|
رح قول كم كلمة للجميع
يا اخواتي نحنا كلنا اخوا و حبايب بس وقت الانسان بشوف كم صورة سيئة عن دين معين بصير ياخد فكرة سيءة عن هاد الدين انا ما عم احكي عن حالي عم احكي عن العموم لهيك مثلا بس تقول لأبوك انا بحب وحدة مسلمة بقلك اذا بدك تتزوجا انت مو ابني ( مثال ) طيب ليش يا ترا ؟ انا بقلك لأنو بس يشوف واحد ماشي بالطريق بشوف بنت مانا لابسي حجاب بصير بسب عليا هاد مثال غصير انا ما بدي فوت بحوار ديني بس بدي قول انو مجتمعنا غير قابل للحضارة و للاسف مافينا نقول نحنا منغير و نحنا عنا قدرة لأنو المشكلة كبيرة و يلي بأيدو المفتاح كب المفتاح بالمحيط الاطلنطي لهيك انا بقول الدين خط احمر يا معلم :pos: وخصوصي بالحب اسف لأنو دخلت بحوار ديني بس هاي هيا المشكلة :D |
كلامك صحيح
بس ليه ما نحاول احنا نغير الشعب ونحولوا للاحسن مو هيك افضل |
اقتباس:
منحاول عقدنا على قد الوحدة الصغيرة بس على مستوا المجتمع صعب صعب كتير :D |
ما في شي صعب
وبعدين ما في شي بيجي مرة وحدة يعني خطوة خطوة احنا منغير الي بعدنا بغيروا لحتى يتغير المجتمع ما هيك:D |
اقتباس:
يعني نحنا منحكي حكي و بس يوصل الموس لدقننا منقول لاء عيب على كلن وجهات نظر قابلا للأختلاف تحياتي :D |
وجهات نظر
اخر شي ممكن قولو انو الشخص العاقل ما بيستغني لا عن دينو ولا عن حبيبه ما تسألوني كيف بس هاد الي طلع معي لانو القصة عم بتعدوها كتير وانا تعبت |
اقتباس:
انتي بتحكي صح دانا و جيمس كمان بيحكي صح بعتقد المشكلة مو في الدين بقدر ما هيا بعادات وتقاليد عفنة اكل عليها الدهر وشرب لانو ما في دين بالكون بيرفض الحب ولا السمو بين البشر الله واحد بكل الاديان بتختلف المناهج بين الاديان لكن امام ايمانا بوجود خالق واحد واتفاقنا كلنا على هيك بعتقد انو لو حب انسان يغير دينه لاجل شي مقدس متل الدين لازم المجتمع والاهل يساعدو الانسان انو يسموا بنفسه وبمشاعره بهيك ممكن يختلف وضعنا ونقضي على كل تعصب بينا وبنقدر كمان نقبل الاخر ونلغي مفهوم رفضنا للاخر يمكن هالشي يخلينا نصير انضف وانبل من هيك تحياتي جيمس الغالي ودانا وما تفهم كلامي جيمس اني قصدت اسلام ومسيحية انا بحكي بشكل عام :D |
معك حق وائل....انا مو عارفة ليه العرب بشكل عام صايرين هيك
يعني التعصب زايد والغل والكراهية زايدة و ما حدا رح يحل هالمشاكل غير الاجيال هي و الاجيال الجاية ولا المشكلة رح تزيد اكتر واكتر وبرأيي المشاعر والاحاسيس ازا حدا منعها وقمعها ...بيدمر الانسان ممكن مو بالشكل الخارجي وكمان من جواتو حسب علمي انو الانسان ما فيو يكون انسان ويعيش من دون الاحاسيس:D ومشكورين |
اقتباس:
لمعلوماتك دانا انا نفضت الموضوع هذا من مخي لانو عم اصطدم بافكار غريبة لكن هلاء رجعت شاركت برغم اني كتبت قبل هيك اني ما راح شارك بالموضوع بس لانو حسيت انك عم تحكي صح ومن منطلق محبة وتسامح بتمنى انو نرتقي بانفسنا ونحاول نصلح شوي من مفاهيمنا الخاطئة لعل نرجع بشر بنفهم متل زمان مشكورة دانا :D |
