|
اقتباس:
الحل؟ قانون مدني للأحوال الشخصية يخص الزواج و الطلاق و الوراثة و ما الى ذلك. و يحقلك تختار هالقانون المدني اعتبارا من العمر القانوني أو البقاء على القانون الكنسي أو الشرعي |
اقتباس:
:gem::gem::gem: ومية وردة :D:D:D |
اقتباس:
يعني كان المسيحي يمشي على الوراثة بالشرع الاسلامي ..... بس هلأ تم تعديلو وصارت مسالة الوراثة بحسب الكنيسة ( بس بعتقد انو الطوائف الكاثوليكية فقط يللي تعدل بشانها ) وبشان الزواج و الوراثة بين المتزوجين من غير طوائف هل في شغلة انو المراة المسيحية يللي بتضل على دينها لاترث زوجها المسلم ( على اساس انو يللي بيرث هو من يتبع اشرف الدينين ) وهي قمة التفرقة الرجل المسيحي لا يقدر ان يتزوج المسلمة الا اذا اشهر اسلامه .... هدول يللي متذكرون هلأ بس في كتير شغلات تانية |
أنا بظن أنو القانون الطائفي ( نوعاً ما ) بسوريا ..هو انعكاس لطائفية المجتمع ...و ليس العكس
و لو المجتمع السوري ( بأغلبو ) بيتقبل فكرة قانون أحول شخصية مدني ..... بظن الدولة ما عندها مشكلة بسن هيك قوانين |
اقتباس:
هع وقعنا بدوامة |
اقتباس:
يمكن اهمها ... الدين ....و العادات المتجذرة بمجتمعنا |
اقتباس:
يعني نعمل قانونين الاول مدني والتاني ديني ؟ طيب ما هوي تلت رباع الشعب اخدها من باب الدين اذاً شو الفايدة ؟ طيب وما ممكن انو يلعبوا رجال الدين دور مضاد للقانون المدني ؟ |
ما فات بمخي هل حكي تبع مسيحي و مسلم ما بعرف ليش بحسو علاك
|
اقتباس:
|
ناس بتقلك ان الطائفية سببها القوانين و ناس بتقول الناس هم سبب الطائفية...طيب سؤال مين وضع قوانين الدولة مو ناس هنن اللي حطو القوانين؟؟؟ طيب فاذان الناس هنن طائفيين
|
هي تبع انو غير المسلم يتجوز مسلم ممنوع او ما بيصير هاد حكي على ورق و كلو علاك يا صاحبي الله وكيلك
|
اقتباس:
ايه علاك ماختلفنا يا اخي و صارت كتير و بعرف كتار مسيحية تجوزو مسلمات بس بتعرف لما سجلولهم الزواج بالدولة كتبو الرجال مسلم. حتى لو حبر على ورق بس هالحبر و الورق عاملين القانون طائفي. يعني متل قصة الرئيس شو يعني اذا الدرزي او المسيحي او اللي بيعبد القرود كان دارس و فهمان و عندو مشروع بيفيد فيه كل المواطنين ليش ممنوع انه يصير رئيس بس كرمال دينو هاد مانو اجحاف بحق المواطنين كلهم قبل مايكون اجحاف بحق اللي بدو يكون رئيس. انا مو مختلف معك انو كلو حبر على و رق يا عزيزي بس متل ما قلتلك هالحبر و الورق مخليين الدستور و القانون طائفي كتير و غير منصف. |
اقتباس:
يا جماعة المجتمع عنا بغالبيتو العظمى مسيحين ومسلمين هو شعب مؤمن وكتير مرتبط بالتعاليم الدينية والدستور لايمكنه تخطي هذه النقطة لانها موجودة في تعاليم دياناتهم |
اقتباس:
لانو شائك كتير صار ......:larg::larg: طيب الي رجعة |
كوستا ليش حاسس انو الموضوع تشعب كتير انا ، ممكن بعد اذنك بس تجملنا بنقاط شو اخر شي وصلنالو لانو حاسس حالي نفصمت انا ولله
|
اقتباس:
معاك 100 % القصة نسبة وتناسب |
انا حسب رأي ..
ومع اني مو من سوريا .. في طائفيه بكل دول العالم .. وبدون استثناء .. بس بتختلف قوتها من بلد لبلد .. بس الي اغرب من هيك .. انو الطائفيه بتبدا من المنتديات .. وخصوصا هذا المنتدى .. لانو انا ما كنت اعرف اشي عن الطائفيه .. بس لما دخلت المنتديات واتعرفت على الطوائف .. وشوفت مواضيع كامله .. بتحكي عن الطوائف .. وكلو تحت غطاء " حرية التعبير " .. وفي هذه المواضيع بسيئوا للديانات .. وما بدهم تعصب طائفي .. !! لتلغي الطائفيه بين الناس .. مستحيل .. بس ممكن تخففها لدرجه انو ما تعشر فيها .. عن طريق احترام الطوائف .. |
سوريا هي بلد طائفي ويلي عم يغذي هي الطائفية هوة النظام حتى انو تمادى ودعمها كأرهاب لحتى يفهم الشعب انو يا نحنا منمسك الامن ومندعس على راسكن يا مليشيات وتفجيرات للاسف |
اقتباس:
:deal: |
يا سيدي الله من يوم خلق هالدنيا خلقت هالطائفية و نحنا لبعد الف سنة بدنا نربى و نعيش انو فلان كذا و فلان كذا اي يلعن رب هالشغلة لك بس لو ننسى قصة هالدين شوي لك اكفر خلق الله بس يشوف حدا من غير طائفتو
بصير نبي و مرسل من الله ع فكرة اللي بيقول انو ما في طائفية بيكون مانو من الاقليات او مو عرفان الله وين حاطو لك الدين افيووون الشعووووووووووب |
معلش تشرحولي شو هيي الطائفية الايجابية متل القتل من اجل الشرف شي ولا بتختلف
|
الطائفية بين الشعب(مستوى شعبي) عنا موجودة بس مو مستفحلة متل العراق والأردن ولبنان وغيرن يعني لساتنا بخير لحد هل والله يستر ما تستفحل، لكن مستفحلة بالدوائر الحكومية ومؤسسات الدولة(مستوى رسمي)، وهالشي مو مخبا على حدا، بس على الحالتين الطائفية بأي شكل مستحيل تكون إيجابية، وبلشت بسوريا على الصعيدين الرسمي والشعبي من أوائل السبعينات، والحكومة وحدها بتتحمل مسؤولية الطائفية بين الشعب، وبظن إنو لازم نلاقي حل لهالمشكلة قبل ما تستفحل وتدمرنا.
|
اقتباس:
|
أنا رأيي انو الطائفية ليست مشكلة دين بل مشكلة انتماء... يعني الاتجاه القومي دمّر الشعور الوطني خلال عشرات السنين و هلأ الاتجاه القومي طلع فاشوش... فضعنا.... لمين ننتمي؟؟ خيو للدين....
بس هالشي لا يعني انو كل متدين هو طائفي و لا يعني ايضا أن كل طائفي هو متدين.... |
لأ سورية ليست طائفية .... والله يحفظلنا الدكتور بشار الاسد حامي سوريا وراعيها ولولا قيادة الحزب الحكيمة لكنا صرنا متل لبنان من زمااااان
عاشت سوريا الاسد اخر قلاع الصمود والتصدي |
اقتباس:
لك عوووووووووووووووووووووووو ووووووووووووووووووووووووو ووووووووووووووووووووووووو وووووووووووووووووووجة :sick::sick::sick::jakoush: |
اقتباس:
|
اقتباس:
|
و الله هالحكي مو صحيح أنو في ناس طائفية و في ناس مو طائفية يا عالم نحنا بمجتمع يدعي عدم الطائفية و لكن خلينا نسأل حالنا ليش ؟ عدم محاسبة اصحاب الفتاوي المثيرة للنعرات الطائفية و المذهبية و كمثال ( في خطب يوم الجمعة لا أسمع من المسجد القريب من منزلي إلا ما يهين اهل الكتاب فمن هم أهل الكتاب ....... لما هذا يا قليلي الإيمان بالله ...... يعملون على قلب السوريين ضد بعضهم و على أحبائهم من أصدقاء و غيرهم ....إلى متى ستبقى هذه العقلية الدنيئة في بعض النفوس قد نقول هذه العقلية موجودة في غير المثقفين ولكن هذا هو الخطأ هذه العقلية يدعمها المثقفون فمثلاً في أحد سنواتي الجامعية و في أحد المخابر العملية كانت مجموعتي مؤلفة من 3 أشخاص و كلنا مسيحيون و لكن الفرق بيننا هو ان الأسم يكشف المذهب بالنسبة لي و لرفاقي لا يكشفه ) فكانت علامتي أدنى بخمس أو ست علامات عن رفاقي مع العلم اني انا الذي اقوم بكل التجارب و عندما اشتكيت أدعى المشرف اني غير مبالي بالمخبر و غير مهتم و عندما اتهمته بالطائفية وهددته باللجوء إلى عميد الكلية عدل لي علامتي لتصبح مثل زملائي هكذا دواليك تغص جامعتنا بالنفوس الضعيفة و النعرات الطائفية و لا من محاسب على ذلك أما الرقابة و تظن نفسها تعمل لمنع ذلك فتقوم بحجب المواقع و هي تعلم أكثر من الجميع ان لا أحد غشيم في هذه الأيام كلنا تعلمنا كيفية الطرق الملتوية لفتح المواقع في الحقيقة الشيء المحزن في الأمر هو سوريا التي لا ازلا اعتبرها امي و ارضي قبل كل شيء تضمر في عيونه الكثير بسبب هذه الممارسات الشعبية و الرقابية فلا أقول إلا رفقاً بالعيون الباكية .......... دعونا نعيش حياة راقية
|
اقتباس:
|
لا أحد يحقد على أحد
يجب ان ننسى دياناتنا و مذاهبنا و معتقداتنا عند الحديث عن سوريا ............... |
اقتباس:
|
اقتباس:
يعني خلص نص مقدس شلفنا اياها وخلص مشي الحال اما بخصوص كون سوريا دولة طائفية ما بتوقع وصلت لهلمرحلة لسا تحياتي الحارة ظل جيفارا |
اقتباس:
نادوا بالتحرير الأميركي و رفعوا صور بوش و بوش هو اللي دمرهون ................. |
اقتباس:
رفعت الأقلام وجفت الصحف!!!! |
اقتباس:
وكل شيء حفظناه في كتاب مبين خلص سوريا دولة غير طائفية كله بفضل شخص واحد وعي العامة الوعي العام التفاعل مستوى المعيشة كلها ما خصها :shock: ولك الله بيعين يا شريك بس بربي حبيتك :D تحياتي الحارة ظل جيفارا |
بعرف شغلة وحدة انو الشعب العربي رب الطائفية والمناطقية والعشائرية والقبائلية والعوائيلية و الاقليمية من عصر يعرب الأكبر و غير الله ما رح يغيرو .... والحل الوحيد المتوفر حاليا هو الصرماية "ليللي بدو يحكي بالطائفية" .. على امل يتغير يوما ما بشي معجزة كونية وشي مليون طفرة مورثية |
اقتباس:
تحياتي الحارة ظل جيفارا |
اقتباس:
وشكرا ظل جيفارا على ذوقك، ويا سيدي أنا كمان حبيتك وهضمتك. :D |
اقتباس:
خيو القصة غير انو هيداك شايف سوريا من وجهة نظر " بالروح بالدم "... بس القصة والمشكلة الأساسية بهيدي الصفات العامة ....اللي عم تطلق .... ما انا عملت عصابة كاملة مشان نفي هيك افكار ,,,, يعني خلص الزلمة صبة باطون وحدة الشعب العربي كله ما خرج إلا يكون طائفي والسلام عليكم ..... والله حالة تحياتي الحارة ظل جيفارا |
| الساعة بإيدك هلق يا سيدي 00:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون