و المدن و تطورت في اوغاريت في القرن الخامس عشر قبل الميلاد .. و نشأت اول ابجدية مسمارية تعتمد على الحروف الساكنة .. اقتباس:
. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و من ثم ظهرت الابجدية الفينيقية في القرن العاشر قبل الميلاد ...... و بعدها الارامية في نهاية القرن العاشر و بداية القرن التاسع قبل الميلاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - في حين السبأية اقدم مخطوط لها يعود الى500 قبل الميلاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -  اقتباس:
طبعا الغرض علمي و مهم جدا ... اذا كانت الكتابة نبطية ... معناها ان المنطقة حكمها الانباط و نقلوا الكتابة المشتقة من الارامية اليها بقي ان اقول ان الكتابة النبطية تطورت في القرن الاول قبل الميلاد من الابجدية الارامية ... و في القرن الرابع و الخامس تطورت الى الابجدية العربية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اقتباس:
على العموم ترقب موضوع شامل عن اللغات في قسم اللغات ... قريبا |
طيب و انا شو عم ساوي يعني؟
اقتباس:
كلمة " يُقال " و " فرضيّة " و " يجوز " و " بحث لتاكيده و الأخذ به يعتمد على اثبات صحّه شيء أو تحديد تاريخه " منشان هيك بدك تتحمل على القليل سماع هيك كلمات عندما تقرأ التاريخ أو تبحث فيه و خصوصا فيما قبل الميلاد ! ياريت تخففلي من الكلام عن نحن هون بقسم تاريخ و بأخويه و ما شابه " بعرف أنا وين و شو عم احكي " طيب .. ما دامك استهنت بعمر الكتابه يللي اكتشفوها و قدرت عمرها بـ فقط 500 ق.م " قصدي السبأية " و لو انك مطّلع على " نقش أبرهه " كان تغيرت وجهه نظرك . تفضل شوف و اقرأ عن الثموديه . يللي هي قسم من " المسند العربي الشمالى " أما السبأيه هي من المسند الجنوبي .   نقش ثمودي و رسم توضيحي للخط . Thamudic script is the most ancient Arabian script. The script was used from about 1500 BC to the 4th or 3rd century BC. Stones inscribed with Thamudic script are generally found in northern Saudi Arabia but have been found from many parts of the Arabian Peninsula. Stones inscribed with Thamudic script form the largest part of the Museum's epigraphic collections. This script consisted of 28 letters and was written left-to-right, right-to-left, or top-to-bottom شايف بأن الثمودي أغلب النصوص العربيه المكتوبه قدم و الحرف كان مستخدم حوالي الـ 1500 ق.م شو استفدنا من الخطوط؟ خلينا نرجع للربط بين الحضارات بالمناسبه عمر الخط النبطي و الثمودي زمنياً متقارب " هَي للمعلومة " . |
لمن تجي كلمات مثل يجوز او يقال من عالم تاريخي مع ادلة ثابتة او فرضيات و ادلة قليلة ... شكل
و من تجي من طلاب بدون دلائل ... شكل ثاني لذا اقتضى التنويه اقتباس:
على العموم ... اتمنى تعطيني المصدر الذي طلعت منه صورة الحجر و النقوش السبأي .. و ايضا المصدر الذي يتكلم عن الثمودية ... اقتباس:
يا أخي ... حضرتك تقول ان الخط الثمودي يعود الى 1500 قبل الميلاد ... فكيف يكون انه النبطي من نفس العمر ...... اذا كان الارامي الاصلي يعود الى القرن العاشر و التاسع قبل الميلاد و النبطي المشتق منه يعود الى القرن الاول قبل الميلاد :jakoush: سلام |
اقتباس:
|
اقتباس:
طبعا اقدم نص عربي مكتوب بالخط النبطي مكتشف هو نقش النمارة المكتشف في سوريا والذي يرجع لعام 328 م . بعدين اللغات العربية القديمة كانت تكتب بالخط المسندي والثمودي ثم دخل عليها الخط النبطي واخذ مكان الخط الثمودي في الجزيرة العربية وأصبح الخط المعتمد في لغة مضر العربية وعندما جاء الاسلام كان الخط المستخدم عتد قريش هو النبطي المطور وقد استخدمه الرسول علية الصلاة والسلام في رسائله للملوك وخطاباته اليهم ويلحظ في صور بعض تلك الخطابات الاختلاف عن الخط العربي الحديث الذي تطور من ذلك الخط، وبعض المختصين يعتبرون ذلك الخط النبطي المطور عربياً قديماً، وأقدم من مكتشفات منه نقش ( زبد)، ونقش ( أم الجمال) (568م ، 513 م)، والنقوش السبئية هي أقدم النقوش التي يرجع بعضها إلى 1000 ق.م. اللغة العربية من اللغات السامية التي شهدت تطورًا كبيرًا وتغيرًا في مراحلها الداخلية، وللقرآن الكريم فضل عظيم على اللغة العربية حيث بسببه أصبحت هذه اللغة الفرع الوحيد من اللغات السامية الذي حافظ على توهجه وعالميته؛ في حين اندثرت معظم اللغات السامية. |
اقتباس:
معنى كلامك .. انه كان حكم ذاتي للانباط ضمن الدولة الرومانية ... |
Eye For an eye
لم و لن يكون لك الاسقاط في يدي او حتى دحض ما اذكره من شواهد و براهين .. أنا لا أتكلم لمجرّد الكلام, و لا أذكر اساطير و أماني يترجاها المستضعفين و المغلوب على أمرهم و لم أقوم بتاليف نظريات و فرضيات من نسج خيالي .. كل ما ورد هو نتاج قراءه و اطّلاع و بعض البحوث من الشبكه .
أما عن استحسان و جواز قبول كلمة " يجوز " و افتراض " من قبل باحثي الـ Archaeology و عدم قبولها من أناس غير متخصصين و لكن على اطلاع .. فهي فيها نظر! و بدي رد عليها بالآتي عن اقتباس بعض من كلامك في مشاركات سابقة . اقتباس:
اقتباس:
بكل الأحوال طلعت خاطئ فيما يتعلق بنسب الانباط .. بس مرقناها و حسبناها " في ذمّه التاريخ " اقتباس:
برأيك هون انا كان المفروض اعمل متلك و قللك كلامك مرفوض!! و اعمللي حركتين بهوره و استعراض؟ .. أكيد لأ اقتباس:
اقتباس:
اقتباس:
اقتباس:
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .. بالمناسبه انا نوّهت لأصول الكنعانيين و من وين هاجروا بس شكلك ما اعتبرت الكلام مع انّو كلام باحثي آثار و حضارات .اقتباس:
برأيك اذا بدي اوصف كلامك هاد فشو رح يكون المتوقّع .. كلام اعتباطي؟ يعني السبايه لغه مشتقه من المسند الجنوبي ناهيك عن انها حضاره .. ليش معاليك نفيت وجود اي وثيقه تثبت هالشي . بدك هلأ رد متل ما ريدت على كلامك و الا اتركها " في ذمّه التاريخ ". المعاملة بالمثل, كما تراني يا جميل أراك . حبيبي اللغه و رسم الخط و ماشابه مارح يفيدنا بأي شي .. نحن اساساً عن نحكي عن تسلسل حضارات .. أما اذا بتعرف تحكي اكادي و فينيقي و كنعاني فهاد بحث تاني .. مع وضع بعين الاعتبار بأن "الرقم" و النقوش بتخدّم غرض بحثنا . أنا مازلت عم اسمع منّك و بشكل مقبول .. فخلينا نحكي بشكل عقلاني أكتر و بلاها هي " اقتضى التنويه " ما بحب هيك حكي انا .. خلينا حضاريين أكتر :D إلي رجعه رد فيها على تساؤلاتك . |
القسم مغلق حاليا ....
يا ريت الالتزام بهذا |
يعني لما إكتب شي المفروض منك عالقليك تتحقق منو هيك يعني للتعاون.. يا ريت تعمل هيك منشان ما اضطر كل شوي و التانيه وقف و اشرح .. أنا حكيت بأن رسم الخط الثمودي كان مستخدم من 1500 سنه .. ماشي؟ و هون دليل كلامي .
اقتباس:
ترجمه سريعه .. الخط الثمودي هوي الخط العربي الأكثر قدم.. الخط كان مستخدم من حوالي 1500 ق.م حتى الـ300 ق.م .. الحجاره المنقوشه بالخط الثمودي بشكل عام وجدت بشمال العربيه السعوديه لكن وجدت كمان باجزاء عديده في الجزيره العربية. طبعاً شكلها أبجديه و مؤلفه من 28 حرف بيكتبوها من اليسار و من اليمين و من فوق لتحت .- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .طبعاً الموقع نتاج عمل باحثي آثار اميركان و دكاتره سعوديين - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .بخصوص عمر الخط النبطي و الثمودي متقاربه .. اي انا قلت هيك لوضّح التالي  نقش ثمودي يعود لـ 500 ق.م - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .استناداً للتواريخ انا قلت بأن العمر الزمني للخط تقريباً واحد .. بس الظاهر غلط لأنو الثموديه أقدم بكتير من النبطيه هدول الرابطين .. الاول بيذكر او بيقدر عمر الثموديه بين 200 ق.م الى 300 بعد الميلاد التاني بيقدر عمر الخط النبطي بين 200 ق.م الى 400 ميلادي .. استناداً لهالمعلومه قلت كلامي بتقارب أعمار الخطين بس كان القصد تقارب أعمار النقوش المكتشفه .  |
انا كنت منشغل الايام الماضية ...
الخط العبري يتشابه مع العربي لان الاصل مشترك ... ارامي اقتباس:
بعد ما تجيب الدليل نكمل الموضوع ... و يا هلا |
كتابة ثمودية منذ قرابه 3000 سنه !
لوحة النقش العجيب  اللوحه البازلتية كما هي مرفقة أعلاه يرجع عمرها إلى ما يقارب الـ 3000 سنة .. لوحة يمكن للناظر رؤية مشاهد " أو قصص دينية كما تمّ التعليق عليها من قبل كاتب المقال في الموقع ".. ثمانيه صور يمكن للناظر رؤيتها عند تغيير وضع اللوحة بقلبها أو النظر إليها من جوانب مختلفة.. تلك الصور توحي بقصص ذُكرت في القرآن و ظهر بعضها في التوراة و الانجيل كذلك .. لا شك بأن موضوع دراستنا هو غير ما أنا بصدد كتابته و لكن وجب ذكر بعض التعريف عن اللوحه التى هي فعلاً فريده النوع . ظهرت اللوحة لدراستها في دولة الإمارات العربية و لا يُعلم على وجه التحديد مكان العثور عليها .. لكن المعلومات المتوفره تشير إلى " أذرعات " في جنوب سوريا .عند النظر لشَعر الشخص المُصوّر في اللوحة أعلاه يتم لك مشاهده كتابة كُتبت بالحرف الثمودي و هاهو بعض ممكا كتب في الموقع عن الكتابة الموجودة في اللوحه .. اقتباس:
إلقاء نظرة على قراءة أولية للأستاذ الدكتور يحيى عبابنة/ أستاذ في اللغويات التاريخية دكتوراه في اللغويات/فقه اللغة جامعه عين شمس . تم التعرّف على الكتابة الموجوده في اللوحه و هي كتابة بخط ثمودي.. و من الخطوط الموجوده أيضاً هي السريانيه, و من الغريب أن يكون السرياني معروف في هذا الوقت المبكر .. أي وقت اللوحه, إلا إذا كان الناقش يعرف الخط السرياني قبل انتشاره و الذي بدوره أعقب انتشار الخط الثمودي . _______________________________________ للتعليق لاحقاً .. قول الدكتور: " من الغريب أن يكون الخط السرياني الآرامي معروف بهذا الوقت المبكر أي وقت نقش اللوحه " . خطوه لاحقة للنقاش و التأمل . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .نقش ثمودي مختلط (صورياً وكتابياً) |
اعذرني للتأخير في الرد لانشغالي ,,,
تصفحت موقع النقش العجيب ... و فعلا وجدت معلومات كثيرة عنه هو النقش فعلا مميز ... وكثيرمن التقارير تتحدث عن الثمودية الموقع يذكر تقارير عن هذا النقش من البازيلت و يُقرأ من عدة جهات انا اتمنى يتم دراسته بشكل اكبر لنصل الى حقائق جديدة عنه جهود مميزة منك أخي ... و بالعكس هذا من صلب الموضوع .. اذ يتعلق بالحضارة وسأحاول ان أجد مصادر جديدة سلامات :D |
اولا سلامي للجميع فردا فردا
هي اول مشاركة الي وارجو انها تكون مفيدة بقدر الافادة يلي قريتها من ردودكم تانيا الله وكيلكم دوختوني بالموضوع وصلت لمرحلة ما شاء الله عليكم ما عاد اعرف مين كتب ومين رد الذي منو. حابب قول شغلتين اولا كل الاساطير القديمة وهون عم احكي على اساطير شعوب الهلال الخصيب بتحكي عن الطوفان الكبير يلي صار وعن قصة النجاة والسفينة مع الاختلاف باسم بطل القصة واسباب حدوث الطوفان"راجع نصوص ملحمة جلجامش"وايضا مكتوبة في التوراة واللي معروف ان اسفار التوراة مو كلها تشريع بس كان في اسفار تحكي عن بدء الخلق والطوفان ...الخ اذا ما كنت مخطئ يعني ان جميع الشعوب بالاخير من نسل نوح ...تمام لهون ثانيا مهما كان الانسان عبقري يعني لو حطينا مجموعة من الناس بغابة وعطيناهم الحديد والحجر والذهب ووووو.وقلنالهم عملو حضارة ما بيقدرو يعملو لان الحضارة ما بتنشا من العدم كل الحضارات قامت على اطلال حضارات قبلها بس مو بس اخدت منها طورت كمان من لي اخدتو وهاد معروف بكل الحضارات فما فينا نقول ان العرب هنن اصل الحضارة وكمان ما فينا نقول انهم ما عملو حضارة وكمان بالنسبة لكل الحضارات يلي قامت بكل العالم شغلة تانية الاساطير الاشورية والكنعانية كلها بتحكي عن اصل الشعوب تبعها في نصوص عندهم بتقول ان اجدادهم كانو ساكنين منطقة اسمها جنة عدن وبعض علماء التاريخ ارجعوا مناطق سكناهم الى منطقة الخليج العربي يعني شرق الجزيرة العربية بغض النظر عن اصولهم عربية او اي كانت انا ما رح ناقش هالموضوع هون الخلاصة الاصل كلو واحد ومافي حضارة قامت من العدم من اول بدء التاريخ ولحتى اليوم الحاضر يعني مافينا نقول مثلا ان الحضارة الاوربية الحديثة قامت بسبب حضارة اليونان القديمة لا هي اخذت من كل الحضارات يلي قبلها بما فيها الحضارة يلي قامت باسبانيا ايام حكم الامويين يعني لاقوة في الشيء مو انك تاخد بس من يلي حوليك لا القوة انك لازم تعرف كيف تدوب تجارب يلي حولك وتصيغها انت بمفهومك لحتى تقدر تعمل شي جديد جديد مبني على تجارب الناس قبلك آسف على الاطالة وشكرا مرة تانية على الموضوع الحلو والغني وخلينا نتذكر ان كن ابن من شئت واكتسب أدباً يغـنك مـحـموده عن النـسـب إن الفــتــى مـن قـال هـا أنـذا ليس الفتى من يقول كان أبي |
فكرة مختصرة سام عن نشوء الحضارات أنا معك فيها . مشكور على المشاركة
|
للحوار تتمة .. و اللمسات الأخيرة قد تكون في طريقها لرؤية النور.
شكراً كتير للمحارب على اضفاء لمسة جميلة على هذا الموضوع Sam وجهة نظر محايدة توخت المصداقية في الحديث, الحضارة لم تكن باختراع قلم أو وضع أبجدية أو تفرّد الشعوب و تميّزهم بما قدّموه للإنسانية .. الحضارة هي باختصار مجموعة من الممارسات و التقنيات التي تعمل بدورها على تهيئة ظروف مناخية حياتية تليق بالانسان لممارسة الحياة بشكل أفضل . بيت الشعر بيخصتصر علينا كتير و بيجوز كان علينا تذكُر هالكلام قبل ما نقطع شوط طويل من النقاش لحتى وصلنا لهون . اقتباس:
|
انا معك بيلي عم تقولي بس انا بقصد انو مثلا ما كان ممكن اختراع الكمبيوتر او البرمجة لو ما الاعتماد على الخوارزميات
ولو كل حضارة بدها تشتغل بدون الاعتماد على ما قبلها او حولها ما لقينا حضارة ناجحة ابدا لانها رح ترجع تبدأ من اخترا ع النار ولا مو هيك..... |
اي هيك صح .. بس ما تنسى بانو نحن هون عم نّاقش أصل و نشوء الحضارة .. يعني القواعد يللياعتمدت عليها الحضارات كمنطلق و أساس للبناء و التطوير .
|
يا أيتها الأنثى صدقي أننا لا نتحاملُ على حَضارةِ العَرب وَ لا ننكرُ أنَ لهم ماض ٍ تشهدُ عَليهِ الكُتبُ وَ السيوفُ وَ الأحجارُ وَ الأمكنة فكيفَ لنا نحنُ كـَ عرب أنْ نزاوجَ ما بينَ الماضي وَ الحاضر ؟ نعم نحنُ نتغنى على أطلال ِ الماضي كي لا نبكي على أنقاض ِ الحاضر ,. |
اقتباس:
شكرا لمداخلتك....انا كمان اتفق معك :D |
    من الفاو عاصمه مملكة كنده - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 04:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون