|
أحييكم على الموضوع والنقاش الراقي :D
تسجيل متابعة ... |
طلب لجميع المشاركين الكرام
والله العظيم حرام يللي عم يصير هون بهالمشاركات خارج الموضوع,
يعني بيتعب حاله الواحد وبيحط موضوع ومو بقسم المسابقات أو بـ عالطاير وخود على أحاديث جانبية, وأغلب المشاركين ما بيعذبوا حالهن وبيعملوا الحد الأدنى المطلوب من بحث أو تقصّي على المعلومات الواردة بالموضوع وبيصير يرد من المعلومات العالقة بذاكرته من أيام الإعدادي أو الثانوي, وكل هالمعلومات هي مو مناسبة لدراسة حالة تاريخية متل هالحالة, لأن أغلب المناهج الدراسية ببلادنا العربية الأبية مفصلة بقوالب سياسية بتناسب المرحلة الحاضرة. يا جماعة في google search engine وفي موسوعات طويلة عريضة للبحث |
اقتباس:
تاني شي مين قصدك يا رجل مشان نعرف مين يتابع و مين يترك النقاش ؟؟ ما بعرف اذا انا منهم بس مشان اعرف يا رجل الله وكيلك ابطل ناقش:D |
اقتباس:
أنا أكيد ما قصدتك حبيبنا لأنك اجتهدت وعملت بحث أو أكتر بهالموضوع. وحياة الأخوية أنا مسرور بنقاشك, وكنت بحب انه نوصل لنتيجة, بس الله ما كتب النصيب, على كل حال رجاءً خليك متابع لأنك أغنيت الموضوع, لكن طلعت ببعض التشعبات برّات الفكرة الرئيسية تقبّل شكري وتقديري يا أحلى آش |
اقتباس:
طبعا هاد راي ودمت بود :D |
يا اخي هذه سنة الحياة حضارة تحل محل الاخرى لا تلغيها و لكن تستوعبها فبدراسة تاريخ المعمور ستجد ان الفتح الاسلامي كان اقل وحشية من باقي الحروب التي خاضها الرومان او الفرس و البابليين و سبيهم المشهور او الروم او اليهود و مذابحهم في ارض فلسطين حسب العهد القديم اما عن الجزية فالمسلمون يدفعون الزكاة و يادون الخدمة العسكرية فكان لا بد للمسيحيين ان يشاركوا في الدورة الاقتصادية ففرضت عليهم الجزية. لكن هذا لا ينفي ان بعض الولاة ارتكب ابشع الجرائم و استغل نفوذه ضد باقي الطوائف
|
ما بظن انو في اشي اسمو " الاحتلال الاسلامي " ..
وبعدين الدين الاسلامي بحترم باقي الديانات .. |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اول شي شكرا على الموضوع :D وهاي الصور انا ماخذها بكامرتي الخاصة وقت الي كنت في سوريا وبالشام طبعا هاي صورة المسيح على سور الجامع الاموي (كنيسة مار يوحنا) .. طبعا السور الشرقي .. وسمعت انه بعد تحويل الكنيسة الى جامع حاولو ان يزيلو الصور بس ماقدرو وتحياتي :D |
التاريخ يصنعه المنتصر و أماكن العبادة يحولها المنتصر لحسابه أيضاً الجامع الأموي كان قبلاً كنيسة و من قبل أن يكون كنيسة كان معبداً للإله جوبيتر فلماذا العودة لكونه كنيسة و لا نعود إلى أصله فعلاً الأمر عادي و أكثر من عادي أستغرب الخلاف على تسمية فاتح أو محتل مادامت النتيجة واحدة و قد طبعت الزمان و المكان بطابعها فتح البلدان هي لفظ مخفف لكلمة احتلها و تطالعنا كتب التاريخ بألقاب مثل "الاسكندر الفاتح" و "محمد الفاتح" بل إن كل قادة المغول و التتار كانوا من الفاتحين عندما يدخل الفاتح أو المحتل"سموه كما شئتم" بدين جديد سنراه يعتمد إما حد السيف لنشر هذا الدين أو الدعوة بالحسنى وهذه نشرت الدين الإسلامي في شرق آسيا رأيي أن انتشار الإسلام في الشام كان "بين البينين" بحسب الحاكم أو الخليفة معاوية كان يهدف لتأسيس الدولة فاستخدم المسيحي من أهل الشام في دولته دون النظر لدينه كما كان حال اليهودي في عهده قراءاتي التاريخية تشير إلى بقاء الكثيرين على مسيحيتهم في عهد الأمويين بالذات لايمكننا التسليم أن الإسلام انتشر بالقوة على إطلاقها في سوريا و لايمكن المقارنة بين هذه القوة إن وجدت و بين محاكم التفتيش التي انتشرت في إسبانيا و أعادت البلاد لمسيحيتها في سنوات مستخدمة السحل و الحرق و التقطيع للترهيب و لكم تحية |
اقتباس:
|
ليش ما يشد إيدو يا حبيب؟ الصفة بحد ذاتها مناقضة للمعنى؟ هل يوجد مثلاً احتلال مسيحي و احتلال هندوسي أو بوذي أو غير ذلك ؟ لماذا لاتقال سوى عندنا و من قبل البعض من المسيحيين لا كلهم ؟ لماذا لانسمع عن "احتلال مسيحي" هو الأكثر وحشية في تاريخ الأمم؟ ألا وهو الاحتلال المسيحي للامريكتين و ما تبعه من مذابح ؟ أو عن احتلال مسيحي للفليبين أو احتلال همجي مسيحي لجنوب أفريقيا أو ....أو ...أو من ناحية أخرى و حسب اظلاعي فلادين يحترم الآخر في صميم "تفسيرات رجاله" فاليهود هم شعب الله المختار و مادون ذلك فهم رعاع! و المسلمون هم خير أمة أخرجت للناس مع أنه سبقت في القرآن الكريم بكلمة "كنتم"،الجنة لهم و النار للباقين ؟كيف ابن لادن في الجنة و باستور في النار مابعرف ؟ و المسيحيون هم أبناء الله و مادونهم أبناء قحبة لايدخلون ملكوت الأب و لارحمة ابنه! العيب فينا أم في الأديان ؟ اقتباس:
|
الاسلام و المسيح اخوة طيب ليش مثلا بمنطقة وحدة فينك تشوف كذا جامع بس في كنيسة واحدة فقط ، علما بانو المنطقة خليط مسيحيي و مسلمين
|
اقتباس:
لا يا اخي .. بشد ايدي على هذه النقطه وكثير كمان .. لانو ما بشوف انو المسيحين الموجودين في الدول الاسلاميه .. مضطهدين !! الا اذا عندك رأي ثاني وانا ما بعرفوا .. يعني بجوز في قسم .. الله اعلم .. |
اقتباس:
كلامك على عيني و راسي و لكن .... المعبد الوثني تحول بشكل طبيعي الى كنيسة لانها بنيت على انقاض هذا المعبد و لم يبق اي اتباع وثنيين في المدينة بعد انتشار المسيحية في حين المسيحيين الى هذا اليوم موجودين في دمشق و في سوريا وفي المنطقة بشكل عام :D |
اقتباس:
بحلب اذا طلعت مع اي شوفير تكسي وقلت له خدنيعلى جامع الجكارة بياخد على جامع اسمه جامع التوحيد استوحي اسمه الرمزي كون قابع على قطعة ارض في منتصف مناطق المسيحية بمنطقة عدد المنازل التابعة للمسلمين لا يتجاوز ال 3% وبنفس الوقت بيتوصط بين 3 كنائس هنن كنيسة مار جرجس للروم الكاثوليك كنيسة الكلدان كنيسة النبي الياس للروم الارثوزوكس |
اقتباس:
مثال بسيط جداً مصر بتعرف انو بمصر اذا الكنيسة بدها تعمر حيط بدها موافقة رئيس الجمهورية بتعرف انو في اعياد مسيحية ما بيكون الها عطل رسمية أنا رحت على مصر وتفاجأت انو في نكت عالمسيحية والاقباط والعالم بيقولوها بالصوت العالي وما فارق معون حدا هي ماعدا قصص اللي بتصير دايما بيناتون في حينعنا بسورية الحمدلله امور المسيحية احسن من غير دول بس كمان في اشيا ناقصة مثلا عطلة العيد ما بتتجاوز اليوم الواحد وفي مدارس اذا كطان المدير او الاستاذ متعصب بيحطولنا فحص تاني يوم العيد هي ماعد بالجامعات عن جديد صار الفحص من تاني يوم عيد الميلاد بيبدا مع العلم انو سورية من الدول القليلة اللي عاطية حقوق للمسيحية بشكل أحسن من غير دول فأين احترام الديانات إذا لهلا بتسمع ناس بينادونا بالكفرة وانو جهنم مصيرنا لان نحن مانا مسلمين وين الاحترام اذا ببعض الدول الاسلامية ممنوع بناء كنائس وين الاحترام اذا ببعض الدول الاسلامية ما بتسترجي تقول انك مسيحي طبعا انا ما عم اعمم بس هاد واقع ولازم ينحكي فيه |
اقتباس:
يعني في جماعة اخوان المسلمين .. الي همي مسلمين مضطهدين اكثر من المسيحين .. هذا اذا كانوا المسيحين مضطهدين بالاصل .. في مصر يعني .. كمان انا مستغرب من شغله وحده .. !! زكريا بطرس .. فاتح قناة فضائيه في مصر .. وبشتم بالمسلمين والدين الاسلام .. وبشكك في مصدايقته .. يعني قبل ما تشوفي شو بعملوا المسلمين من نكت .. شوفي شو زكريا بطرس بحكي عن المسلمين .. وما بعرف .. يعني اذا مسلم عمل اشي واحد بضر مسيحي .. معناتوا كل المسلمين بضروا المسيحين !! وانا كمان بقدر اعدد كثير شغلات صدرت من مسيحين عرب ضد المسلمين .. يعني الواحد لما يعمل اشي .. بعود لنفسو .. مو لكل طائفتوا .. |
اقتباس:
بعدين هو لا يدعو إلى القتل ولا إلى اراقة الدماء اذا كان التساؤل هو كفر او اضطهاد متل ما عبتسموه فمعناها على الدنيا السلام ما بدي يتغير الومضوع ويتحول لنقاش على زكريا بطرس بس الشخص هاد ما بيستعين باي مصدر مجهول وباي كتاب تفاسير معادي للاسلام لا بل جميع كتبه من مجموعة الازهر . فاذا حبيت تسمي التساؤل اضطهاد فانا بتمنى اني اعاني من هيك اضطهاد اذا صح تسميته باضطهاد . اقتباس:
برجع بذكر بتمنى الحوار ما ينتقل على زكريا بطرس واهدافه وطريقته واسلوبه خلينا شوي موضوعيين ونبقى بجو الومضوع الاصلي |
| الساعة بإيدك هلق يا سيدي 05:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون