|
زمان عنك يا صاحب البسطه ... شخصياً انا بحب وقت تقطع الكهربا
|
صورة باطار من زمن
جربت كلشي لاتحرر من سلطة هالوقت ..
سهرت بالليل ونمت الصبح كسرت كلشي في ساعات عندي استعملت روزنامات لسنين ماضية او حتة للسنين الجاية...ضل الزمن متل ماهوه لا بيرجع وساحب لقدام. بتذكري يوم ما اخذتلك ديك الصورة ...فجاء انحصر الزمن فيك, اتغيرت التواريخ ,الدقايق صارت اطول والساعات صارت اقصر.. ضعت فيكي ومارجعت ... ولما ما عدت بالصورة ,وقف الزمن متل ماكان بدي يوم الي اخدتها ,وصار بيذبل والصورة معو فقدت الوانها للاصفر فكرت احرقها فكرت حطها علي جنب واخد غيرها ....بس خيالك بكل الصور... اسف استاذ ...بس الفلم احترق المرة الجاية انت وعم تطلع من الكامرة انتبه ماتعرض للضو |
اقتباس:
حلوة حلوة .. ابو الفود :D والله انا بحب وقت تنقطع الكهربا واقعد عالشمع .. او امشي تحت ضو القمر ... محسوبك رومانسيي :sosweet::yahoo: |
اقتباس:
|
اقتباس:
وبعد بكرا رح يصير بشع بالنسبة لبكرا فليش عم ترجع رجوع رح يجي يوم ويكون يومك ماضي |
عندك شي سطل كبير فضي هالكمية الغدر يلي فيي فيه؟
|
اقتباس:
غدر ؟؟ ماليكون عندك عمو :lol: بكل الاحوال السطولة مابتنغدر الي بينغدرو هنن الي بيعبوها بالعادة ,وبعد مابيخلصو بيطلع هالسطل الي اتعبا ....سطل |
كانو ما فهمت طلبي
انا عم قلك عندي كميات زائدة من الغدر وبدي فضيون مشان يرجع يعبا محلون وبدي سطل يكون كبير شوي مشان حط هالغدرات فيون بلكي توفقنا بشي بيعة مرتبة؟ |
اقتباس:
في سطولة شغل بيروت... ولا قلك هدول اتعبو كلن ماعاد فيهن مطرح راح وصيلك من مصر بيجي كبير وبيعمر معك |
اقتباس:
|
حابه ااعمول اب ..عم دور بهل البسطه ...بركي بلاقي شي ....
:D |
بس تظهر الكامرا وبتبين المذيعة بتلاقي البشر عم يتجمعو حواليهن
شي مي يبتسم وشي مي ياشر بايدو وكلن بيكونو فرحانين بشكل مالو علاقة بالخبر المنقول وفي لسا منن مين بيطلع صوت او بيحكيلو شي كلمة وبيصير بعدا مفخرة بين رفقاتو.. بتكفي المذيعة نقل الحدث وبيكفي المصور التسجيل وبيكفو هالواقفين بظهورن الشاذ بالصورة... وانت ؟كيف الصورة ؟ واضحة ومو ناقصة غير ابتسامتك ... خليك هيك فرحان حتة لو كان الخبر مابيفرح ,وهوه عنك ها ...بس انت كل همك انك تظل بالصورة بس لو بتتوصل لهاليقين ان وجودك فيها او عدم ماراح يغير هالخبر..وتفيق ولو مرة لتصنع غير صورة وتكون حدث..مو حيالله |
اصنع غير صورة؟؟؟!!!!
اصنع اصنع لك شبك ضربو فيوزاتك شي شو اصنع ما اصنع انا مستهلك ياعيني مستهلك والمستهلك ما بيصنع المستهلك بيضل يستهلك يستهلك حتى يصير مستهلك وبعدين تتم اعادة تصنيعو قال اصنع قال هففففففففففففففففففففف |
طالعه معك روعك (الصوره)
بدك اول شي مين يحس انه هو بالصوره ..ماعاد حدا عم حس بشي يا صديقي .. متابعه لك بشوق ...:D |
كفرية
كلما بفيق الصبح ..بسبك:frown:
ولما بتكبس المطر عالبسطة برفع راسي للسما ...وبسبك:frown: وانا صافف لادفع فاتورة الكهرباء ولييييي شو بمسح فيك الارض لك تتصور اني وانا عم العب شده بنصير اربعتنا بنتلاسن عيلتك .. الغريبة انك ومن مطرحك بتعرف اني بتعتيري وبطيبتي وبقلبي الاقرب الك:cry:.. حابب قلك لاتزعل ..انا ورغم كل الشتايم اليومية بحبك :cry: بس من كثر الاسى والشقا لك اااااه ...ماعم يطلع بايدي غير استفزك!! بلكي تحس شوي وتتذكر اني موجود وتتحرك .. لان الي وصلنا الو يارفيقي ماعاد بيحلو غيرك ..وشايفلك اذا اتاخرت اكثر, حتة انت بتصير عاجز عحلو... اتحرك,بشرفك اتحرك, حلك تتحرك وحاجتك استواء علي العرش .... ومنشان توصلك ....يلعن ربك:jakoush: |
فوف
انو مابعرف بس خيو يا ريتك عنا هلأ اشتهيناك على كاسة متي |
اقتباس:
هلق للرب في رب؟ |
اقتباس:
|
اقتباس:
يلعني اذا فهمت شي صايرة بلا مخ هفففففففففففففف |
اقتباس:
|
ياترى ...عم يشوف ...؟؟؟؟ عم يحس ...؟؟؟؟ ولا قاعد يختبر بربنا طول الوقت ....
قلتلو كتير انه انا ماعاد فيني طاقه لا اختبار ولا غيرو ولا اتحمل .....بس ما بيسمع ...يا خوفي يكون اطرش ..او يا خوفي ما يكون بالمره ..... يلعن رب هل الحاله ع ربو .... |
اقتباس:
ياخوفي يكون ....وهيك هو علي حقيقتو :frown: يعني شرط يكون متل مابدنا ؟ ما هوه كمان متل مابدو ....بس اااااه لو نعرف شو بدو:jakoush: |
اقتباس:
انه اليوم ...كنت منيحه تمام ...قلتلو شكرا ...بعد خمس دقايق ...انتزع ربو ليومي ...يمكن ما كان لازم ؟؟؟؟ وانت ادرى:pos: |
بننذكر وما بنعاد
كان بيمرق ايمتاه ماكان ...
بيشلني وبيخليني ارجف ...مابذكر مرة استرجيت ارفع راسي بوشو.. وكل مرة نفس الشي كنت بحط راسي بين اجريي وبسمعو عم يتضحك ,وكلما بتقترب صوت خطواتو بيصير بعرق,بعرق بعرف لاتبلل .. لحد ما مسكت وحطيتو بقنينة صغيرة ومن يوما كلما مريت من قدامو .. بيحط راسو بين اجريه وبيصير يرجف, بيعرق,بيعرق بيعرق ليتبلل ومابيسترجي يرفع راسو .... بصير بضحك |
شو الحشيش ضارب أطنابو هون :shock: يحرق حشيشكم
|
عقبالي...........
|
تفاؤل
قد ماتسكرت بوشك ,قد ما اتخوزقت وقدما لعنت سلافك المصايب ...
اتذكر !! في, وقطعا في ...امكانية ان يكون وضعك اسوء ... وكيفك هاليومين؟ ماشي الحال ماشي وماحدا عرفان لوين,بس خليك متفاؤل... لان... الله ينجينا من الات |
اقتباس:
|
تفاؤل
مبارح وبالصدفة شفت بروليتاري فتفاءلت:lol: بس انو اهم شي لاحدا يسالني كيفك بتعرف كيفك بتذكرني بكتير اشيا عن كيفني وبدي افتح تراجيديا حياتي وانا اليوم بدي افتح علبة تفاؤل |
اقتباس:
بس بدي اعرف من وين بدي جيبو ؟؟؟:? انه بتكتب كل شغله ...مو بس بمحلها ....وبتجيبها بالصمصوم كمان :D:D ما تحرمنا من هل البسطه الله يخليك ... |
اقتباس:
المهم تحياتي لليلي ذكرني بعد ما شافني بالصدفة وتحياتي لكل سكان أخوية عنجد أشتقتلكون بعرف انو هي الكلمات ما خرج تنكتب على البسطة هيدي بدا اكتب راسالة لليلي بتحبو المهم بلكي منلحق كم كفرانية قبل ما الله ............. فؤاد شبك كامشة معك على الزلمة يعني الزلمة كويس بس نطورررررررررررررررررررررر ررررررررررر |
اقتباس:
مفكر راح ازعل اذا مطرت؟ بس نصيحة من رفيق لرفيق ...بلاها النطرة لان راح تعملك بلاهة ..ومستفحلة كمان وليكك انت وانا ما احلانا ,علي نطرة ونطرة وكرمالنا لورا...وياريتنا عم نطولو علي الاقل الواحد كان روح عن نفسو بهالمناسبة حبيت هنيك بالذكري الثامنة لكسرت اجرك الكريمة .... بتعرف اني صارلي 9 سنين بعرفك,9 سنين علي فنجان القهوة بالكافتريا المشرشحة جدا ولي طاقق لاقعد فيها مرة تانية رغم ان ماصفا من الي كنا بنقعد معو حدا ,وبتقلي انطر؟ ليك هالايام كيف عم تركض وبلا وعي ,ماتنطر هيه التانية ؟!! |
اقتباس:
أناعم قلك أنطورررر وانت عم تحكيلي عن قهوتنا لك ما أنا ناطر ما أنا شو ناطر ما انت سبب كفراني وسبب صلبي غنيت في سهري حتى بكى الوتر يا صاحب العمر ولى بنا العمر ها صادح صدح أرضى الهوى ومحى وهي فيروز ناطرة معنا بالمناسبة كمان الله ناطر معك حتى هو راح معك على المانيا منشان يدعمك وبعتلك معو اركيلة |
اقتباس:
بتعرف لولا هالارغيلة ماكنت راح اقدر كفي.. بعبي راسها كل ليلة بالذكريات وبصير اسحب واسحب...ولو ان حتة الذاكرة صار بدها فلترة , بس هيك طبيعة النفس مرات بتنبسط فيه ومرات بيحترق عالنص ... وبتطلع الدخنة بالجو بتحمل كل همومك وبتعبي هالغرفة بريحة الشام وترجع الالوان الي بتفقد هويتها بعد مابتقطع حدود الوطن ...اه ياوطن بتذكر قديش كنا نضيع قبل مابيضبط لالي وطن وقديش كان بيشبه البسطة الي بيحملها الخوف من شارع لشارع مشي الحال رفيقي ... الحقايق الساطعة كتير مافيك تشوفها عن قريب ...بدك تبعد لتستوعبها شايف الصورة كيف صارت واضحة؟ طفي الكامرة لسا ما اجا وقتا |
وين اختفت!!
ليش بتصرع ربي كل مرة وتخبرني ان الشغلة بتضل قدامك لحد ما تحتاجها بتضيع؟
ان مفكر جبت شي جديد يعني ؟;) ماانت مابتنتبه ان الشغلة الي عم تدور عليها ضايعة ...الا لما بتحتاجها فياريت تدور وعالساكت ... وبالمعية شوفها تحت الكنبة بتكون سالتة وانت موحاسس |
اقتباس:
وبس تخلص حاجتها بترجعها لمحلها |
اقتباس:
وبس تخلص حاجتها بترجعها لمحلها |
كلو بيتبرر وكلو بيطلع بكرا شي عبقري ليكشف سرو...
الا ان يكون للجواريب الرجالية الوان ,ان لوكك كتير راح يفرق مع لون هالجواريب؟؟! ومين هالفاضية المهتمة بلون جواريب اجرك ؟؟!! الفائدة الوحيدة من هالاختراع انك بعد كل غسلة ثياب بتختفي فردة !! وبشكل اني بتصير نازم تكب التانية وتروح جيب وحدة جديدة وعالاغلب راح تجيبها بلون جديد غير الي ضاع....بهنيك لانك مابتوب ولا بتكل ....فضيع انت ولحق علي تغير جواريبات وياريتك تعرف انن كلن متل بعض ...ومابيفرقو غير بس بالالوان وبالريحة |
بسطة رهيبة وحديث وازن:larg:
|
اقتباس:
ابو ريحة حلو حلو... تابع تابع:D |
| الساعة بإيدك هلق يا سيدي 04:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
