|
هههههههههههههههه عجبتني انو الصورة الرمزيه ما فيا شي يعني بتمثل الدوله كلا :lol:
|
انا شخصيا رح صوت انك ما تغير صورتك ... يعني فينك تقول ناقص واحد لكل صورة من الصور الاربعة ...
انت اخترت هاي الصورة برضاك ولازم تخلية .. اذا حدي عجبو منيح واذا لاء يدور على شي حيط قريب ويضل يخبط راسو فيه لينكسر ..... الحيط طبعا خيو ببساطة انتي فينك تقول انو انتي هلق نقطة تغير .. يعني يا رح تقول للمجتمع انو خيو نحنا هون كل مين بيساوي الي بيرتحلو حتى لو كان ما بيعجب الاغلبية .. يا اما رح تقول انو التخلف تبعنا وتحجر تفكيرنا ققوا من كلشي ... فروح الله يبعتلك ابن الحلال ويوفقك ويقويك وتضلك واقف صامد بوش التخلف :gem: |
الموضوع ما بيصير بهالطريقة يا handsome ( بقصد على مبدأ اللي مو عاجبو يبلط البحر او يخبط راسو )
يعني فينا هلأ اي واحد من الاعضاء ، يروح يحطلك صورة ما تعجب الاعضاء - يمكن تكون من وجهة نظرك مافيها شي بس من وجهة نظر الاغلبية انو لأ فيها شي و منعاً للمشاكل يا ريت تغيرها - .. ما بظن الطلب كتير صعب .. ولا بظن الموضوع تكسير راس من اي طرف من الاطراف .. بكل الاحوال الامر راجع لsyrian_gay .. بعد ما صار اللي صار ونزل مليون موضوع عن هالقصة .. فيه يقرر لحالو بدون ما حدا يضل عم يجادل اذا خلاّاها او شالها وغيّرها |
اقتباس:
يعني الدنيا ماشيه على هيك من زمان, وين الجديد ؟؟؟؟ مع ملاحظة اني ما صوت لهلا :p ماني مقتنع بموضوع التصويت لهاللحظه :lol: |
الموضوع بنوب مانو شغلة تكسير راس .. لاء بالعكس .. اذا هيي تكسير راس رح تكون تكسير راسو للشب ما لباقي العالم ... وهوي الي عما يروح يبلط البحر ما الباقين ...
انا معك انو كل مين عندو وجهة نظر بالموضوع . بس انو يا اخي وسعدو عالغالي الصورة ما فيا شي ... يعني مافية ولاشي بيخل بالاداب العامي ... لعمى انا الصور الحاطون عندي بالبيت اكتر بكتير من هيك ( بعرف اني حر ببيتي بس انو نحنا هون على مبدء انو هاي الاخوية بيتنا ونحنا هون كلنا اخوة ) بس مرة تاني بقول انو هادا الشي الي عما يصير مع syrian guy هوي متل نقطة تحول .. يا المجتمع بيأثبت انو هوي المسيطر على كلشي ونحنا مافينا نساوي شي بنوب ضد هالافكار المسيطرة علينا .. يا اما منصير قادرين على تقبل الغير ... |
اقتباس:
لاء تعا للجد .. من منطلق انو الاخوية " بيتنـــــاااااااا " ، وبما انو بعض " الاخوة " ما كتير مرتاحين من هالوضع .. شو بتعمل معون !؟ بتقللون انا الكبير وبرأيي خلص ارضو بالامر الواقع ؟؟ هي نقطة النقطة التانية ... syrian_gay مانو نقطة التحول .. لانو ببساطة شو عم تعرضو الحلول للموضوع ( او خلينا نقول مشكلة بما انو الاغلبية ملاقينها هيك ) ؟؟ ( انو حطّو العضو بقائمة التجاهل وخلصنا يا جماعة ) .. هل برأيك انو اذا تجاهلناه يعني تقبلناه - للآخر بقصد / او الغير ؟! يعني والله حيرتونا معاكون !! اذا قلنالكون يغير الصورة صار " غض النظر عن المشكلة لا يعني عدم تواجدها " وسياسة "كم الافواه " ما بتنفع والتغيير وحاجتكم تخلف .. بالمقابل بتجو انتو بتقولو حطوه بقائمة التجاهل .. طيب هاد مو كمان ما بيعني عدم تواجدو ؟! ومو كانو عم تستعملو سياسة " كم الافواه " معانا مدري علينا ؟؟ |
خيو syrian gay انا معك بانك تخلي الصورة
واذا كان وللبد بدك تغيرها بعتلي ياها وانا رح حطا كصورة رمزية الي :D |
لك ليبببببببببش؟
|
اقتباس:
انا مو معو ولكن بنفس الوقت وذاته انا مش مع الصوره (بس كمان تغييرها مش القضيه المصيريه:lol:) وبعدين تغيير الصوره مارح يغير الواقع :D بالنسبه للصوره هي بحد ذاتها بتعبر عن وضع وعن افكار يعني بتتجاوز صورة انسان او عضو يعني مثلا اذا حطيت صورتي انا وخطيبتي (هاي بتعبر عني؟؟) فهمتني ؟؟؟ او حتى صورة واحد وخطيبتو فهمت شو بقصد لاء مو تعبير ولكن بدي اوري العالم انو انا خاطب (فهمتني) استغلال هي الفكره بالتحديد اذا بدو يعبر عن اراء وعن افكار اوك , اخويه فيها المتسع للجميع والفكره بيقابلها الفكره مو قضية كبت للاراء انا اصلا ضد الكبت بكل انواعه انا بقصد انو الموضوع بالنسبه للصوره واخد طابع ترويجي شويه وهاد شيئ مش لطيف . ترويج للفكره ليش!!! انما المناقشه الايجابيه والمتحضره للفكره اوك (انا بشجع جدا هالنوع) |
طيب سؤال لكل الشباب المعترضين ع الصورة ورجاء جاوبو بصراحة....
اذا هلق اجت بنت وحطت بصورتها الرمزية بنتين نايمين جنب بعض او عم يبوسو بعض...ح تحتجو ولا لاء؟؟؟ وقديش ح ترتفع الاثارة الجنسية عند الاعضاء الذكور ويحاولو يحاكوها ع الخاص؟؟؟ وقديش وقديش وقديش....؟؟؟ انا واثق انو ردة الفعل رح تكون مختلفة....وما رح قول عند كل الشباب بس عند الغالبية وانا واثق... حدا يقول رأيه بصراحة.... |
اقتباس:
|
اقتباس:
انا ردة فعلي مارح تختلف عالصوره بس رح ازعل عليها اكتر رح احكيلك من منظور المصلحه الشخصيه الكوميديه انا مع انو الغاي يكتر وهيك حكيت مع جاد مرتين, مره زمان ومره هلفتره ,لانو نسبة الصبايا الى الذكور المغايرين (الطبعيين)بتزيد (وهاد شيئ جيد :lol:) اما عن انو المثليه للصبايا تزيد فهاد شيئ مؤرق الي عالمستوى الشخصى :pos: انما اذا بدك الحق خد رأيي مجتمعيا كنت قلتلك رح اذكرو فيما بعد هو انو اذا التحول للمثليه زاد (على فرض انو شجعناه ودعمناه او عالاقل تركنا الحريه الكامله الو) بالاضافه الى بعض قضايا مكمله مثل تحديد النسل او عدم الانجاب , رح تقع المجتمعات الانسانيه في كارثه هي طريق الانقراض اذا من هلا عندك كم دوله باوربا عندها هالمشكله متل المانيا شوف معدلات السكان هنيك (رح تتفاجئ) يعني مجتمعيا الموضوع خطير (انا لا بحكي عن ناحيه مرضيه او فسيولوجيه او من ناحية حقوق) * بالنسبه للصبيه مارح اراسلها عالخاص والعلم عند الله (والي اسباب رح اقولك عليها اذا بدك بس مو موضوعنا:D) |
انا من اول صوتت انه الصورة ما فيها شي ومافي داعي يغيرها!! بس ما علقت عالموضوع...
هلق حابة علق... syrian-gay الموضوع حرية شخصية والمسؤولين عن المنتدى لو شايفين شي غلط بالاسم كان تصرفو هنة بس الاسم يندرج تحت الحرية الشخصية وازا كل واحد مو عاجبني اسمو او صورتو الرمزية بدي اعملو قصة ونزل مواضيع واستفتاءات ما بنخلص!!! بتمنى ما تغير اسمك ولا صورتك الا ازا كنت مقتنع بالموضوع مو كرمال الضغوطات الي عم تصير... موضوع الصورة صار عليه نقاش كتير واخد الموضوع اكبر من حجمو وتشعب كتير...الشب بساطة حر والصورة ما بتسيئ لمشاعر حدا ولا فيها شي غلط ابدا.. :D:D |
يا شباب انا قررت :o
يا شباب بما انو ضغوط كتير من الاعضاء يللي ضد الصورة (وضدي بكل شي على ما اعتقد ولو شو ما ساويت رح يضللوا ضدي يللي بيشوف بيقول أكل مال ابوهون او قاتللي شي قتيل) بس كمان عم تشجيع من كتير اعضاء او بالاحرى مو تشجيع بس يعني انا حر بشي يللي عم ساويه وكمان انا مع الصورة والواحد بيكفي انو هو اذا مع الشغلة يللي عم يساويا وللا ضد وكمان الإدارة معي لان الصورة ما فيا شي واكيد سياسة المنتدى أخدة بالاعتبار هالشي الاستفتاء بيقول قال انو 53% ما بيوافقوا و 46% بيوافقوا بس يللي بيوافقوا بالاضافة ليللي صوتوا هن الإدارة والمنسقين يللي دافعوا عن الصورة وطبعا كل واحد منون صوتوا بـ10 اصوات من الاعضاء العاديين يللي صوتوا بغير موافق واذا لاحظتوا انو الاعضاء الأقوياء والفعالين هن يللي موافقين فأكيد صوتون مسموع أكتر من الاعضاء الغير مشاركين كتير نوعا ما وكمان اجاني كتير رسائل خاصة من مجهولين نوعا ما عن المنتدى انو لا تغير الصورة :? وهدول شو موقعون من الإعراب ما بعرف والقرار (قرار الأمم المتحدة و قرار حقوق الإنسان بالعالم:gem:) هو : ما رح غير صورتي مؤقتاً (لأني مو مقتنع بتغيير الصورة) وطبعا كلكون تحترموا رأي الشخص وطبعا كلنا عطينا راينا بطريقة سلمية (مع انو في أعضاء مو موافقين ردوا بتعجرف:x) بس رح غير الصورة كتير بصور شوفون انا عادية (مو انتو انا بس) لأن اذا رح أطلب من كل عضوا رأيو بالصورة يللي بدي حطا بدي صير أنهبل الصورة الحالية بمحللا حاليا ورح اغيرا كتير وعبر عن حالي لحالي ويللي عاجبوا اهلا وسهلا ويللي مو عاجبوا مع السلامة (ملاحظة هامة: يوجد خاصية بالمنتدى وهي التجاهل Ignore من أجل تجاهل الشخص المقصدو وعدم رؤية مشاركاته فمن يرغب بالتجاهل فليفعل ذلك ) وشكرا لكل الاعضاء يللي عطوا رأيون وشكرا لكل يللي صوتلي بنعم كان او لا لأن هاد كللو بينحفظ بالارشيف تبعي يللي ممكن افتخر فيه داخلياً وما حس اني لحالي بهل الدنيا وانو في ناس عاديين بأيديوني وبهل المناسبة بشكر الحكومة تبعنا يللي ما عم تلاحقنا إلا لما نكون بشكل جماعي غير أخلاقي ويللي تحترم انو شخصين بيحبوا بعض فتعيفون بحالون :lol: طبعا هادا مو تمسيح جوخ بس بصراحة يللي ضد الحكومة يحكو كتير على حكومتنا بس انا بحبا لأن ما اذتنا بشكل مباشر حتى الآن فطبعا رح أحترما بما انو تحترمنا يعطيكون العافية ويعطي العافية لنسيم على فتحوا هالموضوع وبشوفكون بمواضيع آخرى يا ريت ما بتكون متعلقة بهل الموضوع ونعيش كلنا بسعداة وهناء وتوتة توتة خلصت الحتوتة |
الحرية الشخصية شيء جميل وجداً
ولكن الشخص الأنسان لازم يكون عندوه حس أنساني أذا كان بيعتبر نفسه حر بتصرفاته والحرية مسؤولية يعني حريتي داخل المنزل غير محدودة على راحتي بعمل يلي بدي ياه لكن حريتي خارج المنزل بالضرورة لازم تكون محدودة ولأني أنسان حر لازم وبالضرورة ما أذي غيري بحريتي يعني بالبيت ممكن أتعرى ماحدا شايفني بس بالطريق يعني صعبة شوي :?بقصد كتير وبالنسبة للصورة يعني لا بتقدم ولا بتأخر ممكن يقرف منها الأنسان السوي ويستمتع فيها الأنسان الشاذ يعني بظن أنكم كبرتو الموضوع يعني نحنا بصورته الرمزية ولا بمشكلته العويصة:pos: |
يمكن نسال السؤال ان في حال كان في معنا ولاد دون ال12 سنة وشافو هالصورة شو راح يفكروو بس من حيث المبدا مادام ماعم ياذي حدى وماعم يعتدي على حدى فبعتقد ان يعبر عن نفس احسن مابيقعد بيكذب ويدعي شي غير الي هو حاسس فيه
روووووووووووووح انا مع الصورة |
الصفحه الخامسه .................. الله يزيد ويبارك
|
اقتباس:
|
| الساعة بإيدك هلق يا سيدي 20:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون