|
عزيزي الله
جربناك جربناك مع أعطاك هذا اللغز من سمّاك من علاك فوق رؤوسنا ليراك ********** أيها العلي القدير العليم الحكيم ارجوك واستغفرك وأسترحمك , وإن طلبي منك اصغر مما يطلبه أي طفل في العالم ,لآنه أصغر من حلم طفل , وأصغر بكثير من حلم إنسان خسر كل أحلامه ووصل خط النهاية أيها الجبار المتعالي ألم يتعب سيفك المشهر فوق رؤوس الناس منذ مئات السنين ؟ ألم تشبع أنت وجنودك من دماء البشرية , أم أنك لا تر من عليائك كيف تتدحرج الرؤوس في البصرة وكربلاء , ومنذ عبدالله بن الزبير مرورا بالحلاج وانتهاء بآخرطفل سيسفك دمه بعد لحظات دفاعاً عنك, إن طلبي منك يا عزيزي ليس أكثر من أن تعيد سيفك إلى غمده , فأنا حزين عليه , لقد تعب ياعزيزي , وأتعبنا , أرجوك يا سيدي , إن لم ترحم السيف فارحمنا , ألست الرحمن الرحيم , ألست السميع القدير؟؟؟؟؟؟؟؟ |
هائنذا واقف على الباب أقرع. فإن سمع أحد صوتي وفَتَح الباب أدخل إليهِ, وأتعشى معه وهو معي. "الرؤيا 3:20"
ومنذ سمعت صوتك في حياتي وأنا أشعر أن مثاليتك عبء عليّ فهلا توقفت عن قرع الباب نعم نعم أنا أدعوك للخروج قليلا من حياتي .. من تفكيري ومبادئي واخلاقياتي هذه الحياة التي سلمتك إياها .. أود استعادتها كاملة .. فأنا لا امتلك ألوهتك لأسير طوعا نحو .. صليبي توقف عن النظر إلي بحنوك .. تحبني كما أنا .. تحبنى حتى المنتهى .. حتى الموت لأجلي على الصليب خُدعت يا صديقي فأنا ببساطة لا استحق هذه المحبة من صفعك على خدك الإيمن .. أدر له الأخر .. وتتوالى الصفعات والصفعات وانت هناك تبتسم لي بمحبة .. انكسر.. وانت لازلت تهمس لي المحبة ترفق وتتأنى المحبة لا تسقط أبدا إذا لم ؟ لم خلقتني بهذا الضعف وخلقت المحبة بهذه الصعوبة ؟؟ ارجوك خذ محبتك وارحل .. خذ وداعتك وارحل اخرج من قاموس حياتي .. وموازين الأمور انا لا أود أن ارى وجهك في الآخرين دعني اراهم كما هم فهم قد يغدون قبيحين جدا أحيانا تبتسم تعتقد انك .. كنت صادقا ً لمجرد انك قد أخبرتني مسبقا ان الطريق ضيق وصعب ؟ لازلت تبتسم .. بنفس الهدوء الألهي المحب .. الذي يستفزني اخرج من صمتك اخرج من محبتك .. فهذا العالم لا يستحق المحبة طوبـــــــــــى لكم أذا عيروكم او اضطهدوكم بأسمي,فانكم بذلك اليوم سوف تنالون ملكوت السماوات لست ادري يا صاحبي إن كنت امتلك ما يكفي من الصبر لأنال ملكوتك لماذا عليك أن تكون مزعجا ً إلى هذا الحد لماذا تسرق مني صراخي .. و حقدي إنسان أنا .. فلم تطلب مني أن أتأله لا مكان لك اليوم يا صاحبي .. اعذرني إن كنت أخبرك هذا بكل وضوح .. عالمنا اليوم قد وجد آلهة معاصرة تشبهه اكثر .. يحتاجها اكثر .. يفهمها وتفهمه .. لذا يا صديق طفولتي اعتقد هذه المرة انك لست بحاجة إلى القيامة .. :) مت بسلام تم دمج الموضوع مع الموضوع الرئيسي :D |
سيدي المحترم
تحية وبعد بلغني انك اعطيتنا الحرية بحثت عنها في كل كتبك وجدتها لاتختلف عن حريتنا على الارض اذا بعمل متل مابدك بروح ع الجنة واذا بخالفك بروح ع جهنم انو شو قليلة جهنم اسمحلي قلك انو مفهومك للحرية غلط متل ع الارض اذا بيرضى عليك الزعيم بيسمحلك تموت بعدين ع فرشتك واذا زعل منك بيموتك انت وواقف قبالو انو شو هالحرية اما بموت انا وواقف او بموت انا ونايم بخصوص الكرامة والشعب العنيد انا بموت ع الواقف هلق عندي مداخلات كتيرة بس كرمال رسائل الشباب والصبايا رح ابعتهن بالتقسيط كرمال وقتك بس من هلق حتى توصلك باي المداخلات عندي نصيحة زغيرة او خلينا نقول اقتراح شو رايك تقلب الوصايا 180 درجة يعني مثلا (لاتقتل )خليها( اقتل) لانو هون الجماعة مع لاتقتل عم يروح فيها كام مية الف زلمة بالسنة الظاهر عم يجاكروك خلينا نجرب بلكي الجماعة بيجاكروك وبيبطلو ترى معك مطلق الحرية ماني حامل عصا عليك يعني اما بتخليها وبتوصل الدمومات للركب او بتقلبها وهيك بيجوز نوفر كام قتيل خيو فكر بهالكام كلمة وبرجع براسلك باي ادعيلنا |
شكراً يا رب
رح اكتب مشاركتي الأولى رسالة لـ ربنا
شكراً يارب شكراً انه خلقتني بـ عائلة مسيحية رائعة شكراً لأنه بتشاركني افراحي واحزاني شكراً لأنك بتفهمني دائماً شكراً لأنه كلما بشكيلك مشكلة بتساعدني ع حلها شكراً لأنه ولامرة تركتني ودائماً بتدلني ع الحل الصحيح شكراً لأنه صرلي بحكي معك من أنا صغيرة ولحديت هلق ودائماً بتسمعلي شكراً لأنه بتقبل الكل سواء كانوا ذكر ..انثى..ابيض..اسود على مختلف طبقاتهم شكراً لأنك لسا بتحبني مع انه كتير كتير غلطت بحقك .. سامحنيييييييييييييي أنا اكثر من بحبك..كتير بحبك ساعدني يارب اقبل الكل باسمك متل ماعلمتنا... آمين ابنتك الخاطئة Genifer |
خيو من سنة قلنالك بزات الموضوع طلاع من حياتي .
هلأ و بعد سنة اساتك ما طلعت من حياتي .. دخيل ملايكتك و جنك و إنسك و إنبيائك و مرتك و مين بتريد بس طلاع من حياتي . :deal: |
اقتباس:
;)LA TKHAF BIKOUN TELE3 MEN HAYATEK MA3A KEL YALI SAYR BHADENYI BETKOUN AKHER HAMOU |
اقتباس:
|
مشكور كتير
|
بقول انو كتير عم ينحكى عليك بكل مكان . بحاول ما صدق كل هالحكي لأنك بتضل بقلبي رمز الحرية والعدالة المطلقة . بس الناس معها حق يعني كل الي عم بيصير حوالينا وانت ما عم تتدخل . يا اما ناس عم بتموت باسمك وناس عم تموت من الجوع ببلاد كتيرة من العالم وانت بتقول انك أحن من الام بولدها . حبيت اسألك :
في ام بالدنيا بترضى تشوف ابنها عم بيموت قدامها وما تعمللو شي ( وهي قادرة ) ؟ يعني هالشغلات عم بتخلي الناس تعيد نظرها فيك . بس انا بضل حس انو انت الك وجهة نظر تانية . بضل بشوفك بالضحكات و بصوت فيروز و بحب بلدي بريحة بيتي واهلي بلون الربيع وبضو الشمس . وبعرف انو ما الك علاقة بظلم البشر وطمع البشر وجشع البشر . وبعرف انو انت ما بتحب هدول الي بيتفهمنو علينا على اساس هني من جماعتك . جماعتك هني الي بيلعبو اللعبة صح . الي ما بيساهمو بتدمير النظام الكوني . بيعيشو بسلام وبيدافعو عن حقوق كل شي خلقتو . طولنا عليك بالحكي . انت بتعرف انو الحكي العلني مالو كتير معنى . الحكي الحلو بيكون من جوا . :D |
سؤال بس انو وين العدل
انو ضروري عيش الحياة المرفهة بالجنة ليش نحنا حصتنا بالسما وناس حصتها بالارض انو ما فهمت ليش |
سيادة العقيد اللواء المبجل
خيو يمكن انا وانت ماننا كتير صحبة يمكن عندك هواية تخوزقني وانا بحب الديمقراطية وبيني وبينك تعودنا على الهواية تبعك بس دخيل عيونك دير بالك على المخلوقة وخليها تكتب بفحصا خيو خلينا انداكس انا وانت انا بعطيك سنتين من الجامعة وانت بتخليها تكتب منيح بكرا ؟! شو ديل ؟!؟! :deal: انت بتعرف بهي القصص اكتر مني يعني بعتقد لازم تكون حسيت او انك عبتحسسني هون ما عدت اعرف شلون بدي اقلك يعني انت بتعرف شو صاير معي ؟! ما هيك !؟ يعني المهمة سهلة علي اني اشرحلك ما هيك !؟ فلا تخلي الفترة الحلوة هي تروح على الفاضي لأني عنجد مبسوط معك هيك فلا تفقسلنا الطبخة بشي فصل ناقص من التجارب تبعونك :lol: على راسي حارتك :D |
// حـل عـن ســـمانـا لـنـعيـش مـبـســـوطـيـن // |
ما حبّيت حدا متلك...
وهاي ألك بس :D. |
:cry:
لك ليش هيك عم تساوي معي؟؟؟؟؟؟؟؟؟؟؟ و (الله) ما عملتلك شي................................ |
اخ بس هلق يلي ببالي يزبط و ما بعود بدي شي من هون لشي قرن
|
حاسس اني عبترجاك بكل شي 000
|
رد
شكرا جزيلا على الخبر
|
اقتباس:
اقتباس:
انا مابعرف شو عملت شي مليح بحياتي بشان تحبني هالمحبة كلهاوتكافيني هيك.. تتذكر شلون انا وقعت وقعة كبيرة من كم سنة صحي انا بهداك الوقت زعلتك بس انت كنت و رح تضل احسن مني بكتير و طالعتني من المشكلة باقل خسارة ممكنة انت غيرت حياتي فتحت عيوني بحبك انا بحبك:D |
انو...
كما يقول خالد الهبر ... ابانا الذي في السما.. انت عراسي انما عندي سؤال وانا اقول لك عندي كم سؤال يارب ... ايمتى منخلص من الظلم والابتزاز وايمتا رح لاقي ضحكة طفولية.. يعني بكل ما للكلمة "طفولة" من معنى..... على وجه ملايين الأطفال وايمتا رح لاقي المرأة بتتمتع بكافة حقوقها، بالرغم من انك قلت الجنة تحت أقدامها. وايمتا رح نخلص من فساد المسؤولين وايمتا رح نخلص من كفر وجهل رجال هالدين وايمتا رح تخلص الدموع من عنا ؟ وايمتا رح تخليني صير كل ما آكل رغيف خبز قول الحمدالله من قلب ورب وايمتا رح لاقي شي كم ضمير لساتهن صحيانين، عبالي شوف شكلهن بس وايمتا رح لاقي مواطن سوري واحد، ماشي بالشارع وهوي مو خايف يتطلع بخيالو وايمتا رح تخفضولنا عدد عناصر الأمن من نسبة 70 بالمية من الشعب .. يعني هال 30 بالمية مواطن عادي.... صارو فوق سن الـ 60 ... بكرا بصير يخبرو عبعض وصلح ازا بتصلح وايمتا رح اقدر انا ... امشي، وقول الدنية أمان؟ وسؤال أخير... صحي متل ما بقولو... انت معنا؟ بس هدول.... بعرف كتار الأسئلة .. سألتك هني من شي 5 سنين .. بس وجب التذكير ... سلامات معلم :D |
وين يااااا ؟
مو علأساس تااااا ؟ شايفلك ماااا ؟ لك كيفك أبو عذاااااب ؟ بالفعل إنّك واحد فاقس... تضرب بعرف إنّك في كل حقبة من حقبات التطوّر البطيء للعقل البشريّ بتمتثللك بشي اسم أو تنين تلاتة..... بس بصراحة ما حدا وحّدك بجد من هلكائنات البشريّة غير هلعلماء الكفرة اللي جسّدو صفاتك المزعومة بصفة واحدة و هي التقدّم و اختزلو أسماءك المشكّلة باسم واحد و هو العلم |
حل عنّي
دخيلك حل عني |
| الساعة بإيدك هلق يا سيدي 12:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون