|
7 ملف مرفق .
الظاهرة يللي حبيت وقف عندها هي الموسيقيين في المترو....
بقلب المترو....ع ارصفة الانتظار....بالممرات.. طبعا في منهم فقراء بيجمعوا مصاري ليعيشوا وفي منهم فرق محترفة لكنها مغمورة....بتعزف وبتعرف الناس فيها وبتبيع البوماتها كمان.... |
8 ملف مرفق .
راح نطلع من المترو ونزور برج ايفل والتروكاديرو مقابيلو.....زيارتنا ليلية نهارية....
|
5 ملف مرفق .
بنكمل ع قوس النصر.....يللي بيبعد حوالي تلت ساعة مشي عن برج ايفل
وهو باحد طرفي جادة الشانزليزيى يللي بتنتهي بالطرف التاني بساحة الكونكورد والمسلة المصرية |
مابعرف ازا بيصير حط مداخلات بهالموضوع ...هي اول مرة لاني بزورو
بس اخدتلي عقلي هالمناظر وماقدرت الا احكي عنجد لحد الان شي خيال :D :D |
اقتباس:
|
اقتباس:
منور بوجودك ووجود سفراء الابداع بأخوية:D |
يسلمووووووووووووووووووووو ووووووووووووووووووو
|
5 ملف مرفق .
جادة الشانزيليزيه champs elysees
راح نبلش كزدورتنا فيها منطلقين من قوس النصر ومتجهين باتجاه ساحة الكونكورد.... هالجادة الاكثر شهر بباريس هي واحد من اكثر الاماكن ازدحاما.....ناس من كل الجنسيات...سيارات من كل الموديلات...محلات من كل الاصناف....بالاضافة للمقاهي ذات النمط الباريسي الشهيرة بتوضعها ع الارصفة.... هون راح نعطيكون ساعة,,,كل واحد يروح محل ما بدو....فيكن تفوتوا ع محلات الازياء...او ع معارض السيارات..او تقعدوا تسترخوا وتاخدوا فنجان قهوة وسيجارة....ويللي بدو يبصبص ع الصبايا كمان فيه بس ما يلطش بصوت عالي...لا تشمسونا وتبهدلونا بين الاجانب.... اوكي اخواتي؟؟؟؟ يلاااا انطلقووا.....التجمع بعد ساعة بنفس المحل......... |
5 ملف مرفق .
ساحة الكونكورد والمسلة المصرية
يلا شباب....خلصت الساعة...تجمعوا لشوف... راح نكمل مسيرنا بالشانزيليزيه لنوصل ع ساحة الكونكورد.... طيرو تصورو جنب النوافير....ولا تنسوا تتفرجوا ع المسلة المصرية.......... |
6 ملف مرفق .
كاتدرائية نوتردام.....Notre dame de Paris
للتوضيح شوي Notre dame تعني our lady يعني سيدتنا وهيك بيكون اسم الكاتدرائية....كاتدرائية سيدتنا سيدة باريس....اي العذراء شدوا الرحال شباب....راح ناخد المترو من جنب ساحة الكنكورد ونروح ع الكاتدرائية الاشهر في باريس....الواقعة ع نهر السين.....التصوير مسموح ويللي بدو يطعمي الحمام ياخد معو كيس بزر.....ههههههه |
5 ملف مرفق .
اي اخواتي
عتمت..... وهلق كمان فترة صافية....يعني فيكن تتفرططعوا.... يللي بحب يسهر ويشرب ويرقص....فيه يروح ع Moulin Rouge...بس نصيحة ياخد دفتر الشيكات معو منشان يحط بحسابو انو بدو يدفع منيح....ويللي بيحبو فيهن يروحو ع شي بار يشربو ويسمعوا موسيقى...ويللي الهم مراء..نصيحة يروحوا يتعشوا ع شي ضهر مركب-مطعم بنهر السين.... بركة بنلتقي الصبح لنكمل الجولة السياحية بباريس ان شاء الله تكونوا انبسطتوا اليوم..... |
بدي اعتذر ع مقاطعة الموضوع بس ذا لايط موضوعك بيجنن :D .. و يبعتلو ميت حمى حظي ع هالعيشة اللي عايشتها :pos:،، |
لك شو هاد يا thelight شي بياخد العقل........يعني صحي فت عملة كتييير ...بس شي بيجنن شو بدك بالحكي....:D :D
الله يطعمنا و لا يحرمنا:cry: |
اقتباس:
كان الله بدو يطعمني زيارة فرنسا بس الله لايفقو شيراك دخيل عينك اذا عندك شي عن موناكو هيك شي كم صورة وكم معلومة اذا مافيها سئلة |
اقتباس:
اقتباس:
اقتباس:
|
على فكرة
مترو الأنفاق هادا عنا متلو تماما بحلب وبشبهوا كتير مع شوية اختلاف بسيط |
اقتباس:
|
أنا بدي أجي لعندك .... يا زلمة ... شي بيجنن ... ( وعفكرة الأسلوب كتير بيشد ) هلق بس في نقلة شوي استغربتا ؟ أنو من الكنيسة عالمولان روووووج ... يا زلمي ...
|
| الساعة بإيدك هلق يا سيدي 01:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون