|
ممارسة الحب هوي اولا و اخيارا حرية و اختيار شخصي بين شب و فتاة واعيين اللي بيتقبل هالشي اهلا و سهلا و اللي مابيتقبل هذا اختياره بس ما مسمحولو ابدا ابدا انو بيحكم على اللي بيمارسو الحب كأنو شخصين عم يرتكبو جريمة و يصدر عليهم احكامو البالية, كل انسان حر بتصرفاتو... اقتباس:
يا انسة انا معك انو ممارسة الجنس مع العاهرات انحطاط اخلاقي بس اللي يروح عالنوادي الليلية ماهو منحط متل ما تفضلتي, و النوادي يا ستي ما مليئة بالفجور و الرذيلة... يعني اذا رحنا شربنا كاس و رقصنا شوي بنكون منحطين:shock: ايهه يعطيك العافية على هالتحليل:pos::pos: |
شو شباب وصبايا الحديث ساخن كتير اليوم:oops::oops:
بالنسبة للجنس وممارستو ان كان لشب او صبية فهو اكيد حرية شخصية بس يا ترى ممكن هالشخص يلي عم يمارسو يتحمل النتائج بعدين؟ اذا كان اي ليش لاء يمارس وبعدين فيه الو رب بيحاسبو مونحنا منعمل عليه الحد اذا هاي الاشخاص ما بتعجبنا او منرتحلها فا فينا ما نتعاطى معها بكل بساطة |
اقتباس:
اقتباس:
الشرف التنكي:pos: ليك عزيزي عندي ارايبتي متدرس بفرنسا.. وفاقدي عذريتها.. وعايشي مع حبيبا من اكتر من سني.. وعم تعمل دبلوم اقتصاد.. وترى انا رافع راسي فيها كتير مو شوي.. وما بسمح لحدا يئرب عشرفا.. أو يئول انها بلا شرف.. هي اوا غيرا.. اقتباس:
الحكاية رقم 9 (عندي ياها السني بالبكلوريا:cry:) اقتباس:
ومو عطول لازم نسايرو:? يلي كان المجتمع رافضو من سنين هلئ من البدهيات .. ويلي المجتمع رافضو هلئ بكرا رح يكون اقل من عادي.. يلي انا فهمتو انك صيدلانية واد الدنيا:gem: خليني الك انك بشكل ما مديني لـ "توحيدة بنت ام علي بنت عم رجب" :lol: لأن لولا ما هي وغيرا واجهت مجتمعها بهديك الايام كان مجتمعك لهلأ بيرفض انك تدرسي وتشتغلي :jakoush:.. -------------------- whiterose و Marooshe تحية:D |
اقتباس:
اب وليم انا ما دخلني هه :frown: المهم منجي ع الموضوع الشائك انو قريت الموضوع وكلو بيحكي انو الشب بيحقلو يمارس جنس ومابعرف شو لانو عندو شهوات ونسيو انو البنت متل الشب نفس الشي واحد من الشبيبة اللي أسمو أبو العبد شو قال انو اذا عمل سكس مع اي بنت بتنزل من عينو يعني ع اساس انو هوي راح يضل بعينا بالسما طبعا هي وجهة نظروا انو بتنزل وبتطلع (ماحدا يفسر غلط):larg: لانو العلم الجنسي بيقول انو أحلى بوسة بين الشب و البنت بتكون بعد نهاية العملية الجنسية هلق منرجع للشبيبة اللي مفكرين انو البنات مجرد ألات جنسية جست مشن سكس (هي غنية مابعرف اذا سامعينا):clap: قبل ما تحكو بهالموضوع واللي عم يحكي في لازم يحط بين جوز عيونو المساوة بين الجنسين وضحت كتير ع أنو الواحد او الدكر لازم يجرب كلشي مشان ما يخلي ولادو يوقعوا بالغلط شي نهفة بزمتي :o:o:o:o يعني انا هلق رايح ع الطاحونة الحمرا مشان وليداتي :lol: الرأي الشخصي انا برأي أنو الحب هوي اللي بيحكم العلاقات الجنسية او راح قول الانسانية برأي اي تنين بيحبو بعض بصدق ومارسوا الجنس سوا هني اشرف بكتير وأطهر من زوجين بيناتهون عقد زواج وعم بيمارسو الجنس بدون ما يحبو بعض هون بتصير القصة تجارة ومشان السهر والشرب لك خيوووو شراب وسهار وانبسط ضمن حدود بتحطها لنفسك ما عم قللك شراب سطل تاكيلا وانت ما بتلقى بيراية فيا كحول 2% (هي مافي منا بالسوق) وروح رقص وغني شو فيها مابعرف نحنا بشو والعالم بشو والسؤال الأهم انو ليش منفكر انو الجنش شغلة دونية مع انو هوي أحلى من أحلى شي هي الافكار بتخلق الكبت والانحلال وثانكس :D هلق فقرة التحيات أوجه تحياتي لمرووش وبقلها خليكي هيك وتحية لوايت روز بما انو اتفقنا برأي شيت انو الواحد لازم يعربد مشان يربي ولادو ابو وليم كمان (فوت ع الفيش بوك وضحاك من قلبك في ألبوم صور أسمو أكلات سكسية نزلت فيون فتوى تحريم) باي :lol: |
مرحبااا للكل
أنا برأي هيدي اسمها حرية شخصية ...يمكن تتعلم منها ويمكن لاء ...بس بالأخير الدني بدها تجارب بدك تمارس الجنس و تشرب خمرة أو أي شي ...هيدي أمور شخصية أنتا أو أنتي بالأخير مسؤول بس أنا مني ضدها ل؟أني أنا بمارسها بإعتياد وما بحدد المكان او الزمان او مين الأشخاص ما بحلل لحدن شي ولا بحرم على حدن شي...عمول شو طالع على بالك بشرط ما تأذي حدن بشرب ويسكي وفوتكا لاني بدي اشرب...بمارس الحب مع البنت يلي انا وهي متفقين على هل الشي يعني برضاي و رضاها وحالة من المتعة و السعادي كأي شيء في سعادة هلئ اي التربية و البيئة بترفض هيك اشيا عنا بعالمنا العربي ...بس يلي بدبي مثلا ً أو بلبنان بيعرف هل الشي أما عن سوريا و غيرها أنا ما بعرف ... بالأخير هيدي حريات بعيدة عن أفكار تحاوطها من كل الجهات بس انو فيها فائدة أنو الويحد بيتعلم منشان ولادوا ...لالالالا لانو اذا هو مؤمن بهل الحرية هي ما بيحاسب ولادو عليها بالمستقبل وأنا متل ما سمحت لحالي رح بسمح للكل يقوم بالاشيا المقتنعين فيها ويلي بيلاقوا سعادتهن فيها وكاسك يا وطن |
اقتباس:
طيب وين المشكل حياة الإنسان مليئة بالمغامرات بس الحياة حلوة خلينا نعيشها هو و هي كانت لحظات حلوة |
اقتباس:
اما بيخلصو من هاد الجنين ازا اكتشفو الحمل ببدايتو او بيحطو قدام مسجد ولا شي محل وبعاني هالطفل بحياتو مشان متعة زائلة بين تنين منحليين |
اقتباس:
الموضوع اسمى من متعة يعني لحمار وقت يعمل علاقة رح ينتج عنها حمار اما البشر رح ينتج عنها بني آدم من حقو انو يعيش حياة كريمة وترعاه اسرة |
اقتباس:
انا بعرف في ميت وسيلة لمنع الحمل منها الكوندوم (واقي ذكري) وحبوب منع الحمل وحتى الطريقة يعني الولاد ما بالضروري يجو كل ما تنين مارسوا جنس الا اذا كانو جداد كتير :p |
اقتباس:
بس لمصيبة الاكبر ما بعرف كيف ممكن حد يستبيح انو شخص آخر يطلع ع جسدو بحس جسد الانسان الو كرامة حتى لو كان ميت |
اقتباس:
اما مسألة المساس طبعا بمسونا متل واحد ساكن بطابق الارضي وبيحفر وبيأثر ع الاساسات تبعيت العمارة واجا واحد ساكن بطابق العاشر بقولو انت مادخلك انا بحفر تحت بيتي احنا مجتمع متكامل وقت هدول بيعملو هيك علاقات زادت الامراض (مو بس الايدز) يعني انا بروح ع دكتور الاسنان وايدي ع قلبي وقت سن الزواج يرتفع مشان ماحد بدو يجوز وكمان المأزون ولادو يموتو من الجوع وقت تزيد شراء حبوب منع الحمل ويزداد العقم ..... |
أنو أنا مستغربة ..لسه كل واحد بفوت بقول هي حرية شخصية ولا تدخلو ..يعني عفوا بس أنا مو شايفة حدا ماسك البارودة وعم يجبر حدا ع شي
الأخ يلي نزل الموضوع قال شو رأيكم .. وأنا فهمت السؤال أنو نحنا شو رأينا بهالتصرف بمعنى هل ممكن نعمل متل هالشب ولا لأ .. وأنا عن حالي بافتراض كنت شب أو حتى وأنا امرأة ما برضى أتصرف شي بس لجربه .. لأن الحمدلله عندي عقل وع حسب عقلي وقناعته بشتغل يعني مو ضروري جرب لأحمي ولادي و في كتير شغلات بالدنية متل الحشيش وغيره مو معقول جربهن أنو هيك بس لجرب و بالنسبة للجنس هلأ يلي بحب يجرب ما حد ماسكه بس برأيي الضرر بالجنس بدون زواج أكبر من الفوائد كمان أفكار الحب والما بعرف شو بصراحة حلوة بس بلاقيها نظرية شوي الحب الحقيقي هو الالتزام بالحبيب ع طول العمر يلي هو بالزواج وبس ..وأي تنين بحبو بعض برأيي الزواج أفضل وسيلة ليبقو مع بعض ويعيشو مع بعض ويمارسو الجنس أد ما بدن مع بعض وبدون أي مشاكل من المجتمع أنا لما بحب انسان بحب يكون عندي أطفال منه (وبعتقد هالشي غريزة عند كتير ناس ..) بعتقد حرام أمنع نفسي من تكوين أسرة وأطفال كرمال حب مو حقيقي الحب الحقيقي طريقه الوحيد الزواج ويلي ما بيقدر يتحمل مسؤولية ويتزوج معناها شو هالحب هاد؟؟؟ :frown: |
اقتباس:
الارهاب المعنوي أبشع من الكلبشات و بعدين إطلاق هالتعابير و هالمسميات .. مو من حقك و بتندرج ضمن الارهاب المعنوي يعني انتي بتقدري تسميها فاحشة .. بس في حال كان الامر بخصك ... يعني انتي بقى لا ترتكبي الفاحشة غيرك بسميها حب .. يصطف بقى يحب قد ما بدو .. يعني باختصار ..... خليكون بحالكون اقتباس:
يعني انا بصراحة .... بشوف انو تفكيرك انتي و يللي متلك .. متل السرطان الخبيث يللي عم يخرب المجتمع و ينسف العلاقات السوية بين الناس و عم ينشر ثقافة الكره و الحقد بين فئات الشعب و بين الطوائف المختلفة بس بحتفظ برأيي لنفسي ( متل ما خبرتك قبل ) لأنو مو من حقي قيّم غيري أما انتو بالعكس بدكون تعمموا تفكيركم بالقوة ....و لا بتحاولوا تحترموا رأي الآخر |
اقتباس:
وع فكرة كل اللي بيحششو كانو يقولو هيك ... اقتباس:
اقتباس:
|
اقتباس:
بس لما بقولو أنو الشرب فجور و السهر رذيلة ... معناها عم يصدروا أحكام على غيرهم .. و عم يسيئولهم .... و طبعاً هالشي مو من حقهم .. إذا ما بحبو لا يشربوا ولا يسهروا .. يصطفلوا بس كمان يخلوا غيرهم يصطفل |
اقتباس:
يا سيدي انا ما بفرض شي ع حد صاحبو قد ما بدكم بس بدي اسألك كم نسبة الشباب وانت منهم لو هاي البنت صارت حامل بيرضو يرتبطو فيها بظن 0% لو ناقشت هالشي بدولة اجنبية بقلك (بعيد عن الدين) حرية شخصية لأنو بيعملو شي بيقبلو المجتمع ولو نتج طفل صغير بياخد كامل حقوقو المدنية واسرة البنت بتتبناه |
طولو بالكم شوي
...تحياتي للجميع
يا جماعة بكل بساطة خلونا واعيين وكبار لآنو هيك موضوع بدو كبار يحكو فيه... يعني سمحولي مو معقول لمن هم تحت العشرين يفكرو بممارسة الجنس...! لآنهم لازم يكونو مشغولين بغير أمور.. هلق الجنس وممارستو ما حدا فيه يعارضها... وأنا شايف أنو الكل مجمع على أنو الجنس بدون حب ما بجوز صح؟! فاذا كانت الحبيبة و الحبيب موجودين.. و متأكدين من حبهم لدرجة انهن ناويين ع الجنس كمان... فليش ما بيتزوجو؟؟؟ أو يكونو شوي صبورين (يعني كم شهر او شي كم سنة مع انو بعد العشرينات موغلط الزواج اذا الحب موجود...) مو الحب بيكبر شوي شوي خلينا ننتظر الوقت المناسب للزواج مشان نكون تأكدنا من صدق مشاعرنا أولا... ولا منمارس قبل ما نتأكد؟ |
اقتباس:
شو البنت إذا صارت حامل .... خسرت شي من انسانيتها .. ولا صارت كائن غير مرغوب فيه ....؟؟ بعدين مو هاد محور نقاشنا بالنهاية إذا صار معها هيك شي .. فهيي يللي رح تتحمل النتيجة ... مو انتي يعني مو من حقكون إذا شفتو بنت حامل .. أو أم عزبا ... تقول عنها شر****...... متل ما بصير ببعض المجتمعات بالنهاية هي حرة .. بمين بتحب مين بتكره .... و مع مين بتمارس الحب انتوا ارتاحوا .... و المجتمع بألف خير |
| الساعة بإيدك هلق يا سيدي 10:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
)