تسلم وائل
لك عنجد الوضوع بتعب مع هيك ما فيو الواحد يتركو ويروح ازا الكل اتعاونوا واتفقوا على التغيير صدقني بيتغير الوضع وطول ما احنا قاعدين وكل مرة منهرب وما منواجه الحدث رح نرجع لورا اكتر وبظن مو ناقصنا رجعات ورجعات مشكور اخ وائل:D :D |
مبعرف شو بدي قلك
انا نتيجةزواج مدني والدتي مسلمة ووالدي مسيحي وكل مادا عم بفكر بالموضوع كيف قدرت امي تقترن برجل مسيحي ويف وافقوا اهلها واهله لما بشوف هالتوافق العائلي بين عيله والدي ووالدتي بقول والله مكان فيه مشكلة الظاهر بس يمكن ايامها حصلت مشاكل مبعتقد لنه باينتون سمنه على عسل الحب هاد متل القطر مافي شيء بيوقف ضده جايز ميتزجوا الحبيبن بس مافيك تمنع القلب من الحب |
أرى أن الجميع متحمس للتغير ..
وكل منا يطرح افكار وطرق .. ومع هذا لم اجد جوابا .. لانها معادلة بسيطة .. ( في وضع كهذا ) كسبت الحب خسرت دينك كسبت دينك خسرت الحب .. اما من يقول نوفق بين الاثنين .. فاسعفوني كيف .. لاني لا اجد استثناء ابدا هنا ودمتم بود |
اقتباس:
أنا ما بعتقد انو الله فرض الدين لحتا يمنع الحب ؟؟ و هاد عكس معادلتك بس مافي مشكله كتير معادلات الها عكوس ... بس ما رح ادخل بشي أكبر من اني قلك انو الله بيحبنا و هاد اساس الدين فبالتالي الدين هو حب؟؟ و الدين منطق يعني مافي شي بتعمليه اذا مانك مقتنعه ليش عم تساوي فبتقدري تحبي و تحافظي ع الدين و بما انك انثى فمتل ما سبق و قلت صعب شوي تشوفي حالك بهالمكان انك تغيري دينك خصا اذا كنت " مع اني ما بحب سمي الأديان " مسلمه سلام |
اقتباس:
ومن ثم انا لم اقل انني اعارض الحب او الدين .. لانني في وسط الامور كلها .. بل علقت على كلمة شعبنا لا يحي الحضارة وعلينا الغيير .. ومنهم من اقترح الزواج المدني .. لحل للمشكلة مع انه من وجهة نظري انه لا يزيد المشكلة الا تعقيدا .. فمثلا .. ان كنت مسلمة .. واحببت مسيحي فرضا .. ان تركته لديني خسرت حبي ,, وان ارتبطت به خسرت ديني .. وهذا ما اصبو اليه .. ان للحضارة هنا وللتغير لا صلة ابدا .. لانه امر واضح .. |
اقتباس:
مشكورا على كلن و معك حق انو القصه مشربكه و الله يعينو اللي بيوقع بيهيك موقف يا لله ما مشكله الله بعين ما رح اتشعب أكثر بالموضوع لانو شائك أكتر من اني أنا او انت نحكي عنو ؟؟ علماء و دريسين دين ما عم يلاقولو حل مشان هيك أنا رأي انو الموضوع لكل واحد يعطي رأيو بس ما ليلتقا حل لانو حاليا ما في حل في بس تقبل أو لا تقبل شوفي مشاركتي السابقه انت كمان اذا بتحبي سلام |
اقتباس:
عفوا:oops: |
مشكوررررررررررررر على هل موضوع الحلو
|
اقتباس:
مشكورة على مرورك بس وين وجهة نظرك ورئيك بالقصة ;-) |
| الساعة بإيدك هلق يا سيدي 21:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون