|
شو فقس الموضوع هاني:?
|
اقتباس:
اي خيو اذا بتلاقولنا شي نسخة منو لهالكتاب مشان نقرا وتنزلو بالمكتبة ويكون لكم جزيل الشكر وايه يا معلم زكرتني بكلية الكيميا على طريق حمص المشرفة واللي كنت امرق كل نهار من حدها انا ورايح على الجامعة واحلى الشي كانو البنات بالمدينة الجامعية اللي حد الكلية يوقفو على الشبابيك ونحنا عم نوميلن بايدينا من السرافيس وهني عم يضحكو تسالي :lol: خيو يمان الله وكيلك وانا ما عم افضى كمان عندي ورقة بحث عم اعملها بتحكي عن الاستنساخ البشري لازم تكون اربع صفحات وانا اسا ما عملت فيها شي واسا تلت تيام مشان قدمها معظم وقتي بالشغل وعندي تلت كمبيوترات وانترنت بس ما عندي كيبورد عربي غير على كمبيوتر المعلم (وهادا الكمبيوتر خط احمر ممنوع حدا يقرب علي ) بس انا هلأ فايت بالسرقة علي مشان اكتب هالرد ورح حاول احكي شي بالموضوع بالرد التاني مية وردة شباب :D |
اقتباس:
اقتباس:
إنشاء الله بأسرع وقت رح ننزلوا:D اقتباس:
اقتباس:
أبو الهن هي أحلى كيبورد عربي:D - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
اليوم بس صير بالبيت برجع اكيد على الموضوع :D |
اهلين ابو الهن....واهلا وسهلا..
ولا يهمك والله كلو مشغول هدي علي شوي بس لاخلص انا كمان شي 4 اابيع لافضالك وما حل عنك لسا:o عالهامش...الحجي عندي دارس كيمياء بحومص الابية:larg::ss: وعامل ماجستير برا بعدين |
بصراحة... بطلت افهم..:shock:...
كل هاللف والدوران عشان يا ابو الهون تقولي هيك...!؟؟؟!!؟!؟!؟!؟!؟!؟؟!؟!!؟؟! |
اقتباس:
مرحبا هاني عودة بعيدة لكن المهم عودة:D أنا ضربت مثال الأصنام والشمس لأنو العضو يلي رد على ردي ضربلي مثال أنو من زمان كانوا يعبدو الصنام والشمس وماحدا كان يسترجي يقول ليش أو حتى يفكر يقول ليش شبه هي الحالة لحالتنا نحنا هلىء أنو منعبد الله لأنو هيك لئينا أهلنا عم يقولولنا بس أنا وضحتلو أنو ليش مستحيل نحنا نعبد الصنم أو الشمس يوم اقتباس:
معلش بدون زعل قلك أنو هي قمة الذنب أن تتهم الرب بشي أذية الله يلي بأمن بالله لازم يعرف أنو الرب مابيجي منه غير الخير والرحمة أما الشر و الأذية مننا نحن البشر تتذكر مرة جاد حط موضوع عن اذا كان الأنسان مسير ولا مخير؟؟ أنا مابدي طول بالرد بس رب العالمين لما بيعمل زلزال أو فيضان او اعصار بمنطقة فهو اما عقوبة للكافر أو تكفير سيئات للمؤمن أو زيادة حسنات للمؤمن شرط الأيمان أنو تكون ثقتنا بالله أكبر من تخيلاتنا بكتير اقتباس:
الله ماطلع مع حدا الله ارسل الكتير من الرسل والأنبياء من أول البشرية آدم لمحمد صلى الله عليه وسلم وكل نبي حكى بشيء وبشر بشيء اقتباس:
من وين اجت الأرض؟؟مارح قلك البراكين كرمال ما تقلي انها عبارة عن حمم بالأرض الأرض السماء البحر مين كونهم مين خلقهم مين أوجدهم ؟؟ صدقا وقت بحكي هيك مابقدر غير قول سبحان الخلاق الله سبحانه وتعالى اقتباس:
طيب ليخلقوا انسان مابدهم خلايا من انسان انت هيك دخلت بقصة البضا والدجاجة!! اقتباس:
طيب كمان اذا تركيبة جسم الأنسان هيك رح نرجع لمين كون تركيبة ها الأنسان يعني مابعرف كيف بدي شك بوجود خالق للكون وللبشر وانا كلشي حواليي من خلق الرب الليل النجوم القمر اقتباس:
بستحي قلك :p بتخيل أنو الأنجيل بيتفق مع القرآن بقصة آدم وانو الرب غضب عليهم ونزلهم على الأرض وتزوجو وجابو اولاد كثر رح حطلك شجرة اولاد آدم اقتباس:
|
سورة البقرة
أعوذ بالله من الشيطان الرجيم بسم الله الرحمن الرحيم هُوَ الَّذِي خَلَقَ لَكُمْ مَا فِي الْأَرْضِ جَمِيعًا ثُمَّ اسْتَوَى إِلَى السَّمَاءِ فَسَوَّاهُنَّ سَبْعَ سَمَوَاتٍ وَهُوَ بِكُلِّ شَيْءٍ عَلِيمٌ (29) وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لَا تَعْلَمُونَ (30) وَعَلَّمَ آَدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنْبِئُونِي بِأَسْمَاءِ هَؤُلَاءِ إِنْ كُنْتُمْ صَادِقِينَ (31) قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ (32) قَالَ يَا آَدَمُ أَنْبِئْهُمْ بِأَسْمَائِهِمْ فَلَمَّا أَنْبَأَهُمْ بِأَسْمَائِهِمْ قَالَ أَلَمْ أَقُلْ لَكُمْ إِنِّي أَعْلَمُ غَيْبَ السَّمَاوَاتِ وَالْأَرْضِ وَأَعْلَمُ مَا تُبْدُونَ وَمَا كُنْتُمْ تَكْتُمُونَ (33) وَإِذْ قُلْنَا لِلْمَلَائِكَةِ اسْجُدُوا لِآَدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ (34) وَقُلْنَا يَا آَدَمُ اسْكُنْ أَنْتَ وَزَوْجُكَ الْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَذِهِ الشَّجَرَةَ فَتَكُونَا مِنَ الظَّالِمِينَ (35) فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُوا بَعْضُكُمْ لِبَعْضٍ عَدُوٌّ وَلَكُمْ فِي الْأَرْضِ مُسْتَقَرٌّ وَمَتَاعٌ إِلَى حِينٍ (36) فَتَلَقَّى آَدَمُ مِنْ رَبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ (37) قُلْنَا اهْبِطُوا مِنْهَا جَمِيعًا فَإِمَّا يَأْتِيَنَّكُمْ مِنِّي هُدًى فَمَنْ تَبِعَ هُدَايَ فَلَا خَوْفٌ عَلَيْهِمْ وَلَا هُمْ يَحْزَنُونَ (3 وَالَّذِينَ كَفَرُوا وَكَذَّبُوا بِآَيَاتِنَا أُولَئِكَ أَصْحَابُ النَّارِ هُمْ فِيهَا خَالِدُونَ (39) |
آدم أبو البشر ؛ فهو أوّلهم القول الأول : وهو الذي يقول بتزاوج الأولاد الذكور بالبنات وقد كان هذا محلّلا في اول الخليقة ثم حرّمه الاسلام . القول الثاني : وهو الذي يقول : بأن الله سبحانه لم يجعل نسل الأنبياء من حرام بل انزل الله وخلق للذكور حوريات فتزوج الذكور بها كما خلق الله للبنات حورعين فتزوجوا وكان النسل من هذا التزاوج . واما بالنسبة الى زيادة البشرية وتكاثرها فهو أمر ممكن ، لأنه لا يلزم افتراض ان الزيادة قد حصلت مباشرة من آدم وحواء حتى يقال كيف حصل هذا الخلق الكثير من آدم و حواء بل حصل بتوسط ذريتهما |
اقتباس:
:shock: صعقتيني بهالجملة .. يعني مثلاً هلق إذا صار زلزال و متت أنا عبعاقبني لأني كافر شو عقلو صغير يعني حط نقرو من نقري .. طيب مدام بدو ياني آمن فيو .. يعطيني مقدرة عقلية أقدر أفهم أنو هو الخالق غير المخلوق يعني ليش ليحسابني على شي هوي ما عاطاني يا أنا حالياً ما عبقدر أفهم أنو في شي اجا من لا شي هي إذا افترضت وجوده أول شي :frown: |
اقتباس:
استغفر الله :pos: فلاتنسى أنو هو يلي خلقك وبعتلك أكتر من طريق وسبيل للهداية وأنت رفضت أنت هلىء أعد على كمبيوترك أنت حر فيه ممكن ياكل خبطة منك اذا عصلج معك بشغلة أو اي شيء ويمكن ها الخبطة تعطلو وتضطر تجيب بدالو او تعطبو اقتباس:
عطاك ياها رب العالمين بس الآية الكريمة بتقول ((أن الله يهدي من يشاء)) أنت حاليا بقمة قدراتك العقلية والدليل انك عم تحكي معي وعم تستخدم جهاز القرن 21 المليان بالعصلجات لكن في ناس بحاولو يديرو عقلون محل مابدهم لأنك أنت خلص مابدك فرح تفهم الأمور متل مو أنت مسبقا عم تفكر ممكن طيب أعرف أنت كملحد بوجود الله شو نظريتك؟؟؟ من وين بتعتقد أنك أجيت؟؟ والأرض والسماء و الشمس و القمر والنجوم والكواكب والخضار و الفواكة ....................الخ من وين أجو؟؟؟؟؟؟ :larg: |
اقتباس:
ممكن تشرحيلي الاية اللي حكيتي عنها لانو ممكن تنفهم بطريقتين ملحوظة: انا عم حاول رد رد طويل بس المشكلة ما عندي وقت عم فوت بالسرقة الله وكيلكن :D |
اقتباس:
و هالدنيا كلا حرام .. لأني كانت قبل حرام يعني العالم كلو نشأ عالحرام هيك بفهم من ه القول اقتباس:
شايفة شو المشكلة أنا مالي مستعد أجمد مخي بنقاش .. بالنسبة الك نتجيتو الكفر .. لسا ما حكينا كلميتن بديتي تستغفري و تسبحي اقتباس:
عطيني طريقة وحدة بأي دين لإثبات أنو الله خالق غير مخلوق سواء كان براهماتي أو غير ذلك لأتبعو لو كان الطوطمية اقتباس:
لاء غلطانة سمحيلي فيا .. هاد الجهاز و للأسف عندي استعمالو أسهل من لعب الطابة .. يعني كتير بسيط ما معقد .. و لاحظي انتي اللي فايتة بفكرة مسبّقة عن الموضوع ... و لما وصلنا للشدة و الحزة .. بدي الاستغفار و كمان نقطة كنا عمنحكي عن وجود الله و عدموه من خلال الـ Dna شو دخل سورة البقرة هيك نقاش بدو تجرد كامل من أفكارك كلا اقتباس:
و مع ذلك رح أجاوبك أنا حالياً عبدور عن " الله " و في عنّا فرضتين الأولى ما يكون موجود فعلاً رح تقليلي من وين اجو ه الشمس و ه القمر .. متل ما قبلتي و رضيتي إنك تآمني بالله .. و أنو هوي ما انوجد .. لازم تقبليا كمان أنو الشمس و القمر م حدا خلقون .. يعني انتي هاد الشي بالنسبة الك مبدأ يقبل التطبيق " الوجود من غير موجد " هي أول فرضية التانية يكون موجود فعلاً اقتباس:
|
اقتباس:
يعني هلا اي واحد ما وصلو التبليغ الاسلامي...قبل الاسلام يعني بعصور الجاهلية قبل... الله ما حيحاسبهم اكيد لانو ما اجاهم مين يدلهم على دليل الاسلام طيب عندي سؤال شفت الكل عم يتهرب منو ليش ما عرفت انو هي الطبيعة وهي السما..كيف قدر الانسان يخلقها او يساويها ممكن حدا يقلي؟؟؟ هي الجاذبية يللي بالارض مين هاد يللي قدر يفوت ويدحشها جوا مركز الارض معلش ليش عم تقولو انو خلونا بعاد عن الطبيعة هاتو لنشوف جاوبو طيب بدي اسالك...خيو بلاك 100 وردة:D ممكن اعرف سبب عدم ايمانك بالله عز وجل يعني انو ليش مالك مامن بوجود الله ..السبب لانك مالك شايفو ولا ؟؟؟ ناطر ردكم بس بسرعة شوي |
اقتباس:
ببساطة و من دون طولة حكي .. متل ما انت قبلان أنو الله ما حدا خلقو أنا من الممكن أني أقبل الطبيعة ما حدا خلقا .. بس الفرق البسيط .. انت ما عبتشوف الله .. أنا شايف الطبيعة ;-) اقتباس:
أنا مجرد أني قبلت أتناقش بهالموضوع بتجرد عن أفكاري .. و أنا لعيت فوق و طلع بلعي و أنا أشرح في حال كان في الله و في حال كان م في الله بس راجع آخر رد الي فيو الجواب و أهلين يمان :D |
اوك وانا معك...وصلت لشغلة كتير حلوة
بس بتمنى انك ما تزعل ا وتفهم حكي هلا غلط... :D اقتباس:
هاد معناه انو هي الاشياء يللي هون ما انوجدت لحالها يعني نحنا عم نحكي انو الله هو يللي خلق هاد الشي ولا البشر ولا لوا الشمس ولا ولا متل ما كان عم يحكي هاني معناها هاد الشي اكيد في شي خلقو انا هون كانت نقطتتي انو بدك تقلي هي البشر الموجودة على سطح الارض مين خلقها بس النقطة الاهم كانت هون اقتباس:
انت شايف عقلك شي؟:? لا عم احكي جد انت شايف عقلك؟ كيف بتامن انو عندك عقل اذا مانك شايفو؟ صح و100 وردة:D |
شباب هي قصة حلوة اقروها بس...بيجوز تعجبكم بيجوز تفيد بيجوز تتمسخرو ... بس ما في خسارة ذهب رجل الى الحلاق لكي يحلق له شعر رأسه و لحيته . . . و ما أن بدأ الحلاق عمله في حلق رأس هذا الرجل ، حتى بدأ بالحديث معه في أمور كثيرة . . .الى أن بدأ الحديث حول وجود الله . . قال الحلاق :-" أنا لاأئمن بوجود الله " قال الزبون :- " لماذا تقول ذلك ؟ " قال الحلاق :- " حسنا ، مجرد أن تنزل الى الشارع لتدرك بأن الله غير موجود ،قل لي ، إذا كان الله موجودا هل ترى أناسا مرضى ؟ وإذا كان الله موجودا هل ترى هذه الاعداد الغفيرة من الاطفال المشردين ؟ طبعا إذا كان الله موجودا فلن ترى مثل هذه الالام والمعاناه . أنا لاأستطيع أن أتصور كيف يسمح ذلك الاله الرحيم مثل هذه الامور. فكر الزبون للحظات لكنه لم يرد على كلام الحلاق حتى لايحتد النقاش . وبعد أن إنتهى الحلاق من عمله مع الزبون . . خرج الزبون الى الشارع ... فشاهد رجل طويل شعر الرأس مثل الليف ، طويل اللحية ، قذر المنظر ،أشعث أغبر ، فرجع الزبون فورا الى صالون الحلاقة . . .. قال الزبون للحلاق :- " هل تعلم بأنه لايوجد حلاق أبدا قال الحلاق متعجبا . . كيف تقول ذلك . . انا هنا وقد حلقت لك الان قال الزبون " لو كان هناك حلاقين لما وجدت مثل هذا الرجل قال الحلاق " بل الحلاقين موجودين . . وأنما حدث مثل هذا الذي تراه عندما لايأتي هؤلاء الناس لي لكي أحلق لهم . قال الزبون " وهذا بالضبط بالنسبة الى الله . . . فالله موجود ولكن يحدث ذلك عندما لايذهب الناس اليه عند حاجتهم . .. . ولذلك ترى الالم والمعاناه في العالم. |
اقتباس:
اي فيني أقلك شايف عقلي و فيك أنت تشوف عقلك مجرد تصوير بالرنين المغناطيسي أو مدري شو بسمو .. بتشوف من أصغر خلية عصبية لأكبر خلية كمان عصبية .. :D |
| الساعة بإيدك هلق يا سيدي 05:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون