أشتغل الجنان بالمنتدى نظامي

لك ياشرم** افتكرتك بتفّ عليا :jakoush:
لانو انا يللي كنت بحكي معك وردي فوء ردك :jakoush:

بس لما شفت حالتك قلت خلص الولد عقلو طار :cry: قلبي انقطع منشانك

لا لا .. ماعبتف عليك .. عبتف ع حالنا .. وع هالعيشة ..
معلش بدك تتحملني .. انتو المصريين ع طول بتفوزوا (ماشاء الله ) مشان هيك مابتحس بشعور حرقة القلب اللي بحسو فيو دائما انا .. بقى تحملني


ع الهامش ..
يازلمة هلأ كنا بدنا نحط عليهن كول بالاعادة .. بس خلص الشوط الاول بركي بالشوط التاني رح نفوز ان شاء الله
وعندي امل كبير بمنتخبنا وقدا ان شاء الله ..

ياحوينتك ياحسون :cry: :cry:

على انو قناة عم يعيدوها لاتقلي مشفرة :yahoo:

ع الجزيرة منقولة يازلمة .. بس وينك هه شادين عنجد
موقلتلك هديك المرة هادا الاحمر .. قلتلي لا
وهلأ بتشوف شلون



والعبببببب يا الاحمر
عنجد شكلنا بدنا نفوز يازلمة :o

طيب اذا (لاحظ بقول اذا ) مجرد افتراض واحتمال ،اذا ما ربحتو (لا تنئهر وتزعل كتير )
منشان صحتك ، بعرفك حمار رح تزعل تاني باخر المباراة :o

هلأ كنت جاي احكي بهالنقطة بس عمرك اطول من عمري ..
معقول .. لك مو عيب ولا اعلان بالعربي .. ولا شقفة لوحة بالعربي .. ملعب كامل اعلانتو كلياتي بالايراني
لك بس فهموني اينا ابن حرام رضيان بهالشي
لك باي دولة بالعالم باي قارة باي كوكب ابن كلب الدولة اللي عبنلعب ع ارضا بترضى انو تكون اعلانات الملعب تبعا بنغس لغة الخصم وجاي من عندو لك عيييييييب عيييييييب شي بيخزي مو عيب ومعلقين كمان وحدة كبيرة ماضل عنا نحن كرامة .. كرامتنا بالارض بالنتيجة وبكلشي وحتى بملعبنا ما عنا كرامة
لك تفييييييييييييييييييييييي ه

يفضح كيلتك ياحسون خسرنا مرة تانية

بالله هاد فريق سوريا تكون مبارة عن دود ! ماتكون على كازوز كانو فرو فري شعبنا وبعرفو

لا والله يامعلم مافزنا عادو نفس مباراة الاياب اللي لعبوة بالاياب
تقول متفقين عليها :o
الله يخرب بيتن ماشمينا ريحة الغول بالشوط التاني

ومع زلك تفييييييييييييييييييييييي ه


يازلمة انت ملاحظ معي شغلة ؟؟
ملاحظ انو نحن عمننشر غسيلنا الوسخ قدامك ولا مالك ملاحظ ؟؟

وتفيييييييييييييييييييييي ييييييييييييه كمان

وع الهامش ..
كنت ناول انزل هالسنة اجازة مشان ازا كنا متأهلين بركي بصحلي احضر شي مباراة او هيك انو شوف التحضيرات اوا اخي انزل ع بلدنا وحس حالنا متأهلين للدور التاني من التصفيات بس مدام مارح نتأهل تفيييييييييه علي ازا عاد انزل .. وان شاء اللله عمرو مايلتقى حجز للطيارة
لاجري ..

وتفييييييييييييييييييييه

وأنا متلو...

عبيتونا :pos:
انو ليش علقتو كتير آمال المنتخب وبتعرفوه ومو شي جديد عليه

شو بعرفني .. من يومي يومي هيك .. يمكن صرت حالف اكتر من تلت مرات انو ماعاد تابع رياضة سورية لا اتحاد ولا منتخب ولا غيرو ولا غيراتو حتى الكرامة حالف عليه .. مع اني مابتابع شي غير الرياضة السورية اكتر شي
وبرجع بكسر يميني وبقول لا ياولد خلص كل هالمرة غير .. عبس ..!!!
من لما وعيت ع الطابة وهيك وانا بتأمل وبتخوزق بتأمل وبتخوزق .. تعبت خلص .. انحرق راسي
ماحدا بحس بشعور اللي بضل شهور عبتابع وبستنى وبنطر ع امل انو يتأهل غير صاحب هالشعور :sick::sick:


لك تفيييييييييييييه تفيييييه


لو الوقت اللي كنت مضيعو ع المنتخب واخبارو وتحضيراتو والجدالات مشانو والخناقات ع شوية دراسة كنت نجحت ومارجعت عبعيد من اول وجديد .. بس هيك شو بدنا نعمل تفيييييييه

لا ما ملاحظ
خيو كاني ماني موجود هون خودو راحتكون (شو صار يعني !!) كل كاس عالم بشوف ايران والسعودية ومابشوف المنتخب القومي !!
بالله حسون بمناسبة كلمة قومي :اوصفلي شعورك القومي هلاء (بذمتك وراس جد جدك مانو في حالة اضعاف؟؟)

اضعاف مين .. ؟؟
ازا حدا سالك عني قلو مالو هون بالمرة .. ازا حدا سالك بتعرف واحد اسمو حسن وسوري
قلو لا مالو معدي علي بالمرة ..



بس وينك هه .. يعني شلون بدي قلك هو مو اضعاف اضعاف يعني بيني وبينك يعني بلدنا هي اللي ربتنا وتعبت علينا وطعمتنا وشريتنا وغدتنا وعشتنا ولعبتنا (مع انو ماكتير حسبت فين انا ) المهم يعني
انو ازا منعمل حسبة بسيطة هيك انو في عنا بصيص امل .. ازا فزنا ع الامارات بارضا
منصير تمينات (يعني لكل فريق 8 نقط نحن والكويت ) وايران اتاهلت والكويت حلاق
فازا فزنا رح يحسبوا فرق الزهاب والاياب .. وبهالحالة منتأهل

شلون بالله ؟

حمادة ع الهامش دير بالك الحكي اللي بتقرا هون تروج توصلو لحدا يعني انت منا وفينا مشان هيك عمننشر غسيلنا الوسخ قدام .. بس مو تروح تنشرلنا يا انت .. نحن مننشرو بين بعضنا انت بس تفرج


:deal:

تصدقي والله حاسس فيو انو غلط من اول ماخلصت المباراة
بس مالي مروة اروح اغيرو واشتغل شغلة .. بركي ع فضاوة

احتمال ، في كرة القدم كل شيئ جايز ، بس احتمال ضعيف لاتتعلق فيه كتير (منشان الانتكاسة)

* حسون عيب يطلع شو ما يطلع عيب عيب ، رح اشمت لحالي وبس ، معقول بروح انشرو :o
طيب يازلمة كنت كتوب بالحبر السري ولا كنت شفر الحكي (قال يعني ما في عنا *******) المنتدى عالنت ، حتى الامريكان والعالم باوربا تلاقيون هلاء عرفو كل شيئ وشافو الغسيل :pos:
وكالات الانباء العالمية ما عندا شغلة الا تكتوب خبر هزيمة المنتخب القومي نسيو هزيمة ايطاليا والمانيا وفرنسا (برأيك بيتهمون بنشر اخبار كاذبة من شأنها اضعاف الشعور القومي ؟؟) ولا الشغلة فيها خيار وفئوس ؟؟

اممي او سمسمة او مين ما بدو يحكي يجي لهون .. عندي اعتراض على الحكي اللي انكتب ..

ولح احكي كلشي عندي مع اني ما بدي احكي شي كنت .. لاني طالعة روحي بس لح احكي كلشي .. مع كل الصور كمان .. انطروناوبعدين هاتو رايكم

متابع...

اول شي .. بحب قول هارد لك للمنتخب .. منتخبنا اللي حرق القلوب .. وما ترك ايا واحد .. الا .. وطلعلو الدم لراسو .. لح احكي كلشي صار معي من الطئطئ للسلام عليكم ..

طلعت عالمباراة ومتل ما شفتو اخر رد الي هون كان .. وكنت رايح وجد متفائل .. وعندي امل .. بالمنتتخب بعد المؤتمر الصحفي اللي صار يوم الجمعة مع ابو شاكر بمقر الاتحاد الرياضي ..

رحت عالملعب .. من قبل 3 ساعات كرمال .. لحق مكان .. بالمنصة الرئيسية .. واقدر شوف المباراة ونشجع المنتخب ..

وصلت عالملعب بحدود ال 5 ونص 6 الا ربع .. وفعلا لقيت المنصة مليانة .. كانت وتحت الصورة .. بدك تقول في جمهور ماشي حالو كان ..

وصلت لقيت فرقتين موجودين .. العالم فرحانة عندا امل .. كلو عم يشجع سوا ..

انسو كل الحكي هلا .. فات المنتخب عالتدريب .. والكل صار يحمين كلن .. اولهم مصعب بلحوس .. اللي صارو يقلولو شو ساويت يا مصعب شو ساويت .. وشجعوه هوة والازهر .. على امل انو لو نزل الازهر ..

فاتو باقي اللعيبة .. التحية الكبيرة لفراس كانت .. على الاداء .. بعدو .. حيو كل لاعب .. والكل كان عم يشجع ..

فات وراهم ابو شاكر .. والكل نادا باسمو .. فتل وسلم عالجمهور .. ومشي ..

بلشت المباراة .. ونزلو الفريقين عاللعب . .. الشوط الاول كان منتخبنا منيح .. ماشي حالو في شوية لعب والايراني مانو مبين كان ..

بس للاسف وللاسف للاسف .. من اللعبة الماضية .. زياد شعبو وعاطف جنيات .. وجهاد الحسين مانون هاللاعبين اللي عم يعملو شي معلش .. انا ماني لا مع الكرامة ولا مع الهند .. انا مع المنتخب هلا وعم احكي ..

كان في تفضيل للاعبين الكرامة بالمنتخب .. واللي بدو يقول غير هيك .. لح يكون عم يحاول ما يشوف منيح ..

زياد شعبو ما كان لازم يلعب .. لانو ما عمل شي .. ابدا .. ولا اتحرك .. عاطف جنيات من اسوا لاعبين منتخبنا مع الكويت كان ! .. اناني بشكل مو طبيعي والطابة ما بتطلع من رجلو .. للاسف ضل عم يلعب طول اللعبة ..

طيب سؤال بالنسبة للشعبو .. اللي عم ينزل مع فراس .. فراس الوحيد اللي الو الاحقية انو ينزل اساسي لانو .. عم يقدم اللي عليه .. بس سنحاريب ولا مين ما جبنا .. جبناهم للاحتياط نحنا ؟

راح فضل هوة سوريا على بلجيكا .. كرمال الاحتياط السوري ؟ من وقت التدريبات وكان الحكي انو ينزل .. سنحاريب .. ورجع نزل الشعبو اللي ما قدر يعمل شي من لعبة الكويت بالذهاب .. !

عاطف وجهاد .. دبحو الاطراف .. وبدكم تسمحولي .. التنين من العب الللعيبة بسوريا .. بس انانييين وما بيمشي الحال مع ايران هاد الحكي كان !

ايران اجسام لعيبتها كتير كبيرة .. وجهاد قطعتو صغيرة وبيضيع بينهم . وكان لازم يطلع ! معلش .. على عيني لعيبة بس الافضل كان انو .. يتطالعو ..

لعبنا وشجعنا .. والله الجمهور ما سكت طول الشوط وهوة عم يشجع .. خلص الشوط وطلع المنتخب .. وكل الجمهور عم يشجع ..

الشغلة الوحيدة اللي صارت انو نادو لابو شاكر انو يطالع الشعبو لانو جد حاج ! يعني خلصنا ..

ابو شاكر رد .. ونزل الرافع رجع عالتاني اولو .. وفات الشعبو بين الشوطين .. ورابط رجلو قلنا بجوز مصاب .. سيدي الله يشفيه ..

بلش التاني .. ورجعنا مع قصة جهاد .. وعاطف .. المشكلة انو .. عم يهجمو .. بس ليجو يرفعو ما بعرف ليش عم يتأننو ويصيرو بدن يرقصو والله لو بتشوفو المباراة ... كل ما يجو ليرفعو .. فوق ال 15 مرة صارت بالمباراة .. يبطلو ويرجعو يرقصة يتشلحو الطابة .. الكورن .. مستلمها عاطف .. يا قصيرة وبتضيع دائما قبل الرفع .. ياما ارفع وبتطلع تماس دغري ما بتشم .. منطقة الجزاء ..

الجمهور كتير ادايق .. من اللي صار .. حظ ما كان في باللعبة .. والحكم اكل هوا .. اللي بشوف الجول الاول .. كان في فاول لمنتخبنا مفروض ينحجسب .. بس اجا الحكم وقلن كملو من مرتدة ... قدرو يسجلو الكول الاول ..

وحياةا لله اللي صار بعد الكول ما اتوقعتو .. !!!!!

كل الجمهور .. وكل الملعب صار يقول .. معلش شو صار سوريا متل النار ... وهي ويالله والعب سوريا ..

طلبو .. الجهاز التدريبي انو يزيد التشجيع والملعب كلو صار يشجع .. ما شفنا شي ! ؟

رجعنا لشغلة .. انو نجي بدنا نرفع .. ويعملو نفس الشي يرقصو ويهربو ..

يا دوب كان في كم شوطة .. وشوي .. ما اكتر خطرين ..

عال 83 تقريببا انا فقدت الاامل .. وخلص انو .. يعني علىهيك لعب مستحيل .. نزلت من المنصة .. للمنصة الرئيسية .. ووقفت عم اتفرج جنبي ايراني ..

هون .. رجع جهاد .. اتأنن اخدو منو الطابة .. جن الجمهور .. وطلعت روحو .. انو وبعدين . ؟ بدو يسمعوه ياها .. معلش .. !

لاعب مانو منيح بيطلع ما بضل بالملعب ... طريقة اللعب كان لازم تتغير .. لانو ايران اجسامن طويلة ومعروفة .. ولا جديدة هي المعلومة ما منعرفا !ّ ؟

الحمد لله نحنا لعبنا كان مركز عالاطراف .. اللي ما رفعت .. ! ومع انو كان لازم يكون لعبنا والخطة انو نلعب .. باصات ارضية بينية .. لانو كل لعيبتنا ولاد قدام لعيبة ايران بس لا حدا لحدا ابو شاكر .. !

رجع نزلي سنحاريب باخر 5 دقايق ! اي .. يعني نزيل حمي .. وخلي الجمهور يشوف انك ما بيطلع بايدك شي للاسف !

جمهور الكرامة كان قاعد على يسار المنصة الرئيسية .. وبلشو .. ارفع ايدك اب شكر ... وشو ساويت ابو شاكر .. وبلشو لزياد ولمدري مين .. طيب انو ما هلا تشجعلي العرق الكرماوي تبعك!

فيكم تحكو انو من بعد .. الدقيقة 80 وشاف الجمهور انو ما في شي عم يصير ولا في شي اتغير .. سمعوه الكلام لابو شاكر .. وضرروري كان الكلام .. خسرنا .. بس بدو يعرف انو المنتخب ما بيساوي كرامة .. المنتخب هوة منتخب سوري بدو .. يكون عقد المسؤولية .. مو تروح تجبلي هاد وتخاف عليه يطلع منشان .. ايا شي !

ما بعرف ازا لح تتدايقو من الحكي .. صار حكي كتير من جمهور الوحدة وطالبو بالسيد .. كمان هدول صار حكي فاضي منن .. ما حقك انك تطلب اللاعب اللي بدك ياه ..

اي كان في شرخ بتحس بين الجمهور .. بس .. ابو شاكر ما كان .. بالمستوى المطلوب ابدا للاسف ..

ما تحطو الحق عالجمهور .. لانو .. الجمهور اجا .. والجمهور تعب .. بس عقد ما عم يشوف .. عم يفش شوي من خلقو ..

خلصنا بقا.. ما بعرف ازا حدا لح يقرا حكيي اصلا اولا .. بس كتبتو لفش خلقي اكتر ما ششي تاني ... لاني مبارح .. رحت وانقهرت .. وقت اكلنا الجول التاني .. حطيت ايدي عراسي وفتلت وشي عن الملعب .. الايراني اللي جنبي .. كان .. اجا وصار يمسحلي عشعري وبقلي معلش .. بكرا بتعودوا ان سا الله .. قلتلو اي اي .. مبروك عليكم .. وان شا الله يطلع بايدكم شي شو بدي قلو ؟ لو عنا بس اتحاد راكز كان صار اللي صار .. سيدي ما علينا ..

ما لح احكي اكتر من هيك .. بس بدي قول للمنتخب والقايمين عليه شكرا على حرقة القلب اللي ساويتوا .. اجلمهور شجعكم وقدم .. كتير الكم .. اي .. ما حيكون كامل مكمل اجلمهور .. بس اللي صار والمشاكل صارت من بعد .. ما خلص كلشي وكان منتهي ..

بعتذر عالتطويل .. وشوي وبنزلكم الصور .. من اللعبة .. ويعطيكم العافية .. ويعطي العافية لابو شاكر وان شا الله .. بكون في امل مع الامارات .. بازن الله ..

هارد لك جميعا .. ودج دج دج سوريا .. :D

وهي صور من لعبة مبارح .. والله يكون معك سوريا .. دج دج دج سوريا

:hart:

صورة للمنصة اول ما فتت عليا عال 6 الال ربع




احد الشباب الطيبة اللي كانت عم تشجع من قلب ورب .. راسم علم سوريا عوشو .. وكتار كانو متلو .. ولاد وكبار وكلشي ...




هي صورة للجمهور .. قبل بداية المباراة بثواني .. :gem:






صورة لحماس الجمهور .. الموجود .. والتشجيع اللي بلش .. اول ما فات منتخبا عارض الملعب ..





يتبع .. :D

صورة للجمهور الكبير .. لحظة فوتة الفريقين عالملعب ..




لحظة عزف النشيدين .. السوري والايراني .. بالملعب مع وجود الفريفين




بداية المباراة ..



تقريبا بنص الشوط الاول ..





وهي هلا .. هون صورة من ناح الجمهور الايراني بعد اخر اللعبة بعد ما يأست .. وكنت ناوي اطلع

مع تضييع الوقت اللي صار من ايران .. بالتبديلات اللي صارت ..




وصافرة النهاية .. :D




مبروك لايران .. وهارد لك لمنتخبنا .. وان شا لله يقدر يعوض .. شي .. او يكون تعلم لقدام ..

ومعلش شو صار سوريا متل النار .. :gem:

سوري .. عالحكي الطويل اللي فوق .. بس حرقة قلب ..

وكنت ناوي اعمل تقرير بجنن ... عندي صور كتيرة لسا .. وعندي فيديو مصورو للجمهور وهوة عم يشجع .. ويعمل الموجة .. . شي كتير حلو كان وتمنيت لو كمل .. عكلن اللي بحب .. وبدو ياهم لعيونو ..

عراسي وسامحونا .. عفشة الخلق :D

بس سؤال حبيب هلا نحنا بحال ايران غلبت الكويت بيكفينا الفوز على الامارات بغض النظر عن النتيجة؟؟ وياريت تقلي اذا الكويت فازت على ايران شو بيكون الوضع و اذا تعادلو؟؟
مشكور سلف

يعطيك العافية يمان
ومعليش طول بالك بعرف انو الوضع الي انحط فيه الجمهور كتير صعب خاصة اللي كانو بالملعب

وانا معك بانو ابو شاكر عندو بعض الاخطاء
بس لساتني مصرة انو انقسام الجمهور كل واحد ورا فريقو هو الي ما عم يخلينا نعطي من ئلب و رب
وانشالله منعوض مع الامارات
واذا جهاد و عاطف كانو انانين بالمباراة فهدا الوضع بيصير حتى ببعض لعبون مع الكرامة فلا تفكر انونن تصرفو هيك لانون مع المنتخب
وما بتخيل انو منئدر نشكك بولاء ابو شاكر للمنتخب

ع كل حال انشالله منعمل شي ئدام الامارات

دج دج دج سوريااااااااااااااااااااا ااا

بكفينا الفوز بفرق 3 اهداف عالامارات بغض النظر

الكويت طلعت ومشي الحال

وايران تاهلو ومشي الحال

انسالي لعبة الكويت عجنب .. للاسف كمان الحظ ضدنا هي السنة .. غيرو القرار كان عالمواجهات صار عالجوال والفرق

كان لو فزنا 1-0 على الامارات منتاهل .. بس هلا عالقرار الجديد بدنا 3-0 .. لنتاهل وانساا الكويت اتقلعت خلص .. حتى لو فازت .. الضرب عنا لو منفوز بفارق 3 جوال منتاهل وغير هيك لا ..

ما علينا .. بس ما حبيت طريقة الحكي اللي حكاها ابو شارك عالتلفزيون .. عن الجمهور .. لانو الجمهور اجا كرمالكم وكرمال المنتخب .. ستي ما مشكلة ..

الامل لسا موجود .. بجوز كلكم تضحكو .. بس لسا في امل .. كنت يأسان بس بعد ما كتبت رجلي الامل .. ويا رب

ما لح قول غيرا .. دج دج دج سوريا

صرلي اسبوع ما عم افهم ليش بفرق 3 اهداف

عزيزي "تحيا سوريّة"
أرفقتُ بهذه المشاركة صورتين توضحان لك ترتيب الفرق ونقاطها وما لها وما عليها، ومنها ستعرف لماذا يلزمنا الفوزُ بفرقِ ثلاثة أهداف.
مع التحيّة.

عزيزي القرصان يوماً بعد يوم يزداد إعجابي فيك :D

آملُ أن يتوقّف يوماً ما... إعجابُك :p.
كنتُ أمازحك لا أكثر...
شكراً لك :D.

ملاحظة: بعدَ أن وضعتُ المشاركة لم أتمكّن من الدّخول إلى المُرفقات (الصّور)، فهل استطعتَ أنت ذلك يا عزيزي VivaSyria؟! وإن كنتَ استطعتَ فأين تكمنُ مشكلتي؟!

ماقدرت.. الرد وصلني من احد الاصدقاء انو لحتى نزل المرفقات لازم كون بمجموعة أوميغا يعني لازم يكون عندي 300 مشاركه و يكون صرلي اكتر من 3 شهور أو ممكن ارفعو من الصالون من موضوع اسمو حل جزئي..
بكل الاحوال مشكور :larg:

حسناً أنا آسف... باينتي كتّير غلبة!
يعني ليش لألفّ وأدور وأنزّل الصّور... وإلخ.
سأعطيك رابط الموقع وهذا سيُسهّل المهمّة:

ترتيب الفرق:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

=

نتائج ومواعيد المُباريات:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

=

ومنها يبدو فرق الأهداف بيننا والإمارات واحتياجنا إلى الأهداف الثلاثة :larg:.

سلّم لي على صديقِك الذي بعث إليك بالمعلومات وقبّله بدلاً منّي :sosweet:.