|
اقتباس:
بالنسبه لموضوع سويسرا بدنا اثبات :lol: بس كنت بتبكي مشاني ها :oops: فظيع انا :oops: |
اقتباس:
شوفي الشغلة مو شغلة كرامة ابدا لأنو الكرامة مارح تنزل بكلمة المصيبة يطلع الشب مو قد ها الكلمة وتاني شي ليش لقول انا ها الكلمة مازال انا بطريقة تانية بقولا انا بالمرة الأولي يلي حبيت بتصدقي ماحدا قال للتاني انا عرفت انو بحبني وهو عرف السبب واضح أنو في شي بعيوني وعيونو ما قدرنا نخبيه ضروري تذكريني :cry: بكل الأحوال انا صرلي 2 بدون حب وبصراحة كتيييييييييير مرتاحة لني تعبت جد هيك احسن واريح بس بخبي عليكي اذا قلتلك اني بحس في شي ناقص بس لالالالالالالالالالالالال الالالالالالالالالالالالا لا هيك احسن:D |
اقتباس:
اقتباس:
|
اقتباس:
هلق إذا طلع مانو قد ما رح ازعل عالكلمة .. رح ازعل على اني حبيتو .. نحنا بحاجة للكلمات .. أحيانا ًَ .. ولولا محبة الأشخاص وكلمة " بحبك " ومسكو ايدي وربتو عكتفي .. كتير مراحل بحياتي ما كنت تجاوزتا .. اما اقتباس:
وإذا قلنا غير هيك منكون عم نضحك عحالنا .. بس بعد عمر معين :lol: بتبلشي بتحسي انو كتير كتير كتير صعب تبدي القصة من الأول وحركات وحب وعشق وقصص . :mimo: |
اقتباس:
اقتباس:
يعني البكي ابدا مانو مقياس كونك فظيع او لأ .. :mimo: |
اقتباس:
ما العمر هو اللي بلعب الدور .. التجارب الفاشلة السابقة الا الدور الأساسي .. يعني بعد كل هالتجارب .. إذا و صار و بديت قصة جديدة .. تكون القصة عبارة عن تفاهم و تلاقي أفكار .. رح تنعدم هي الحركات .. اللي عبتقولي عليا و بتوقعي .. رح تكون هي القصة الناجحة .. يعني حكيي مجرد توقعات .. لأني ما جربت لأحكم |
اولا انتي وقت اعترفتي انك بتحبيه خليتيه يتعالى ويشوف حالو لذلك لازم تعامليه نفس المعاملة معليش بيجوز تتعذبي بس يومين تلاتة بتصير عادية واذا مالقيتي منو مبادرة جيدة بتكوني الاقرب للنسيان وهي نتيجة تجربة جربيها وادعيلي وان شاء الله موفقة |
اقتباس:
رايئ وما في مني .. هيك عبحكي بأروق ما يمكن .. بالنسبة لزمن الغلط و ما بعرف شو .. بتوقع كل واحد فينا عبيحكي عن حالو .. حاجي نرمي عالزمن .. كل أخطائنا .. يعني هيه لو فحيحة .. كانت شحطتو من زنافاتو .. بس العترة عليا بدا فت خبز كتير .. بآخر الحكي .. يعني مشان ننهي هالموضوع .. في كتير عالم حبت و عاشت أحلا أيام .. و في كتير عالم حبت و فشلت .. ما فينا إذا فشلنا بتجربة .. نعمم فشلنا على كل المجتمع .. متل الراسب بحب كل الطلاب يكونو متلو راسبين .. و فضوا هالقصة .. .. Darkness Girl ما وصلنا لنتيجة .. أقلك شغلة من الأخير .. روحي انتحري .. :p |
اقتباس:
بعدين اللي بدو يجي شحط من زنافتو .. بلاه أحسن |
اقتباس:
يعني مو قلتلك بدا تكون فحيحة و الفحيحات قلال .. :p |
اقتباس:
:oops: :oops: .. اقتباس:
وحياة الله صح يعني انا ايام بحس انو انا ماعاد اقدراعادة السناريو بالكلام والتيلفونات بحس اني كبرت على ها القصص:sick: |
أنا حبيت شخص وبعد سنين طويلة كتير من الحب قلتلو عندي مشاعر تجاهك
قلت هالحكي بعد ما وصلت لمرحلة صعبة من العذاب النفسي ولسبب واحد بس هوي أنو انطلبت وكانو أهلي رح يجبروني آخد الشخص اللي تقدملي لأنو برأيهن هو الشخص المناسب وللأسف انا ما شفت غير هالحل اني قلو بس بصراحة كتير ندمانة اني قلتلو لأنو كنت مفكرتو وصل لمرحلة من الوعي بقدر قلو فيها بس للأسف يا جماعة الشب العربي قد ما تطور بيضل شرقي ولا يأخذ الأمر بشكل انساني او يسال ما اللذي دفعك للقول عنجد يا ريت متت قبل ما كنت قول كنت مفكرتو اوعى هي بالنهاية يا جماعة الحب مشاعر مانا شي تاني وشعور الحب هو اسمى المشاعر اللي ممكن الانسان يحسها بهالحياة القصيرة الحياة قصيرة جدا مو الكل بيعي هالشي بس هالشي للأسف حقيقة يمكن فكرة الموت بعمر صغير لكثير من الأشخاص الأعزاء في حياتي خلاني حس أنو الحياة ما بدها كل هالتعقيد ولهيك حبيت قلو قبل ما الموت يقرب منو او مني انشالله العمر الطويل الو وللجميع |
اقتباس:
شوفي 10 % من الشباب يلي بيتقبلو هاالموضوع وبيحترموا مشاعر البنت وبصدوها بطريقة محترمة ولطيفة و10% بيتقبلوها لكن للأسف بيستغلوها وبيصيبهم داء النرجسية يلي هو بيولد فطري مع الرجل فكيف اذا نحنا عززناه لهاد الشعور وال 80% يلي صفيو عليهم السلام يعني تشاو يا حب |
أولا مرحبا هلء مشكلتك الها حلين( 1) بتنسي وكأنو يلي صار ما صار
( 2) وهاد أسمه الضربة القاضية وكل الشباب رح يلوموني عليه خليه يغار ولا تعبريه ومشي مع شب تاني وئزا ما غار انت الربحانة بتكوني نسيتيه و صار في غيره لتحبي وبصراحة عطيتك رأيي وأنت حرة ........:larg: ;-) |
اقتباس:
خليها ع الايام حبيبتي ولا تعملي شي تندمي عليه ابدااا لا تطلعي معو و لا مع غيروو خليكي هيكي... بصراحة ما بعرف شو بدي قلك بس نتبهي على دراستك ازا بتدرسي و على شغلك ازا بتشتغلي و كرسي كل وقتك لاشيا تانيي و الحب الله بيرزقووو احسن ما تعزبي حالك و نعزبي ل حواليكي سمعي مني و ل بيريحك عمليه :deal: |
ان شاء الله.....و متل ماقال الأخ هونيك انه هو كتير شاف حاله بعدها ..و الكل قالوا هاشي
|
| الساعة بإيدك هلق يا سيدي 18:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون