أخوية - دفن الموتى..لأيمتى

أخوية (http://www.akhawia.net/forum.php)

- الصـــــــــــالون (http://www.akhawia.net/forumdisplay.php?f=11)

- - دفن الموتى..لأيمتى (http://www.akhawia.net/showthread.php?t=120171)

اقتباس:

كاتب النص الأصلي : jovia (مشاركة 1307291)

يا جماعة القصة ما بتوقف على قصة حرق ولا لأ بس هني عندون معتقدات معينة بيآمنو بالحرق اكتر من الدفن ومعتقدات الهندوسيين كتير غريبة وبتضحك برايي لانو ما الها نوع من الجدية والصحة المهم انو الشخص يتخيل حالو عم يحترق ميت شو هالتكريم الحلو هاد مستوى كتير عالي من التقييم
:D

هالكلام في شوي قلة احترام لمعتقدات ديانة موجودة وبيآمن فيها عدد كبير من الناس، ومتل ما نحنا منطلب من العالم يحترمو معتقداتنا ومنعمل مظاهرات على أي شي منعتبر أنو بيمس بمقدساتنا فلازم نتعود نحترم معتقدات غيرنا، ويمكن إذا منتطلع على المعتقدات الهندوسية فملاقي فيها كتير من العمق والروحانية

خلي نقاشنا يكون ضمن الموضوع بعيد عن للي صار ....يعني انت جيمي متلا بتفضل انو يحرقو جثث الميتين ... طيب متلما بددك على فرض اي بتفضل.... بيهوون عليك تشوف حدى من للي بيعزو عليك الله يديملك ياهون بهيك موقف اكيد لا ... معناتو اديش العملة مكروهة لشخصك بتحس حالك انت للي قلبك عم يحترق من جوا

اقتباس:

كاتب النص الأصلي : jovia (مشاركة 1307438)

يا ريت تقرأي الموضوع قبل ما نكمل النقاش :D..

يا عمي ليش زاعجين حالكن .. اللي بدو يدفن يدفن واللي بدو يحرق يحرق.. وخلصت فكت .. وانا بنصح كل واحد من لما يصير هيك يعني عاقل ولا نص عاقل يكتبوه ع وصيه ويكتب ازا انو حابب ينحرق او يندفن .. بلكي هوي حابب يصير مشاوي ويتوزع ع الفقرا ...:lol:

اقتباس:

كاتب النص الأصلي : ..Jimy (مشاركة 1307450)

يا ريت تقرأي الموضوع قبل ما نكمل النقاش :D..

امممممم..... يمكن انا بتصور قريت الموضوع وازا بدك الردود فشكرا عالافادة جيمي:D وبتمنى الرد يعني

اقتباس:

كاتب النص الأصلي : jovia (مشاركة 1307466)

امممممم..... يمكن انا بتصور قريت الموضوع وازا بدك الردود فشكرا عالافادة جيمي:D وبتمنى الرد يعني

لا..هوي السبب أنو مسؤول هيك سؤال قبل ضمن هالموضوع..

ورح اقتبسلك ياه من الصفحة الخامسي..

اقتباس:

كاتب النص الأصلي : الباحثة عن الحرية

فكر فيها -من غير شر- هالشخص صديقك جدك ابوك عمك اي حدا كنت تحبو عم يحترق ...
بالنسبة الي ما بقدر اتحمل هيك شي ابدا

اقتباس:

كاتب النص الأصلي : ..Jimy

مشان انو صعبي.. عزيزتي مو ملاحظة كمان انو شخص صديقك جدك ابوكي عمك اي حدا بتحبي..
انتي عم تحطيه بحفرة تحت الأرض وعم تردمي الرمل فوئو..وعم تخليه يتحلل ببطئ.. يعني هاي سهلي

حذفنا الردود الخارجة عن الموضوع وخالفنا يلي بيستحقو المخالفة

يرجى الالتزام بحصر المشاركات ووجهات النظر بالفكرة الاساسية بدون مشاركات خارجة عن الموضوع وتحديدا دينية

:D

بسيطة مو مستاهلة كلو واحد بس يموت . يتصرفو بجثتو متل ماكان بدو . يلي بدو يندفن يندفن . ويلي بدو ينحرق ينحرق . ويلي بدو يقطعوه شقف ويجوزعو الشغلات يلي ممكن حدا تاني يستفيد منها بيكون كتر خيرو

أما قصة الاراضي ضحكتني يازلمة . حاولت فكر قديش نسبة مساحة المقابر من مساحة البلد . لقيتها فكرة كوميدية شوي صراحة :D

اقتباس:

أما قصة الاراضي ضحكتني يازلمة . حاولت فكر قديش نسبة مساحة المقابر من مساحة البلد . لقيتها فكرة كوميدية شوي صراحة

ابو شريك انا معك .. هلأ هيي فكرة كوميدية .. بس بعدين ؟
شو بدو يصير .. فكر فيها شوي لبعدين .. بتتم نفس الكوميدية فيها؟

اقتباس:

كاتب النص الأصلي : LiOnHeArT.3LA2 (مشاركة 1307677)

ابو شريك انا معك .. هلأ هيي فكرة كوميدية .. بس بعدين ؟
شو بدو يصير .. فكر فيها شوي لبعدين .. بتتم نفس الكوميدية فيها؟

شوفها كيف كانت نسبيا قبل 100 سنة . وشفها هلأ قديش زاد عدد المساكن والناس وقديش زاد عدد القبور . بتلاقي انو النسبة بتضل كتير قليلة . وعليه عميل دراسة نظرية عن حجم السكان والمساكن مثلا بعد 100 سنة وقديش رح يزيدو القبور . بتلاقي انو الفكرة بتصير كوميدية أكتر . المشكلة بعدد الناس وبعدد المساكن . ووبالأكتظاظ السكاني بمساحات محدودة .( متل موصاير بالمدن الرئيسية ) . مو بعدد القبور ومساحة المقابر

لك اخي تمام ..
كترو العالم .. وكترو القبور .. وكتر الاكتظاظ السكاني " بمساحات محدودة " ..
طيب هادا كلياتو عم يكتر .. بس ملاحظ انو الارض ما عم تكبر ؟

اقتباس:

كاتب النص الأصلي : LiOnHeArT.3LA2 (مشاركة 1307684)

حبيب يمكن فكرة ردي الأول ماوصلتك . الفكرة قديش نسبة مساحة القبور بالنسبة لمساحة البيوت ؟ .

ماعندي ارقام دقيقة بس صفون فيها . يمكن1 على 10000؟؟ . ويمكن اقل . أفترض سوريا كلها امتلت سكان وأتعمرت من الشمال للجنوب ومن الشرق للغرب . وماعاد فيها اي مكان للسكن . وقررنا ساعتها نعمر بمكان المقابر بيوت للسكان . أي يمكن مابتكفي ساعتها المساحة تعمر بيوت ولادات يومين :o . أي أنو مساحة ساعتها وأنو قبور . الشغلة أنفجرت وخالصا من الاخير

هاموش عن جد :

يلي حابب بس يموت تنحرق جثتو . بتمنى بوصيتو يوصيلي على شوي من رمادو . بكون كتير ممنون لاني بحب احتفظ بهيك شغلات

هلق شو المانع نحول مقبرة قديمة لحديقة مثلا؟

متل مقبرة الكتيب يلي بنص حمص... شوفوها عالغوغل..

انا شخصيا كتير بتريحيني فكرة الحرق.. وكمان كتير بتعجبني فكرة انو يتعبى الرماد بعبوة وينرش على مكان كنت بحبو كتير .. وهي تقليد متبع كتير..
يعني بتمنى انو اذا متت يصير هيك..:cry:

اقتباس:

كاتب النص الأصلي : محمد اشنيور

والله يا سيد الأرض بتضيق بسكانها الأحياء مو الأموات ومو المقابر يلي زحفت لنص المدينة المدينة يلي بلعت المقابر

وبس نحكي عن حد النسل..بتصير الارض واسعة:lol:.. عزيزي بتضيق بالتنين وياريت ينقرأ الموضوع
لأنو مو الشغلة شغلة ديق فقط.. شغلة مكانيزم التعامل مع الموتى..

اقتباس:

كاتب النص الأصلي : DARKNESS (مشاركة 1307101)

يا سيدي هاموضوع في شوية يعني معليش عمي جيمي بس فارغ

كوكب الرض اكتر من ثلات رباعه لسا فاضي و انت هكلان هم المساحة شو يعني يحرقو العالم

انا مع الدفن ليش لأنو الواحد بعد ما يموتوو حبابو بيضل في محل بيروح بيزورن و بيكرمن بشي زهرة او بشو مان كان

للأسف نحن منحب ناخد من الحضارة دنبها بس

شكرا لرأيك عزيزي داركنيس..لول كنت بتمنى لو تقرأ الموضوع كلو:D..
مشان المساحات تلات رباع الارض مياه ..واذا قصدك عاليابسي.. فمعلومتك بتكون خاطئة..
وعروف انو حاليا بالشام المقابر وصلت للصحرا.. وانو محافظة اللاذقية عم تنشئ مقابر خارج حدودها:D..

اقتباس:

كاتب النص الأصلي : المحارب العتيق

طيب عم تاخد الموضوع من وجهة واحدي فقط :D..بعدين بنرجع لنوضح اكتر..

اقتباس:

كاتب النص الأصلي : Nay

انا شخصيا كتير بتريحيني فكرة الحرق.. وكمان كتير بتعجبني فكرة انو يتعبى الرماد بعبوة وينرش على مكان كنت بحبو كتير .. وهي تقليد متبع كتير..
يعني بتمنى انو اذا متت يصير هيك..

آل فيها اهاني للانسان عم يقولو:?..

اقتباس:

كاتب النص الأصلي : ..Jimy (مشاركة 1307480)

لا..هوي السبب أنو مسؤول هيك سؤال قبل ضمن هالموضوع..

ورح اقتبسلك ياه من الصفحة الخامسي..

:D

على كل حال جيمي انا الي رجعة ومنحكي بس هلا صدقني ما في عندي وقت

مشان يكون الموضوع واضح اكتر..رح آخد شوية اقتباسات منو..

اقتباس:

كاتب النص الأصلي : ..Jimy

وهالمساحات مو الأفضل يستفاد منها الأحياء

؟..

اقتباس:

كاتب النص الأصلي : ..Jimy

آل من مدري من كام سني.. كانو بدهن يعملو مترو (قطار انفاق) مشان النقل العام وهيك..
بس حزور شو طلع بوجهن ..

يعني هوي ماشي محرز ...شي 50 مئبرة و100مزار وشي 1000 موقع مقدس ..

اقتباس:

كاتب النص الأصلي : inodessa

لك "ابو شريك" (ع قولة ابوالعبد

) حطيت ايدك ع الجرح... بتعرفو انو هاي المقبرة الضخمي اكلي نص حمص!!!!

اقتباس:

كاتب النص الأصلي : inodessa

انا متأكد انو المقبرة قديمة لدرجة انو مافي حتى ولا حفيد(بحيطان ال70) عندو جد بيعرف وين قبرو فيها... المقبرة من زمان ممنوع القبر فيها... مشان يزيلوها بالمستقبل.. بس انو مستقبل ما بعرف! يعني انا بفضل يزيلو قبر جد جدي يلي ما بعرف اسمو حتى.. و خلي ابني يلعب بالطابي بمكان مناسب مو بالشوارع بين السيارات مشان ما يلحق جد جدو ع بكير...

اقتباس:

كاتب النص الأصلي : أم الجود

للي عم يقول انو إكرام الميت دفنه بقول انو الدفن انعمل لمصلحة الأحياء مو الأموات .. لأنو البني آدم بعد ما يموت ما بتفرق معو ان دفنوه ولا حرقوه ولا فصلوا من جلدو دربكات .. بس نحنا الأحياء لأنو بيرعبنا منظر الجثث و منقرف من ريحتا و لأنو تنابل و مالنا مروة لا نحنط ولا نحرق استسهلنا شغلة الدفن و قلنا يلا رسمالا الشغلة رفش و حفرة و صلى سعدو و بارك

اقتباس:

كاتب النص الأصلي : Abu ToNi

ما صدف اني فكرت بالموضوع هاد ، بس بشوف المقابر نوع من انواع المزارات اللي بتربطك بالشخص اللي اندفن فيها ، يعني بتذكر كتير منيح طفولتي وكيف كنت روح على المقابر لألتقي بالمكان اللي تم دفن ستي فيه ، نظريا الجسد ما بعود إله ايا قيمة وبصير مجرد سماد متله متل بقية الفضلات .. بس بيبقى مزار او مركز لو نقطة علام بتذكرك بشخص معين وبتربطك فيه ...

اقتباس:

كاتب النص الأصلي : ..Jimy

عزيزي كمان بالحرء بضل الرماد محفوظ بإناء.. وكمان بترتبط فيه..الشغلي برمزيتو مو أكتر ..

اقتباس:

كاتب النص الأصلي : ..Jimy

أنو ليش لندفن ..
الدفن صديق للبيئة..إي والحرء صديق للبيئة..
الدفن تكريم..اي والحرء بكتير ثقافات تكريم..

ليش نحنا ما بنختار الطريئة الأفضل لإلنا؟؟ ..

كمان نسّقنا المشاركات وحزفنا الخارجين عن سياق الموضوع والسبام ...

شوية التزام شباب :D