|
اقتباس:
هلئ الفكرة وصلت وانا مع انو الايمان مابدو دين او عقيدة وكمان بعتقد انو الاديان مكمله لبعضها والاديان نزلت لتنظم العلاقات الانسانيه وطريقه العباده |
اقتباس:
|
اقتباس:
بحيات ما جبروني اهلي روح ع كنيسة بس امي علمتني صلي بس ما حدا جبرني ع شي وانا صليت بكنيسة مرة واحدة بكل حياتي بس وابي نفس الشي مع فرق انو اي بحياتو ما قلي امن بالله او صلي او عمل اي شي كل عمرهن اهلي علموني اني احترم الاخر وما كذب وما اسرق وما اعتدي ع حدا و...و....والشغلات هي |
اقتباس:
انو ما في احترام ومتل ما قال ذي لايت انو كل واحد بفكر انو دينو افضل |
اقتباس:
يعني انو الاهل بالاساس ما يكونو متشددين ولكن بالمقابل يعلموهم المبادىء الصحيحة بالحياة ويتركو لاولادن حرية التفكير ب الله |
اقتباس:
|
اقتباس:
|
اقتباس:
|
اقتباس:
ككككككككككككككككككككككككك ك تحياتي |
اقتباس:
هلق لنرجع للفكرة الأساسية للموضوع بعتقد الطائفية مثل العلمانية .. يعني هي صفة مو نظيرة للتدين يعني في ملحدين طائفيين و في علمانيين طائفيين بعتقد أنو مفهوم الطائفية لازم نوسعه لأنه هو شكل من أشكال العنصرية و أسوء مظاهره هو القيام بجرائم الكره التعصب لفكرة أو دين أو شخص بشكل غير عقلاني و غير موضوعي و تصنيف الناس بدرجات مرتبطة بهادا التعصب و معاملة الناس على أساس هالتعصب هي كلها مشاكل عنصرية ببلدنا أسوء أشكال العنصرية هي العنصرية الدينية و العنصرية الطائفية الدينية و ما بيمنع أنو عنا اشكال تانية (عنصرية طبقية) |
[QUOTEبعتقد الطائفية مثل العلمانية][/quote]
كيف؟؟؟ اقتباس:
|
اقتباس:
وهون انتي نبهتيني لشغلة مهمة نحنا دارج عنا أنو نقول فلان متعصب أو هدول جماعة متعصبين (و احيانا معصبين) بمعنى أنو ناس محافظين و هاد خطأ شائع التعصب مختلف عن المحافظة في ناس محافظين أو متشددين بس هدول مو بالضرورة متعصبين بالمعنى الطائفي مع انو كلما زاد التشدد و الانغلاق بتزداد إمكانية الوقوع بفخ التعصب يعني لما بيكون الواحد مسلم محافظ أو مسيحي محافظ مو بالضرورة يكون متعصب و طائفي لأنو الطائفية متعلقة مو بمعتقداتنا الروحية الشخصية قد مو متعلقة بنظرتنا للآخرين و تقييمنا للأمور بشكل خاطئ و هي كشكل من العنصرية ألها علاقة بفاهيم "الهوية" "الإنتماء" "التسامح" "الإنفتاح".. هون بحب شير أنو لما بيصير جزأ من المعتقد التنكيل بالآخرين و التقليل من شأنهم و الإساءة إلى معتقداتهن و التحريض على الكره فهي قضية بتتجاوز بالاعتقاد و لازم يكون علها حظر قانوني لأنو هيك بتصير بخانة |
كل الكلام تبع الشبيبة حلو و دليل انو فهمانين المشكلة بس ما حدا قال شو السبب و لا حدا طرح الحل.
يعني بأميركا ما حدا بيسأل شو دينك أو شو معتقداتك بيسألوا شو دارس بأي جامعة وين بتشتغل أنو فريق بتشجع... سؤال :ليش نحنا طائفيين ؟ و شو الحل؟؟ |
اقتباس:
لذا يرجع هذا الانتماء إلى شكل تعصب طائفي مع الأسف نحن تربينا على هذا الشعور وانعدام الروح الفردية الضرورية للإبداع لذا نبحث دوماً عن مصدر آخر للفخر وهو انتماءنا المتعصب |
اقتباس:
وهون بدي علق على شغلة أنو أميركا بلد مشهور بعدم التسامح بين شعبو يعني بالقانون في مساواة بس التمييز فظيع و العنصرية خطيرة بتبدي بالعرب و المسلمين و بتمر بالمكسيكيين و الإيطاليين و اليونان و ما تبخلص عند اليهود.. يعني في كتير ناس بتهاجم العرب بس بنفس الوقت بتحكي نفس الحكي أو حكي قريب على اليهود.. العنصرية فيها كره و ما بتميز |
اقتباس:
لأنها ما بتححقلو شروط حياة كريمة و أميركا أكتر بلد العالم بتهاجر عليه وعلى فكرة ببلادنا العربية القانون ما في مساواة بين الطوائف . اقتباس:
يعني بحفزونا على البطولة والانتصار و للصراحة في عنا كتير شغلات نفتخر فيها بالتاريخ تبعنا بس نحنا هلأ مارين بمرحلة صعبة لانتمائنا للعروبة لذلك عم نعمل متل ماقلتي أي شئ لحسسنا بالانتماء و بطريقتنا هي عم نزيد الفرقة بين بعضنا . وبصراحة أحيانا بخطر على بالي انو لازم نعيد التفكير بشئ اسمو الوطن العربي لأنو نحنا بعاد عن بعضنا أكتر ما نكون قراب يعني متل الموقف الأخير للعرب من حرب لبنان فعلا شئ بخجل و خاصة انو البعض عبر عن رفضو للحرب ولحزب الله لأنو شيعي ؟؟مع انو الكل مسلمين والحرب مع اليهود يعني أعداء للاسلام تاريخيا وحاضرا .و المغرب العربي ما سمعنا صوتو وين تونس و الجزائر والمغرب... |
اقتباس:
وأنا على ليلي أغني غنيلك آه ... غنيلك آه يا بلدنا آآآآآه ع اللي أخدو أرضك مني |
اقتباس:
و هون و بما أنو فتحنا هي النقاط و ضمن موضوع الطائفية لازم يكون عن جرأة بقراءة التاريخ و تجرد من العواطف العمياء يلي بتخلينا ندافع و بشكل أعمى و نأله أشخاص أو دول أو حضارات بس لأنهم بيتناسبوا مع معتقداتنا يعني النقد التاريخي لازم يكون موضوعي مو على أساس طائفي و هي جزأ مهم من فهمنا للنزعات الطائفية و التي بلشت قبل الأتراك و تقوت على أيدهم و استمرت من بعدهم اقتباس:
يعني على نفس النسق لازم نبلش نفكر بطريقة مو عاطفية و نتاخد بالرواية التاريخية على طريقة "كان ياما كان، كنا الأمة المثالية و السما زرقا و العصافير عم تزقزق" بس كمان لما بدنا نقرا التاريخ ما فينا نلوم العالم بالقياس على معايير اليوم |
| الساعة بإيدك هلق يا سيدي 23:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون