|
اقتباس:
ما بيلبقلو غير ضرب و تعذيب و قمع و جوع و فقر يعني ما فيها شي لشو بدنا نرجع نخترع المطاطة ؟ خلص معروفة الأمور هي الناس الأمورين من اللي راكبة سيارات بتلمع و عم تاخد أتعابها الطبيعية يلي القانون ما عم يضمنها هي الناس اللي بتستحق تعيش عرفتو شلون يعني هني مو حرامية الناس اللي ما بتفهم شو الفرق بين السلطة التنفيذية و التشريعية هي هي الناس النخبة بالبلد الناس اللي حاطة عمامات و طواقي و قلنسوات و طرابيش و ما شابه (خلفاء الله بالأرض) على مختلف اشكالون اللي بيمدحو السلطان من الصبح للمسى هدول هني الفهمانين أما هدول طويلين اللسان اللي بيسمعونا تنظيرات من الصبح للمسى عن حقوق المواطن و حقوق الزفت و الحريات الشخصية و أكل الهوا هدول مو عرفانين شي يا أما مدزوزين من الخارج أي يلعن عمرى على هالحالة لك حتى أنت يا مايستروا؟ شو وايت روز على علمي الحكومة كافرة؟ معلش كل واحد يحكي عن حالو : اللي بيشوف ما بيلبقلو ديمقراطية يصطفل هادا رأيه يخلي عم ينتخب أو بالأحرى عن يستفتي لأنو هاد استفتاء لما نعم أو لا هي الخيارات ، الديمقراطية كتير على ما بيفهم راسو من أجريه أنا أصلا ما بدي ديمقراطية ، أنا بدي نظام جمهوري ألي و للرعاع اللي متلي : جمهورية سورية بتحقق الرفاه المادي البحت أولا لأبناءها جمهورية بيبنيها ولادها و بيكالو من خيرها و بيعمروها : جمهورية الها هويتها الثقافية و إنتاجها الحضاري المادي العمراني و الأدبي ..الخ جمهورية بتعطي الحقوق مو بس للمواطنيني من كل الأثنيات و الديانات و لا ديانات و الملحدين و لك للشواذ كمان و للحيوان ، جمهورية أصغر أفقر فلاح بآخر ضيعة مشلوحة على الحدود بيقلو لرأيس الجمهورية تلت التلاتة كم و رئيس الجمهورية ما بيسترجي يقلو ما احلى الكحل بعينك اللي ما بيعرف شو الفرق بين الجمهوري و الديمقراطي كأنظمة يعني (مو الأحزاب تبع أمبركا الزفت) فالأحسن أنو يثقف نفسو قبل ما يقيم 18 مليون شيلة بيلة و بيستاهلو و ما بيستاهلو |
اقتباس:
تحياتي دانيتو و انا بوافق على حكيك تماما ,,,,, عشتم وعاشت موزامبيق :D |
يا أخي ..
المعلم معبي مركزو ما حدا بيطلعلو يحكي حرف .. عندكون أطول .. منو ؟ عندكون أفهم منو ؟ نوو وااي .. بس في شغلة زغيرة ملف الـ بور بوينت اللي الأخ حاططو .. مسروء . يعني فكرتو كانت لدولة تانية .. ولأنتخابات تانية . معلش السرقة لهون وبس .. وسدئوني .. متل الدكتور ما ح نلائي .. فـ حاج .. نـــ ـئائي . |
اقتباس:
هون الأخ حسما من عندو ... أنو بدي أفهم شو المشكلة ؟ هل هي خوف داخلي كبير و لا مسح دماغ و لا شو؟ يا عالم يا هو ما في مشكلة مين الرئيس ، الدكتور بشار و لا غيرو المشكلة لما البلد منختصرها لزلمة و 3 تماثيل المشكلة لما ما في مؤسسات و لما الناس بتضل جوا الزنزانة، حتى لو كان الباب مفتوح و السجان عم يآرجل عالقهوة المشكلة لما البلد بتكون عم ترجع لورا مو واقفة بمحلها و لاعم تتقدم ، لا و عم ترجع لورا بخطا ثابتة و نحنا منعتبر التعاطي بقضايا مصيرية موضوع مؤجل |
اقتباس:
نحن بلد .. مقولب وآكلين مقلب بحالنا بتعرف شو قال هاشم الأتاسي لما سلمو لجمال عبد الناصر حكم سورية زمن الوحدة ؟؟ أزا بتعرف كان بيها و أزا ما بتعرف .. بئللكـ بالحلئة الئادمة . |
اي انا برشحه
|
ليش مين ما بيرشحو ؟؟
:x |
اقتباس:
|
اقتباس:
نو بروبلم .. ديموزيل . مو حكينا العبرة بالخلاصة |
مين ؟؟؟
أنا ؟؟؟ أؤيد ؟؟؟ و إنتخب ؟؟؟ ليش بصير ؟؟؟ بالله امزحلك غير هالمزحة ؟ و لا تزعل مني ;-) |
لا .... وألف لا ...
لا ... إلى الأبد يا بشار الأسد صانع سوريا الخراب بقيادة الفريق بشار الأسد سوريا على مسيرة التطوير والتحديث كل يوم أخرى من يلي قبلو يعني عم نرجع لورا والسرقة بتزيد والوظيفه بالدوله بتكلف 200 ألف وشكرا لكم على هالموقع الحلو وكيفك عبسي |
اقتباس:
|
بروح بدم نفديك يا بشار
اكيد ننتخب الرئيس يلي حفظ كرامه العرب كلهم وما خان متل بقيه المتخاذلين وو قف وقفه ابطال امام كل من اسرائيل وامريكا في العراق ولبنان ؟؟؟؟؟؟؟ ليش لحتى ما ننتخب الرئيس الغالي الدكتور بشار الأسد حامي العرين:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap:
|
اقتباس:
والله معك حق يا دانيتو، عنجد نحنا شعب ما بيلبقلنا غير الذل و الفساد و القمع و الجوع و الفقر. |
والله انا مستغرب من الي عميمدح ببشار !! انا بدي اش عمل هل الزلمة للبلد !؟؟؟؟؟ لك والله ابوووه الي دبح اهلنا بحلب وحماه لسة احسن من الولد !!! على القليلة هداك الو تاريخ وعمل انقلاب (الحركة التخريبية) وحط كل جماعتو الي كتير منحباا بس بضل قليلة بالبلد ولغااا كل شي في احزاب وصار الرئيس اسمو السيد الرئيس !
بس هاد اش عمل !! فهموني مين هو !! اش تاريخو ؟ انا عرفتو وقت مات باسل ؟! وبعدين خيو نحن جمهورية وله ملكية ؟! اذا ملكية خلص ريحولنا من كل هل القصص وخلينا ناكول هوى ونسكت ونرضى بالامر الواقع بعدين رجاء من كل واحد عنجد بيحب سوريا ما يقول سوريا الاسد ! لانو اذا هيك بيقول معناتوو هاد مو عرفان الله وين حاطو وعميمسح جوخ على الفاضي وعلى راسي الشباب الطيبة |
والله انا بالنسبة الي بنتخبه لانو عالاقل احسن من عبدالله ولا حسني ولاغيرهم.....
عالاقل رفع راسي بين هالكلاب لما حط انف هالكلب اولمرت وجيشه بالتراب وعلمنا درس كتير منيح كنا مقتنعين قبله انو الجندي الاسرائيلي شي رهيب ولا يهزم...بس هلق عرفنا انو مجرد دعاية وحقو فرنغ ونص..... مو احسن ماطالع فتوى حرم فيها الدعاء لحزب الله......؟؟؟؟؟؟؟؟؟؟ بقى خليه وعالاقل شب متلنا متله وفهمان ...مو مابيعرف يحكي عربي متل عبدالله؟؟؟؟؟ :gem: :gem: :gem: :gem: :gem: :gem: :gem: :gem: :gem: :gem: |
اقتباس:
ليش ليجي مين يختصرنا كلياتنا و يعتبر حالو نخاس و نحنا عبيدو؟ بجميع الأحوال الشعب المتفاعل و اللي ألو راي و بحب يشارك شعب إيجابي أما تحويلو إلى شعب سلبي و على الهامش و مقموع و مدعوس من أيام سيء الذكر عبد الناصر و أصبع اجره بسوريا عبدالحميد السراج رئيس المكتب الثاني و نشر ثقافة القمع و حكم المكاتب الأمنية غير المنتخبة و تسكير الجرايد و إلغاء الأحزاب هلم جرا يالله صار الحكي منعاد ألف مرة ، أسا بدك ياني احكيلك بالحرية و حقوق الفرد و المواطنة و و و يمل من التكرار |
هلق سؤال برئي يعني ...
رح يكون انتخابات وترشيح أم بيعة وخلص ؟ |
| الساعة بإيدك هلق يا سيدي 09:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون