|
اقتباس:
هلأ السؤال اللي طرحتو انو ايمتى بتبدء الحياة الانسانية ماعندي فكرة واضحة عنو..... يعني في ناس بتقول مجرد ماصار الحمل ومن اول يوم فهاد صار كائن بشري وناس بتقول انو لما بيبلش الجنين ياخد الملامح البشرية وبظن هالشي يعني بالشهر التالت من الحمل بس ماني واثقة من بالضبط من الشهر...... وعالاغلب قناعة الشخص بهي النقطة رح تأثر على رأيو بالاجهاض بهيك حالة ومنشان السؤال الاساسي هون بدي احكي بغض النظر عن انو الجنين صار انسان اولأ.....هون في نقطتين كتير مهمات الاولى انو لاي درجة اعاقتو خطيرة يعني مثلا اذا فاقد لاحد اطرافو بس كل اعضائو التانية طبيعية وقتها مابظن انها اعاقة خطيرة كتير لانو ممكن انو يعيش حياة قريبة من الطبيعية اكيد مع صعوبات مضاعفة عن انسان عادي بس انو قادر يتدبر اموره اما اذا اعاقة كاملة وقتها برأيي انو الاجهاض افضل والنقطة التانية هيي المجتمع اللي رح يولد فيه ولاي درجة قادر يحتضن ويتقبل المعاقين ويأهلون...... اذا مجتمع عاجز عن تقبل المعاق وتأهيلو وقتها شو ماكان وضع الاعاقة بيكون الاجهاض افضل لانو هالمعاق رح يكون مرفوض بشكل كتير كبير يعني نفسيا رح يطلع كمان معاق بالاضافة لاعاقتو العقلية او الجسدية وكمان بهيك مجتمع مستحيل يتعلم اي شي وباي درجة وشكرا اسير:D |
بس حبيت شارككون بهالمقطع .. من موضوعنا أسبوع وكاتب .. حسيتو بيخدم موضوعنا ...
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
شكرا كتير ميمو :D بدي اقتطف جزء من موضوع الرابط اللي ارفقتيه اقتباس:
هلأ رح تقليلي لمسة حب وقبلة حنان وكلام جميل ومشجع....... بس برأيك هاد لحالو بيعطي للإنسان الفاقد الأمل الأمل ؟؟ من ناحيتي مابظن رح يعطيه الامل وبالاخير لاتنسي انو سعد الله ونوس هوي اللي قال "إننا محكومون بالأمل" يعني شوفي لاي درجة كان عندو ايمان بالامل وقوة بس للأسف مافيكي تسقطي قوتو وايمانو بالامل على كل الناس :D |
أنا اللي بدي ركز عليو من المقال.. أنو نقطتين .. مو انو مكافح .. وأمل ... بدي ركز على الفرق بين ست شهور عطوه ياها الدكاترة وبين كام سنة هوي عاش... وهاداكتير بيصير .. أنو الوقت اللي بيقدروه الدكاترة لحياة مريض بيخطأ ...
وبدي ركز عالأنجاز اللي حققو بسنوات المرض .. وبس :D |
اقتباس:
يعني انا شبه واثقة انو لو كان سعد الله ونوس انسان عادي من ناحية قدرتو النفسية يمكن ماكان عاش اكتر من الست شهور اللي حددوها الاطباء وماكان انجز اي شئ بعد المرض..... بس للأسف انو مافيكي تعطي الانسان المريض واليائس جرعات قدرة نفسية على تجاوز المرض يعني لما بيأس الشخص يأس حقيقي مافيكي تفيديه اكتر من هيك ورح يدمرو المرض بسرعة عجيبة هاد كان قصدي بالحكي عن سعد الله ونوس والأمل اللي عطاه هي القدرة والقوة النفسية :D |
موضوعنا بموت الرحيم هو ان المريض بيكون في اخر حالاتو الحرجة والنهائية من المرض مو باول المرض ... اما لو كان باول المرض ما بعتقد انو رح ييأس بسرعة ويطلب نهاية لحياتو ... رح يقاوم المرض .. لكن بعد فشل هالمقاومة رح يفكر بالموت الرحيم ...
اما الميت دماغياً ما بعتقد بيتألم ... فهو عايش ع الاجهزة الداعمة للحياة... واغلب الميتيين دماغياً الاهل بيطلبو بقاء الاجهزة لمدة لحتى يستعدوا لخبر الوفاة وبعد الاستعداد بيتم ازالة الاجهزة هيك معروف .... |
خلص انا كشكل كتابة ردود فقدت الامل نهائيا باقناعكن
باجل المناقشة لنلتقي على الصوتي او لحتى نلتقي شخصي في يوم من الايام بس ما بيمنع انو اذا استمر النقاش وعجبتني فكرة وحبيت ناقش فيها انو ما ادخل ورد تحية للكل :D |
اقتباس:
الهئية نسيت الشدّه يعني هي أحبّّّّّّّّّّّّة :o لا يروح فكركم لبعيد :lol: :D |
اقتباس:
المفروض نفهم انو هي مزحة يعني؟؟:? |
اقتباس:
لالا بس جاي على بالي اتسائل شوي :D المهم مشان مشروع قتل الجنين المشوّه ما سمعت آرائكم انا بكل الأحوال ما بعتقد اننا منقدر نقدر هيك وضع بس بحب أقول لمك بأن الكنيسة لا تعترف بالقتل الرحيم لأن النفس البشرية ليست ملك للانسان بل هي ملك لله وحده وهو وحده له الحق بالتحكم بها فانتوا شو رأيكم :D وأنا آسف مشان المزحة البايخة اللي فوق :oops: |
اقتباس:
:lol: :lol: :lol: :lol: :lol: :lol: :lol: yl3n smak fd7tna :o i will be back :D |
مرحبا ,,الموضوع جدير بالمناقشة و احب احيي الاخت اللي طرحتة,,بالنسبة لرأيي فية,انا اقول انو حرام يستحيل اكون مسؤولة عن قتل انسان بغض النظر عن المسميات المعطاة موت رحيم او قتل رحيم ,,القتل او المساعدة لانهاء حياة شخص آخر غلط و ما راح اقول حرام بناء على طلب الاخت صاحبة الموضوع..انا ممكن اموت نفسي بس ما اموت غيري..:D
|
اقتباس:
بس الي تعليق على اخر عبارة قلتيها انو ممكن تموتي نفسك بس ماتموتي غيرك..... يعني بنرجع لانو ممكن تعطي لحالك الحق بالموت الرحيم بس بتحرمي غيرك منو؟؟ بكل الاحوال بعيد ألف شر عنك وعن كل حبايبك ونشالله مابتنحطي باي موقف من هالنوع:D |
انا قلت كذا لانو انا اذا قتلت انسان بهالطريقة(موت رحيم) ما راح اقدر اعيش من تأنيب الضمير وبالتالي رح اموت نفسي(شدة على الواو) ..وتسلمين على طريقتك الرايقة والراقية في الرد:D
|
اقتباس:
|
اقتباس:
انو وقت قريت هالجملة كنت بالمحاضرة لما قريتا فقعتا ضحكة هالطلاب والانسة طلعو علي هيك انو شبو هادا ما ساوينا شي بيضحك يعدمني ياكي يا غبرييل على هالسحبة :lol: سوري بعرف في عالم رح تتدايق بس ما قدرت ما اضحك وما علق :D |
اقتباس:
خلص خيو يستر على عرضك ما صدقت امتى مرقت يعني ماني أول بني آدم بيشرد وبيكتب له شي شغلة غبين من هاد النوع :lol:حتى ترجع انت تفتح السيرة خلص خيو انتوا اخوتي وأحبّّّّتي :lol: :D |
شكرا على اعطاء الموضوع جو من التخريب :pos:
|
اقتباس:
لالا لا تحسبي اني قصدت خرب الموضوع :pos: :pos: بكل الأحوال انتا متاسف " يعدم لي اياك يا هاني " المهم منرجع على صلب الموضوع الأحم بعاطفتها هل هي قادرة على قتل طفلها " حتى لو كان مشوّه " شو رايك يا امرأة من ورق :D وبرجع باكد لك اسفي " يعدم لي اياك يا هاني :D " |
بصراحة ما عندي شي كتيير احكييه بس بصراحة الموضوع لفت انتباهي ....
بتخيل باللحظة يللي بيكون فيها الوجع عم يشتغل شغلوا صعب عاد نحكي بالارادة و أما قصة تعافي ناس من هيك حالات ...يعني بصراحة مثالييييييية شوي و اذا مو مثالية فهي أكييييد استثنائية و بتخيل هون عم نحكي عالمبدأ... يعني أنا بتخيل مفهوم الرحمة بيشمل هالموضوع ... |
اقتباس:
واهلا وسهلا فيك عضو جديد:D |
اول شي منعمل up
تاني شي شكرا على الموضوع القيم بذكر حادثة صارت مع احد الناس والده كان بالمستشفى على حفة الموت وكل الاطباء قالو انو مافي امل وسريريا انتهى ... بس اهلو رفضو انو يشيلو اللاجهزة عنو لانو كانت الاجهزة معيشتو ... وضلو اكتر من اسبوعين وبعدها صحي الرجل وقام وطاب وهلأ عايش ومبسوط وكانو مافي شي ... مو كل الناس بصير معها هالشي بس ما بيعطينا الحق انو نحنا نحكم على حياة اشخاص تانيين مرة جديدة شكرا على الموضوع الحلو :D |
رغم أن إطلاق سراحه لربه لاقصادي و للمنطق أضمن ،.. لكني أمام روح عزيزة أفعل المستحيل لأجل المستحيل ! أرضى ! أن أتعلق بشمعة ذائبة ،.. خير من ألعن الظلام في غيابه ،.. لنا الله يا سيدتي ،.. |
| الساعة بإيدك هلق يا سيدي 06:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون