|
رجاء ما يتحول الموضوع هون لمهاجمة شخصية لشخص الرئيس...ماننا عم نهاجم حدا...خلونا نتناقش بكل موضوعية....
|
اقتباس:
انا استنيت هالشخصيات الفذة هي هالشخصيات اللي رشوة الشرطي عندها من شغل الرئيس اقتباس:
لا ترتشو الشغلة شغلة نفسيات ضعيفة وما بظن انو الرئيس الو علاقة بالنفسيات كمان؟ الا ازا قلب اله وما بعرف انا هلأ شلون عم تدافع عن حافظ الاسد ,, وعم تقول انو بشار الاسد هدّم هالمكتسبات هي,, بما انو من وجهة نظرك, اقتباس:
او انا فهمت غلط |
لك ياجماعة
انو هالموضوع كتير عادي بالنسبة للمواضيع يلي بتنطرح وبتمس شخص الرئيس والنظام ككل باخوية والكل عم يحكي وماداير على حدا فكيف بتقولولي انو خايفين من التصويت ياشباب عنجد شي غريب ومع هيك كتير التصويت غريب بالنسبة الي بمنتدى اخوية يلي بغالبيتو معارضة سورية وحاج تقولولي خايفين ومرعوبين والله شي بيضحك |
نتيجة التصويت ما بيصير الواحد ياخدها بدقة... لأنو للأسف بسبب الحجب فحوالي 65 بالمية من الأعضاء الفعالين بهالفترة غير سوريين... نفس مشكلة موضوع الانتماء اذا بتتذكرو
لكن مع ذلك... رغم هالشي نتيجة التصويت أعتقد منطقية جدا... الخيار الفائز هو خيار موجود بكل الدول الاستبدادية على مر التاريخ.. و الخيار الثاني (المعارض للكل) كمان موجود بكل الدول الاستبدادية.. اللافت للنظر انو مافي غير شخص واحد رضيان عن النظام؟!!!! |
اقتباس:
وهيدا كتير شي مهم انو العقدة مش بس بشخص الرئيس انما بنظام حاكم ككل وهيك بيكون في كتير منطقية برايي |
شوف ابو السوم انا صحيح معارض الاني انتهج نهج المعارضة البنائة وليس النقاقة معارضة النقد وليس النقض
وعليه اعيش |
اخي تائه في النور:
انا بدي اسألك و ياريت تجاوبني شو في شغلات ايجابية و اصلاحية تحققت خلال السنوات ال8 الماضية. هل تنكر ان الوضع الاقتصادي في تدهور هل تنكر انو ازدادت تسلط الاجهزة الامنية و الرقابة و لاسيما على الانترنت هل تنكر ان الاعتقالات التعسفية ازدادت في صفوف الوطنيين السوريين من رواد منظمات المجتمع المدني هل تنكر ان قمع الاقليات القومية السورية في ازدياد هل تنكر ان السياسة الخارجية السورية فشلت فشلا ذريعا هل تنكر ان عشرات الاف الشباب الجامعيين المتخرجين لا يجدون عملا في الدولة و تراهم يعملون اما شفيرية تكاسي او محلات البسة او غيرها. هل تنكر ازدياد رغبة الشباب في الهجرة هل تنكر ان النظام تنازل عن جزء من الاراضي السورية ( لواء اسكندرون) بدون وجه حق, ألا تعتبر ذلك خيانة؟؟ هل تنكر ان خارطة الجمهورية العربية السورية المنشورة حاليا في الكتب المدرسية الحديثة قد تم اقتطاع لواء اسكندرون منها و كأنها ملك لهم يتنازلون عنها لمن يشاؤون. والقائمة تطول يا صديقي... اما بالنسبة للاخت بنفسجة: هل تتصوري أنو في واحد ما ممكن يخاف انو ينام بفرع أمني سوري, اكيد لأ لأنو الداخل مفقود و الطالع مولود وانتي اكيد بتعرفي انو في شباب من منتدى اخوية تم اعتقالهم لمجرد ابداء رأيهم الحر طيب ممكن تسألينا: طالما بتعرفوا هالشي ليش عم تكرروا غلطة رفقاتكن وعم تكتبوا ضد النظام. بجاوبك لأنو نحن بنعشق الحرية , نرفض الظلم و الاستبداد , مستعدين اما نعيش احرار او نموت بغياهب السجون لكن طبعا في كتير اعضاء فكرهن متل فكرنا و لكن بخافوا على حالهون او على اهاليهن , هادا شي اكيد , مشان هيك ما بصوتوا و لا اصلن ما بشتركوا بمنتدى متل اخوية. |
اقتباس:
بعرف انو في شباب دخلو الحبس باخوية وبعرف انو عم تصير في اعتقالاتن خارجة عن القانون وبعرف انو شغل المخابرات جدا سيء ولهيك صوتت ضد النظام وغير معترضة على شخص الرئيس لكن ياصديقي في مواضيع عم تنطرح اخطر من هي بكتير واراء عم تنحط اخطر من تصويت بكتير عيني التصويت مابيخوف وعلى كل شوف بلشت ترتفع النسبة لان مش مبرر يلي بينحكا انو من الخوف حكي ياس عن الحجب صحيح وهيدا بيشكل سبب لعدم التصويت اما الخوف فهيدا مش مبرر لانكون موجودين باخوية وعم تحكو ومارح توقف على شغلة تصويت تاني شي وفر على حالك السؤال والجواب لاني لارح اسالك ولارح جاوبك لان مش بس انت بتعشق الحرية بعرف انو في كتير اشخاص متلك وفي كتير اشخاص متلي كمان:D |
اقتباس:
كلام بخوف اخي .. ولهيك رح اقولها باعلى صوتي .. حبيبي يا بشاررررررررررر .... |
اقتباس:
التنازل عن لواء أسكندرون تم أثناء مشكلة عبدالله أوجلان أذا راجعنا الأحداث وقتها حشدت تركيا جيشها على الحدود السورية و من شروط الأنسحاب كانت إلغاء أسكندرون من الخريطة السورية و حتى من مناهج التدريس أذكر كلام دميريل و كأنه يتحدث الاَن أمام عيني |
هلأ عامل الخوف لازم يؤخذ بعين الاعتبار... بنفسجة مو تبرير للنتيجة (عم قول النتيجة منطقية كتير) بس بحكم تجربتي بعرف انو أحيانا بحط مواضيع مثلا "حساسة" .. وفي ناس تبعتلي رأيها عالخاص أو عالايميل لأنو مابدهون يحكو عالعام... انو الأمر منطقي أو بيستاهل كل هالحيطة طبعا بيرجع لتقدير كل واحد... و الخوف تغلغل بشعبنا و للأسف فبيجوز احيانا من هالناحية كتير نبالغ بالحيطة...
|
اقتباس:
بزعل منك بعدين انت لاتخاف على حالك قاعد بالاراضي المتلة وعين الله عليك ماحدا بيسترجي يجي صوبك الا وهي الا حط تحت منها خط احمر شكلو عندكون خلية مخابرات فهيك بنصحك تنتبه لانو المخابرات السورية بتحط الموساد بجيبتها:p |
اقتباس:
يعني بجوز المخابرات بعد شوي تجي تشحطني غيرولي التصويت:p سوري;) |
اقتباس:
يعني لما انا اروح على مصر او الاردن .. امي بتعطيني نصائح يلي رايح على الموت .. مو تحكي كلمة عن السياسة .. مو تغلط .. " لا اسمع لا أرى لا أتكلم " .. هذه هي العبارة الي لازم تتمسك فيها بالدول العربية .. وبعدين المخابرات في اسرائيل مو اسمها موساد .. الموساد مخابرات تعني بالشؤون الخارجية .. المخابرات الدخلية اسمها " الشاباك " .. لمعلوماتك يعني .. :p بس سؤال بنفسجة .. واذا في يعني ثقلة دم .. ما دام انتي ما بتحملي المسؤولية للرئيس شخصيا .. فشو وظيفة الرئيس بالدولة !!! .. كرسي على كرسي .. ما هو النظام كلو .. ممكن توضيح .. لانو انا ما بعرف عن الانظمة العربية شي .. الا انها انظمة ظالمة ومستبدة ... :larg: |
أمس منذ كمشه أعوام كنت جالسا مع بعض الأصدقاء:
عاطف مسيحي سوري (جبهة ديمقراطية) وزوجته أرمنية سورية ، حسان مسلم سوري ( حزب البعث) ،عوض مسلم فلسطيني سوري (جبهة شعبية قيادة عامة ) ،أخوه مصطفى مسلم فلسطيني سوري (جبهة ديمقراطية) وزوجته ، د.ناثر عراقي ينتظر سفره إلى إخوته في الدنمارك ، نعمان مسلم شيعي عراقي ، عماد فلسطيني سوري (فتح) وزوجته ، د.حنا ألمانية (د.علم اجتماع ) ، جاك ايرلندي يعمل في السياحة ويعيش في الأردن ، جان فرنسي سائح يرافق حنا في جولتها ، هيثم فرنسي من أصل أردني ، محمد أردني وزوجته لبنانية شيعية ، وبغض النظر عن ظروف السهرة التي جمعتنا معا ، فخلالها حدثت القصة التالية والتي تتعلق بموضوعنا اليوم Ø جان الفرنسي : حقا سوريا بلد جميل وقد تعجبت أن بها هذا الانفتاح والتطور بالرغم مما نسمعه عنها وعن تأخرها إلا أنني أحب رئيسها ، وأعجبت بمدى حب شعبه الشديد له . · عاطف : إيييييه وحد الله يا زلمة وين رايح ، مين ألاك هالحكي . Ø جان الفرنسي : الأخبار واضحة بكفي أن نسبة نجاحه بالانتخابات فاقت ألـ 99% . ü حنا الألمانية : فعلا هذا ما شجعني على المجيء إلى هنا فقد شعرت أن هناك أمان واستقرار . Ø جان الفرنسي : فعلا وهذا ما لاحظته خلال رحلتنا ومشاهداتنا ولقائنا مع بعض المواطنين هنا . · عاطف : هوب هوب وين رايحين ؟؟ لتفكروا أنه عنجد الرئيس محبوب لك أنا بكرهه يا عمي وين رايحيين . طبعا الجميع انتبه إلى الحديث بين عاطف والشباب الضيوف الأجانب ، وكان المترجم معظم الأحيان هيثم بالإضافة إلى بعض المداخلات باللغة الانجليزية والتي تقريبا يتقنها الكثير من الحاضرين ويساعد على ذلك أيضا وجود المدعو عوض ( فهو طالب أدب انجليزي بجامعة حلب ) وقتها . وهنا أذكر أن جان الفرنسي قفز وأسرع بإحضار كاميرته وطلب مني أن أقوم بتصويره ودعا معه حنا وجاك وهيثم ملتفين حول صديقي عاطف وزوجته وهم يشيرون لي بأخذ صورة ثانية وثالثة بأوضاع وترتيب مختلف وهو يصيح ... بما معناه : يا لسعدي إنه من المعارضة ،، يا لحظي إنه من المعارضة ،، طبعا القصة لم تنتهي وسأترك التعليق النهائي لجان الفرنسي وأصدقائه ونتائج السهرة إلى وقت آخر قد أفاجئكم به . |
اقتباس:
بعدين والله عيب لسا منحط الحق على الموظف الفقير المنتوف اللي بدو يطعمي ولادو وتاركين القطط السمان اللي فوق لما ببطل النظام سياسة جوع المواطن وذلو مشان تقدر تحكموا ساعتها بتبطل الناس او معظمها ترتشي وساعتها بتقدر اللي بدو يرتشي تحاسبو على المظبوط انا ما دافعت عن حافظ الاسد شلون فهمتها هي؟؟ قلت في مكتسبات للنظام (مو للوطن للنظام )اجت من خلال سياسة الاب الخارجية المعروفة اللي قائمة على اساس براغماتي ما الو علاقة بشعارات البعث المستخدمة فقط للاستهلاك المحلي متل مثلا السيطرة على لبنان اللي استغرق 15 سنة واجى الوريث ضيعو ب 4 سنين هلق في نقطة مهمة بهالحوار بس ما بدي اتهم اني خرجت عن الموضوع وهي تفضلوا شرحولنا شو هي صلاحيات الرئيس بالضبط في سوريا؟؟ ولايمتى بدنا نضل معبايين البروباغاندا تبع عبادة الشخصية براسنا وانو الرئيس هدا انسان فوق الطبيعي وما بيغلط واذا صارت بالدولة جرائم فهو ما الوابدا اي علاقة رغم انو المفروض حتى لو ما الو علاقة يستقيل لانو مجرد كونو رئيس والامور ماشية من تحتو وهو مو عرفان هو اثبات انو موكفؤ للمنصب . |
اقتباس:
اقتباس:
ماكنت عارفة:pos: شطور ركز يا عمري الخلية السورية المخابراتية عندكون بفلسطين شو بتكون عم تشتغل شون داخلية ولا خارجية ياحبيبي لهيك شبهتها بالموساد وبعرف انو الداخلية اسمها شاباك ولو انا من متابعي المنار:D اقتباس:
هو صحيح القرار يعود الو بالنهاية بس في فريق عمل بكل ناحية عم يشتغل معو وعم يرفعلو تقارير وعم يحطلو خطط ياعيني الرئيس مش موسوعة معلومات بالاقتصاد والسياسة والامن والصحة ومابعرف شو يعني الدراسات بتتقدملو وهو بيمشي على الخطط يلي بيحطوها الخبراء ولسا بدي ارجع عيد الحكي مليون مرة والله مليت دونالد:D ان شاء الله تكون وصلت الفكرة |
اقتباس:
شو شايفو عملة نادرة هههههههه |
| الساعة بإيدك هلق يا سيدي 12:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون