|
و مشان القصة التانية اللي ذكرتا ..
سمحلي أقلك ما بتجوز المقارنة بين الحلاق و الله الحلاق مجرد عامل مأجور .. الله يا ترا عامل مأجور و لا شو ..؟ |
اقتباس:
على كلن انا اسعتني عم رد ردود متقطعة ما عم افضى رد على كل رد لحالو بس صبرو عليي شي يومين :D |
هلق باعتبار عمي هاني مانو فاضي كتير وانا هلق عندي شوية وقت صغيري كتير وباعتبار لهلق متفقين انا وعمو هاني فرح رد بهالوقت لبين ما يجي ويفضالنا
وبالطريق بحيي المتحاورين الاساسين من الطرفين: من جماعتنا هاني وبلاك ويامن هـ :gem:.. ومن الجماعة الي علينا وايت روز ويمان وابو سليمان :pos: هلق اول الشي قصة انو نحنا ما منعرف منين اجت الدني وهاي الشغلات .. ببساطة فينا نقول انو اسا ما منعرف .. بس ما ضرورو نقول صبحانو الله هوي الي ساواها .. متل لما كان المطر ايام زمان اجوبة من عند الله وما حدي بيعرف شلون وكانت العالم تامن بالله كيف المي عما تنزل من السما .. واخر الشي طلعت بس تراكم بخار الماء بطبقات الجو العليا وبتتكسف وبتزل علينا من فوق .. ي لا تقولوا انو ما بيصير المقارنة بين الشغلتين . لانو الشغلتين كانو ظواهر طبيعية عجز الانسان عن وصفة واثباتة واستقروا العالم على انا اعجوبة من رب العالمين .. وبعدين قدرو يثبتو شغلة والتاني اساتون عالطريق بس رح تصير شوي شوي ... ومثال صغير كمان عتبع الطالب بصف السادس .. اذا رحنا قلنا لواحد بيعرف بس الاعداد الطبيعية {1,2,3,4,.....} وقلنالو شو هوي جواب 2 ناقص 10 بيعصلج هيك مدري كيف وبيصير يتطلع بالورب وبيقول انو مافي هيك شي وهادا غلط .. هلق اذا الواحد تعلم اكتر وتعرف عمجموعة الاعداد الصحيحة بيصير بيعرف انو بيطلع الجواب ناقص تماني .. والسلسلة كتير كبيري وغير منتهية .. وبالنسبة للشغلات الي منعرفة والي ما منعرفة اسا كمان هيك يعني لهلق اسا ما منعرفة بس ما يعني هادا اننا رح نضل مانا عرفانينا ورح نعرف بالمستقبل .. طب هلق انا وقت بقلكون انو كل هدول الشغلات الي عالارض اجت من ورا التطورات الي حلت عالدني والي بلشت بالبكتريا الي كتير صغيري واحاديات الخلية وهلق صارت هيك متل ما نحنا هلق .. طب بالنسبة للاديان( على حد علمي) مافي شي كان قبل ما يجو البشر .. يعني ادم وحوا اجو عالارض وقت كانت اساتا طازة وما كان الو الله مخلص من الموضوع الا فترة صغيري بعد ما خلص الدني كلا بس تيام ورتاح باليوم السابع .. طب الديناصورات منين اجت ؟؟؟؟ معقول الله هوي الي خلقة كمان ؟؟؟؟ وليش الانبياء ما جابوا سيتة ؟؟؟ طب ومن ورا ادم وحوا ( على فرض انو هني الي كانو اول الشي عالارض وهني الي جابونا كلياتنا ) كيف صار في اختلاف بين الناس .. يعني كيف في هالبني ادم الي جاي من الصين واليابان شكلو غير البني ادم الي جاي من الشرق الاوسط غير الي من اوروبا غير الي من افريقيا... مع انو هدول كلون بني ادم واحد .. اما شغلات التطور بتصير بعد ما حنا نححدلة نقطة معيني ؟؟؟؟ ومنقبل باللتطور محل ما بدنا ومنرفضو محل ما بدنا ؟؟ ما بعرف اذا اسا عما شعب الموضوع اكتر واكتر بس انو حسيت بالنقط المطروحة قبل صارت بس عما تدور بدائرة مغلقة بدون ما نوصل لنتيجة .. وبتصير الشغلة صعبة بس تصير القصة بتخص المعتقدات الي كل واحد منا صرلو عايش علية مدري كام سنة .. ملاحظة: شي غريب بالاخوية انو بس يكون في موضوع نقاش جدي بيصيروا كل العالم يحلفوا بعضون بالغالي وبيصيروا يترجوا العالم ما ينزعوا الموضوع.. مع انو نظريا لازم يكونو كل المواضيع هيك ... غريبي انتي يا هالاخوية :? |
الي رجعة شريك هاند سوم....
بس ملاحظة...شريك مو قصة علينا ومعنا;-) نحنا اكيد كلنا حبايب هون ومتل ما بيقلولك اخوية اللجميع.. والدين لله:D سلامي للكل وخص نص الك ولبلاك وهاني بيك:D الي عودة شي تلت ساعة بس بدي افطر اتفضلو:p |
اقتباس:
انتو عطول عالعين والراص... بس ما يعني هادا انو نحنا هلق مانا بفريقين مختلفين ...يعني متل عمك مايكل شوماخر سابقا واخو رالف .. ونحنا هيك هون بالاخوية كلنا اخوة على اختلاف المذاهب والمعتقدات والطوائف والعقائد والايدولجيات ( هاي بسمعة كتير بالاخوية :oops:) وعراسي عمي يمان وكل العالم الي علينا ( بس بس بالنقاش الحلو ) سلامات يا باشا:D |
اقتباس:
بس حابب اعرف شو رايك فيها يعني بتعنيلك شي؟ اقتباس:
والشرح اكتر بس تفضى بس بدي قلك انو ما في شي انخلق لحالو وفي كتير شغلات معقدة بهي العالم بدها شرح كتير سيدو ناطرن رايك باهد الحكي والحكي من قبل اقتباس:
ولهلا ما قدرو ولا حتى يمشو خطوة وحدة لقدام...(على فكرة هاني انو يعملو انسان) لنشوف شو لح يطلع مع هالعلم اقتباس:
الولد...مين علمو انو وقت بدك شي لازم تعيط لازم تبكي لازم لازم يعني مثلا وقت الولد بيولد شو عرفو انو هاد الشي يللي عم يحسو بدو يبكي منشان يردو عليه ؟ اقتباس:
ما فهمت عليك...يعني هلا بدك تقلي انو هي الملخوقات الفصعونة...عملت كل هالشي بالدني ؟ اقتباس:
تاني شي شو المشكلة .. يعني شو الغلط من خلق الديناصورات ما بتعرف بيجوز هي الديناصورات عملت شغل على الارض بأمر او اي شي بس ما فهمت يللي خلق كل هاد ما ممكن انو يخلق هيك شي؟ اقتباس:
ولح قلك انو انت عم تقول ليش الله عمل كافر ومسلم وهيك غير هيك لو كان الكل مسلمين والكل مع بعض ما كان فسي داعي لخلق هي الدنية اصلا وما كان في داعي لعيشتنا ولا في حساب ولا شي اقتباس:
بس الله ياخدو يللي بدو يفوت ينزع الموضوع بدي اشرب من دمو سلام و102,3 وردات للشباب:D:larg: |
اقتباس:
أنو بجوز الأنسان مو هو يلي خلق السماء و الأرض بجوز حدا تاني طيب ها الحد تاني مابيستاهل أنو نعبدو مابيستاهل انو نقول عمه عظيم في آية بتقول انو بما معناه حتى ماخبص انو لو اجتمعو البشر كلها ليخلقوا بعوضة حشرة مارح يقدروا لا تقلي اخترعوا كمبيوتر وموبايل نحنا بدنا شيء حي كائن حي روح او شيء اعظم من هيك متل الشجر القمر النجوم |
اقتباس:
لكن هل بالضرورة اني اربط حياتي في شو بيعرفني انو هلأ هوي موجود بلكي يا خيتو خلقني وانتحر الزلمي بعد ما شاف هالخلقة لهلأ انا ما عم افهم شغلة ليش عم نعتقد انو الله خلق هالعالم؟ بلكي يا اخي شي حدا تاني (بلكي في عالم بشي مجرة تانية هني اللي خلقونا ) ونحنا ساوينا الله مشان ننسبلو الخلق لانو اسا ما وصلنا لهالعالم اللي خلقتنا مو محتمل انو يكون في عالم بمجرات تانية ويكونو هني اللي خلقونا ؟ |
اقتباس:
هلةء نحنا عم ندور بحلقة وحدة انو في خالق بيستاهل نقول عنو عظيم لأنو خلق ها الكون طيب واذا فرضنا جدلا انو في ناس تانيه بأحد الكواكب خلقونا وتركونا ونحنا اخترعنا الله منرجع لحلقة مين خلق السما و الأرض |
اقتباس:
بعدين شو قصدك بالسما ؟ |
هلىء بالنسبة لتفسير الأية هاني مابدي أكتب رد طويل كتير وياخد صفحات بتقدر تدخل على ها الموقع وحط سورة البقرة آية 34 واختر المفسر في اكتر من مفسر وكلهم مفسرين كبار ابن كثير والطبري الجلالين القرطبي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
طيب بتظن أنو ها الحكي مو بعيد شوي عن العقل أنو ناس يخلقو ناس ويتركونا نعيش على ها الكوكب يلي اسمو الأرض وهنن يروحو يعيشو حياتهم متل مابدهم؟؟؟ ونحنا متل مابدنا!!! معقول ماحدا اصابو فضول (باعتباروا بشر يعني عندو غرائز) يعرف شو صار بها الشبيبة الطيبة يلي خلقوهن ؟ |
طيب ها الناس يلي خلقونا من وين أجو؟؟؟؟:?
|
صدقاً هاني خدلك صفنة بها الكون
بها العظمة اللامتناهية للخلق البحار المحيطات الجبال الأرض السماء لك حتى الليل والنهار فكر بعظمة خلقك أنت كبشر بتكوينتنا نحنا البشر الكسوف الخسوف كل هاد مابخليك تقول سبحان الخالق :ss: |
اقتباس:
فهمت عليكي انو السما = السماء بس شو قصدك فيها شو يعني سماء ؟ شو عرفك انو ما عم يراقبونا وعم يعرفو كل تحركاتنا مشان ردك التاني الله اللي خلقنا من وين اجا ؟ مشان ردك التالت لا خيتو ما بتخليني قول سبحان الله بتخليني ابحث وفكر بهالشي اللي عم شوفو قدامي بس ما بتخليني قول سبحان الله |
شباب حاج كفاها الله الله الواحد الاحد موجود وبس وماكنا موجودين لو ماهوي خلقنا الانسان مابيقدر يخلق قشه وعلم الانسان مالا يعلم بيكفي شباب انهو :pos:
|
اقتباس:
|
اقتباس:
طيب انا والشباب بلاك وهاندسوم مانا عرفانين بوجودو يعلمنا يقنعنا بوجودو اخي بالنسبة للاية انا طلبت تفسيريلي بس كلمة من يشاء هل هيي عائدة على الله او عائدة على الانسان ؟ لانو بصيغتها الحالية بتسبب لغط ويعجز فكري المحدود عن فك طلاسمها فيا ريت توضحيلي ياها لانو اذا بدي اقراها بالرابط اللي عطيتيني يا بدا تتعقد اكتر :D |
| الساعة بإيدك هلق يا سيدي 05:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون