|
اللي عميحكيه كوستا في منو صح، ما بدي غير الموضوع و آكلي إنذار، بس بدي احكي نقطة يمكن تنفد للموضوع، يعني نحنا المسلمين من بعد الرسول-صلى الله عليه و سلم- كان في كتير تخبيص، و بالذات مشكلة خلافة علي بن أبي طالب-رضي الله عنه- و المشاكل اللي صارت، يعني بعصر أبو بكر و عمر و بعض من الخلفاء الراشدين كان في اعتدال و تسامح و عدل، بس بعدين كلشي خرب و تدمر، صار النزعة الحيوانية فين من حب للسلطة و النساء و المال هيي المسيطرة عالخلفاء، فصاروا يعدموا و يسنوا كل قانون بيسمحلن يقمعوا العالم، وكل هالشي بحجة الدين، و خربت أكتر بزمن العثمانيين، و كل هاللي عمبصير بحجة الدين و الله، يعني استخدموا الدين -اللي المفروض ينظم حياتنا و يبسطها- لمصالحن، يعني مسكوا الدين من دنبوا، و إذا ضل الوضع على ما هو عليه فلسطين إذا رجعتلنا رح تعاني من نفس المشاكل و ما رح تستفيد شي.
فبظن كوستا حكيو صح، بجوز غلط لما عمم، بس هوي ما قصدوا التعميم بقصد التعميم، لأ بس مشان إظهار الغالبية، و هوي حكا قبل مو ضد الدين، بس ضد اللي بطبقوا غلط، رغم إنوا ما بيؤمن بالدين، و بظن هادا موضوع تاني مالوا علاقة باللي عمنحكي أبدا. و صديقي كوستا آسف لأني نصبت حالي محامي عنك، مو استخفافا فيك، بس مشان وضح شلون أنا فهمت وجهة نظرك و ليش و كيف لقيتها منطقية. |
انت ليش معصب معلم روق شوي لحتى نحكي
اقتباس:
وهو مو بنص عقل بس انت ما بعرف اذا قريتلو غير ردود عم يطالب يساوي خلافة اي هي وين بتزبط بوقتنا هلأ ..... بعدين انا ما عم اقلب التاريخ التاريخ ما فيو عواطف الكل غلط ولسا عم يغلطو انت ليش هيك فهمتها ما بعرف اقتباس:
بعدين انا شفت شي رد الي فيو عنصرية او طائفية اذا بتلاقي واجهني في انا مستعد لك يا زلمة انا قلبت شيوعي لاني ما بحب هال الشغلات شبك يا زلمة بعدين انا عندي بالبيت القرآن والانجيل والتوراة وكلون بقرا فيهون وما لقيت شي غلط ليش هيك عم تفهمني ما بعرف |
اقتباس:
روق فلاش باك :D |
تسلم يا باشا، بعدين عادي، تعودنا عناس متل هادا سعيد يللي متبري منو محمد، أصلا معظم يللي حواليي هيك الله وكيلك، و شبدي أعمل،نصيييييييييييييييييي ييييييييييب.
|
اقتباس:
اما مشان هداك محمد مدري شو ربّو اي خلافة واي مسخرة عم يحكي فيها هلئ لسا في خلافات ليش ما شفنا الدولة الأموية كيف انهارت على يد الدولة العباسية بسبب (أمراء المؤمنين ) طبعا أخر جيل منن لأنن التهو بالملذات واشباع الغرائز ومشان القرآن والتوراة والأنجيل الله يزيدك ايمان ودعيلنا الله يهدينا بس شلون كتب سماوية وشيوعي ؟ بس برجع بأكدلك انا مافهمتك غلط لأنو انت ماحددت بالتفصيل وعبارتك كانت جارحة بشكل كبير وما الها تفسير تاني وانت وغيرك بتعرف انو انا بعيد كل البعد عن المذهبية والطائفية وما بحسبها على هالاساس |
عادي شباب، و الله عادي، نحنا صار سوء تفاهم طفيييييييييييييييف كتير، يا دوب مبين يعني، و إنتو التنين جماعة فهمانين، و بتحسبوها بعقلكن، بس شبدنا نعمل، هادا سعيد مشكلنا و راح، يللا أحسن، بلانا من هيك شكيلات.
روقوا شباب، عراسي شواربكن:D :yahoo: |
اقتباس:
اقتباس:
اقتباس:
اقتباس:
وانا بعرفك شو انت وما بدي مين يقلي عنك |
وتحية لكوستا وأبو طريق وسامو من القلب :D :D :D وصراحة النا الفخر يكون عنا شباب متلكن وهي كمان على البيعة :D :D :D
بالمناسبة هي بدي اعتذر من ابو طريق اذا صارسوء تفاهم بيناتنا بموضوع الثوابت الوطنية وين بدنا نسهر اليوم ؟ |
اقتباس:
هدول تنيناتهم رجال سياسة وليسو لا انبياء ولارسل ولكل منا الحق باعطاء رأي باي كان طالما انو ليس من الانبياء بموضوع عمر بن الخطاب فانا بعترف انو موقفي متسرع شوي |
اعذروني يا شباب بس هالردود السبام كلها شو الها طعمة .. أكيدكلكون عم تحكو مع بعض عالمسنجرات ... بتمنى ما نطلع عن الموضوع .
الردود السبام كلها انحذفت |
اقتباس:
كان عندي بعد نظر .. :lol: |
بيني وبينكم وبصراحة يعني
والله اذا راحت اسرائيل الا تتدمر فلسطين أكتر من ما هي متدمرة ... |
تأمين دولي!!!!!!!!!!
اقتباس:
صحيح، سمعت إنو اسرائيل بتعطي كل مواطن اسرائيلي بغض النظر عربي أو يهودي، بتعطيه تأمين دولي، يعني وين ما راح بهالدنيا بكون معاه تأمين، يعني شو ما صرلن حوادث أو أمراض بأي مكان بالعالم فهوي مأمن!!!!!!! يا ترى لو استلمت حماس أو حتى فتح السلطة، رح يعطوا للفلسطيني تأمين دولي؟؟؟؟!!!!!!!!!! :shock::shock::shock::shock::shock: :larg: |
اقتباس:
يعني بحس انو في اشي مش طبيعي ازا ما تنكد علينا وانقرفنا واتبهدلنا واكلنا هوا لشو الحكي احنا عالم تعود عالبهدلة والشحططة ! سؤالك صعب عليي صراحة مش عارفة اجاوبو :shock: |
اقتباس:
:frown: !!!!!!!!!!!!!!!!!!!!!!!!!!!!!!!!!!!!!!!!!! ايه خيتي معناتها ازا بتحبينا وحسب وجهة نظرك ادعي الله يديم اسرائيل !! اشربي يانسون !! :? |
اقتباس:
المسيحيين متوزعين بفلسطين بمناطق بيت لحم ورام الله و طبيعي جدا بما انهم الغالبية ببيت لحم فالأمور كلها بإيدهم وهون برام الله الأمور بالتساوي ! بتخيل شو ما كان ممكن تصير مشاكل هاي تحديدا ما حنختلف فيها :frown: |
اقتباس:
بالنسبة للصراع السياسي :o ازا تحررنا بعد كزا مليار سنة ما بتخيل نهائيا انو حماس وفتح تضل !! صراحة ع حكيكو صرت احس الاستسلام احسن وبلا منها المقاومة اقتباس:
رح احتفل بالتحرير وأفجر حالي فيه :o اقتباس:
هنية وعباس طابخينها سوا ! :? بعدين هم علقو بغزة بالضفة فتح قامعتهم :) احنا شعب فايع مقموعين من حماس في غزة ومن فتح بالضفة اقتباس:
وثبت لي بالوجه القاطع ان ما يجمع الطرفين انهم بيطبقو الدين بقصص بتخدم مصلحتهم وبينسو لمما بدهم :yahoo: حاليا الشعب قرفان من الطرفين وضيف الهم اليسار كمان :frown: |
اقتباس:
لازم نصير نهتف .... بالروح بالدم نفديكي يا اسرائيل |
| الساعة بإيدك هلق يا سيدي 14:32 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون