|
:? أي و من ثما
|
قال على قولة المثل **** .. ما علينا .. المهم
أنا من مواليد 21/6 .. يوم الاتنين .. ما بعرف أي ساعه بس كأنها المغرب توصى فيي الله يرضى عليك.. العاطل لا تقولو .. بس المنيح مشكور خيو |
اقتباس:
إنت من المواليد يللي بياخدو صفات برجين سوا ، فمولود 21 /6 هو بين الجوزاء والسرطان ، وبيتأثر بتوقعات البرجين سوا .. ودائما بيكونو هدلون المواليد ساحرين ( يعني عندون جمال أو جاذبية ) ومحتارين كتير .. ولأنك ماحددتي سنة مارح إقدر إحكي صفات كتير .. أما بالنسبة للتوقعات : فهاد الأسبوع ناطرك شغل كتير ،و مهمات كتيرة .. وفوق كل هاد العجقة رح توترك أعصابك وتخليكي تلحقي ميت ألف شغلة بوقت واحد ، يعني وجع الراس ( لاتسألي ) .. بالحب بيكمل هاد الأسبوع بتطورات حلوة ومميزة على صعيد علاقاتك ، ومابتعرفي يمكن بتتعرفي على جديد بمكان شغلك أو بوسط إجتماعي جديد بتتعرفي عليه بالأيام الجاية ..:D |
تسلم كتيير .. عن السنه سقط سهوا أنا مواليد سنه 1982 و مولوده بعمان (الاردن) .. إذا هالمعلومات بتضيف شي
مشكور كتير |
اقتباس:
إنت ذكي كتير ، وسرعة بالفهم مو طبيعية ، هاد الشي يللي بيخليكي تفهمي كل الإشارات والتصرفات يللي بتصير حوليكي بسرعة البرق .. بس يمكن يكون صبرك قليل على قراءة شي مقالة طويلة مثلا ، لإنك بتحبي السرعة بوصول المعلومة .. إنت إجتماعية ، وبتكني حب وعاطفة حلوة للجميع ، بس هي العواطف هيي يللي بتوقعك بمطبات أحيانا .. :D |
اقتباس:
ومشان قلة الصبر والله مزبوط هالحكي ميه بالميه .. يسلمو إيديك :D |
اقتباس:
|
يسعدو ......
13/1/86.... يوم أغبر من تاريخ البشرية ...... المهم .... باللادقية ....... يعني بدك تقول بين الساعة 3 للساعة أربعة وش الصبح ...... شفلي في شي حب ما حب طاير من صوبك.... تسلم أديك .......:D |
اقتباس:
هاد الكبرياء يللي عندك بالحب هو يللي بيخليك بعيد عن الجو شوي .. إنت واحد مثقف لدرجة كبيرة ، وبتعرف الكتير عن كتير أمور بالحياة .. بس الحياة كمان بدا إنسان مو كتير متحفظ . عم تسألني عن الحب ، وأنا رح جاوبك .. الفترة الماضية كانت كلا ناشفة ( طبعا مو جديد هاد الحكي ) بس الشهر الجاي رح يكون فيه حبايات كتيرة ( يعني جمع حب ) ، وبالنسبة لتاريخ ميلادك فأكتر فترة بتوصلك فيها تأثيرات الحب ( بين 30 تشرين الأول و 8 تشرين التاني ) ... وأهلا وسهلا بالغالي:D:D |
اقتباس:
:gem::D |
ابو الشباب انا من مواليد 14 / 1 / سنة ألف وتسعمية وكتير شغلات
والساعة سبعة الصبح زلطت خدمني وقلي انو شخصيتي مالا حقيرة لانو هيك عما يقول عني |
اقتباس:
|
اقتباس:
إنت من الناس يللي عندك حب للمعرفة والعلم .. بتقول الكلمة اصحيحة بالمكان والوقت الصحيحين ، ومابتخاف من الصراحة والصدق ، لأنك بتعرف إنو كلامك كلو مبني على أساس معلومات دقيقة ، ويمكن دراسة كبيرة .. مشان هيك الناس بتخاف منك أحيانا ، وبتحاول تبعد عنك ، بس هاد الشي إيجابي لأنك بغنى عن الناس يللي بتخاف من الحقيقة .. إحساسك العالي بيساعدك لتعرف شوفي بخفايا الناس أحيانا ، يعني قلبك دليلك .. بالحب إنت بتبقى بعيد عن الإرتباط مع إنك بتحب وبتعشق كتير ، وعندك جاذبية مميزة ( يعني يللي بيكون فينوس مبين منيح وقت ميلادون بيكون عندون هي الجاذبية ) .. بس يمكن إنت تنسى إنو لنصك التاني إلو مشاعر .. فبتمزح لحد التجريح أحيانا ..:D:D:D وأهلا وسهلا بالغالي |
هلئ حبيب عيوني انت وصفتني بشكل صحيح بس انت وصفتني بشكل انسان اعظم من الانسانية و يعني بدون غرور بقلك كلامك دقيق 100 % بس انا بالنهايةانسان وعندي سلبيات
وميرسي إلك كتير |
اقتباس:
وتكرم عيونك حبيب القلب ......... |
مرحبا مرة تاني لكل الشباب والصبايا بالأخوية ..
لساتني منتظر كل اللي حابين يعرفو عن أبراجون أو أي شي بيخص التوقعات .. ومشان توقعات الأبراج لهالأسبوع صارو جاهزين ، وهنن موجودين هلأ على هالرابط : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ومرة تانية ، مية وردة للكل ...... باي ..:D:D:D:D:D |
مرحبا للكل .. أبراج هالأسبوع بين 6 ل 12 تشرين الأول2007 صارو جاهزين ، اتفضلو فوتو :
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D:D:D:D |
| الساعة بإيدك هلق يا سيدي 07:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون