|
اقتباس:
 اقتباس:
والنعم والله هلء عم تحكي درر فعلا فعلا ليست سوق للدجاح فهي Where the fine syrian people meet!  اقتباس:
 اقتباس:
رحمتك الإلهه يا ابا مصعب الزقاوي كنت خير استئصالي  ------------------------------------------------------------------------------------------------ :akh::akh: مع الإحتــــرام |
اقتباس:
أكيد زعجتك هي كلمة طز, خلص شرشبيل بعرف قلبك كبير و بتسامحنا على هالعملة السودة:cry:......لعيناك يا شرشبيل طز.....فيني.... على فكرة هي كلمة طز كانت للصفحة إللي بتطلع بوجهي داءماً: معلم ما عندك صلاحيات.....فبيكون ردي داءماً لهالصفحة الملعونة:طز فيكم و فصلاحياتكم..... حقك علينا شرشبيل:D |
بما أنو الموضوع مشان تحكو عليي وعلى امثالي من المزعجين .. فرح حاول " رغم شعوري انو ما حدا حابب يسمع كلو حابب يهاجم ويرجم .. بس " اني فسرلكن من نقطة مشتركة بيناتنا وهية محبتنا لأخوية .. الصالون : قسم حواري .. يعني مشان نتحاور .. الصالون كان عم يعاني ازمة مواضيع عن الحب والابراج والنقل والتكرار ..إذا بتساعدوني لو سمحتو وبترجعو بتتذكرو هديك المرحلة .. ونحنا حابين نتحاور .. حابين نتشارك بأرائنا يا أخي .. والصالون عدت فترة .. كان مأعلن حداد واغلاق مشاركات كمان .. بسبب هالقصة .. جينا فكرنا انو نحط ضوابط مو مشان نضيق عحدا بالعكس مشان نخلق مساحة نقدر نحكي فيها .. من القصص اللي كانت مشاكل بوقتا : المواضيع والنقاشات الدينية ( ممنوعة بالصالون ) المشكلة تانية النقل والتكرار .. لمواضيع ما فيها شي بيتناقش .. ( فكرنا كحل بقسم اسمو ملطوشات ) المشكلة التالتة .. انو في كتير سبام كتير كتير كتير كتير والمثال اللي عطتو مورنينغ أحد الامثلة اللي السبام عم يدمر الموضوع .. تعو فكرو معي من جهة ناس ما كتير فكرتو فين وقت جيتو عم تحاربو حزف السبام .. اللي كاتب الموضوع .. اللي حابب يناقش وما يقرا صفحتين او تلاتة سلامات وتسالي برات الموضوع ... اللي جاية جديد وبيفوت ما عرفان شو عم يصير والشباب شو عم يعملو هون :? المشكلة انو عم تتسلو بمواضيع تانية .. " السقيفة الملطوشات التشريفات .. في كتير مواضيع فيها حوارات وتشات .. وتسااااالي ) ما فهمت وين المشكلة إذا التزمنا بالحوار .. أذا حكينا بالموضوع عن الموضوع نفسو .. لهيك صرنا نحزف .. هلق بعرف أنو صعب عليكن بالبداية لأنو كلنا تعودنا انو الصالون يكون متل السقيفة وانو كل شهر واحد مننا ينزل موضوع يشجب الصالون ويندب الوضع اللي آلت اليه اخوية ... عم نحاول .. عم نحاول .. عم نحاول فيكن تحاولو معنا ؟؟؟ فيكن تحاولو معنا ؟؟ بمحبة ؟؟ تلاقولنا مبرر .. بمحبة ؟؟ ولا كتير صعب :lol: |
منجي عالقسم التاني اللي عم حقق فيو وجودي " لو تعرفو شو زاعجني هالتعبير .. ما علينا .. شكلكن ما رح تعرفو .. شكلكن الكن سنة عم تتعاملو معي وما تبعرفوني .. كمان ما علينا "
الرسم والتصوير : الرسم والتصوير قسم للأعمال الفنية .. للناس اللي بترسم والناس اللي بتصور هوي جزء من قسم " الفن " . ما معقول يكون موضوع عن دافنشي ورسمات جبران ..ضايع بين صفحات كتير من مواضيع " صور اطفال وطبيعة ونهفات وهيفا ونانسي " أبداعات الناس اللي عم ترسم كانت ضايعة بزحمة القسم .. شوفولي هالموضوع .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ضل باخوية سنة وشوي ما عليه عشر ردود مع انو الزلمي فنان .. لأنو القسم كان زحمة هلق صار الموضوع 3 صفحات .. لهيك كل الصور المافنية عم ننقلا عالملطوشات مشان نسمح للصور الفنية وللثقافة الفنية .. انو تطلع من الخنقة .. " يعني عم نحاول نخلق مساحة للفن بقسم الرسم والتصوير " . :D |
تالت شي بقى .. وقربت تخلصو مني
المكتبة : اللي شايف فيكن انو السبام اللي عملتوه بالمكتبة .. كان صح .. يجي يأقنعني بوجهة نظرو .. ما عم اقدر افهم ليش فتو عملتو السبام بقلب المكتبة ؟؟؟؟؟؟؟؟ :D |
هلق بما أنو خلصت الردود الغليظة تبع التنسيق
:lol: مرسيل حابة تقول شي : في واحد كتير بحترمو .. بيقول اللي ما بيشتغل شي ما بيغلط .. خلونا نحمل بعض .. اكتر شوي .. نتفهم بعض اكتر شوي .. لك مشان كام رد سبام .. عملتوني كل هالتهم .. والله يا جماعة امركن عجيب .. انو عم نحاول نعمل شي .. اللي بدو يساعدنا يلا يشمر ويبدا يفكر كيف فيو يبني ولو زاوية وحدة هون ولو حجرة وحدة .. واللي ما بدو يساعدنا يتفرج علينا .. بكفينا حضورو .. بس ما يحطلنا عصايات على الدواليب تبعوننا .. مشان يعيقنا نصل للشي الحابين نعملو على قولة سمير يزبك " احسبني انا ظالم انا مجرم رهيب .. خنت النبي .. وبسمرت عيسى عالصليب ... مش حق احمل هم هالكون الرحيب .. يا عيوني .. :lol: " حلوة الغنية .. الحوار كان فينو يكون احلى .. :D |
أنا مالح وجعلك راسك بترفلاي
بس بظن بتعرفي محمد ابراهيم ومسطول الاجدب ؟ برأيك أنا بدي طالع موضوع محمد عن صلب الموضوع ؟ بشرفك نطعج خاطرك وخاطر أخويه من كلمة فرشايه ؟ سلام:hart: |
اقتباس:
أنت ما بدك تطالع موضوع محمد عن صلب الموضوع .. بس ردك كان بيطعج خاطر اخوية .. اي .. وبيطعج الحوار وبيروح لمساحة .. ما منقدر كلنا نحكي فيا .. يعني انت نقلت الموضوع لمساحة ما فيني أنا مثلا " كمرسيل " احكي فيها .. فيك انت وعم تكتب ردود من يوم ورايح تفكر فيي :lol::oops: ( عم اتغالظ على عكس ما يظنو البعض .. بقدر امزح شوي .. ) لأ بجد نحاول نحنا وعم نكتب رد .. نأمن الجو اللي الكل فينو يناقش فيه .. ونكون واعيين الفرق بين رواد المنبر ورواد الصالون .. :mimo: * عالهامش : مناي اعرف وين راحو الالوان .. كان الك عادة تكتب كل سطر بلون :lol: |
اقتباس:
حبيبي ضرب الزلوميات هي مو عندي .. لا عبضرب زلوميات على حدا ولا حدا يضرب زلوميات علي اذا طلبت انو ماتنحزف مشاركاتنا صرت عبضرب زلوميات يعني بشرفك بلا هالاسلوب اللي داخل ببعضو وخليك بالموضوع وبالمشكلة ومادخلي زلوميات ونسوانيات وهالكلام هادا .. انا داخل مشان حل مشكلة وبسسسسسسسسسسس |
في كتيرررررررررررررررررررر نقط بدي رد عليها بالموضوع وبالترتيب
لانو ماشاء الله غيت 5 ساعات رجعت لاقيتو 3 صفحات ماشاء الله رح رد ع كل نقطة برواق وباريت نختفظ بحالوار الرايق والحلو ومابدنا مشاكلل وعلقات لانو نحن هون مالنا داخلين مشان نقاتل حدا ومالنا اي حقد ع اي حدا مين ماكان يكون وياريت الكل يتزكر هالنقطة ومنضل اخوة ومالنا داخلين مشان نكسر روس بعض :D |
اقتباس:
هاد كمان موضوع سيكس قديم كنت من اوائل من سجلو متابعه وماعطيت رأيي الا بالرد رقم (68) بتقدر تشوف قبل أنو كل الشبيبه طلعوا برات الموضوع ومين الي رجع حكا بصلب الموضوع تفضل ابضاي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ولاترمي الناس بحجارك معلم مابظن حسن جاب سيرتك بشي الا اذا كنت من الاداره !! |
اقتباس:
تركتي كل مشاركتي و كلامي و رحتي تقولي وائل عم يقول كلكم بلا إستثناء !! و أنا مازلت بأكد كلكم بلا إستثناء لا تفقهوا شيئ في مفهوم الحرية و مفهوم القانون يلي بيحكم سلوك الأفراد في أي منظومة لنحافظ عليها !! كل واحد عم يتفلسف و يحكي بشكل غريب و كأنوا عايشين بالمدينة الفاضلة ,, تناقضات كتير بينا ان كانت في الاذواق او الأيديولوجيات أو الأخلاق أو كل شي ,, كل شي بينا هو عبارة عن تناقضات , هلاء شو العلاج ؟! بسيط كتير , تطبيق القانون يلي إرتضينا فيه كلنا , يعني يلي بيكتب كلمة وسخة ينضرب بالصرمة و يلي بيشتم رب او دين حدا من الموجودين ينضرب كمان بالصرمة و إنتهى .. بلاش نقعد نزوق الحكي و نحكي كلام بلا مضمون لا بيودي ولا بيجيب . |
اقتباس:
إذا حكيي زعجك أنا بعتذر منك و هي :D بس القصد ما في داعي للهمز و اللمز .. وجه الحديث للشخص اللي بدك يا و انتهت القصة :D اقتباس:
معلم أنا ما اتهمت شخصك الكريم و لا رميت بحجاري حدا .. و ما في داعي بوجه الحكي شخصياً لصاحب العلاقة .. الأخ شامي من طوكيو عقد مقارنة بين " الفرشاي " و النكتة اللي حطيتا أنا و أنا حبيت وضح ما في وجه للمقارنة بين هي و هي طبعاً ما فيني أتهمك حضرتك بإنك انت من يخرج المواضيع عن سايقها العام و لا فيني أقلك إنت اللي برجعا و أكيد عضو عادي متلي متلك .. ما في داعي تجبلي شواهد و أدلة .. و حسن منضل أنا و يا ولاد حلب و ما فينا نزعلو و هي :D الك و :D لحسن .. |
اقتباس:
لدي سؤال لشخصك الكريم ايها الانساني الفذ.. اخبرنا لو سمحت مع التعليل كيف تتخذ هكذا كلام دوني سافل شعارا لك؟؟ من اي البلدان انت؟؟ سيدنا محمد و اريد ان اطرح اسمه هنا فقط لاضعك وجها لوجه مع حقيقة ما يمكن ان يعني شعارك... هو بنظري اكبر راس.. شو رأيك؟؟ بعدين حتى تعليقك السابق ملموس من خلاله, انك كا،ك واقف بسوف الجمعة و علقان مع البسططجي جارك مشان زبون او مشان هيك شي.. شو يا؟ كن شكورا ان عم بيردوا عليك و يجاوبوك... يعني شو منك الو؟ ما عم تساووا غير شي غير الحكي الهوبرات.. وين النقط و ين الانتقاد و ين البرهان العلمي؟؟ وين ؟ وين؟ العفى, اهلكنا من سماكم اللي ما عندو شي يحكيه ذو معنى موصول بجوهر فكري هو اولا فهمانه قبل ما يطرحه .. ربما يعني لو يتفرج من بعيد بيكون اريح اله و للبقية ,.. لان الغاية ليست تكسير رووس يا اخي المواطن.. الغاية بصراخ اقرأها.... " بناء شعب يستحق ان يسموا و يستوجب لنفسه الحرية من نفسه" انا هون جديد , لكن اللي اسمها فراشة, شفتها طويلة بال و عم تتجاوب مع الردود... حتى انو خطر ببالي انو هذا الموقع مانو شغل سوريا... شو رأيك؟؟ لان بالعادة عنا ما في خلوقيين .. على كل حال لا تشك انو كلامي الك موجه قبل ما يكون الي.. لكن عزيزي على اي مقياس تضع نفسك عندما يكون هكذا شعارك... يا مواطن.. يهتز الرأس استنكارا و تقززا و قرفا من هكذا شعار ممكن ان يحمله بشري يدعي الانسانية...ان شاء الله بترد عليي بمسبة. ما رح رد عليك ها, اذا سبيت.. مع السلامة |
اقتباس:
لك له يازلمة حتى انا ماقصدي ازعل حدا والله بيشهد علي انا مالي شي على حدا يعني مالي حاقد على حدا ولا الي مشكلة مع حدا جاي صفيا صدقني وشقد ماحكيتو مارح اخدا على نية سيئة ممكن نختلف هون بس منضل اخوة وشكرا ع ردك لانك دبحتنا بلطفك ياغالي :sosweet: وع راسي والله وان شاء الله يضل هيك ع طول حوار راقي وماحدا ينزعج من التاني ابدا :D |
بما انو الموضوع طلع ع العام وكل واحد بئ البحصه يلي عندو وحرب الطواحين كانت ومازالت مستمرة بين الاعضاء والمشرفين بس بلشت تظهر ع الملاء هلاء وكرد فعل من الاعضاء مع الاسف انو صارت الالفاظ النابيه بتزكر فيها عمدا ً ...
وضع اخويه مزري بشكل عام وقليله هالكلمه لوصفو ..ايد المشرفين حميانه مافي شك وهاد شي بيزعج احيانا بس مش دائماً يلي صار مبارح بالصالون شي طبيعي وكان لازم يصير بنوب مرسيل ماغلطت وقت حزفت الردود مو لانها خارجه عن الموضوع لاء بس لأنها بتنفر من فكرة الرد على الموضوع او من المناقشه فيه رغم انو هيك موضوع حساس ومهم وبيحتاج مناقشه من الطرفين يلي هن الشباب والصبايا . هاد مابيعني انو المشرفين دائما على حق مع الاسف انو في اقسام بتزكر فيها مية لفظه ولفظه بدون ماحدا يتخز موقف منن ليش كرمال انو هاد فلان وهاد بطيخ يعني التحيز موجود وعلى عينك ياتاجر مابيحتاج لميكروسكوب لنشوفو . |
اقتباس:
مورنينغ لاتندمي ولا تعصبي اذا زعلتني لانو نحن حكينا رفيقة لالك "مثلا" وحط الف خط تحت مثلا لانو انا مالي داخل مشان احكي على حدا واكل هوا ع حدا لانو مابحقلي انا علي من حالي وبس انا كل حكيي عن المشاركات والظلم اللي عبصير من اي شخص مين ماكان يكون فاذا اخدتي على خاطرك فكتني تقري الموضوع قبل ماتحطي رد عليه 5 مرات مشان تفهمي الفكرة منيح وماتندمي لانك حطيتي رد على هالموضوع ودافعتي عن فكرة لانو ماحدا جبرك وضربك على ايدك وقلك حط رد على موضوع مابدك يا ...:D |
اقتباس:
رح اعطين كيس واحد بس من كيسين اللحمة اللي عمي كيس لالن وكيس رح خلي لالي ووبهالحالة بكون فدتن وماضريت حالة :D والاخوية نفس الشي الحذف لازم يصير بس مو انو يصير تكسير راس وتمشاية ع السراط ولاازم مشاكلشي ينحزف مشان الصالون مايخرب وكمان الاعضاء ماينضرو وهيك منكون عطينا كيس لحمة للاعضاء وخلينا كيس لحمة للمنسقين وهادا حقن :D |
| الساعة بإيدك هلق يا سيدي 14:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون